16/03/2025
مهلبية قمر الدين بمهلبية القشطة اللذيذة 😋
المقادير :
نص لفة قمر الدين
٤ معالق كبار نشا ( معلقتين منهم لمهلبية القشطة و معلقتين لمهلبية قمر الدين )
رشة فانيليا
سكر حسب الرغبة
الطريقة :
نبدا بمهلبية القشطة
حناخد كوبايتبن لبن عليهم معلقتين نشا و رشة الفانيليا و اقلب علي البارد و بعد كدا نحطها علي النار و نقلب كويس عشان متكلكعش و يبقي قوامها كريمي و قبل ما نطفي عليها النار نحط معلقة قشطة تاخد غلوة و نطفي بعد كدا نغرفهاا الاول و نحطها ف التلاجة تتماسك
بعد كدا نعمل قمر الدين
بناخد نص اللفة نعملهااا عصير عادي اللي هو نسلقها و نضربها ف الخلاط
و السكر حسب الرغبة
بعد كدا ننزل عليها بمعلقتين نشا ندوبهم ف كوباية ماية و نقلب كويس علي البارد بعد كدا نحطها علي النار و نقلب كويس علشان متكلكعش و يكون قوامها كريمي و نطفي عليها
نسيبها تبرد ٥ دقايق و بعد كدا نبدأ نغرفهاا علي مهلبية القشطة و نحطها ف التلاجة تبرد بعد كدا نرش عليها مكسرات
و بالف هنا و شفا
و كل سنة و انتم طيبين رمضان كريم. 🌙❤
