08/05/2019
كام مرة قررت تبدا دايت او تروح جيم او تبدا عمتا اى عادة جديدة و اول حاجة بتيجى فى دماغك و تقول "انا خلاص هبدا من بكرة , من اول الاسبوع او من اول الشهر او حتى بارادة قوية من دلوقتى خلاص مش هاجل تانى و لازم نشاط و حماس" و فعلا جيت تبدا لقيت اوبا فجاءة حاجة عطلتك سواء مرض او خروجة او سفرية او مشوار او اى حاجة حسب ايه ممكن يبوظلك حياتك و كل مرة على نفس الحال ده كل ما تيجى تبدا فى حاجة تيجى الظروف تتحداك و متعرفش تنفذها بس اكيد فى حل يعنى مش معقول كدة مش هبدا حاجة, امال الناس ديه كلها بتبدا ازاى لازم اعرف . اققلك انا : ناس بتكتب تو دو ليست و ممكن تحقق من 50 -70 % منها و ده بيبقى انجاز و ناس بتفضل تاجل انتظارا للحظة المناسبة اللى بالمناسبة عمرها ما هتيجى .الحل حسب تجربتى هى نسخة احدث شوية من تو دو ليست فيها تشجيع اكتر , انت دلوقتى هتروح تجيب حاجة تكتب فيها و يكون شكلها حلو و مشجع و تكتب حالا اللى يجى فى دماغك عايز تحققه و تكتب تحت الهدف ده المميزات او الفوايد اللى هتعود عليك بالنفع فى صورة نقط و كل الكلام ده اكتبه ياريت باقلام ملونة عشان تحمسك اكتر و ياريت كل يوم هدف واحد او اتنين فى كل مجال ممكن يبقى هدف كبير او اهداف صغيرة المهم ميبقاش كتير ,قسم اهدافك لاهداف او واجبات او حاجات متاخرة عليك فى الشغل و حاجات فى البيت او حياتك الشخصية عمتا و الكلام ده هتكتبه كل يوم قبل متنام عشان يبقى جاهز لتانى يوم و مفيش وقت يضيع فى تانى يوم , و فى خلال كتابتك ديه انت هتسيب وقت فاضى فى اليوم لاى حاجة طارئة يعنى متخليش الوقت بالثانية ده لسه مش ف اول مرحلة احنا لسه بنبدا ,جرب النظام ده اسبوع هتلاقى نفسك بتحقق اللى نفسك فيه عشان فاهم انت ليه عايز تعمل كده لانك شايف مميزاته قدام عينيك مهما كان الهدف ده صغير على فكرة و هتلاقى نفسك فى اى مشكلة فى الحياة واجهتك انت اصلا سيبلها مكان ووقت حاول تعمل كدة بارادة و بتفكير . كل الاهداف صالحة لهذا النموذج