Passant Azkoul handmade

02/08/2026

شنطة كروشية هاند ميد بتفاصيل مميزة وألوان مبهجة تخطف العين من أول نظرة 💖
واسعة، عملية، وخفيفة... مثالية للبحر، السفر، أو حتى خروجات الصيف.
باترون مميز جدا #حديقةـصوفي
مش هتلاقيه ابدا على هيئة شنطة في حته زينا
✨ هاند ميد بالكامل
✨ قطعة مميزة مش هتلاقي منها كتير
✨ خامات قوية وتشطيب باهتمام بكل تفصيلة

لو بتحبي القطع المختلفة اللي تلفت الأنظار، فالشنطة دي معمولة ليكي 🤍

غير متاح تكرارها 💜🌷

#كروشية

31/07/2026

✨ حلمك تتعلمي الكروشية؟ ابدئي معايا من الصفر خطوة بخطوة! 🧶🤍

لو عمرك ما مسكتي إبرة كروشية قبل كده، أو حاولتي تتعلمي واتلخبطتي بين الفيديوهات، فالكورس ده معمول مخصوص ليكي.

هنتعلم مع بعض:
🧶 الأدوات وأنواع الخيوط.
🧶 جميع الغرز الأساسية.
🧶 الزيادة والنقصان.
🧶 قراءة الباترون بسهولة.
🧶 تنفيذ أول مشروع بإيدك.
🧶 متابعة والإجابة على أسئلتك لحد ما تتقني الشغل.

🎥 دروس مسجلة تقدري تشوفيها في أي وقت.
📱 من موبايلك أو الكمبيوتر.
💖 مناسب للمبتدئات تمامًا.

ابدئي هواية ممتعة ممكن مع الوقت تبقى مصدر دخل ليكي. 🌸

📩 لو حابة تعرفي تفاصيل الكورس وموعد أول دفعة، ابعتيلي كلمة "كروشية" في الكومنتات ، وهبعتلك كل التفاصيل

30/07/2026

✨ بنطلون كروشية هاند ميد ✨

لو بتحبي القطع المختلفة اللي تلفت النظر، فالبنطلون ده معمول علشانك وبأدق التفاصيل. 🤍🌿

✔️ مريح وخفيف للمصيف والبحر
✔️ تصميم مميز بفليير واسع ولمسات كروشية أنيقة
✔️ هاند ميد 100%
✔️ يتلبس مع شيميز أو كيمونو أو توب بسيط لإطلالة شيك ومحتشمة.

📩 متاح تنفيذه بالألوان والمقاسات حسب الطلب.

💛 Handmade with love by Passant Azkoul Handmade

#كروشية #مصيف

29/07/2026

24/07/2026

رجعنا لكم تاني 🥳🥳 وحشتونا ياترى وحشكم شغلنا ولا ايه 🌷💜

27/05/2026

عيد سعيد عليكم يارب 🥳🥳🥳🥳
دامت أيامكم عامرة بالمسرات

03/05/2026

كل واحدة فينا ليها طريقتها الخاصة وهي ماسكة إبرة الكروشية 🤏🧶
في اللي تمسكها زي القلم ✍️
وفي اللي تفضل مسكتها زي السكينة 🍴😂
وفي الآخر… المهم إن الغرز تطلع مظبوطة والقلب مبسوط 💜

قوليلي إنتِ بتمسكي إبرة الكروشية إزاي؟ 👀
ويا ترى غيرتي طريقتك مع الوقت ولا لسه زي أول غرزة؟ ✨
أنا عن نفسي طول عمري بمسك الإبرة زي السكينة و معرفتش امسكها بطريقة تانية

#كروشية
💜🧶

27/04/2026

اعمليها بنفسك مع بسنت 🌻 الحلقة التانية - الجزء التاني

الجزء التاني من ورشة وردة دوار الشمس 💛
هنكمل سوا التفاصيل اللي بتخلي الوردة تبقى حقيقية ومبهجة ✨

لو عملتي الجزء الأول، جهزي خيوطك وتعالي نكمل سوا خطوة بخطوة 👌
ولو لسه، تقدري ترجعي له بسهولة وتلحقينا 💫

مستنية أشوف شغلكم الحلو 😍
متنسيش تبعتيلي النتيجة أو تعملي منشن علشان أنزلها عندي ❤️
عايزه اقولكم الجزء الأصفر ده اخد مني اكتر من اسبوعين حرفيا علشان اعمله ، لأني ببساطة مش لاقيه أي وقت انا كنت بشتغل فيه بدل ما أنام و ارجع اندم طبعا 🫣🤣 يالا الحمد لله
ادعولي ربنا يبارك في ولادي و يهديهم .. مستنية تطبيقاتكم

#كروشية

17/04/2026

في كل مرة بحس إني تايهة أو مضغوطة… بلاقي نفسي راجعة لنفس المكان 💛

الكروشية مش مجرد خيط وإبرة… الكروشية كان طوق نجاة
أول مرة أنقذني هو و الرسم وقت صدمة وفاة بابا… وقتها كنت حرفيًا بحاول أتنفس
وكانوا هما الحاجة الوحيدة اللي بترتب فوضى جوايا

ودلوقتي… بيرجعوا ينقذوني تاني
وسط ضغط نفسي كبير جدًا مع الولاد، ومسؤوليات مابتخلصش
بلاقي في كل غرزة هدوء… وفي كل قطعة بعملها جزء مني بيرتاح
مش هتصدقوا لو قولتلكوا اني باخد من وقت نومي علشان اشتغل سطرين ولا اكتب بوست زي ده لأن الوقت صعب جدا مع توينز رضع
يمكن الكروشية بالنسبة لناس كتير هواية
لكن بالنسبة لي… هو أمان، علاج، وملجأ بعد ربنا برجعله كل ما الدنيا تضيق

لو عندك حاجة شبه كده… اتمسكي بيها جدا
و انصح اي حد يكون عنده هواية يعرف يفصل بيها شوية عن ضغوط الحياة