Mariam Elbaramwi Designs

29/01/2024

Eng Mostafa Hegazy Revit structure and BIM Fundamental .👷🏻‍♂️👨🏻‍💻

20/02/2022

📢📢معلومة ليكي عالمااااشي 😉😉

لو كل ما تغسلي المواعين تلاقي ظهرك او رقبتك تاعبينك تعرفي على طول ان في مشكله ف ارتفاع رخامة المطبخ 👌👌👌

🔻🔻دي المعادلة اللي تحسبي بها الارتفاع المناسب ليكي 👇👇
طولك ÷ ٢ +٥سم = الارتفاع الأنسب ليكي👏

11/10/2021

Decoration & styling
الديكور بيحول البيت من مكان عادى لمكان شيك
حتى لو برواز فى حيطه فاضيه
او زرع فى البلكونه او فازة على التربيزة
بأيدك تقدرى تسحرى المكان بلمستك 😉
مستنين ال Posts بتاعتكو تفرجونا سحركم لتغيير المكان ❤️❤️

10/10/2021

إيه المعلومات المهم نعرفها قبل ما نشتري السفرة؟ 🤔

⭐ أفضل سفرة هي المصنوعة من الخشب 🪵

⭐ مهم نحدد المساحة اللي هاتكون السفرة موجودة فيها

⭐ مهم نحدد عدد الأفراد اللي ينفعوا يتجمعوا على السفرة

⭐ السفرة المستطيلة 🟫 من الأشكال المناسبة اللي بتستوعب عدد كبير من الضيوف
لكنها بتحتاج غرف واسعة لأنها بتشغل مساحة كبيرة 👐

⭐ السفرة المربعة ⬛ مناسبة لأربعة أشخاص أو أقل

⭐ السفرة المستديرة 🟤 بتتناسب أكتر مع التجمعات العائلية الصغيرة وبتدي إحساس بالراحة والقرب 😊

⭐ السفرة المتغيرة الأحجام دي مناسبة لتوفير المساحة في حالة عدم وجود عذد من الناس كبير متجمع حواليها 🤩

⭐ كراسي السفرة 🪑 مهم تكون مريحة ومن خشب متين

#فرش #اثاث #ديكور

07/10/2021

#نصائح لازم تعرفهم قبل متشترى اثاث بيتك

شراء الموبليا عملية مهمة وصعبة وفيه ناس كتير بتحتار علشان معندهمش خبرة في الموضوع ده، بس فيه شويه نصائح لازم تعرفهم هيساعدوك في عملية الاختيار دى:

1. حدد مساحة المكان الأول، المساحة بتتحكم فى نوع الاثاث وحجمه، يعنى المساحة الصغيرة مينفعش معاها الأثاث الكلاسيكي أو اللى فيه شغل كثير، يُفضل الأثاث الحديث «مودرن» علشان بيدى إحساس بالبساطة والإتساع.

2. حط ميزانية للقطع الى عايز تشتريها، علشان متشتريش قطع غالية وتخلص عليها الميزانية وبعدين تكتشف انك لسه مجبتش حاجات كتير. ممكن تنزل تلف فى المعارض او تدور على النت عشان تعرف متوسط الأسعار وتعمل ميزانية مبدئية تشتغل عليها.

3. اسأل عند اكتر من واحد قبل ما تاخد القرار وشوف حاجات كتيرة علشان متشتريش حاجة و تندم بعد كدة لو لقيت حاجة أحسن، ومتخليش تركيزك على اسم اللى بتشترى منه، ركز على الجوده والسعر. واسأل كمان لو فيه شحن لحد البيت عشان متوجعش دماغك في النقل، ده غير تكلفتة.

4. اسأل على الخامات اللى معمول منها العفش، اوض النوم والنيش والدولايب وسطح الترابيزات والمكاتب والسفرة بتصنعوا من الخشب الكونتر، والكونتر يعتبر من الخشب المُصنَع على عكس الزان والموسكى والأرو اخشاب طبيعية. والأنواع الأفضل بالترتيب من وجهة نظرنا (الكونتر الطبقات –وان فريست -- جود وود – وطنية – فنية) ولو خبطت على الخشب ولقيت صوت مكتوم ده دليل على ان الخشب كويس.

5. خشب الرُكن والأنتريهات يفضل يكون زان أحمر، والزان الأحمر الموجود في مصر فيه منه أنواع والأفضل بالترتيب (الروماني - AB - BC- الكلف) ويفضل يكون السمك مش اقل من 4 سم.

6. كثافة السفنج في الركن والأنتريهات كل ما بتزيد كل ما هيزيد المدة اللى ممكن يهبط فيها السفنج، وتقدر تعرف السفنج اللى كثافته عالية لما تضغط عليه بصباعك مش هيسيب مكان وهيرجع بسرعة بعكس السفنج اللى كثاقته قليلة هياخد وقت وهيعلم وفي كل الأحول هتحتاج يكون فوق السفنج طبقة او طبقتين من الفيبر علشان يبقى مُريح. وخلى بالك ان المخدات لازم تكون فيبر 100%.

7. المجرى بتاعت الادراج فيها اكتر من نوع بس المنتشر (المرحلة الواحدة - المرحلتين - السوفت كلوز - رمان بلى ) المرحلة الواحدة الدرج مش بيطلع بكامل حجمه على عكس المرحلتين. اما السوفت كلوز فهو زي المرحلتين بس ممكن تلمسه بس يقفل وكمان بيجي في الأخر ويقفل ببطء لوحده من غير ما يخبط ولا يعمل صوت.

8. سُمك الزجاج ميقلش عن 8 ملي، وبالنسبة للرخام فكل لون بيفرق عن التاني، بس بشكل عام ارخص الأنواع هي الأصفر والرمادي والأحمر المنقط والأفضل منهم هو الأخضر. وافضل نوع رخام هو الأسود المنقط ذهبى او فضى.

9. لو هتعمل حاجة عمولة اتفق على كل حاجة الأول وحاول تشرح اللى انت عايزه بالتفصيل علشان ميحصلش سوء تفاهم بعدين.

10. أخيراً اشترى الحاجات الضرورية لشقتك بس، متجبش حاجات مش هتستخدمها وتعملك زحمة على الفاضى وتحسسك بعدم الراحة.
وخليك فاكر وانت بتشتري انك محتاج جودة وسعر مع بعض مش واحدة على حساب التانية.

29/09/2021

إيه هيا الأخطاء إلى تخلى المطبخ شكله مش حلو أو عادى !!!
١/توزيع أماكن الصرف والكهرباء بشكل خاطئ.
٢/عدم وجود مثلث راحه أو حركه فى المطبخ.
٣/إختيار شكل السيراميك ولونه.
٤/عدم توزيع الإضاءة فى المطبخ بالشكل الجيد.
٥/إختيار مزيج خاطئ للألوان.
٦/إختيار شكل السقف والإنارة غير متلائمه مع التصميم.
٧/إختيار شكل أرضيه المطبخ غير متناسقه مع باقى المطبخ.
٨/عدم إستغلال المساحه بشكل جيد.
Elbaramwi Designs

18/07/2021

مناسيب هامة في أعمال السباكة :
1- ارتفاع حوض الحمام عن منسوب التشطيب 80 سم
2- ارتفاع حوض المطبخ عن منسوب التشطيب 90 سم
3- ارتفاع البانيو عن منسوب التشطيب 45 سم
4- خلاط البانيو اعلى من البانيو ب 20 سم
5- ارتفاع تغذية البانيو عن منسوب التشطيب 65 سم
6- ارتفاع تغذية وصرف الحوض عن منسوب التشطيب 50 سم
7- ارتفاع تغذية وصرف غسالة الملابس عن منسوب التشطيب 50 سم
8- ارتفاع ماسورة صرف المرحاض الإفرنجي من أسفل عن منسوب التشطيب 8 سم
9- ارتفاع تغذية المرحاض الإفرنجي عن منسوب التشطيب من 25 إلى 30 سم
10- ارتفاع تغذية المبولة عن منسوب التشطيب 110 سم
11- ارتفاع صرف المبولة عن منسوب التشطيب 50 سم
12- ارتفاع تغذية سخان الغاز عن منسوب التشطيب 110 سم
13- ارتفاع تغذية سخان الكهرباء عن منسوب التشطيب 140 سم
14- المسافة بين ماسورتي السخن والبارد 15 سم.

14/06/2021

🤭

02/06/2021

Great idea for kitchen island 👇

01/06/2021