11/09/2026
كل موسم جديد البيت بيحتاج مننا Reset مختلف🍂🍁🍄
وعشان إحنا داخلين على فترة فيها بداية عام دراسي جديد نهاية الصيف، وبعدها الخريف لحد ما الجو يبدأ يسقع هنبدأ من النهارده سلسلة صغيرة نمشي فيها سوا خطوة بخطوة🍂
هنجهز البيت لروتين المدارس 🎒
هنراجع الدولايب والمفروشات 👕
هنرتب ونفرز قبل تبديل الموسم 🧺
وهنجهز البيت تدريجيًا للخريف
ولما الجو يبدأ يسقع، هنبدأ مع بعض تبديل الصيفي والشتوي وتجهيز البيت للشتاء 🌧️
يعني مش هنستنى تغيير الموسم ونحاول نعمل كل حاجة مرة واحدة
هنسبق الموسم بخطوة👌
وأول خطوة نبدأ بيها النهارده:
🎒 البيت نفسه محتاج يستعد لرجوع المدارس
بداية الدراسة مش معناها تجهيز شنطة وشراء أدوات وبس
قبل ما الأيام تزحم ظبطي الـ4 مناطق دول 👇
🎒 منطقة الدخول والخروج
مكان ثابت للشنطة + الحذاء + زجاجة المياه والحاجات اللي بتخرج كل يوم
✏️ ركن المذاكرة
سطح هادي، إضاءة كويسة، والأدوات اليومية فقط في متناول الإيد.
مش لازم مكتب ضخم المهم المكان يساعد على التركيز
👕 الدولاب
خلي لبس المدرسة سهل الوصول، وراجعي المقاسات والحاجات الناقصة من دلوقتي
🍎 المطبخ
اعملي مكان واضح لعلب اللانش وزجاجات المياه والسناكس المستخدمة للمدرسة، بدل رحلة البحث كل يوم الصبح 😂
💡 ومن ناحية التصميم:
ركن المذاكرة الناجح مش اللي فيه ديكورات وألوان أكتر
كل ما قلّت المشتتات حواليه بقى أهدى وأسهل في الاستخدام
إحنا بنجهز البيت كله لروتين جديد🤍
🌿 رحلة البيت المريح | تجهيز البيت للموسم الجديد
📌 احفظي البوست ومن النهارده هنجهز البيت مع بعض خطوة بخطوة لحد ما نستقبل الموسم الجديد وإحنا جاهزين وكل سنه وانتم طيبين وبدايه موفقه للجميع ❤️
