Ranyah Zeid Interiors

Ranyah Zeid Interiors Interior designe Consultant with years of experience. Creating stylish, functional & unique spaces. colour consultant

توضيح - ٥تصميم داخليالمقاس + النسب + التوزيع = فراغ ناجحنفس مستوى الاثاث...لكن التصميم الصح غير كل حاجة.ممكن تكون كل قطع...
08/09/2026

توضيح - ٥
تصميم داخلي
المقاس + النسب + التوزيع = فراغ ناجح

نفس مستوى الاثاث...
لكن التصميم الصح غير كل حاجة.

ممكن تكون كل قطعة في الفراغ جميلة لوحدها،
لكن لما تتجمع في مكان واحد من غير دراسة للمقاسات والنسب والمسافات...

النتيجة ممكن تكون زحمة،
وحركة صعبة،
والمكان يفقد جزء كبير من جماله.

الترابيزة ممكن تكون فخمة...
لكن لو حجمها اكبر من اللازم، حاتخنق الفراغ.

والكراسي ممكن تكون تحفة...
لكن عددها أو توزيعها الغلط ممكن يضيق الحركة.

والتابلو ممكن يكون جميل جدا...
لكن لو حجمه مش مناسب للحائط، حايبان مش متناسق مع المكان.

التصميم الداخلي مش اختيار قطع حلوة.
التصميم هو اختيار القطعة الصح، بالمقاس الصح، وفي المكان الصح.

لان الفرق بين مكان مرتب ومكان يبدو عشوائي
مش دايما في سعر الاثاث...
■■الفرق في التصميم.■■

♧توضيح - ٦ قريب... 👀♧

Ranyah Zeid Interiors

Decoration Club Crew

توضيح - ٤ في التصميم الداخليالبيت الحلو مش بيتعمل بالحاجات الكبيرة بس.. ساعات تفصيلة صغيرة هي اللي بتفرق بين «حلو» و«وا...
01/09/2026

توضيح - ٤
في التصميم الداخلي

البيت الحلو مش بيتعمل بالحاجات الكبيرة بس.. ساعات تفصيلة صغيرة هي اللي بتفرق بين «حلو» و«واو».

●ممكن فرق 2 سم في مكان وحدة، أو ارتفاع غلط للوحة، أو ستارة متعلقه قبل السقف بشوية.. ممكن يبوظوا إحساس المكان كله.

*●الكوشن او الخدادايه والنجفة، ومقبض الباب، وحافة السجادة، وطريقة نزول الستارة... حاجات صغيرة جدا في السعر، "كبيرة جدا في تأثيرها."

* وعشان كده ممكن تدخلي بيت فيه أغلى خامات وأفخم أثاث، وتحسي إن فيه حاجة «مش مظبوطة» ومتعرفيش تقولي إيه.

عينك يمكن متعرفش تقول الغلطة فين..
لكن التصميم الجيد بيخلي كل التفاصيل تقول لبعضها: (إحنا متفقين.)

والأخطر؟
إن التفاصيل دي مش بتبان لما كل حاجة تكون لوحدها..
بتبان لما كل حاجة تتحط جنب بعضها

●●توضيح - ٥ قريب... 👀

Ranyah Zeid Interiors
Decoration Club Crew

توضيح - ٣ في التصميم الداخلي البيت اللي كله بيج مش بالضرورة هادي وراقي.. ساعات بيكون بس "خايف من اللون."- والبيت اللي مل...
26/08/2026

توضيح - ٣
في التصميم الداخلي

البيت اللي كله بيج مش بالضرورة هادي وراقي.. ساعات بيكون بس
"خايف من اللون."

- والبيت اللي مليان ألوان مش بالضرورة جريء ومبدع.. ساعات بيكون بس "مفيهوش حد قال: كفاية كده."

- اللون الحلو مش هو اللون اللي عجبك لوحده على Pinterest..
اللون الحلو هو اللي يعرف يراعي
● إضاءة المكان
●والخامات،والأثاث بتاعك
● ومساحة المكان.

التصميم مش إنك تختاري لون حلو...
التصميم إنك تعرفي إمتى اللون ده يبقى حلو.

وتوضيح - ٤؟
لسه فيه حاجات كتير بنسميها «ذوق» لكن هي في الحقيقة أخطاء تصميم.🫣🫣

Ranyah Zeid Interiors | تصميم داخلي وديكور

#ديكور

توضيح - ٢ في التصميم الداخليممكن تصرفي ملايين على بيتك... وتبوظيه بإضاءة.آه.. للدرجة دي.ممكن تعملي أغلى رخام، وأفخم أثا...
13/08/2026

توضيح - ٢
في التصميم الداخلي

ممكن تصرفي ملايين على بيتك... وتبوظيه بإضاءة.

آه.. للدرجة دي.

ممكن تعملي أغلى رخام، وأفخم أثاث، وأجمل ألوان... وبعدين تحطي إضاءة تخلي كل ده يبان عادي جدا.

النجفة الغالية مش هي الإضاءة.

والسقف اللي مليان سبوتات موش معناه إن الإضاءة متصممة صح.

الإضاءة الجيدة موش بس وظيفتها تنور المكان.. هي بتحدد إحساسه، وبتبرز الخامات والألوان والتفاصيل، وبتعمل عمق وطبقات في الفراغ.

وعشان كده الإضاءة موش حاجة بنفكر فيها بعد ما نخلص الديكور.

الإضاءة جزء من التصميم من أول قرار.

لأنك ممكن تصرفي على كل حاجة صح...

وتخسري النتيجة كلها بسبب حاجة ناس كتير بتعتبرها «لمبات وخلاص».

توضيح - ٣ قريب...
استنونا🌷🌹

#ديكور

توضيح - ١ في التصميم الداخليالبيت الغالي مش بالضرورة بيت شيك.. ساعات بيكون مجرد بيت اتصرف عليه فلوس كتير.الرخام الغالي، ...
10/08/2026

توضيح - ١
في التصميم الداخلي

البيت الغالي مش بالضرورة بيت شيك.. ساعات بيكون مجرد بيت اتصرف عليه فلوس كتير.
الرخام الغالي، والنجفة المستوردة، والأثاث اللي تمنه يوجع القلب.. مش هيعملوا تصميم حلو لو كل حاجة محطوطة لمجرد إنها غالية.
حضرتك مش بتجهز معرض أسعار.
وممكن تصرف ميزانية محترمة جدا على بيتك، وفي الآخر اللي يدخل يقول:
"ما شاء الله.. واضح إنه غالي."
وده مش بالضرورة مدح.

التصميم الداخلي مش إنك تشتري أغلى حاجة تقدر عليها.. التصميم إنك تعرف إيه اللي يستاهل تدفع فيه، وإيه اللي لأ.
والمصمم الشاطر مش اللي يخليك تصرف أكتر.. أحيانا شطارته الحقيقية إنه يمنعك تصرف فلوس على حاجات كنت فاكر إنك محتاجها.

الفلوس ممكن تشتري خامات غالية..
لكن مش بتشتري ذوق، ولا نسب، ولا رؤية.




راحة البيت تبدأ من لونخلي الطبيعة هي مصدر الإلهام... النتيجة دائما هدوء ودفء وراحة جمعتكم سعيدة...🌸🌹 قولولي أي لون من ...
31/07/2026

راحة البيت تبدأ من لون
خلي الطبيعة هي مصدر الإلهام... النتيجة دائما هدوء ودفء وراحة

جمعتكم سعيدة...🌸

🌹 قولولي أي لون من الباليت دي شد انتباهكم أكثر؟
بالنسبة لي اختار Sage Green❤️❤️❤️❤️



نصمم مساحات تشبه أصحابها.

عام هجري سعيد..كل عام وانتم ببركة الرحمن سعداء منعمين Emad Eldemerdash 🌹❤️🌸🌹❤️me merci 🌹🌸❤️
17/06/2026

عام هجري سعيد..كل عام وانتم ببركة الرحمن سعداء منعمين


Emad Eldemerdash 🌹❤️🌸🌹❤️me merci 🌹🌸❤️

مع الوقت اتعلمت إن في شغلنا بالذات، كسب ثقة العميل أهم بكتير من كسب أي نقاش.من أكثر المواقف اللي علمتني درس مهم في شغلي،...
09/06/2026

مع الوقت اتعلمت إن في شغلنا بالذات، كسب ثقة العميل أهم بكتير من كسب أي نقاش.

من أكثر المواقف اللي علمتني درس مهم في شغلي، موقف حصل من سنوات ولسا فاكراه لحد النهاردة.

كنا بننفذ مشروع، وأثناء التنفيذ شفت تفصيلة معينة وقلت لنفسي: "لو اتعملت بالشكل ده هتبقى أجمل وأنسب بكتير."

ومن واقع الخبرة، كنت مقتنعة تماما إن التعديل ده في مصلحة العميل.

فخدت القرار.

وعدلت التفصيلة.

المشكلة لم تكن في التعديل نفسه...

المشكلة إني ما وقفتش دقيقة واحدة أسأل صاحب البيت.

ما عرضتش عليه الفكرة.

ما أخدتش موافقته.

افترضت فقط إني عارفة الأفضل.

ولما شاف التنفيذ رفضه تماما.

وأصر إنه يرجع كما كان متفقًا عليه من البداية.

وقتها كان عندي مليون حجة أقولها.

وكنت قادرة أدافع عن وجهة نظري فنيا ومنطقيا.

لكن الحقيقة كانت واضحة:

حتى لو كان التعديل رائعا...

فهو ليس قراري وحدي.

رجعنا كل شيء كما طلب.

وتحملنا تكلفة ومجهود التعديل.

وانتهى الموضوع...او افتكرت انه انتهى .

بعد فترة من استلام المشروع فوجئت باتصال منه.

وقال لي جملة عمرها ما راحت من بالي:

"على فكرة... ياريتني كنت سمعت كلامك وسبت التعديل اللي عملتيه."

ابتسمت طبعا...

لكن الدرس اللي خرجت به لم يكن أني كنت صح.

الدرس الحقيقي كان أن العميل أيضا كان صح.

من حقه أن يستشار.

من حقه أن يوافق أو يرفض.

ومن حقه أن يكون صاحب القرار في بيته حتى لو اكتشف بعد ذلك أن خيارا آخر كان أفضل.

من يومها وأنا مؤمنة أن الخبرة مهمة جدا...

لكن التواصل أهم.

وأن أفضل قرار في الدنيا قد يتحول إلى خطأ لو اتخذناه نيابة عن صاحب الحق فيه.

وده يمكن من أهم الحاجات اللي تعلمتها في رحلتي مع التصميم والتشطيبات:

مش شطارتنا إننا نعرف الأفضل فقط...

شطارتنا الحقيقية إننا نعرف إمتى نقترح، وإمتى نستأذن، وإمتى نسيب القرار لصاحب المكان نفسه.





عميل كلمني .. كان عنده فيلا من سنة ونص…واقفة.لا هو عارف يفرشولا يقررولا حتى يبدأ تشطيب صح.كل شوية يكلم حدحد يقوله مودرن...
28/05/2026



عميل كلمني .. كان عنده فيلا من سنة ونص…
واقفة.
لا هو عارف يفرش
ولا يقرر
ولا حتى يبدأ تشطيب صح.

كل شوية يكلم حد
حد يقوله مودرن
وحد يقوله نيو كلاسيك
وحد يقوله اعمل جبس
وحد يقوله الجبس موضة قديمة 😂

لحد ما بقى داخل البيت يتخنق منه.

المضحك؟
الراجل كان مقتنع إن المشكلة “ديكور”
مع إن المشكلة الحقيقية كانت “فوضى قرار”.

كل حاجة عنده كانت ماشية بالعكس:
يشتري قبل ما يخطط
يشوف خامات قبل ما يحدد ستايل
يفكر في النجف قبل توزيع الإضاءة
ويغير رأيه كل ٣ أيام.

كل ده وهو أصلاً عايش برا مصر 🙈

كل الناس كانت بتحاول تبيعله تصميم.
أنا كنت بحاول أوقف النزيف الأول.

قولتله:
إحنا مش محتاجين نبدأ تنفيذ…
إحنا محتاجين نفهم البيت نفسه الأول.

اشتغلنا أونلاين بالكامل.
مكالمات.
صور.
فيديوهات للموقع.
مقاسات.
طريقة حياته.
مين بيصحى بدري ومين بيسهر.
بيحب الهدوء ولا الحركة.
بيستقبل ضيوف كتير ولا لا.

وبدأنا نفك الاشتباك واحدة واحدة.

الغريب إن أول قرار صح أخده…
جاب بعده كل القرارات الصح لوحدها.

مرة واحدة بقى:
عارف يعمل ميزانية
عارف أولويات التنفيذ
عارف إيه يتعمل دلوقتي وإيه يستنى
وعارف ليه كان متلخبط من البداية.

والأجمل؟
إن التنفيذ بدأ يمشي أسرع بكتير من المتوقع
لأن مفيش مقاومة ولا تردد ولا قرارات عشوائية كل يوم.

وفي أقل من شهرين
الفيلا اللي كانت مشروع متعطل بقاله سنة ونص
بقت ماشية بخطة واضحة جداً.

ساعتها اتأكدت إن شغل الديكور الحقيقي
مش إنك تختار كنبة وترابيزة.

الحرفنة الحقيقية إنك تعرف:
إزاي تاخد عميل تايه ومتوتر ومشوش…
وتحوله لشخص شايف بيته قبل ما يتنفذ أصلاً.

وإن أوقات كتير
أهم من التصميم نفسه…
هو الشخص اللي بيعرف يقود الرحلة صح.

مصمم الديكور مش بس بيصمم مكان.
هو أوقات بينقذ العميل من دوامة قرارات كاملة.

وده الفرق بين حد “بيرسم شكل”
وحد “بيعرف يدير مشروع وحياة جوه المكان”.

——

ولحد دلوقتي
أي عميل يقولي:
“أنا مش عارف أبدأ منين”
بعرف إن دى غالباً بداية شغل ناجح جداً 😄😄😊

عيدكم سعيد...كل سنة وانتم طيبيين





مفيش راحة مع إضاءة غلطلو الأوضة بتزعل عينك، اسمعي لها
30/01/2026

مفيش راحة مع إضاءة غلط

لو الأوضة بتزعل عينك، اسمعي لها






Address

12 Khalil Al_Masry/kafr Abdo
Alexandria

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm

Telephone

+201004381076

Website

Alerts

Be the first to know and let us send you an email when Ranyah Zeid Interiors posts news and promotions. Your email address will not be used for any other purpose, and you can unsubscribe at any time.

Shortcuts

Share

Category