مطبخ روزي التركي

مطبخ روزي التركي ربه منزل 😍 بمرتبه أم اعشق المطبخ والوصفات الغير مكلفه 👌
اشكركم جدا علي متابعتكم ❤️ اللهم اجعله في ميزان حسناتي و شفيعا لي يوم مماتي
(3)

مراسم تغيير كسوة الكعبة المشرفة..... اللهم زد هذا البيت تعظيمًا وتشريفًا ♥️🌹🤲
16/06/2026

مراسم تغيير كسوة الكعبة المشرفة..... اللهم زد هذا البيت تعظيمًا وتشريفًا ♥️🌹🤲

المذيع معقوله"10 سنين انت بتراعيهم؟"محمد غنيم: "أيوا."المذيع: "ودكتور، وفنان، وأب وأم."محمد غنيم: "وأحياناً بطبخ وأغسل و...
16/06/2026

المذيع معقوله"10 سنين انت بتراعيهم؟"
محمد غنيم: "أيوا."
المذيع: "ودكتور، وفنان، وأب وأم."
محمد غنيم: "وأحياناً بطبخ وأغسل وأكنس وأربي العيال، وكان عندهم 5 سنين لما أخدتهم، وكنت بحمي (أحمّم) وألبس وأودي النادي.. بس دا دوري."
المذيع: "لا مش دورك، بيطلعلي تاني يقولك: 'هو في أب بيودي مدارس؟ هو في..' وريني كدا الأب لما يقوم الصبح يعمل السندوتشات للمدرسة ويوديهم للمدرسة، الأب لم يُخلق لتربية.."
محمد غنيم: "يا أستاذ.... بعد إذن حضرتك، ربنا بيقول ايه 'ادْعُوهُمْ لِآبَائِهِمْ'.. آدي واحدة، أنا خلفتهم، اسمهم في شهادة الميلاد محمد غنيم."
المذيع: "صح."
محمد غنيم: "أأكلهم، وألبسهم، وأشربهم، وأربيهم، وأعلمهم..

المذيع: "بس الناس بتقولي إنك تزوجت سيدة هي اللي كانت بتعمل دا معاك؟"
محمد غنيم: "لا يا فندم، سنة ونص وما كملناش، لأنها ما عرفتش تعمله معايا."
المذيع: "مش فاهم، يعني أنت تزوجت من أخرى.."
محمد غنيم: "وما عرفناش نعمل دا مع بعض، فانفصلت وعشت مع عيالي تاني، سنة ونص في النص وبس."
المذيع: "وفشلت أنت في السؤال لوحدك برضو؟"
المذيع: "بس أنت يعني.. فكرة إنك تعيش لوحدك وراهب بقى بتربي في العيال.."
محمد غنيم: "راهب مين يا عم؟ أنا أسعد راجل في الدنيا."
المذيع: "من غير ست.. أسعد راجل في الدنيا؟"
محمد غنيم: "مش حكاية الست، أنا معايا تلات رجالة."
المذيع: "الله.. دا شو.. أنا شايف أم بتتكلم مش أب، يعني أنت رفضت تتزوج وعايش بتربي عيالك وتقول أنا أسعد راجل في العالم؟"
محمد غنيم: "آه طبعاً، اصحى الصبح كدا وشوف التلات رجالة دول افطر معاهم.. بكام؟ طب كان عندهم 5 سنين كدا، كان عندي توأم منهم 5 سنين غير أحمد الكبير، كنت بنام في النص، لو وديت وشي كدا دا يوجعني (يقصد يشدني أو يحضنني)، وديت وشي كدا دا يوجعني.. ومش زعلان، واصحى الصبح ألبس وأودي المدرسة، وأروح أجيبهم من المدرسة وأوديهم للدكتور.."
المذيع: "وأنت كنت دكتور إزاي؟"
محمد غنيم: "ما هو المدرسة والعيال.."
المذيع: "ما هو قولي بس بصراحة، يعني أنت دلوقتي دكتور، أنت بتكلمني كواحد قاعد في البيت مبيشتغلش، يودي مدارس ويجيب من المدارس ويطبخ ويرجع ويقابل.."
محمد غنيم: "ليه؟ ليه الكلام عندك كدا؟ ليه؟ ما أنا بوديهم المدرسة وأطلع على المستشفى."
المذيع: "وبعدين؟"
محمد غنيم: "وأخلص مستشفى وأروح أجيبهم وأروح."
المذيع: "وهي المستشفى بتخلص قبل ميعاد المرواح؟"
محمد غنيم: "آه طبعاً."
المذيع: "مظبط شغلك يعني؟"
محمد غنيم: "آه مظبط شغلي."
المذيع: "مفيش عيادة بعد الظهر؟"
محمد غنيم: "في بعد الظهر طبعاً."
المذيع: "والعيال بتقعد لوحدها إزاي؟"
محمد غنيم: "بيقعدوا مع.. عندهم دروس، على ما يخلص الدرس، المدرس أو المدرسة، أكون أنا رجعت."
المذيع: "يعني نموذج عايز يقول كأب إن مكنش في تقصير في حق العيال، وقدرت تعمل دا لوحدك؟"
محمد غنيم: "لا خالص.. خالص، وأنزل معاهم ونشتري الهدوم ونروح السوبر ماركت ونزق العربية ونجيب الحاجات، ولو مفيش أم عمر نطبخ سوا."
المذيع: "والتمثيل بقى والدراسة والشغل؟"
محمد غنيم: "والتمثيل كل يوم.. ما أنا بيجيلي دور ولا اتنين لكن يعني مش كتير."
نموذج مشرف لاب محترم متفاني عارف حق أولاده والامانه اللي ربنا ادهاله وأنهم في المقام الأول في حياته

قبل ما اسرد القصه دي عندي شويه تساؤلات ازاي تحملت كل ده ؟! ايه اللي أجبرها تستحمل وتسكت كل المده دي ؟! ليه طول الفتره دي...
15/06/2026

قبل ما اسرد القصه دي عندي شويه تساؤلات
ازاي تحملت كل ده ؟!
ايه اللي أجبرها تستحمل وتسكت كل المده دي ؟!
ليه طول الفتره دي اهلها ما سألوش عليها ولا قلبهم وغوشهم علي بنتهم ويرحوا يشوفها ازاااااااي؟!
الواقعه دي تعتبر مأساة تقطع القلب..
بعد غياب وانقطاع دام سنه ونص تعرضت فيهم هذه الزوجه لكل انواع القسوة انتهت حياتها بنهايه حزينه .

كشفت تحقيقات النيابة والأجهزة الأمنية خلال الأيام اللي فاتت عن تفاصيل مأساوية لأم وشابة صغيرة، عاشت أيام صعبة جداً جوة بيت جوزها من غير ما حد من أهلها يعرف عنها حاجة ؟!!!!
لحد ما فقدت حياتها 😔.. والمفاجآت اللي كشفتها القضية تبكي الحجر.
📌مشاكل مابتخلصش وضغط مادي
الموضوع مكنش وليد اللحظة، الحكاية بدأت من زمان بمشاكل مستمرة وخلافات مابتنتهيش لزيحه دامت ١٧ سنه. الزوج كان بيشرب مخدات وكان دائم الخلاف معاها علي اتفهه الأسباب و بيتعمد يبعتها عند اهلها علشان تاخد منهم فلوس .
ولما الموضوع زاد عن حده والدها قالها 👈 "أنا مش ملزم بيكي، هو اللي المفروض يصرف عليكي"، الرد ده قفل في وشها كل أبواب الأمان وحسسها إنها لوحدها ومالهاش ضهر.

والدها قال إنه مكنش موافق انها ترجع له بعد ما قعدت سنه عنده ،وراحت للمحاكم ورفعت قضية علشان تنفصل.
لكن للأسف، تدخل أهل الزوج والوساطات علشان "الصلح ولم الشمل"، وعلشان غريزة الأمومة اللي جواها ورغبتها إنها تربي ابنها وماتحرموش من حضنها ولا تبعده عن والده ، وافقت تتنازل وترجع لبيتها تاني..
ومكنتش تعرف إن الرجوع ده هيكون خطوه لمأستها الي أدت في النهاية انها تفقد حياتها 🥹

📍سنة ونص عزل تام عن العالم
أول ما رجعت الزوج فضل يضغط عليها كل شويه علشان تروح عند اهلها تاخد منهم فلوس ، ولكن بعد ما والدها رفض يستمر أنه يديها واعترض ، رفضت طلب زوجها في استمرار الذهاب لبيت اهلها
الزوج استغل الفرصة وقرر ينتقم منها، قفل عليها الأبواب ومنعها من التواصل مع العالم الخارجي تماماً لأكتر من 500 يوم (سنة ونص)! منعها تكلم أهلها أو تشوفهم، واستفرد بيها جوة البيت وعزلها تماماً وعاملها بقسوة شديدة بعيد عن عيون الناس.
📍الصدمة والمفاجأة المُرّة للأب
طول الـ 18 شهر دول، الأب كان فاكر إن بنته عايشة ومستقرة في بيتها بعد الصلح وأنها قطعت علاقتها بيهم وأنها ابنه غير باره ، لحد ما فجأة جاله الخبر الصدمة إنها فارقت الحياة.
الفاجعة مكنتش بس في رحيلها، الصدمة الأكبر للأب وجهات التحقيق لما شافوا حجم التدهور الصحي الشديد والضغط النفسي والبدني اللي عاشت فيه، وهو اللي كان السبب المباشر في إن صحتها تتدمر وحياتها تنتهي.

📍العدالة بتحقق والشارع بيطالب بأقصى عقوبة
القضية قلبت السوشيال ميديا وعملت حالة غضب وحزن عارمة، والكل بيطالب بالقصاص وأقصى عقوبة للمتهم. الأجهزة الأمنية جابت الزوج والنيابة شغال تحقيق معاه، والجثمان اتحول للطب الشرعي علشان يكتب التقرير النهائي قبل المحاكمة.

📌الحادثة دي ناقوس خطر لكل أب وأم.. اسألوا على بناتكم واطمنوا عليهم بنفسكم، وماتقفلوش البيوت في وشهم مهما كانت الظروف، البنت المنفصلة وهي عايشة وسطكم وبتحموها، بألف مرة من إنها تضيع منكم.

📌وكمان رسالة لكل جار بيسمع صوت أو بيلاحظ اختفاء غريب.. السكوت مش احترام خصوصية، السكوت ممكن يضيع روح.
#توعية
إنا لله وإنا إليه راجعون، ربنا يرحمها ويصبر أهلها وحسبنا الله ونعم الوكيل .

واقعة غريبه في الإسكندريةابن يخفي وفاة والدته لشهور والسبب غير متوقع!كشفت الأجهزة الأمنية بمنطقة السيوف في الإسكندرية عن...
15/06/2026

واقعة غريبه في الإسكندرية
ابن يخفي وفاة والدته لشهور والسبب غير متوقع!
كشفت الأجهزة الأمنية بمنطقة السيوف في الإسكندرية عن إقدام صاحب محل قطع غيار على إخفاء جثة والدته المسنة (76 عاماً) لأكثر من 4 أشهر بعد وفاتها طبيعياً.

المتهم وضع الجثمان داخل صندوق خشبي وصَبّ فوقه طبقة خرسانية لمنع انبعاث الرائحة، وذلك للاستمرار في صرف معاشها ومعاش والده البالغ 22 ألف جنيه شهرياً.

انكشف السر بعدما ارتاب أشقاؤه من منعه المتكرر لهم من زيارتها، وادعائه أنها تزوجت وانتقلت لمكان آخر، مما دفعهم لإبلاغ الشرطة.
وبمواجهته انهار واعترف بجريمته، وتم حبسه على ذمة التحقيقات.
(صوره تعبيريه)

"إنها تطلع الأولى وتحافظ على مستواها وتسبق زمايلها بالنسبة لي دي معجزة، ربنا عالم ومطلع هي تعبت إزاي وأنا تعبت إزاي!!" ❤...
15/06/2026

"إنها تطلع الأولى وتحافظ على مستواها وتسبق زمايلها بالنسبة لي دي معجزة، ربنا عالم ومطلع هي تعبت إزاي وأنا تعبت إزاي!!" ❤️
​والجندي المجهول اللي مسافر برة، باباها، تعب جدا كمان.. اللي قالها: "أنا في ضهرك، أي حاجة تطلبيها أنا معاكي في كل حاجة عايزاها". ربنا يبارك لنا فيه وفيها.
📌​كل التقدير والاحترام والتحية والإجلال لزوجي ورفيق دربي وعشرة عمري وحبيبي وأبو أولادي وونيسي في الدنيا، وإن شاء الله يكون في الآخرة، اللي مستحمل الغربة وقاعد لوحده وإحنا هنا وسط أهلنا وناسنا.

​أنا تعبت معاها ولكن أكيد مش زي تعبه؛ هو الجندي الخفي اللي بيسخر كل حاجة لينا، هو بيحرم نفسه من كل حاجة علشان يوفر لهم كل حاجة.

كان نفسي يكون معانا جداً في الوقت ده، يحضنها ويطبطب عليها وهي تبوس رجله وإيده ورأسه، ويشوف برها وتكون خير ابنة له.

طبعاً هو وصاني بالأذكار والمحصنات وكان خايف عليها، هي دي زرعته.. هو دايماً يقولهم: "انتوا جيشي، انتوا سندي، انتوا أميراتي" ومسميهم بالأميرة الكبرى والوسطى والصغرى.

​📝 قصة التحول إلى الأزهر الشريف
​إحنا أصلاً كنا عايشين بالخارج، وهما كانوا تعليم عام وحاولوا أزهر بعد ستة ابتدائي، وده كان قراري بسبب رؤيه شفتها.

( شفت اني في ساحة زي ساحة الحرم والشيخ أحمد الطيب موجود، وكنت بشتكي له من مشكلة بيني وبين زوجي، فشاور لي عليهم وقالي: "هتفرحي بيهم في الأزهر".
​فقولت له: "يا شيخ دول مش في الأزهر"، قالي: "هيكونوا في الأزهر".
​فروحت سألت في الحرم المكي، فالشيخ اتعصب عليا جداً وقالي: "عارٌ عليكِ وأنتِ مصرية ألا تلتحقي بالأزهر الذي يفد إليه الطلاب من كل بقاع العالم!" وقالي إن دي رؤية من الله، دخليهم الأزهر. وقد كان
​وأشهد الله العظيم أن مداركهم بعد القرآن والعلوم الشرعية وذكائهم وقدرتهم على الاستيعاب تضاعفت عشرات الأضعاف! تيقنت أن القرآن والعلوم الشرعية هما باب مفتوح لعقلية الطفل والطالب، فالإتساع في العلم يزيد الاستيعاب.

​🎓 ​أنا فخورة بـ "رودي" أوي، وإن شاء الله تكون طبيبة المستقبل هي وأختها "عزة" اللي كانت العام الماضي الثامن على المحافظة.
فأنا طامحة وطامعة وراجية لله إنها تكون من علماء الأمة هي وأخواتها، والفرحة دي تكون في ثالثة ثانوي إن شاء الله.
​إحنا مسبناش كتاب خارجي إلا لما جبناه وحليناه، وكانت بتقعد بالـ ٢٠ ساعة تذاكر وتراجع! "رودينا" حلت ما يقرب من ألف امتحان في كل مادة، كانت إيديها بتورم من مسكة القلم، كنت بقولها: "مفيش مجال يجي سؤال ممرش عليكي قبل كدا".
​💬 هل ده كان ضغط عليها؟!
​أكيد طبعاً كانت بتتعب، وأوقات بكت وتمرضت، وأوقات قفلت الكتاب وسابته وكانت بتعترض، وخصوصاً في رمضان كانت تقولي: "مش قادرة وكفاية أبقى الأولى على معهدي أنا راضية"، لكن أنا كنت بقولها: "مسمعتكيش!"..

وهي عارفة إن مفيش حد ممكن يحبها ويخاف عليها قدي، وكنت واثقة في قدرتها وإنها تستحق تكون في المكانة دي.
​🏆 رودينا الأولى على الشهادة الإعدادية الأزهرية بمحافظة الإسماعيلية 🏆

سألت الراجل إنت بتحط ثانى أكسيد التيتانيومعلى عصير القصب قالى إيه قولتله صب صب
14/06/2026

سألت الراجل إنت بتحط ثانى أكسيد التيتانيوم
على عصير القصب قالى إيه قولتله صب صب

"إنا لله وإنا إليه راجعون "حادث أليم يفجع أسرة في الفيوم أثناء ذهابهم لحضور حفل زفاف أقاربهم، مما أسفر عن وفاة 8 أشخاص م...
14/06/2026

"إنا لله وإنا إليه راجعون "حادث أليم يفجع أسرة في الفيوم أثناء ذهابهم لحضور حفل زفاف أقاربهم، مما أسفر عن وفاة 8 أشخاص من عائلة واحدة. نسأل الله أن يتغمدهم بواسع رحمته ويلهم ذويهم الصبر والسلوان. نسألكم الدعاء لهم."

14/06/2026

أوصفي حماتك بكلمتين
🌹

أنا سماح وببريك يا اسلام من كل حقوقي طلاقني !!= انتي طاالق = لو ووووووووووولي لسماح وهيا بتزغرط علشان أطلقتقول يابني ا...
14/06/2026

أنا سماح وببريك يا اسلام من كل حقوقي طلاقني !!
= انتي طاالق
= لو ووووووووووولي
لسماح وهيا بتزغرط علشان أطلقت
قول يابني انطق عملت لها ايه 🤣😃🫣

ضـ.ـبط مادة بيضاء تستخدم فى غـ.ـش عصير القصب وتسبب امراض خـ.ـطـ.ـيرة
13/06/2026

ضـ.ـبط مادة بيضاء تستخدم فى غـ.ـش عصير القصب وتسبب امراض خـ.ـطـ.ـيرة

Address

البيطاش
Alexandria
21928

Website

Alerts

Be the first to know and let us send you an email when مطبخ روزي التركي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category