Le coin sucré by MB-Queen

Le coin sucré by MB-Queen Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Le coin sucré by MB-Queen, Bordj Bou Arreridj.

🍰 Le coin sucré by MB-Queen 👑
Pâtisserie maison • Cake design • Chocolats fourrés • Délices personnalisés
🎂 حلويات راقية وكيك مزين بإتقان، مصنوعة بحب 💕
📍 Fait maison à [Bordj bouarreridj]
📩 Commandes via DM 💌
✨ Goûtez la douceur royale ✨

10/08/2026

أحلى حاجة تفرّحني بعد كل commande؟ 🥹❤️
هي كي يرجعلي الزبون ويقولي بلي عجباتو الخدمة والذوق 🫶🏻✨

شكراً من القلب لكل واحد يثق في خدمتي ويشارك رأيو معايا 🤍
كلامكم هو أكبر تشجيع باش نزيد نطور ونقدم الأفضل دائماً 🎂✨

09/08/2026

حبيت اليوم نوضحلكم حاجة بخصوص أسعار الكايك 🍰❤️
كاين بزاف ناس يشوفو des cakes من نفس الحجم ويقولو: «علاش هذا أغلى من هذا؟»
والسبب بسيط: السعر ما يتحسبش بالحجم وحدو.
السعر يختلف حسب الحشو، نوع الشوكولا والكريمة، كمية المواد المستعملة، الديكور، التزيين والوقت لي يديه كل تزيين والتفاصيل الموجودة في كل كايك الـ Cake Design، الـ Layer Cake، والوقت والمجهود اللي يحتاجو كل مودال ✨
كاين كايك بسيط بتزيين خفيف، وكاين كايك يحتاج ساعات خدمة وتفاصيل دقيقة ومواد أكثر… طبيعي ما يكونوش بنفس السعر.
وزيد على هذا، المواد الأولية (السلعة المستعملة في صناعة هاذ ليكايك) اليوم أسعارها مرتفعة، من الشوكولا والكريمة والبيض والزبدة والمكسرات والفايتين وليبوري دفروي والكرامال... الخ حتى مواد التزيين والتغليف.
وأنا كي نحسب السعر، ما نحسبش غير المواد اللي تبان في الكايك، نحسب ثاني وقت الخدمة والتحضير، جهدي وتعبي والكهرباء، التغليف وكل التفاصيل اللي تدخل باش توصلكم حاجة نظيفة ومصنوعة بحب وترضيكم وتحمرلكم وجوهكم في منسباتكم قدام ضيافكم لي ماتخليكمش تندمو انكم درتو ثقتكم فيا وكمونديتو عندي لانو متأكدة بلي نتيجة راح ترضيكم شكلا وذوقا❤️
لهذا كي نقولكم السعر، راهو ماشي «سعر كايك» فقط… راهو سعر مواد + جودة + وقت + تعب + تفاصيل + خدمة...الخ.
وبطبيعة الحال، نحاول دائمًا نقترح عليكم اختيارات مختلفة حسب الميزانية، باش كل واحد يلقى اللي يناسبو🤍
وإذا كان عندكم ميزانية محددة، قولولي عليها من الأول ونشوفولكم مودال وحشو يناسبوها بكل حب 🌸
ومرحبا بالجميع🤝🤗





07/08/2026

كاين كايك نخدمو يوجد بكل سهولة... وكاين كايك يوجد بعد دموع وتعب وارهاق نفسي اكثر من الجسدي 🥹
هاذي كانت من أصعب ليكموند لي خدمتهم...
الكارثة لي دارتها معايا كريمة شونتيي اول مرة تصرالي هكذا معاها ماحبتش كامل تطلع بالرغم من انو نفس الشونتيي لي خدمت بيها ليكموند لي قبل وزيد فالليل وما لقيتش منين نشري ...كنت تحت ضغط كبير خفت مانلحقش نوجدها فالوقت
وفي لحظة يأس قلت: "خلاص... ما نزيدش نقبل ليكموند الغاصبين مهما واش يكون"
لكن ما استسلمتش... خاصة كي قالي زبون نحتاجها لعشية رتحت قلت مازال عندي شوية وقت
نضت صباح بكري خرجت شريت ورجعت كملت الكايك تاعي ووجدتها في الوقت وحمد الله عجبت بزاف الزبون وبنتو والعائلة تاعو شكلا وذوقا
يمكن هذا لي راكم تشوفوه غير كايك... أنا بالنسبة ليا نشوف فيه ليلة كااااااملة من القلق، التعب، والإصرار والضغط والخسارة النفسية اكثر من المادية
ومن هاذ التجربة تعلمت درس مهم: الجودة تحتاج وقت، وعلى هذا قررت من اليوم ما نزيدش نقبل الطلبيات المستعجلة، باش كل كايك يخرج بالمستوى لي يرضيني ويرضي زبائني. 🤍✨
وشكرا لكل زبائني لي دايرين ثقة فيا وفي خدمتي🤗🤝🫶





06/08/2026

ديكور جديد=كايك جديد 😍
خليولي رايكم وتوقعاتكم كيفاش راح يخرج الكايك تاعي بهاذ ديكور الملكي فتعليقات حبيباتي 🤗




05/08/2026

"أحيانًا أبسط فكرة... تقدر تكون سبب باش الناس ما تنساكش." ✨
هاذ المشروع درتو لوليدي بمناسبة مشاركته في معرض جمعية الايادي الذهبية للحرف والموروث الثقافي بحديقة النور والنسيم ببرج بوعريريج، لكن بالنسبة ليا كان أكثر من مجرد مشاركة في معرض... 🤝
حبيت نقدم فكرة مختلفة على المعتاد بدل مايعطيلهم وليدي كارت فيزيت فقط حضرتلو كاطالوڨ صغير فيه نماذج من خدمتي😍 باش أي واحد يهز لاكارت فيزيت تاعي يقدر يعرف مباشرة واش تخدم صاحبة هاذ الصفحة تاع
le coin sucré by MB-Queen
ويشوف ثاني جزء من أعمالي 🤗
دايمن نحاول نطور مشروعي اكثر ونحوس على أفكار بسيطة لكن تخلّي حضوري يبقى في بال كامل الناس... لأنو النجاح ما يجيش غير بالخدمة يجي بالتخطيط يجي حتى بطريقة تقديمها للناس 💪🤝🤍
إذا عجبتكم الفكرة، قولولي رأيكم في التعليقات. 🌸
ولي حابة تستفاد اكثر من افكاري ووصفاتي تخليلي أبوني فطريقها🤗🫶

04/08/2026

✨ It's iced coffee time! ☕🧊
الصوت وحدو يرد الروح فمبالكم ذوقها😍😋

☕
🤎


✨

02/08/2026

"لَنْ أُعاشرَ إِلَّا مَنْ يُضيفُ لِحياتِي قِيمةً، وَأيُّ شَخصٍ يَنقلُ لِي طَاقةً سَلبيّةً سَأستغنِي عَنهُ، لَقدْ جَاملنَا كَثيرًا

31/07/2026

⚽✨ بعدما شفتوا كايك كرة القدم.. بزاف منكم لي طلبوا مني طريقة صنع الكرة بالشبكة... واليوم جيت نوفيلكم بالوعد 🤗وراح نوريلكم فهاذ الفيديو جميع الخطوات باش خرجت هاذ التفاصيل لي ديكوريت بيهم ولي عطات للكايك تاعي لمستها الاحترافية والجمالية 😍🤍🎂
إذا عجبكم الفيديو، خلولي رأيكم في التعليقات، واذا تحبو تشوفوا أسرار أكثر في عالم الكايك ديرولي ابوني وقولولي واش راكم حابين نشارك معاكم المرة الجاية...؟ 🤔💬✨

Adresse

Bordj Bou Arreridj

Site Web

Notifications

Soyez le premier à savoir et laissez-nous vous envoyer un courriel lorsque Le coin sucré by MB-Queen publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Le coin sucré by MB-Queen:

Raccourcis

Partager