23/06/2026
تعالي اقولك شوية نصايح ومعلومات مفيدة جدًا جربيها وهتشوفي الفرق بنفسك 👌👌
👇👇
-- ضيفي شوية بقدونس مفروم مع التوم للباذنجان المخلل بيدي نكهة وطعم أحلى فعلًا
-- ضيفي معلقة سكر صغيرة للصلصه تساعد توازن حموضة الطماطم، لكن متكتريش عشان الطعم ميبقاش مسكر
-- اسلقي البطاطس خفيف 5 دقايق في مية فيها ملح، وبعدها تتصفى وتتساب تنشف شوية وبعدين تتقلي هتطلع مقرمشة ومش هتشرب زيت
-- قشر الليمون مترميهوش ادعكي بيه إيدك بعد المواعين، بيساعد يقلل ريحة الصابون والدهون ويخلي الإيد أنعم ✨
-- معلقة عسل صغيرة في تتبيلة الفراخ المشوية بتساعد على لون وطعم حلو 👌
-- الزبادي او شوية لبن في تتبيلة البانيه بيخليه طري ومستويته أحلى
-- الباذنجان المحمر لو قفلتي عليه بعد ماخللتيه وهو سخن شوية في علبة بيحتفظ بطراوته أكتر
-- الفراخ المسلوقة ادعكها ببصلة و ملح وفلفل وبهارات فراخ قبل السلق يخلي الطعم أحسن ويقلل أي زفارة
-- ضيفي للرز باللبن شوية كريمة خفق أو كريم شانتيه بيديها قوام وطعم ألذ
-- وانتي بتحمري بصل الكشري ضيفي رشة دقيق خفيفة جدًا تساعد على القرمشة و الملح يفضل بعد التحمير عشان مينزلش مية
-- ضيفي رشة زعتر على الصلصةبتدي ريحة وطعم مميز
-- رشة بسيطة جدًا بيكنج بودر مع الكفته تساعدها تفضل طرية ومتكشش
-- تشويحة خفيفة للحمه المسلوقه مع زبدة و حبهان وورق لورا قبل اضافة الميه الساخنه تديلها لون ونكهة أجمل
-- مستكة وحبهان في السمنة وانتي بتعملي الأرز الابيض يدو ريحة خطيرة جدًا للرزة
-- عشان تعملي أحلى صلصة مكرونةاضربي مع الطماطم فصين توم وقرن فلفل رومي وقطعة فلفل حامي النتيجة تحفة 🔥
-- وانتي بتعملي الجلاش جربي تضيفي موتزاريلا مع العصاج هتفرق جدًا
-- الرز البسمتي بعد مايستوي افتحي الغطا ٣دقايق عشان يفلفل وميمعجنش
-- وانتي بتعملي البانيه المقلي ضيفي حتة زبدة صغيرة مع الزيت تديله طعم المطاعم
#طبخ
#معلومات
ومتنسوش تصلوا على سيدنا محمد ❤️
