Les Délices de Folie en Bouchées

08/03/2025

صح رمضانكم🌙🌙
ب💖✨مناسبة عيد المرأة 08مارس 2025🎉🎊🎈🎂🎀🎁🎇🎇🎇🎆🧨
كل عام وانتم بألف خير 🤲❣️❣️♥️💖💖✨
😍 المرأة هي الأم والأخت والبنت والزوجة ...♥️💖
قال رسول الله صلى الله عليه وسلم:"إنما النساء شقائق الرجال ما أكرمهن إلا الكريم وما أهانهن إلا لئيم "
💖✨ عيدكم كل يوم ✨💖
💐متابعين تزهر بكم الحياة والأيام 🌹🌹🌷🌷💐💐💖💞تهنئة بمناسبة عيد المراءة اليوم العالمي 8مارس
تهنئة لكل إمرأة 💖
انت الام 💞💗
انت الأخت 💗💞💖
كل عام وانتن بالف خير، وكلكن منجزات ومبادرات ،معطاءات ،قاويات، ومحبات ٠٠٠٠٠كل عام وانتن أقوى من كل التحديات 💞💗💞💞
💞💗💗عيد سعيد ملىء بالأفراح 💗💞
💞💖تحياتي وتقديري واحترامي لكن جميعا 💞 💗💞💖♥♥♥♥
صباح النور 🌺صباحكم جنة معطر ب
الريحان 🌺🌹🌺🌹

27/02/2025

اللي طلبوني فوصفة العجينة المورقة هاذي هي الوصفة وبالتوفيق للجميع
_1 كغ فرينة
_20غ ملح
_100غ زيت
_2 ملاعق خل
_500 غ زبدة التوريق
_400 حتى 450غ ماء حسب الحاجة
نخلط جميع المكونات مع بعض ونلمها العجينة تكون يابسة ماشي مطلوڨة ولا طريه بزاف
ونخليها ترتاح نروحو للزبده نفتحوها تحبي تلميها بيدك وتخدميها مربع وتحطيها تشد روحها فثلاجه تحبي تضربيها بلحلال حتى تهبط تحبي تحكمي المبشرة تاع الفرماج ترابيها فوق لعجينة

نجيبو العجينة بعدما ريحت نفتحوها نرشو شويه فرينه فوق سطح العمل ونحط فوقها الزبدة ونحلها
كاين عدة طويات باش تخرجلك مورقه راهي موضحة في الصورة
_ تحبي ديري 6 تور سامپل
_ تحبي 4 دوبلي
_ تحبي 2 دوبلي
_تحبي 2 دوبلي1 سامپل
_تحبي 3 دوبلي 1 سامپل



#رمضانيات
#رمضانكريم

22/02/2025

وصفة (السفنج الخفاف )
كيلت بالكاس
خرجلي 12حبة
درت 4كيسان نتاع فرينة مغربلة حطيتهم في جفنة صغيرة
زدت عليهم مغرف كبيرة خميرة الخبز مغرف سكر عادي نص مغرف ملح وخلطت النواشف مع بعض وبديت نظيف في ماء دافيء درت زوج كيسان بالضبط وقعدت نخبط في العجين بيدي حتى العجين أصبح رطب
خليتها تريح مدة نص ساعة وعاودت هبطتلها الخميرة وزدت خليتها خمرت ربع ساعة
درت الزيت في يدي وشكلتهم كريات متوسطين
درت زوج مقليات وحدة فيها مغرف نتاع زيت والثانية كثرت فيها الزيت
نشكل الحبة نتاعي نحطها في المقلة الاولى تبدأ تنشف شوي نهزها نحطها في المقلة الثانية ونبدأ نفرغ عليها الزيت
قطريهم في كسكاس وحطيهم سفنج روعة روعة منبل وفارغ لداخل بالصحة و العافية

#وصفات #جزائرية
#اطباق #جزائرية
#وصفات #تقليدية
#السفنج
#الخفاف
#أكلات #بلادي

06/02/2025

#الجميع
مدام وقت البرتقال وقريب رمضان ازربي خزنيه راهو رخيص وبكثرة بطريقة سهلة جدا وما تخميش على العصير طول رمضان👌👌
جيبي البرتقال وأغسليه وقطعيه شرائح من غير ما تنحى القشرة وجيبي الليمون او رخيص جدا وكله عصير اغسليه وقطعيه شرائح من غير ما تنحى القشرة نحي العلف أى البذور فقط
جيبي أكياس الثلاجة وحطى فى كل كيس حوالى 3 برتقاله وواحدة من الليمون اللى قطعناهم شرائح ونربط الاكياس وندخلها الكونجيلاتور
كى تحبي ديري عصير طلعى كيس من الكونجيلاتور وحطيه فى الخلاط وحطى ماء وسكر واخلطى جيدا وصفيه يبقى معاك غير عصير جميل جدا وبكمية كبيرة حوالى 2 لتر من عصير البرتقال والليمون
البرتقال والليمون القشرة تطرى جدا فى الكونجيلاتور وكى يتضرب فى الخلاط كل نكهة قشرة البرتقال والليمون تنزل فى العصير ويبقى طعمه مركز وبنكهه قويه

#رمضان
#سهرات #رمضان٢٠٢٥

24/01/2025

و علاه تشرو الفايتين و هو ساهل ماهل فالتحضير و يوجد كميات لاباس بيها
هاي ليكم الوصفة ناجحة
نوزنو بياض البيض مثلا لقيناه 35غ نوزن جميع المكونات بنفس الوزن.
35غ زبدة+35غ سكر ناعم نخلط جيدا بالباثار ثم نضيف 35غ بياض البيض +35غ فرينة نخلط جيداا
في صينية فرن مفروشة بورق الزبدة و باستعمال پانسو نعمل طبقة رقيقة فوق الورق ندخلها فرن ساخن حتى نتحصل على اللون البني المطلوب (في مدة أقل من 10دقائق) نخرجها و نفتتها و نكرر العملية .نحتفظ به في علبة زجاجية محكمة الغلق.
يستعمل الفايتين في حشو الحلويات او تزيينها.

12/01/2025

أحبائي متابعي صفحة les delices de folie en bouchée

اشتقت لكم كثيرًا! 💕 بعد غياب طويل، عدت إليكم بحماس أكبر وأفكار جديدة ومميزة في عالم الطبخ.

جهزوا أنفسكم لوصفات شهية، أفكار مبتكرة، ونصائح تجعل وقتكم في المطبخ أسهل وأمتع. سواء كنتم تبحثون عن وصفات سريعة، أطباق رئيسية، أو حلوى تضيف لمسة سحرية لمائدتكم، ستجدون كل هذا هنا قريبًا!

شاركوني في التعليقات: ما نوع الوصفات أو الأفكار التي تحبون أن أبدأ بها؟ دعونا نعود بقوة ونبدع معًا!

انتظروني قريبًا مع منشورات لذيذة لا تفوتكم 🍽️🔥

مع حبي دائمًا،
[les delices de folie en bouchée ]

11/03/2024

اللهم بلغنا رمضان وأعني ويعينكم على صيامه وقيام الليل
يارب اجعلني من الصالحين فى شهر رمضان . أتمني لكم شهراً مليئ بالاستغفار والتوبة. نتمنى أن يبارك الله فى أعماركم ويجعله شهر الخير والمغفرة لكم جميعا يارب 🤲

02/03/2024

راه رمضان على الابواب اللهم بلغنا اياه غير فاقدين و لا مفقودين
و لهدا صفحتنا les délices de folie en bouchées توفر لكم
عحينة مورقة
كورني بعجينة المورقة
لي مونشون بالحبن
فولوفون بصلصة الحبن
كيش صغار و متوسطين و كبار (حسب الطلب )
فون تاع ليطارط كبار متوسطين صغار (حسب الطلب)
الطلب يكون يومين من قبل

مرحبا بكم

02/03/2024

شباح السفرة شان او همة الشكل روعة و البنة لا تقاوم


لطلباتكم يرجى التواصل في الخاص


#رمضان #رمضانكريم

شباح السفرة شان او همة الشكل روعة و البنة لا تقاوم


لطلباتكم يرجى التواصل في الخاص


#رمضان

29/02/2024

مقروط مقلي مرمل يذوب فالفم 😋🇩🇿
الوصفة: 3 كيلات سميد
خلطي بين المتوسط ونصف خشن نص كيلة سميد رطب
نصف ملعقة صغيرة ملح خلطوهم وزيدولها كيلة ناقصة ربع زبدة ذائبة و سمن وكملوها بزيت بسووهم مليح مليح هنا لازم دخلو ليدام في سميد مليح ومبعد غطوهم بكيس بلاستيكي وزيدو سربيتة وخلوه يبات ليلة كاملة وغدوة احكمونص كيلة ماء وماء الزهر وندخلوها في السميد عن طريق الرش ونغطوه ونخلوه 2سوايع ونرجعو ليه
شمخوها بماء وماء زهر متخافوش من ماء شمخوه مليح باش ميتفتحلكمش فالمقلة وغير بصباع يديكم باش ميتعجبنش وديروه حربوش وديرو فتحة في وسط وحطو فيها تمر لي تكونو درتوله نصف ملعقة زبدة وعجنوه بماء زهر حتى يولي عجينة طرية ومبعد شكلو حبيبات المقروط تاعكم لا حبيتوه مرمل من الفوق قبل ما تشمخو سميد تاعكم حطو حفنة في بول وكي تغلقو على تمر وتحربشو الحربوش تاع المقروط رشو شوي سميد من الفوق وجوزو عليه بيدكم قطعوه عادي او بطابع كيما تحبو وطيبوهم في زيت يكون ساخن على نار هادئة باش يطيبلكم من داخل ملاحظة: اذا شفتوه يتفتحلكم في مقلة يعني مشمختوهش مليح ولكن متخافوش احكمو حبة تاعكم اغطسوها في ماء وقطروها وديروها طيب مراحش يتفتحلكم والحبة كي طيب مباشرة نديروها في عسل يكون بارد بدون اضافات خلوه في عسل حتى طيب مقلة لي بعدها نحوه حتى تكملو كامل كمية وبقاو مرة على مرة ديروه في كسكاس وعاودو فرغو عليه عسل حتى تشوفوه تعسل كيما يحب خاطركم وصفة ناجحة من اول تجربة بصحتكم خياتي الي في الصورة مقروط لمريضة بالسكر طلبت عدم تعسيله

18/02/2024

بليغات الجنجلان معسلات رمضان
المقادير
250غ دقيق
250 غ جنجلان
ملعقة كبيرة نافع مطحون
ملعقة صغيرة قرفة
رشة ملح
اصفر بيضة
ملعقة كبيرة زبدة
ملعقة كبيرة زيت
ربع كاس ماء الزهر
الطريقة نجمع المكونات كلها حتى نحصل على عجينة ونسرحها بي المدلك ونقطعها على شكل مربع وبعدها نقابها في الزيت ونضعها في العسل بالصحة والراحة ❤️❤️❤️

15/02/2024

🌹وصفة حلوة الطابع معشوقة الكل 🌹

🌸 المقادير 🌸

كيلة بيض ( مايعادل 4 حبات متوسطين بدرجة حرارة الغرفة)
كيلة سكر عادي
كيلة زيت
نص كيلة مايزينة
فانيليا ،قشور ليمون او برتقال
2 كيس خميرة حلويات
ملعقة كبيرة خل
4 كيلات حتى خمسة فرينة

🌸طريقة التحضير 🌸
في ايناء نضرب البيض +رشة ملح+سكر والفانيليا مليح بالخلاط الكهربائي حتى يتضاعف حجم البيض ويتغير لونه يولي ابيض نضيف عليهم الزيت تدريجيا بعدها نضيف عليهم النواشف بعد ما كنت غربلتهم نمزج بواسطة اليد الخليط ونجمعه بالفرينة حتى نتحصلو على عجينة طرية نخليها ترتاح مدة من الزمن بعدها نجيب العجينة ونفتحها على طاولة العمل على الزيت
( حلوة الطابع باش تجيك طرية و ما تيبسش مام طول)
فالاول نستعمل يدي كأني نخبز فالكسرة نعاون روحي بالحلال فقط بحيت السمك يكون 1 سم ونطبعها بأي طابع يكون موجود عندي و الاشكال المتوفرة بعدعا ندهنها بصفار البيض ونحط فوقو فارميسال او سكر عادي وندخله للفرن يكون مسخن من قبل على 180°

طلبية الطابع بالطلية

🔴الطلية
نصف فنجان حليب +نصف فنجان ماء الزهر+نصف فنجال زيت خدميهم مليح زيديلهم سكر ناعم حتى تولي عجينة وضيفيلها نصف فنجان ليمون بالتدريج حتى تتحصلي على القوام المطلوب

بصحة و العافية ان شاء الله