17/08/2026
පහුගිය සෙනසුරාදා meal prep එක කරන්න මම පාවිච්චි කරේ ගෙදර ඒ වෙනකොට තිබුණු ingredients විතරයි. මට ඕනෙ වුනේ මේ week එකේ කෑම වලට ඕනෙ කරන දේවල් වලට වියදම් නොකර ගෙදර තියෙන දේවල් වලට අනුව meal plan එක හදාගන්න. ඒකට no spend meals challenge එකක් කියලා කියන්න පුළුවන්.
No Spend Meals Challenge කියන්නේ මොකක්ද කියලා බැලුවොත්.
ඒ කියන්නේ අවශ්ය දේවල්වලට වියදම් කරන එක නවත්වන එක නෙවෙයි. අනවශ්ය වියදම් ටික කාලයකට නවත්තලා, දැනට තියෙන දේවල් වලින් ජීවත් වෙලා බලන challenge එකක්. මේ සතියට කෑම වලට අවශ්ය දේවල් ගත්තේ නැති වුනත් අපිට සතියට අවශ්ය වෙන fresh milk අපි supermarket එකෙන් ගත්තා. ඒ fresh milk අපිට අවශ්ය දෙයක් නිසා. නමුත් recipe එකක් හදන්න mince meat ඕනෙ වුනාට මම ඒක supermarket එකෙන් ගත්තේ නැහැ. මම බැලුවා ගෙදර තියෙන දේවල් වලින් ඒ වෙනුවට ආදේශකයක් පාවිච්චි කරන්න. ඔන්න ඔය විදිහට තමයි මම මේ no spend meals challenge එක plan කරේ.
ඒකට අපිට අවශ්ය කාලයක් තෝරා ගන්න පුළුවන්. උදාහරණයක් විදිහට දවස් 7ක්, 14ක් හෝ මාසයක් තෝරගන්න පුළුවන්. මුලින්ම මම පුරුදු විදිහට fridge, freezer, pantry සහ stockpile එකේ තියෙන දේවල් මොනවාද කියලා බලලා inventory එකක් හදාගත්තා. ඊලගට තියෙන දේවල් අනුව meal plan එක හදාගත්තා. Recipe එකකට ingredients ගන්නවා වෙනුවට, තියෙන ingredients වලට recipes හොයාගත්තා. ඒකට කියන්නේ reverse meal plan කියලා. මේ වැඩේදි අපිට පුළුවන් creative වෙලා තියෙන ingredients වලින් meals plan කරගන්න.
මම මේ විදිහ challenge එකක් ඉදලා හිටලා කරන එකෙන් මට ලැබෙන benefits කීපයක් තියෙනවා. ඒ තමයි fridge එකේ, Freezer එකේ, pantry එකේ තියෙන දේවල් නාස්ති නොවී පාවිච්චි කරන්න පුළුවන්, කෑම නාස්තිය අඩු වෙනවා, Takeaway වියදම් අඩු වෙනවා, Pantry එකේ අමතක වෙලා තිබුණු සමහර ingredients හොයාගන්න පුළුවන්, Meal planning skills වැඩි කරගන්න පුළුවන්, Creative recipes try කරන්න පුළුවන්, ඊළඟ grocery shop එකට කලින් තියෙන stock එක ගැන හොඳ idea එකක් ගන්න පුළුවන්, ඇත්තටම කෑම වලට කොච්චර වියදම් කරනවාද කියලා තේරුම් ගන්නත් පුළුවන්.
ඉතින් පහළ photos වල තියෙන්නේ no spend meals challenge එකට අනුව පහුගිය සෙනසුරාදා හදාගත්ත meals කීපයක්.
𝓙𝓮𝓮𝔀𝓲𝓽𝓱𝓪𝔂𝓮 𝓟𝓪𝓱𝓪𝓼𝓾𝔀𝓪𝓽𝓪 💕
