21/02/2026
احفظي البوست ده عندك لرمضان القطايف بطريقة مظبوطة 100% 👌🏻🌙
المقادير :- 👇🏻
2 كوبين دقيق ابيض
ربع كوب سميد البسبوسة (بيدى للقطايف لون حلو اوى) بس ممكن نستغنى عنه مافيش مشكله
من كوبين ونص ل 3 أكواب ماء (حسب نوع الدقيق بتاعك ) معلقتين سكر
ملعقة صغيرة خميرة + معلقة صغيرة بيكنج بودر
رشة فانيليا
فى الخلاط هنضرب كل المكونات مع بعضها لحد ما يكون قوامها مناسب لا تقيل ولا خفيف هنصفى الخليط علشان نتاكد ان مافيش اى تكتلات هنسيبها ترتاح 10 دقائق بس ونسوى على طول مش عاوزة خليط القطايف يخمر
فى طاسة غير لاصقة هتنزلي بكمية مناسبة علي حرارة متوسطة اول مايعمل فقاعات كتير جنب بعض كده القطايف ناجحة معاكي بتاخد حوالي دقيقتين ف التسوية بس
بعد كده طلعيها علي فوطة ناشفة ونغطيها كويس علشان ماتنشفش لحد ماتبرد واحشيها الحشوة اللى تحبيها😍
