Ranyah Zeid Interiors

24/03/2026

مش كل مطبخ جميل بنقدر نعيش فيه بسهولة.
كثير مننا بيعمل مطابخ شيك لكن موش بيلاقيها مريحة..ومش عارف الغلط فين ؟؟🤔

خليني أنور لكم اللمبة💡
السبب إن الحركة فيها بتكون صعبة، والأجهزة مش في المكان المريح.
والمسارات ضيقة
والمساحات قدام الأجهزة غير كافية
والحركة بتتقاطع يعني تفتح باب غسالة أو فرن فتقفل الممر على شخص واقف"

في Ranyah Zeid Interiors نبدأ بالأرقام📐 أولا قبل الألوان🎨

لأن الراحة تبدأ من مسافة الحركة والفراغ حول العناصر.
لأن المساحات الصغيرة بتحتاج تنظيم دقيق، مش مجرد شكل جميل.
دي تفاصيل بسيطة، لكن بتفرق بشكل كبير في الاستخدام اليومي.

📷 الصورة المرفقة توضح معايير عملية نطبقها:

مسارات حركة واضحة 100 سم أقل مافه مسموح بيها.
مسافات مدروسة أمام الأجهزة، مثل 115، 110، 80 سم حسب الاستخدام.
أقل مسافة بين طاولتين 120 سم لضمان تجنب الازدحام.

18/02/2026

‏ربنا يجعلهم ٣٠ يوم جبر، وخير، وإستجابة، وعدل، ورزق، ونور، وبركة ورحمة ومغفرة

30/01/2026

مفيش راحة مع إضاءة غلط

لو الأوضة بتزعل عينك، اسمعي لها

25/11/2025

من آخر تصميماتي اللي بحبها جدا
واللي العميل بجد انبهر بيها وحس انها بتعبر عنه فعلا

حبيت أوريكوا إزاي تضاد الألوان ممكن يخلق جمال مش عادي

في التصميم ده فكرت أعمل حاجة مختلفة وجريئة
(Complementary Colors ) اعتمدت باليت
الأزرق الملكي (Royal Blue)■
البرتقالي المحروق (Burnt Orange)■
الرمادي الدافئ (Warm Grey)■

فكرتي اعتمدت على دمج لونيين عكس بعض تماما (الأزرق مع الأورانج.. )
ميكس خطف قلبي
و النتيجة كانت ولا أروع

استخدمت الأزرق عشان الفخامة وكسرته بـ اللون البرتقالي (الأورانج) عشان ينور المكان ويدي روح وحياة للتصميم
البرتقالي لون دافي وقوي بيبرز جمال وهدوء الأزرق اللي في الفازات والمخدات

وطبعاً عشان تكمل الشياكة..اهتميت بملمس القماش
(Texture)
يكون ناعم وغني زي القطيفة مع لمسة الخشب الكلاسيكيه
ومع خامات ناعمة ومريحة
المكان بقى ينطق بالفخامة والدفء في نفس الوقت
👇👇

👇👇
♡♡النتيجة: ركن مريح، شيك، ومبهج جداً♡♡

قولولي رأيكم بصراحة ..بتحبوا النوع ده من الجرأة في الألوان ولا بتفضلوا الألوان الهادية؟

مين قلبه جامد وممكن ينفذ ألوان زي دي في بيته؟
شاركوني رأيكم







​ #ديكورات #بيتي #تصميم
​ #تصميمي #ديكور #الوان #انتريور

18/11/2025

البيت مش مجرد مساحة نعيش فيها… البيت رواية تُكتب بألوان وأثاث وروح.
ساكنها
البيت موش كتالوج البيت روح لها بصمة وشخصية واحساس

لما كل البيوت تتحول لنسخة واحدة، بنفقد أجمل فصل في
القصة: التفرد.
البيوت بقيت عاملة زي اليونيفورم اللي الموظفين كلها لابساه
ليه بقينا ندخل أي بيت نحس إننا دخلنا نفس النسخة؟
ألوان واحدة، فرش واحد، نفس الباليت ونفس المشتريات.
البيت مش مجرد جدران وأثاث، البيت المفروض يبقى شخصية صاحبه، يحكي قصته، يعكس ذوقه وحياته.
لكن للأسف بقينا نعيش في نسخ مكررة… كأننا فقدنا هويتنا في زحمة التقليد.

الديكور مش موضة جاهزة، هو توقيعك الشخصي… بصمتك اللي بتخلي بيتك يحكي عنك حتى في غيابك."

---

07/11/2025

31/10/2025

فيه تفاصيل صغيرة بتفرق بين بيت “جميل عادي” وبيت “جميل متصمم صح
الستارة واحدة من التفاصيل دي.
ناس كتير تختارها عشان اللون، لكن الحقيقة إن السر مش في اللون بس،

الستارة الصح مش اللي تمشي مع الكوشن،
الستارة الصح هي اللي “تفهم ضوء المكان
والنجاح الحقيقي بيكون لما الستارة تتفهم دورها في الغرفة وتتفاعل مع الضوء والخامة واللون بشكل صحيح.

وبدل ما تختاري أي ستارة عشوائي او لون بس وتتفاجئي بالنتيجة الاخيرة ، اسألي

👇أهم ٣ اسئلة👇

1-اول سؤال واهمهم
وظيفة الغرفة ايه او دور الستارة في الغرفة ايه؟

· إذا كان "الخصوصية والظلام":زي (غرف النوم - صالات السينما في البيت)
الخامة: اختاري المخمل، القطن الثقيل، أو الستائر المبطنة
(Blackout).
اللون: الألوان الداكنة أو المحايدة.

· إذا كان "تخفيف الضوء مع الإضاءة" زي (الصالة - المطبخ)
الخامة: ستائر شيفون، دانتيل، أو قطن شبه شفاف.
اللون: ألوان فاتحة أو الطبعات الخفيفة.

· إذا كان "الديكور والأناقة فقط"زي(نوافذ غير مستخدمة بكثرة)
الخامة: حرير، كتان ناعم، أو ساتان.
اللون: هنا مجال الإبداع مفتوح حسب ألوان الغرفة!

ثاني سؤال
2- الضوء الطبيعي في المساحةعامل إزاي؟

· لوضوءها ناعم. اختاري ألوان دافئة (بيج، هاڤان خفيف، وردي خفيف) عشان تضيف دفء على الغرفة.
ولو المكان مظلم، اختاري خامة خفيفة شفافة تنوره

· لو ضوءها قوي ومباشر. الألوان الباردة (أزرق، رمادي، أخضر مائي) أو المحايدة هتساعد في تهدئة حدة الضوء.
خدي خامة ناعمة تهديها

ثالث سؤال
3-عايزة أضيف لمسة -او احساس في المساحة شكلها ايه الخامة... روح الستارة

· الكتان والقطن: طبيعية، كاجوال، وبتعطي
feeling بيتي دافئ.

· الحرير والسيتان: فخامة، لمعان، وبتعمل انعكاسات ضوئية جميلة.

· المخمل: دراما، عزل حراري وصوتي رائع.

· الشيفون: خفيفة، رومانسية، وبتلعب مع الضوء لعبة ساحرة.

الخلاصة: علشان تختاري ستارة ناجحة
فكري في وظيفة الغرفة أولاً،و بعدين كمية ونوعية الضوء اللي بيدخلها، وبناءً عليه اختاري الخامة واللون اللي هيكملوا اللوحة بدل ما يعطلوها.

🎨









#ستائر

26/10/2025

كتير بيسألوني ازاي اختار السجادة الصح
وامتى اختار السجادة قبل الفرش ولا بعده؟

ورأيي كمهندسة تصميم داخلي وديكور إن
اختيار السجادة المناسبة مش مجرد لمسة أخيرة في الديكور او مجرد قطعه ديكور... ده أساس بيوحد الفراغ وهي العنصر اللي بيجمع بين كل تفاصيل المكان وبيحدد شخصيته

ومن خلال شغلي بشوف الفرق الكبير بين مساحة عادية ومساحة متكاملة..
والسر في معظم الأوقات بيكون في اختيار السجادة الصح.

خلوني أشارككم أهم النقاط اللي بركز عليها مع عملائي

أولا: المقاسات - القاعدة الذهبية■
قاعدة ال
%80
المفروض السجادة بتكون كبيرة قد ما تقدر
السجادة لازم "تحتضن" الفراغ موش تختنقه

في غرفة الجلوس:
السجادة لازم تستوعب كل قطع الأثاث الأمامية (على الأقل الأرجل الأمامية للكنب)
لازم أرجل الكنب/الكنبات كلها تقف على السجادة، أو على
الأقل الأرجل الأمامية. ده بيخلّي الإحساس بالاتساع والترابط أقوى
وبتوحد الجلسة بصريًا

المسافة المثالية: 40-50 سم بين حافة السجادة والحائط
لو المساحة صغيرة: سجادة تحت الترابيزة بس مع مساحة كافية للكراسي

في غرف النوم
تحت سرير النوم: اختر سجادة بتطلع من تحت السرير من الجهات من ٥٠-٦٠ سم. بتكون جميلة وعملية.
و وجودها تحت السرير بمسافة كافية بيضيف دفء واتزان للمشهد
أو سجادتين صغار على جانبي السرير (80×150 سم)

غرفة الطعام:
يجب أن تكون السجادة كبيرة بما يكفي لتبقى أرجل الكراسي بالكامل فوقها
علشان الكراسي تتحرك بحرية وهي عليها
وكمان عند سحبها للجلوس
القاعدة هي ترك مسافة لا تقل عن 60 سم من كل
اتجاه حول الطاولة

إمتى تختار السجادة أولا؟■
إذا كانت السجادة هي القطعة المركزية والملهمة للغرفة، فابدأ بها

متى تختار السجادة لاحقا؟■
إذا كان الأثاث أو اللوحات منقوشة ومليئة بالتفاصيل، فالأفضل اختيار سجادة
بلون موحد أو بنقوش هادئة لعمل توازن بصري وتجنب الفوضى

ازاي اختار لون السجادة؟■
لو ديكورك "هادئ" وألوانه محايدة: هنا فرصتك تجرب سجادة بلون جريء أو pattern
مشرق حيبقى النجم اللي بيتكلم

لو عندك ألوان كتير في الغرفة أساسا: اختار سجادة محايدة (بيچ، رمادي، كريمي)
أو pattern
خفيف عشان تهدي المنظر

للغرف الصغيرة: الألوان الفاتحة والنقوش البسيطة تمنح إحساسا بالاتساع

· خدي بالك: السجادة الغامقة أو الملونة بتخفي البقع أكتر..والفاتحة بتعطي إحساس بالنظافة والاتساع

في النهاية:السجادة هي التي تضع اللمسة النهائية وتعبّر عن شخصية المكان.■
ما تستعجلوش في اختيارها
خلاصة القول: فكري في الغرفة إزاي بتستخدميها، واختاري السجادة اللي بتكون "صديقة" لطريقة معيشتك، مش مجرد قطعة جميلة شايفاها

شاركوني في التعليقات: ما هو التحدي الأكبر الذي يواجهكم عند اختيار السجادة؟ 👇

ولوعايز رأي في مقاس أو لون سجادة عندك؟ اكتبلي في الكومنتات أو ابعت لي صورة للفراغ عشان نساعدك! ❤️




#ديكور #سجاد "

#ديكور #سجاد


الصورة المرفقه لجذب الانتباه وليست من أعمالنا

18/10/2025

في عالم التصميم الداخلي، التفاصيل هي السر الحقيقي وراء أي مساحة ناجحة.
أنا مؤمنة إن المصمم اللي بيتنفس التفاصيل، دا اللي يقدر يحول أي فكرة لصورة فيها روح.
يمكن علشان كده كل مشروع بشتغل عليه لازم تكون كل تفصيلة في مكانها الصح… لأن الجمال الحقيقي بيتخلق من الدقة والإحساس ✨
كل زاوية عندي بتحكي حكاية تصميم متوازن بين الفن والوظيفة، بين الخيال والواقعية.

من رؤيتي كمصممة داخلية: النجاح في التفاصيل، مش في الكثرة.

— Ranyah Zeid Interiors


#ديكور

16/10/2025

السر الذي يجهله الجميع عن مصممي 😉الديكور المتميزين

أحيانًا... لما أقف في منتصف مكان ما بأحس أنه "بيتكلم معايا " .. حقيقي موش ببالغ

الموهبة الأهم في عالم العمارة الداخلية والديكور من رؤيتي ووجهة نظري
ليست فقط أن "ترسم"، بل أن "تسـمـع".
بالنسبة لي، أهم موهبة هي إتقان "لغة المكان

كيف أسمعها؟
أستمع إلى حكاية تاريخه، إلى احتياجات ساكنيه غير المعلنه، إلى ضوء الشمس الذي يتسلل من النافذة... كل تفصيلة لها صوت

وكيف "أتحدث" معه؟
أُجيب على هذا الصدى بألوان ومواد وتصميمات تحكي قصته بطريقة جديدة، تجعله ينبض بالحياة والتوازن.

التصميم ليس ترتيبا للأثاث....بل هو حوار عميق بيني وبين الجدران
وعندما ينجح هذا الحوار....ابتكر مساحة تحرك الروح وتلهم العقل

هل سبق أن دخلت مكان وحسيت أنه "يناديك"؟

شاركوني تلك الأماكن! 👇وحكايتكم معاها


#ديكور #إبداع

03/09/2025

زمان 👵✨ كان الناس شايفين إن التصميم الداخلي رفاهية، حاجة كده زي الكماليات…
"إحنا ليه نجيب مصمم؟!
إحنا عارفين نحط الكنبة هنا والسرير هناك خلاص!" 🛋️

لكن دلوقتي الدنيا اختلفت 🙌. الناس بقوا فاهمين إن التصميم الداخلي مش مجرد "ديكور"، ده استثمار في راحتهم وحياتهم اليومية.

التصميم علم له قواعد مدروسة: إزاي تستغل كل متر من بيتك، إزاي الإضاءة تغيّر مودك
وإزاي الألوان تأثر على نفسيتك. 🌈💡

كمان مع سرعة الحياة 🏃‍♀️🏃‍♂️، الكل بقى محتاج مكان منظم وعملي يخليه يعيش براحة.
وبدل ما يضيّع فلوسه في قطع أثاث مش مناسبة، بقى بيدفع لمصمم يساعده يعمل بيت متكامل يناسب شخصيته واحتياجاته.

ببساطة… التصميم الداخلي انتقل من كونه رفاهية إلى ضرورة، ومن "شكل حلو" إلى "راحة + قيمة + أسلوب حياة". ✨