Almhy Design الماحي ديزاين

Almhy Design الماحي ديزاين ديكور داخلي وتشطيبات وتصميمات هندسية

خرطوم احمر 23مم من مكان الفلتر الي مكان التلاجه وخرطوم أزرق 23 مم مكان الفلتر الي مكان الحوض في النص هيتعبي فيهم بعد ...
08/07/2026

خرطوم احمر 23مم من مكان الفلتر الي مكان التلاجه
وخرطوم أزرق 23 مم مكان الفلتر الي مكان الحوض في النص
هيتعبي فيهم بعد كده خراطيم رفيع بتاع الفلتر
علشان التلاجه او الحوض ياخدوا ميه من الفلتر علي طول
ومع الوقت لو حبيت تغير الخرطوم الصغير بتاع الفلتر
بتسحبه بسهوله وتركب مكانه
والعلب الماجك للشكل الجمالي

اتصل صاحبي الساعة ٤ الفجر بيقولي: "هندسة الكهربائي بيقولي الجبس بيلب جامد" الشائع بين العملاء.. إنه يجيب صنايعي الجبس وي...
13/06/2026

اتصل صاحبي الساعة ٤ الفجر بيقولي:
"هندسة الكهربائي بيقولي الجبس بيلب جامد"

الشائع بين العملاء.. إنه يجيب صنايعي الجبس ويسأله عن سعر المتر ويقول له أنا عاوز بيت نور.. أنا عاوز فلات، عاوز كذا..
بعض العملاء بيكونوا شافوا كام فيديو فبيبدأوا يسألوا عن نوع الجبس والصاج مع سعر المتر.. وبيشوف السعر الأرخص ويبدأ..

أنا هنا مش جاي أكلمك على المواصفة ولا سعر المتر.. أنا اتكلمت كتير وتعبت 🤷‍♂️😂

أنا جاي أقولك على كارثة العميل بيعملها في حق نفسه وهي إنه بيعمل الجبس ويخلص وبعدين يكلم كهربائي يفتح له الاسبوتات ويركب له سماعات.. وهنا الكارثة!
1- العميل يقول للكهربائي عاوز ٥ او ٧ اسبوتات هنا.. قسمهم، بعد ما يقسمهم ويجي يفتح يلاقي اوميجا أو c "الهيكل المعدني اللي الجبس متعلق فيه"..
الكهربائي يقوم ماسك مقص أو صاروخ وقاطع..
العميل يكون جايب سماعات كبيرة او متوسطة للريسيبشن ويختار اماكنها، يجي الكهربائي يفتح يلاقي بردو c أو اوميجا يقوم قاطع.. او يشوف مكان تاني، ويقعد يفتح ويقفل في الجبس!
طبعا الله اعلم الصاج اي نظامه والتقسيط كل قد اي، وكام c اتقطعت.. فتلاقي الجبس بيلب " بتزقه بصباعك يتحرك بسهولة" وتظهر شروخ..

الصح إنك تعمل لوحة جبس..
يعني وانت بتوزع فرش شقتك وبتعمل لوحة كهربا وسباكة، لوحة الجبس اساسية معاك..
اولا عشان تشوف شكل الجبس، ثانيا عشان تعرف كل قطعة محتاجة اسبوتات او إضاءة قد أي، ميكونش فرح العمدة.. ثالثا عشان صمايعي الجبس يشتغل من اللوحة، فيبعد الc والاوميجا عن اماكن الاسبوتات والسماعات..

وطبعا ده بياخد من الصنايعي وقت وتكلفة في التقسيط، فاكيد الشغل العشوائي والحبيني، مش زي الشغل الهندسي..

صاحبي العريس اياه، كنت عملتله لوحة جبس ونفذت له البند مع إني مبشتغلش بنود.. ورغم إني عملت له لوحة ومقنرحات واختار ونفذنا، بعدها بفترة لما جه يشتغل في تشطيب الكهرباء غير وعدل ووزع بمزاجه.. وقطع في اربع زوايا اربعة c غير الاوميجا..
والاستاذ بيتصل بيا الفجر وكمان مستغرب الجبس بيلب ليه..
البيه مركب اربعة كشاف ٢٠ سم جوا الجبس غير الاسبوتات.. 😂

سيبك من شغل العشوائية وخليك في الشغل الهندسي ومتقولش هوفر حق اللوحة.. عشان ممكن تدفع قصاد ده تمن بند كامل أو تصليحات ويوميات ومعالجة!

اللهم إني قد بلغت.. 🤷‍♂️

حد عرف مخربش الجنب من النص 🤔ليه ؟
13/06/2026

حد عرف مخربش الجنب من النص 🤔ليه ؟

دى صورة على الفيس زميلكم ناشرها وبيتكلم على مواسير الكهرباء وأنا حأستغلها عشان اتكلم عن شباك المطبخ لازم يكون كتف المبان...
29/04/2026

دى صورة على الفيس زميلكم ناشرها وبيتكلم على مواسير الكهرباء
وأنا حأستغلها عشان اتكلم عن شباك المطبخ
لازم يكون كتف المبانى اللى على اليمين ده على الاقل 60 سم عشان ميتعارضش مع دواليب المطبخ العلوية اللى بتكون بعرض 40سم
وجلسة الشباك لازم تكون اعلى من رخامة المطبخ ب40 سم على الاقل يعنى على ارتفاع 130 سم عشان وزرة رخامة المطبخ و (بر ) حلق شباك الالوميتال

ولو حتثبت رخام المطبخ وتكسر له فى الحيطة لازم تبعد أى مواسير كهرباء عن مكان تثبيت الرخام فى الحيطة

بقول لحضرتك قبل الشغل الاتفاق افضل شى على السعر 👌20 نصيحة تانى لازم لازم تاخد بالك منها ف تأسيس كهرباء اى شقة 😉👌﴿ 1 ﴾ اه...
15/11/2025

بقول لحضرتك قبل الشغل الاتفاق افضل شى على السعر 👌
20 نصيحة تانى لازم لازم تاخد بالك منها ف تأسيس كهرباء اى شقة 😉👌

﴿ 1 ﴾ اهم حاجه تكون عارف هتفرش الشقة ازاى

﴿ 2 ﴾ لازم الكهربائي يأخذ شيرب للشقه ميزان الليزر عشان يوحد ارتفاع كل علب ومخارج الكهربة ف الشقة

﴿ 3 ﴾ اعمل حساب خط تكييف فى كل area حتى لو مش هتركب التكييفات ويفضل تكون المفاتيح بتاعتها نايمه مش واقفه هتكون اشيك ع ارتفاع 120cm بسلك 4مم سويدى تمام اوى عليها

﴿ 4 ﴾ اعمل حساب كشافات الطوارئ فى كل الشقة احسن ما تعمل بواط لتجميع اسلاك التيار الخفيف بسلك 1.5مم ع ارتفاع 30cm تحت الجبس او 45cm م السقف ولو ارتفاع الشقة اكتر م 3م يبقى ع ارتفاع 2.5م م التشطيب

﴿ 5 ﴾ اعمل حساب كاميرا مراقبه امام باب الشقه على الاقل

﴿ 6 ﴾ اطلب من الكهربائي سلك الدش يكون فى خرطوم لوحده والسلك واصل لحد الطبق بدون لحام لكل غرف لوحدها علشان الاشاره تكون100%

﴿ 7 ﴾ اعمل جرس من المطبخ للانتريه لو حابب علشان محدش ينادى عليك وانت مع ضيوفك وعلبة مفتاح الجرس قدام الشقة لازم يكون فيه خط ارضى بسلك 1.5مم او 2مم

﴿ 8 ﴾ اعمل حساب ديفاتير ومفتاح اربعة طرف فى غرف النوم للطرقه لو فيه او حساس حركة ف الطرقة ويكون ف علبة الحساس خط ارضى

﴿ 9 ﴾ اعمل حساب الليد بين واحدات المطبخ والدرسنج ودواليب الغرف

﴿ 10 ﴾ اعمل لكل area خط للاناره بسلك 2مم وخط للبرايز بسلك 3مم وخط للتكييف بسلك على حسب قدرة التكييف وخط للغسالة وخط للسخان وخط لل ميكرويف بسلك 4مم وباقي المطبخ من خطين الي ثلاث خطوط بسلك 3مم و راجع الانارة سلك 1.5مم ومناولة البرايز لكل area 2mm فما عدا المطبخ

﴿ 11 ﴾ بلاش تركيب بواط لتجميع اسلاك الدش والتليفون وسلك النت الافضل لوحه الخدمات من فينوس ولو الإمكانية متسمحش ممكن لوحه ١٢خط عاديه

﴿ 12 ﴾ متنساش تأسس ل dvr الكاميرات و Sound system وتجميعهم ف نفس لوحة الخدمات

﴿ 13 ﴾ متنساش يبقى فيه علبة جنب حوض الحمام ع ارتفاع 120cm يكون فيها بريزة ومفتاح انارة المراية او ابليج فوق الحوض وتشغيل الشفاط

﴿ 14 ﴾ متناسش تعمل علبة لمفتاح السخان جنب علبة مفاتيح الانارة او تحتها غير علبة بريزة السخان او مخرج تغذية السخان

﴿ 15 ﴾ متنساش تعمل علبة ف كل area جايبة خط م لوحة الخدمات حتى لو مش هتستخدمها دلوقتى وتطلع بيها فوق الجبس عشان ربط ال sound system والداتا والتلفون تكون مفصولة تماما عن علب وخطوط الكهربة

﴿ 16 ﴾ الافضل تعمل علبتين للشاشة مش علبة واحد جنب بعض مش فوق بعض عشان ماتدخلش سلك الدش او الداتا ع علبة الكهربة تبعد عن سنتر الشاشة غير علبة كابل الاتش دى 20cm

﴿ 17 ﴾ اعمل حساب السقف المعلق حتى لو مش هتعمله دلوقتى ولو هتعمل رسمة بالجبس ف نص ال area لازم تحدد الشكل بأبعاده عشان يتعمل حسابة ف تغذية الانارة

﴿ 18 ﴾ ماتنساش تعمل حساب ماتور المياه بمفتاح نايم مش واقف ف المطبخ ع ارتفاح 120cm واعمل حسابة ع مفتاح اوتوماتك لوحده ف اللوحة بسلك 2مم

﴿ 19 ﴾ بعد انتهاء تأسيس الكهرباء للمرحلة الأولي صور الشغل كله قبل المحارة وهو لسه خراطيم عالحيطه علشان بعد كده لما تعلق براويز اوهتخرم فالحيطه لأي سبب ماتخرمش فى اي خراطيم او اسلاك في الحائط

﴿ 20 ﴾ اطلب من الكهربائي بعد ما يركب الخراطيم والسلك ينور الشقه كلها علشان الصنايعيه تعرف تشتغل ويركب بريزة أو اثنين علشان اي صنيعى هيحتاجها في أي معدة

ملاحظات مهمة ⚠️

◀️ إرتفاع مفاتيح الإنارة من 115cm الي 120cm
◀️ إرتفاع البرايز من 30cm الي 40cm او 50
◀️ إرتفاع برايز الكومود 55cm الي 70cm
◀️ إرتفاع برايز المطبخ 120cm
◀️ إرتفاع برايز كل من غسالة الملابس والبوتاجاز وفلتر المياه من 50cm الى 70cm
◀️ إرتفاع الشفاط الهرمى 170cm
◀️ ابليج حوض الحمام او المراية الليد وعلبة الشفاط وبريزه او مخرج السخان 180cm
◀️ الشفاط ال بيركب ف الشباك مفتاحة ف العلبة ال جنب الحوض ع إرتفاع 120cm

ملحوظة مهمة جدا كل الارتفاعات دي بعد السيراميك
ولو حضرتك المنشور عجبك ياريت تعمل مشاركه ومتابعه للصفحة

Address

الاسكندرية . . طريق اسكندرية مطروح . . العجمي
Alexandria
21928

Website

Alerts

Be the first to know and let us send you an email when Almhy Design الماحي ديزاين posts news and promotions. Your email address will not be used for any other purpose, and you can unsubscribe at any time.

Shortcuts

Share

Category