01/09/2026
🎂 ١ سبتمبر… عيد ميلادي الـ٤٥ ❤️😊
٤٥ سنة…
ولما أبص ورايا، ألاقي إن العمر مش بيتقاس بعدد السنين، لكن بكل حاجة عشناها جواها.
٤٥ سنة فيهم ضحك ودموع، نجاحات وإخفاقات، ناس دخلت حياتي وناس خرجت منها، أحلام اتحققت وأحلام لسه مستنية دورها.
٤٥ سنة اتعلمت فيهم إن الحياة مش دايمًا بتمشي زي ما إحنا عايزين…
وإن القوة مش إنك متتعبيش، القوة إنك كل ما تتعبي تعرفي تقومي وتكملي.
اتعلمت إن اللي بيتعمل بإيدينا، حتى لو أخد وقت وتعب، بيبقى ليه طعم مختلف…
وإن الإنسان ممكن يبدأ من جديد في أي سن، ومفيش حاجة اسمها «فات الأوان».
أنا فخورة بكل خطوة مشيتها…
حتى الخطوات اللي كانت صعبة، لأنها هي اللي وصلتني للست اللي أنا عليها النهارده.
النهارده مش بطلب من الدنيا كتير…
بطلب راحة بال، وصحة، وستر، ورضا، وناس حقيقية حواليا، وربنا يباركلي في كل اللي بحبه، ويكتبلي في الأيام الجاية أجمل مما أتمنى. 🤍
وبطلب كمان من ربنا يحفظلي قلبي…
القلب اللي رغم كل اللي شافه وعدّى عليه، لسه طيب، ولسه بيعرف يحب بصدق، ولسه جواه قلب طفلة بتفرح بالحاجات البسيطة، وتصدق الخير، وتفرح من قلبها. ❤️
يا رب ما تغيّرش قلبي إلا للأحسن، وما تخلّينيش أفقد طيبتي بسبب أي حد، واحفظ جوايا الجزء البسيط اللي لسه بيحب الحياة وبيحلم وبيفرح. 🤍
لسه عندي أحلام…
ولسه عندي حاجات نفسي أعملها…
ولسه بقول: الجاي أحلى بإذن الله. ❤️
كل سنة وأنا بخير…
كل سنة وأنا أقرب الي الله وأقرب لنفسي، وأهدى، وأقوى، وأعرف قيمة الوقت والناس والحياة أكتر.
٤٥ سنة… ولسه الحكاية مكملة. 🎂❤️
