Quel est le site Web ?

https://www.facebook.com/106061288975059/

Cook•with•Malak

Accueil
Algérie
Algiers Plage
Cook•with•Malak

Itinéraire

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Cook•with•Malak

, Cuisine, Algiers Plage.

03/06/2026

👩🏻‍🍳❤️

05/04/2026

مكاش لي يدير أندومي بنينة على تاعي 🫶🏻❤️
جيبو حبة بصل صغيرة ادو منها نص فقط وقطعوه رقيق وزيدو جيبو فلفل لي عندكم قطعوه بنفس الطريقة رقيق وقلوه فشوية زيت ولا زبدة مبعد كي ينقلوا مليح ويذبالو حتى يبداو يتحمرو زيدو مغرف صغيرة طماطم مصبرة ولي حب حاجة طبيعية يرابي حبة طماطم صغيرة … نخلطو مبعد نزيدو معدنوس مجفف ولا فري نقطعوه رقيق نديرو توابل الاندومي ولي مايحبهمش كيما أنا يدير ملح فلفل اسود وفلفل احمر ويبقى الاختيار ليكم …
مبعد زيدو نص كاس كرام فراش ونص كاس ماء ويلا حبيتو ديرو فبلاصتها شوية حليب وفرماج كيما تقدرو ماديروش كامل زيدو غير الماء وحطو الاندومي تاعكم طيب كي طيب تحبو تزيدو الفرماج رابي ولا تخلوها كيما راهي ديجا وحدها بنة … ويلا حبيتو البنة صح زيدو رشو ملفوق الجلجلان 😍😍

02/04/2026

كارانتيكا بونارين❤️
نديرو كيلة كاران مع 3كيلات ماء نزيدولهم ملح وكمون نخلطو مليح ونخلوها ترتاح على الأقل ربع ساعة ونشعلو هاد الوقت الفور ملتحت ومافوق لازم يسخن مليح ولي عندهم يسخن بالجهة شعلو ماتحت يسخن وجيبو سنيوة تكون متوسطة الحجم ادهنوها بالزيت وحطوها تسخن لازم تكون سخونة مليح قبل ماتفرغو فيها الكاران…
نرجعو للخليط نشعلو عليهم النار كي تبدّا لكاران تثقال وتبقبق يعني طابت نطفو ونزيدو كاس غير ربع زيت وكاس حليب وحبة بيض ونخلطو مليح ونفرغو فالسنيوة لي كانت سخنت ونطفو الفور ملتحت ونشعلو غير ملفوق …. وحد ربع ساعة العشرين دقيقة تكون تحمرت وطابت ❤️

08/03/2026

صحا فطوركم 🌙🥰

25/02/2026

بوراك العجين يجي بنين وخفيف غير جرّبوه 🥰
العجينة ديرو غير كيلة صغيرة بسكو يخرج بزاف أنا درت كاس ونص فرينة خرجتلي كامل هاديك الكمية لي فالطبسي…
كيما قلت ديرو الفرينة ومعاها مغرف كبيرة ونص زبدة وملح وبسسو مليح هاديك الزبدة مع الفرينة مبعد زيدو قرصة تاع خميرة كيميائية ولمو بالماء حتى تتحصلو على عجينة طرية ماتعجنوهاش لموها فقط وماتخلوهاش ترتاح غير تعجنوها اخدمو بيها ….
الحشو درت نص صدر دجاج قطعتو مربعات جد صغيرة ولا تقدرو ترحوه قليتو مع بصل فشوية زيت حتى يطيب نتبلوه بالتوابل لي حبيتو مبعد زيدو الفرامج لي حبيتو …
نفتحو العجينة بسمك رقيق ونطبعوها بطابع دائري نحطو الحشو ونغلقوها كيما نغلقو السوفلي ونقلوهم فزيت سخونة على نار متوسطة …❤️ كي تنوو طيبوهم وجدوهم على البكري وطيبوهم بسكو يشدو اليد وحتى كي يدفاو يبقاو بنان ومقرمشين …

24/02/2026

صحا فطوركم 🌙❤️

22/02/2026

خبز محشي بالطون والفرماج
العجينة كاس ماء دافي خلطوه مع مغرف كبيرة لحظة ومغرف خميرة خبز ومغرف سكر وخلوهم يتفاعلو ربع ساعة مبعد زيدو كاس غير ربع زيت مع بياض بيضة وخلطو مبعد لمو بالفرينة كي تتحصلو على عجينة طرية وماتتلاصقش زيدو دخلو فيها مغرف زبدة وخلوها تخمر حتى يتضاعف حجمها …
أنا هاد العجينة تخدم بيها معظم أنواع المخبوزات ..
الحشو درت طون وفرماج

22/02/2026

اسهل حاجة تقدرو ديروها للفطور كي تكونو عيانين ولا كي يروح عليكم الحال هي غراتين بطاطا بالدجاج 💛

الطبقة الأولى بطاطا مقلية
الطبقة الثانية بصل مكرمل
الطبقة الثالثة دجاج متبل بملح وفلفل اسود وتوابل الدجاج أو الكاري وفلفل احمر نقليوه فشوية زيت وزبدة .
الطبقة الرابعة صوص فرماج لي فيها كاس ونص حليب مع مغرف كبيرة نشاء خلطو بارد فبارد مبعد حطو على نار متوسطة مع التحريك زيدي ملح وفلفل اسود وكركم مبعد زيدي الفرامج لي حبيتي ..
الطبقة الخامسة والأخيرة فرماج رابي .

21/02/2026

تشيز كايك
الطبقة الأولى ڤاطو ارحوه فالاشوار وزيدوا زبدة ذايبة حتى يولي قوامو مرمل كي تزيروه بين يديكم يتماسك وفرغوه فالمول لي حبيتو وزيرو مليح حبيتو ديروهم صغار ولا تشيز كايك كبيرة ديراكت وحطوهم يبردو فكونجيلاتور حتى توجدو الكريمة …
الكريمة : كاس كريمة سائلة وكاس حليب وكاس شونتيي نطلعوهم مليح بالباتور
نجيبو ٢٠غ جيلاتين نذوبهم ففنجان ماء ونحطوهم فالفريجيدار عشر دقايق مبعد نجيبو ماسكربون ٢٥٠غ ولا تقدرو ديرو جبن امير زوج بايط ونطلعوهم مع هاداك جيلاتين لي كي يتنفخ نعاودو نذوبوه فحمام مائي مبعد نخلطو الخليط الأول تاع كريمة السائلة مع الخليط تاع الماسكربون ونزيدو زوج مغارف نيستلي كرامال ونخلطو وراهي واجدة نفرغو الكريمة فالمول ونحطوهم يبردو على الأقل خمس سوايع مبعد نديموليوه ونزينو ملفوق بالكراميل ولا شوكولا 🍫❤️

20/02/2026

بريك تونسي ولا عنابي كيما حبيتو سموه المهم بنين 😍❤️

Adresse

Algiers Plage

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Cook•with•Malak publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.