مسلم للديكور

17/11/2023

02/10/2020

في البداية طبعا كلنا عارفين ان الاقمشة عنصر مهم جدا في ديكور البيت بكل تفاصيلها سواء بالوانها او نقوشها او حتي الخامه

علشان كدا النهاردة هاكلمكم عن انواع الاقمشة وتوظيفها في المكان المناسب😍😍

وهاكلمكم عن ١١ نوع من الاقمشة والخامات

اول حاجه👇
القطيفة : اكتر قماش مستخدم الفترة دي ملمسة حلو والوانه جذابة وفيه من المنقوش والسادة وبيستحمل حلو في الصالون 😍😍

بس مش مناسب لليفنج في حالة وجود اطفال😃

تاني نوع👇
الكتان : قريب من القطن وبيتحمل الغسيل جدا فيه من الخفيف بنستخدمة في الستائر والكوشنز وفيه من التقيل ود بقا بنستخدمة لليفينج😍😍

ثالث نوع👇
الجاكار : بنستخدمة في الصالون والمجالس
وبرضو مش مناسب لليفنج😁

رابع نوع👇
الحرير : قماش جميل جدا وناعم اوي مناسب للستائر والكوشنجز ومش مناسب للكنب والكراسي لاسباب كتير
منهم ان اللي قاعد بسهولة يتزحلق من عليه😂😂
دا بجد علي فكرا😎😎

خامس نوع👇
القطن : فيه من الخفيف بنستخدمة في الستائر والكوشنجز وفيه منه التقيل بنستخدمة في الليفينج برضو😉😉
وبيتحمل الغسيل جدا💪💪

سادس نوع👇
الجلد : فية من الطبيعي وده طبعا غالي ومش هانعملة😂😂
وفيه منه الصناعي وده اللي بنستخدمة دايما في المكاتب
وحاليا فيه ناس بتستخدمة في الكنب شكلة حلو لكن مش عملي😭

سابع نوع 👇
الشانيل : قماش حلو جدا بمعني الكلمة قوي جدا وبيتحمل شبة القطن لكن في خطوط بنستخدمه برضو في الليفينج وفيه منه الخفيف والتقيل والسادة والمنقوش
وسهل التنظيف ودي حاجه مهمه جدا طبعا😍

وبنعمل منه الكنب والكراسي والركن والستاير💪

ثامن نوع 👇
الدانتيل : ده طبعا للستائر غلشان قماش خفيف وينفع مودرن وكلاسيك❤

تاسع نوع 👇
الشيفون : قماش شفاف وينفع مودرن وكلاسيك

عاشر نوع 👇
الستان : للستائر والكوشنجز والمجالس في منه الامع والمط والسادة والمنقوش

النوع الحادي عشر 👇
البلاك اوت : دا قماش بنحطه ورا الستارة علشان يحجز الشمس وعلشان يداري شكل الشباك او البالكون
ورخيص مش غالي😉

النوع الاخير 👇
الشيفون : قماش شفاف وينفع للاثاث المودرن والكلاسيك😍😍

22/02/2020

29/01/2020

اشكال للبانوهات

27/11/2019

مسلم للديكور
للتواصل 01270981988