09/12/2024
وصفة المثومة
الوصفة مكتوبة لاصحاب الزيرو منقولة
وصفة الثومة لي طلبوها الكثير و غدا باذن الله نديرو دزيريات دعوة خير برك 🤲
بسم الله على بركة الله
اولا لازم اللوز او الكاكاو يكون مرحي مليح بودرة اللوز راه يتباع مرحي احسن ماركة Aydin ومن الاحسن تزيدو تصفوه مليح ماشي لازم تشروه تقدري تشري وترحيه فالدار ولكن لازم روبو مليح فالحالة هدي 🔥
تانيا اوزني الكاوكاو او اللوز 1 كغ مع 700 غ سكر ناعم باش ماتجيش حلوة بزاف تڤهم + فانيلا ونرجعوهم الروبو يترحاو مرة اخرى حتى يولي كيما الفرينة
ثالثا بالنسبة للوز الفاني وحده يكفي اما الكاوكاو من المستحسن نزيدولها شوية عطر اللوز الحلو
نزيدو 50 غ زبدة + م ك غلوكوز ونجمعو بالماء الزهر او ماء معدني لكم الاختيار قوامه لازم يكون طري و ماشي جاري جربو عملو كرة اذا ماتشقتش راها مليحة ونصيحة عجينة اللوز او الكاوكاو ماتتعجنش نطموها برك باش ماتطلقش زيت تاعها غلفوها مليح وخلوها ترتاح راح تولي رطبة وتلمع نوزنها 45غ
بالنسبة الحشو نديرو كيلة جينواز او كيلة مسكوتشو او بسكويت يكونو مطحونين لي توفر مع كيلة مكسرات ونجمعوها بكريمة الزبدة وشكلاطة طلاء نشكلها كريات وزن 30 غ وندخلها للمجمد مستحيل تخدمي بيها بلاما تجمد راح تعذبك
انجو للتشكيل نفتح كرية تع عجينة اللوز او الكاوكاو ونحط الحشو في الوسط وتكوريها مليح باش مايجيش فيها تشققات و جيبي ناكري ودهنيها وبظهر سكين شكلي شكل ثومة والتزيين من الفوق حسب الرغبة (متابعة ربي يحفظك 🥺)
