Magy ghabour

Magy ghabour 🧶 Turning yarn into art & inspiration
🎓 Crochet coach
| ورش تعليمية وشرح باترونات
🛍️ كل خامات الكروشيه في مكان واحد
✨ انضمي لعالم الكروشيه معايا

15/09/2026

مش مجرد جروب ننزل فيه بترونات وخلاص، لأ، يبقى عندنا دايمًا حاجة نتحمس نشتغلها مع بعض.

مرة مفرش سهل، ومرة حاجة محتاجة تركيز أكتر، بترونات مكتوبة ومرسومة، وكل واحدة تختار اللي يناسب مستواها.

ولو وقف معاكي رمز أو خطوة ومش فاهمة تتعملي إزاي، تسألي ونفكر فيها مع بعض
لو حابة تكوني معانا ابعتيلي وأنا هبعتلك التفاصيل

مفارش كروشيه | بترونات كروشيه | كروشيه عربي | تعليم الكروشيه | Crochet Doilies

15/09/2026

مش لازم تكوني محترفة علشان تعملي شال حلو بإيدك

في ورشة الشال هنمشي مع بعض سطر بسطر وفيديو لحد ما توصلي للمقاس اللي انتي عايزاه.

هنتكلم عن اختيار الخيط والإبرة، وهننفذ الباترون المرسوم مع بعض، وكمان هتكوني قادرة تسألي وتاخدي متابعة أثناء فترة الورشة.

الورشة مسجلة على تليجرام
والخامات متاحة للبيع مع التوصيل 🤍

لو الشال ده عجبك وعايزة تعمليه بإيدك، ابعتيلي رسالة بالتفاصيل.
شال كروشيه، ورشة كروشيه، تعليم كروشيه، كورس كروشيه، شال يدوي، شال شتوي

13/09/2026

شُرا ولا مناهدة؟
طبعًا مناهدة 😂

سألتوني كتير عن الشنطة دي:
الخيط؟ قطن مصري
البطانة؟ شنطة جاهزة سادة

يعني السر مش في الخامات…
السر إننا نبدأ بدل ما نفضل نسأل

إنتِ شُرا ولا مناهدة؟

13/09/2026

مش كل يوم لازم يبدأ بالجري

في أيام كل اللي بنحتاجه إننا نصحى براحة، نشرب قهوتنا على مهل، نمسك الخيط ونبدأ كام غرزة من غير ما يكون لازم نخلص حاجة

يمكن الكروشيه مش بس حاجة بنعملها بإيدينا و خلاص
صباح هادي
وقلب أهدى
ويوم ناخد فيه وقتنا من غير استعجال

12/09/2026

أنا عملت بوكس… بس مش هقولكم جواه إيه دلوقتي

فيه Mini Box
وفيه Box تاني لمشروع أكبر

بس أقولكم Hint صغير؟ 🤫
الحاجة اللي جواه ليها علاقة بالخريف 🍂
وممكن تطلعوا منها حاجتين مختلفين!

والأحلى؟
هتلاقي في البوكس كل اللي محتاجاه علشان تطلعي مشروعك كامل من غير ما تفضلي تدوري على كل حاجة لوحدها.

العدد محدود جدًا… ومش هيتكرر
بس المرة دي ممنوع نسأل جواه إيه 😂
هتعرفي لما البوكس يوصلك
ابعتيلي رسالة واحجزي بوكسك دلوقتي.

إيه أكتر حاجة بتضايقك في الكروشيه؟ مش الغرزة الصعبة… قصدي الحاجة اللي أول ما بتحصل بتقولي: خلاص كفاية كروشيه النهارده 😂🧶...
11/09/2026

إيه أكتر حاجة بتضايقك في الكروشيه؟

مش الغرزة الصعبة… قصدي الحاجة اللي أول ما بتحصل بتقولي: خلاص كفاية كروشيه النهارده 😂

🧶 تشابك الخيط
🔢 عد الغرز
🎨 تغيير اللون
✂️ التشطيب
😩 الفك لما تكتشفي إنك غلطتي من 3 أدوار

اكتبي في الكومنت أكتر حاجة بتعصبك…
وممنوع تقولي «كلهم» 😂

11/09/2026

خيط القطن مش للصيف بس

حقيقي من أكتر الخيوط اللي تنفع معاكي طول السنة وللمشاريع المختلفة
مفارش، شنط، ملابس وحتى شغل الشتاء

ولو إنتِ بتتحسسي من الصوف أو مش بتحبي ملمسه، فالقطن ممكن يكون بديل مناسب ليكي في الشتاء كمان

عندي خيط القطن الخام والقطن الملون منه
ومتاح للحجز دلوقتي

ابعتولي رسالة واسألوا عن الألوان والكميات المتاحة

10/09/2026

أنا بحب دايمًا يكون عندك اختيارات

في محتوى كتير ومعلومات وأفكار مجانية على الأكونت وكمان على الـTelegram

وفي ورش باشتراك للي عندها اهتمام حقيقي إنها تتعلم أكتر، وتاخد تفاصيل واهتمام ومتابعة أكبر.

اختاري اللي يناسبك واحتياجك، المهم تلاقي الطريقة اللي تريحك وتخليكي تستمتعي بالكروشيه

08/09/2026

تعالوا نختار سوا هنعمل إيه بالخيوط دي لشتا
بدأت أجيب خيوط الصوف والموهير للشتا 🤎

والألوان اللي جبتها المرة دي ترند جدًا لخريف وشتا السنة دي
ألوان دافية وحلوة والخيوط نفسها ناعمة وبتدي إحساس بالدفا من أول ما تمسكيها

تعالوا بقى نخطط سوا هنعمل بيها إيه الشتا ده؟
شالات؟ كوفيات؟ كارديجان؟ بلوفرات؟ ولا نعمل حاجات جديدة خالص؟

وتقدري تطلبي الخيوط من دلوقتي عن طريق الرسايل

Address

Cairo

Website

,

Alerts

Be the first to know and let us send you an email when Magy ghabour posts news and promotions. Your email address will not be used for any other purpose, and you can unsubscribe at any time.

Shortcuts

Share

Category