EMAAR EGYPT Decoration

28/05/2022

بعض النماذج ومقاسات التنفيذ للمنتجات الخشبية

16/04/2022

ابداع من نوع خاص …

06/04/2022

27/03/2022

معدلات تقريبيه للكميات
1م3 خرسانة اساسات يحتاج 100 كجم حديد
1م3 خرسانة اعمده و حوائط يحتاج 200 كجم حديد
1م3 خرسانة سوليد سلاب يحتاج 100 كجم حديد
1م3 خرسانة هوردى سلاب يحتاج 120 كجم حديد
1م3 خرسانة فلات سلاب يحتاج 140 كجم حديد
1م3 خرسانة بانلدبيم سلاب يحتاج 140 كجم حديد
1م3 خرسانه عاديه يحتاج
0.8 م3 زلط + 0.4 م3 رمل + 250 كجم اسمنت + 125 لتر ماء
1م3 خرسانه مسلحه يحتاج
0.8 م3 زلط + 0.4 م3 رمل + 350 كجم اسمنت + 175 لتر ماء
المبانى
طوب مصمت 25*12*6 سم
1م3 مبانى يعادل 8 م2 مبانى
1م2 مبانى يحتاج 70 طوبه تنفيذيا ( تصميميا يحتاج 58 طوبه )
الالف طوبه ( مصمت ) يحتاج 200 كجم اسمنت
الالف طوبه ( مصمت ) يحتاج 0.67 م3 رمل
1م3 مونه يحتاج 1 م3 رمل + 300 كجم اسمنت
اللياسه
الطرطشه 1 م3 مونه يحتاج
1م3 رمل + 450 كجم اسمنت و ينتج 200 م2 طرطشه بسمك 0.5 سم
اللياسه 1 م3 مونه يحتاج
1م3 رمل + 300 كجم اسمنت و ينتج 40 م2 لياسه بسمك 2 سم
الارضيات 1 م3 مونه يحتاج
1م3 رمل + 300 كجم اسمنت و ينتج 40 م2 ارضيات بسمك مونه 2 سم
الدهانات
السيلر المائى
المعجون
دهانات البلاستيك
الوحده ( 1 كجم او 1 لتر ) تفرد تقريبا 8 م2 للوجه الواحد
الجرافياتو
نوعان ( الاسمنتى ..... الاكليريك )
طن الاسمنتى ( 1200 - 1300 ج.م )
وزن الشيكاره 25 كجم
1م2 يحتاج 2.5 كجم
طن الاكليريك ( 1700 - 2300 ج.م )
وزن البستله 20 كجم
1م2 يحتاج 2 كجم
العزل المائى
1.5 كجم بيتومين يدهن 1 م2
الرولات 10*1 م و تفرد تقريبا 8.5 م2

17/03/2022

أفضل أستغلال للمساحات الصغيرة المخفية

02/03/2022

100 معلومة مهمة جداََ في بنود التشطيبات ..

1- اي حوائط متعامدة علي بعض لازم تربطهم ببعض بطرف رباط.

2- اي حائط مباني بجوار عمود خرسانة لازم يتربطوا ببعض بكانات تثبت في العمود عشان ميحصلكش شرخ في الفاصل بينهم.

3- الحوائط النصف طوبة يتم حصرها بالمتر المربع والحوائط الطوبة يتم حصرها بالمتر المكعب.

4- وانت بتحسب عدد الطوب في أي حائط راجع ابعاد الطوبة اللي وصلالك الموقع كام لانها في الغالب بتبقي أقل من الابعاد القياسية للطوبة.

5- لازم يتم تركيب عتبة أعلي كل فتحة والعتبة تكون مستندة جوار الفتحة يمين وشمال عشان تشيل احمال الحائط فوقها وميحصلكش شروخ تركيز اجهادات.

6- واحنا بنسيب عرض الباب لازم نضيف علي العرض الموجود في اللوحة مسافة اضافية تسمي خلوص عشان نقدر نثبت الحلق.

7- لازم العراميس متكونش علي خط واحد والمسافة ما بين العرموس والتاني اسمها مسافة الطية.

8- الحائط لا يبني بكامل ارتفاعه علي مرة واحده ويتبني علي مرات اقصاها 1.2 م في المرة الواحدة.

9- لابد من تشخيط المباني من الاعلي بخوابير خشب ولو اكتفيت بملؤها بالمونة هتشرخ وتفصل.

10- في الاسوار لابد من ربط الحائط كل مسافة بأعمدة وعن زيادة الارتفاع لابد من وضع كمرات ( طبانات).

11- لازم ترش الحائط بالمياه كويس قبل عملية الطرطشة.

12- الطرطشة عملية لا غني عنها ولازم تكون طرطشة قوية ومسمارية.

13 - لازم تراعي ان كل الحائط عندك يكون اطرطش كويس ومفيش اي مساحات فارغة.

14- الطرطشة أما بالمسطرين او ماكينة الطرطشة.. والكوز والكوباية مش هتحصل بيهم علي طرطشة محترمة.

15- لازم تحط شبك ممدد ما بين المباني والخرسانة عشان تمنع ظهور شرخ في البياض في الفاصل بينهم.

16- لازم تراعي عمل بؤج واوتار تظبطلك الافقية والرأسية للحوائط.

17- ممنوع اضافة الجبس علي مونة البياض نهائياََ بجميع مراحله.

18- لو الحائط هيربي مونة كتير عشان نستعدله فعملية التلبيش بتم علي مراحل كل يوم مرحلة مش بنعمل السمك كامل في نفس اليوم.

19- العمود الدائري له فارمة خاصة بديله للبؤج والاوتار وبنمشي عليها.

20- لابد من تكسير الاوتار واعادة ملؤها بالمونة مرة تانيه خلال مرحلة الملو.

21- علب الكهرباء الماجيك لازم تكون علي نفس مستوي البؤج والاوتار.

22- لازم العلب تكون موزونه افقيا ورأسياََ وتكون علي نفس الشرب.

23- منتجات الكهرباء بدون استثناء مينفعش تشتغل فيها بالتقليد ولازم جميعها تكون معتمدة واصلية.

24- اهتم بتنزيل الخراطيم جوه الكمرات وانت بترميهم علي السقف عشان الكهربائي ميضطرش يكسر في الكمرة.

25- المواسير الفليكسبل المرنة بتمشي في الحوائط فقط وممنوع تمشي في الارض.

26 - الكهرباء ١ فاز بتدي فرق جهد ٢٢٠ فولت والكهرباء ٣ فاز بتدي فرق جهد ٣٨٠ فولت وفرق الجهد ١١٠ مش موجود في مصر.

27- يفضل ان كل غرفة تروح علي ٣ قواطع في اللوحة واحد للكهرباء و واحد للانارة و واحد للتكييف.

28- اهتم جداََ بأنك تختار مقاس السلك المناسب وامبير القاطع المناسب لكل حالة.

29 - يفضل انك تخلي مرحلة سحب الاسلاك في مرحلة التشطيب منعاََ لسرقتها.

30- لازم تسيب علي الاقل 25% من مساحة الخرطوم فاضية من الاسلاك.

31- مواسير السباكة بنشتريها من شركات معتمدة عشان نضمن جودتها وعشان ناخد عليها ضمان.

32- خلي منسوب مواسير التغذية علي الواطي عشان تتلافي اي تخريم فيها بالمسامير وانت بتركب اجهزة واكسسوارات الحمام.

33- المخارج اللي مش هتستخدم في البيبة لازم يتم تطبب كويس جداََ.

34- ممنوع نهائياََ التكسير في الاعمدة عشان تمشي مواسير التغذية.

35 - الكرنك وصلة يمكن انها تمشي في البارد او الساخن ومفيش اي مصدر علمي او داتا شيت لأي شركة منعت انها تتركب في الساخن.

36- لازم يتم فصل صرف القواعد عن صرف البيبة عشان نمنع اختلاط الروائح.

37 - ضروري تركيب ماسورة النفس بجوار عمود العمل للقواعد.

38- لازم تعرف انواع الاجهزة اللي هيتشطب بيها عشان تعمل حسابها في التأسيس.

39 - الجاليتراب لازم يتركب في نهاية عمود الصرف ولوحده عليه دور لا يقل عن 50% في منع الروائح.

40 - مينفعش تحط مونة علي اماكن الوصلات في المواسير عشان الفني يقدر يختبرها.

41- لازم قبل ما تشتغل بند السيراميك تتأكد ان الشرب بتاعك مظبوط مع ارتفاع سيفون الارضية في الحمام يا اما لو سيفون الارضية عالي هتضطر تعلي بمنسوب الشقة بالكامل.

42- السيراميك بيتركب بمونة عادي لكن البورسلين لازم يتركب بمادة لصق.

43- البورسلين لازم يتساب فيه فواصل لحامات لا تقل عن ٢ مم وده حسب كلام وداتا شيت الشركات المصنعة للبورسلين.

44- لازم تراعي استمرار اللحامات وعدم وجود تسنين ما بين البلاطة والآخري.

45- اتأكد من ان عدد الكراتين وصلك الموقع سليم وافتح كل كرتونة وشوف فيها عيوب ولا لأ.

46- وانت بتمتر السيراميك عشان تشتريه لازم متنساش تحط هالك للغلايق والهوالك اللي هتحصل.

47- السقية لازم تكون اما لباني او مونة ومينفعش ابداََ نسقي اسمنت ابيض علي الناشف.

48- لو هتركب بانيو شاسيه لازم سيراميك الحوائط يكون زاوية قائمة ومتربع.

49 - الارضيات والحوائط بيتحصروا بالمتر المربع والوزرات بتحصر بالمتر الطولي.

50- لازم تعمل ميول للارضيات في الحمام تروح علي البيبة بمعدل كل متر تعمل ميل 1 سم.

51- البانر او خامة الجلاكسي اللي هتركبه وهيطبع عليه الرسمة مادة بلاستيكية فالايبوكسي مش بيمسك عليها بشكل قوي فلازم تاخد بالك من شويه حاجات في البانر

52-البانر ميبقاش عليه مادة السلوفان اللي بتبقي محطوطة عشان تحمي البانر ونديله لمعان لأن الايبوكسي مش بيمسك عليها ولو موجودة تبقي بدون لمعة.

53- الاحبار اللي معمول بيها البانر تبقي من جودة عالية عشان الايبوكسي ميمسكش فيها ويطلع بيها.

54- لو المطبعة مش هتقدر تديني بانر بعرض كبير وهنضظر نلزق بانرين جنب بعض يبقي نخلي اول ٢ سم في بداية البانر الثاني زي اخر ٢ سم في البانر اللي قبله عشان نعمل الاوفرلاب وتطلع الصورة مكتمله تماماََ.

55-لو المساحة اللي هتفرد عليها البانر صغيرة يبقي ركز جدا في قياساتك وتفصيلة البانر عشان متضيعش اجزاء من الصورة ومتبانش.

56-مرحلة لصق البانر لازم تتم بعدد صغير من الأشخاص عشان ميبقاش عندنا بصمات رجلين كتير علي الصورة بتاعتنا.

57-البانر بيبقي ملفوف فلما هنيجي نفرده هنلاقيه طالع ونازل فيفضل انك تفرد البانر علي الارض قبل ما تستخدمه ب 24 ساعة عشان ياخد فردته كويس وميبقاش معرج.

58- لما تحط الايبوكسي علي السيراميك لازم تعالج فواصل السيراميك والخدوش اللي فيه وتقفل كل الفواصل دي عشان متظهرليش بعد كده في الصورة.. احنا عايزين الصورة تبقي محطوطة علي سطح املس تماما مفيهوش اي فواصل.

59- اي طبقة او ماتريال هتحطها تحت البانر عشان تعالج الارضية لازم يكون لونها ابيض عشان متدنيش انعكاس وتطبع مع البانر والصورة.

60- لازم تخرج كل الهواء اللي تحت الصورة.. نفس فكرة تركيب اسكرين الموبايل كده.

61- لما بتركب صور 3d لازم تاخد بالك من زاوية الرؤية يعني لما تخش المكان تبقي نظرتك ليه تظهره كثلاثي الابعاد لأن ممكن تركيب اتجاه الصورة بشكل مش سليم يبوظلنا ال 3d تماماََ.

62- سطح الايبوكسي بعد تنفيذه ميجيش عليه مياه نهائياََ لمدة اسبوع علي الاقل لان المياه بتكون عليه طبقة بيضاء وبضيع لمعانه.

63- الايبوكسي مبيتخلطش خلط سريع لكن لازم يتخلط يدوي لأن الخلط السريع بيفصله وبيضيع الشفافية بتاعته وبيكون طبقة بيضاء ولو هتشتغل في الشتا حط البستلة في مايه قبل استخدامها ب ٢٤ ساعة عشان متبقاش لزجة اوي.

64- فرد الايبوكسي لازم يكون برولة مدببة ( دبابيس) عشان دي بتساعد انها تخرج فقاعات الهواء اللي في الايبوكسي.

65- لما بنستخدم اللهب والهواء السخن لازم يبقي بعيد عن الايبوكسي مسافة علي الاقل ١٥ سم عشان ميعلمش في الايبوكسي والهواء السخن ده بيفدنا برضه في خروج فقاعات الهواء.

66- الحالة المثالية لو هتستخدم اداة هواء سخن فيها اوبشنات تحكم في سرعة الهواء ودرجة الحرارة.. يبقي تشتغل بأعلي درجة حرارة وأقل سرعة هواء.

67- الخلط يكون بطئ وبشكل دائري ومن الاعلي للأسفل عشان تحصل علي منتج متجانس واقل عدد من فقاقيع الهواء.

68- وانت بتفرد الايبوكسي متمشيش عليه.. دايما العامل واقف علي الحتة الناشفة من البانر وبيشتغل من ورا لقدام لحد ما يطلع من باب الغرفة.

69- دايماََ في اتنين شغالين واحد بيفرد الايبوكسي والثاني بيخرج فقاعات الهواء.

70- فرد الايبوكسي بمساحة مدببة ويكون بشكل بطئ وهادي عشان ميكونش فقاقيع هواء

71- بعد تنفيذ الايبوكسي لمدة ٢٤ ساعة علي الاقل محدش يحاول يدوس عليه عشان نضمن انه نشف تماماََ.

72- الايبوكسي مادة شفافة فلازم نخلي بالنا واحنا بنفذه ميسقطش عليه شَعر او عَرق او حشرات.

73- لازم احط مسطرة عند نهاية الايبوكسي مع فتحات الابواب عشان احمي الاطراف بتاعته من التأكل.

74- لو هتعمل الصورة الايبوكسي في نص الاوضة بين السيراميك يبقي تفرغ بين السيراميك وتخلي وش الايبوكسي مع وش السيراميك عشان اطرافه متتاكلش.

75- كل ما كان سطح البياض أنعم كل ما كانت النقاشة افضل.

76- لو مركب السيراميك الاول يبقي تحميه بمشمع او كراتين او جبس

77- طبقة البرايمر اساسية ولازم تتعمل ومبيتصنفرش بعدها.

78- سكاكين المعجون بتتعمل في اتجاهات عمودية علي بعضها.

79- ياريت تلون كل سكينة بلون مختلف عن التانية عشان تقدر تفرق بينهم وتستلمهم بسهولة.

80- استخدام الالوان الجاهزة الكمبيوتر افضل بكتير من التضريب اليدوي عشان تحصل علي درجة اللون اللي عايزها بالظبط وموحدة للشقة بالكامل.

81- النقاشة بيتم استلامها في إضاءة عالية عشان تقدر تشوف كل ملاحظتها.

82- اي دهان لازم تخففه بالمياه او بسائل التخفيف الخاص بيه طبقاََ الداتا شيت بتاعت الشركة.

83- لما بيكون عندك طبقات متعددة لاي مرحلة الشركة هي اللي بتقولك المدة الزمنية ما بين الطبقة والطبقة.

84- شروخ التشطيبات يتم ملؤها بمعجون شروخ مش بالمعجون العادي.

85- العزل البيتومين او الاسمنتي بيخفف بالمياه مش بالبنزين او اي مادة تانية.

86- لو في عزل السطح حطيت العزل الحراري أعلي العزل المائي لازم تتأكد انه من النوع اللي مش بيمتص المياه.

87- الممبرين لازم يتشون رأسي عشان تحافظ علي اللفة انها تاخد الشكل البيضاوي.

88- لازم تعمل ركوب مابين اللفة واللفة في الممبرين حوالي 10 سم ورقبة ازازة علي الحوائط لا تقل عن 20 سم.

89- لو بتعمل ممبرين لفائف علي اسطح مائله فالطول الطويل للفة يكون عمودي علي الميل.

90- لازم تحافظ علي العزل بعمل طبقة لياسة اسمنتية عليه حوالي ١ سم.

91- ميول السطح علي الجرجوري بتتعمل باوتار وخرسانة رغوية.

92- كرانيش الجبس لازم البياض تحتها يكون بياض تمشيط ومكونة من جبس واسمنت ابيض وماء وكتان.

93 - كرانيش الجبس لا تركب في الحمامات والمطابخ ويستبدل بدلاََ منها بكرانيش الفيوتك.

94 - كرانيش الجبس والفيوتك يتم حصرهم بالمتر الطولي.

95- الواح الجبس بورد الابيض عادية والاخضر مقاومة للرطوبة والاحمر مقاومة للحريق.

96- الجبس بورد صنعته كالتالي ألواح معتمدة وحديد محملة وقوية ومعجون للفواصل وشاش وميتال.

97- حلوق النجارة لازم تتركب علي الشرب وتبقي ماشية مع وش البؤج وتتاكد من رأسيتها وافقيتها.

98- تسقيط الضلفة يكون بعد السيراميك عشان لو هتاكل منه يكون من الراس العلوية والسلفية مع بعض.

99 - راعي التشوين الجيد للضلف عشان ميحصلكش فتلة في الضلفة.

100- مصطلح سوستة في الضلفة يعني لما بتتقفل بترد تاني ودي بتبقي مشكلة في المفصلات .

منقول.

07/12/2021

تصميمات مختلفة لوحدات إضاءة خشبية للحوائط✨

04/12/2021

تصاميم حمامات رائعة ❤

03/10/2021

مجموعة من الابواب المخفية بديكورات خشبية متميزة

16/09/2021

يا هندسة مافيش رمل
يا هندسة عايز فلوس
يا هندسة الاسمنت خلص
يا هندسة عطلان علي مياه
يا هندسة المولد باظ
يا هندسة عايز لودر
يا هندسة مافيش عزل
يا هندسة مافيش عمال
يا هندسة بتاع المحارة مجاش
يا هندسة السيراميك مختلف في اللون
يا هندسة عايزين خوابير
يا هندسة مافيش مسامير 6 سم
يا هندسة انا اتسرقت و انا نايم
يا هندسة الخشب اتسرق
يا هندسة العمود مكرش
يا هندسة عايزين نحات للكمره
يا هندسة المحاره بتاخد تربيات كتير
يا هندسة عطلان علي البناء
يا هندسة الكهربائي مجاش
يا هندسة بتاع السباكه مبيتشي المواسير
يا هندسة الكهربائي مقطبشي علي الخراطيم
يا هندسة انا تعبان مش قادر اشتغل
يا هندسة انا عايز فلوس
يا هندسة عايزين حد ينصب السقالات
يا هندسة عايز اعمل حساب في الكانتين
يا هندسة مافيش كوع بسن يكفي
يا هندسة مافيش علب كفايه
يا هندسة عايز دوبلاق هعطل
يا هندسة العربيه عايزه زيت و بنزين
يا هندسة المولد محتاج سولار
يا هندسة عملتلي المستخلص
يا هندسة طلعلي كام في المستخلص
يا هندسة نزلتلي ايه في المستخلص
يا هندسة حراام انت ظلمني
يا هندسة شغلي كله خلصان حراام
يا هندسة عايز فلوس اجيب صنايعيه
ياهندسه الواجهات مخلصتشي ليه
يا هندسة مخلصتش بند السيراميك ليه
يا هندسة بتاع الرخام عطلان بسببك
يا هندسة الشغل متاخر ليه
يا هندسة اخبار مستخلصاتنا ايه
يا هندسة الشغل مريح ليه
يا هندسة الاستشاري بيسأل عليك تحت
يا هندسة عامل مشكله ليه قي الموقع مع الناس
يا هندسة معطل عم وجيه ليه
يا هندسة الابعاد مش واضحه على اللوحه
يا هندسة في تعديل مش متسقط علي اللوحة يا هندسة العدة بتاعتنا مش موجوده في مكانها
يا هندسة اطلع الدور التاسع عشان النقاش
يا هندسه انزل استلام السباكة في البدروم
يا هندسة الاستشارى وصل فوق
يا هندسة تلفونك مقفول ليه
يا هندسة في كابل كهرباء عمومي ضرب والشرطة العسكرية بتسأل عليك
يا هندسة ماسورة عمومية اتكسرت وعربيات الشرطة والحي في الطريق
يا هندسة تعالي استلم بنفسك
يا هندسة .....يا هندسة.
يوم من يوميات الشغل بدون مبالغة!

و في الاخر شايفين المهندس بياخد اكتر من حقه 😂