21/09/2026
أنا عندي منتج، وغيري عنده منتج، وأنا بسوّق بطريقتي وغيري بيسوّق بطريقته.
مش لازم عشان نختلف في الشغل أو طريقة التسويق نقعد نرمي كلام على بعض… لأن ده في الآخر شغل عيال ومش هيزوّد حد فينا.
وفي ناس كتير فهمت إن كلامنا هجوم على الشغل الشعبي، وده مش حقيقي خالص.
الشغل الشعبي له ظروفه، وله عميله، وله استخدامه، وله سعره.
والاقتصادي له مواصفاته وسعره، والفاخر له مواصفاته وسعره… وفي الآخر كل حاجة ليها تمنها وعميلها.
المشكلة اللي بنتكلم عنها مش في نوع الشغل، المشكلة في إن العميل أو التاجر يشتري حاجة على إنها حاجة تانية.
إنك تبيع مرتبة وتقول للعميل هي مصنوعة بإيه، وتوضحله هي شعبي ولا اقتصادي ولا غيره، ده حقه.
لكن إنك تغيّر اسم المرتبة أو تخبي اللي جواها، وتخلي التاجر فاكر إنه بياخد خامة معينة وهو في الحقيقة بياخد حاجة تانية… هنا المشكلة.
لأن الموضوع مش بيضر عميل واحد بس، ده بيخلّي التاجر ياخد فكرة غلط عن كل الورش والمصانع، ويبدأ يشك في أي حد بيشتغل تصنيع محلي.
إحنا مش بنقول لحد اشتغل إزاي ولا تبيع بكام.
اشتغل بطريقتك، وإحنا هنشتغل بطريقتنا.
بس خلّينا واضحين مع العميل والتاجر، وكل واحد يبيع منتجه باسمه ومواصفاته الحقيقية.
وفي الآخر…
الاختلاف في الشغل طبيعي، لكن الغش مش منافسة. ارتقوا
