31/05/2026
🛑 واش كيسحاب ليك الكشكوشة والرغوة هي اللي كتنقي راك كدير لجلدك صابون الماعن وأنت ما جايب لدنيا خبار 🧼⚠️
كولنا بلا ما نكذبو على راسنا فاش كنمشيو الحانوت نشريو صابون ولا جيل دوش كنقلبو على اللي كيدير الرغوة بزاف وريحته مجهدة وزوينة كيحساب لينا باللي كلما كانت الرغوة كثر كلما غرقنا في النظافة كثر ولكن هادشي غلط
خاصك تعرف بلي ديك الرغوة الكثيرة اللي كتشوفها غالباا جاية من واحد المادة كيميائية سميتها SLS هاد المادة هي بيدها اللي كيديروها في تيد وصابون الماعن باش يحيدو ليدام الصعيب والزيت من المقالي تخايل معايا نفس المادة اللي كتحيد ليدام ديال الكوكوت كتحطها على جلدك الحساس كل نهار
هاد المادة قوية بزاف لدرجة أنها كتحيد حتى الزيوت الطبيعية اللي ربي دايرها في جلدك باش يحميك النتيجة هي أن الجلد كينشف كيوليو فيه قشور ومع الوقت كيبانوا التجاعيد دغيا والحساسية بلا سبب يعني أنت كيسحاب ليك راك كتنقى وأنت راك كتحيد الدرع الواقي ديال ذاتك وكتخليها عريانة قدام الجراثيم والوسخ
شحال من واحد كيخسر ميزانية على كريمات الترطيب الغاليين وهو كيدوش بصابون عامر SLS اللي كينشفو ليه بحال إلا كتحرق الدار وبغيتي تطفيها بكاس د الما
يعني من ليوما قلبي ولا قلب على الصابون اللي مكتوب فيه Sulfate-Free وخا ما كيديرش الرغوة بزاف كون هاني راه كينقي دوزو بخير ☺
💬 سؤالي ليكم ليوما واش نتوما من عشاق الرغوة والروائح المجهدة ولا كتحاولوا تقراو شنو مكتوب في العلبة ?
#نظافة #جمال #صحة #المغرب #الدارجة #نصائح
