GREEN Carpet

15/01/2026

🌬️❄️ ملامح جو آخر الأسبوع… وطوبة يثبت أقدامه

مزارعي الأرض الطيبين…
صباح الخير عليكم 🌿


7 طوبة
والليلة رقم 21 من ليالي الأربعينية الباردة،
ونحن في نهاية الأسبوع الأول من طوبة
وبداية أول ليالي الموالح السود
اللي دايمًا بتيجي بعد تعب… وفيها الخير إن شاء الله.

📌 وفق بيان هيئة الأرصاد الجوية:

🔹طقس شديد البرودة ليلًا وفي الصباح الباكر
🔹مائل للدفء نهارًا
🔹مع شبورة مائية صباحًا على بعض الطرق الزراعية
🔹واستمرار انخفاض الحرارة على أغلب الأنحاء
🔹واحتمالية صقيع خفيف على المزروعات في شمال الصعيد ووسط سيناء والصحراء الغربية
🔹والرياح معتدلة إلى نشطة أحيانًا، خاصة في الصعيد

🌡️ ماذا يعني ذلك زراعيًا؟

🔹 يستمر الانخفاض في حرارة الليل
ليسجل مزيدًا من ساعات البرودة أقل من 10°م
➡️ وهو مكسب مهم لزيادة رصيد الاحتياجات البرودة
لـ الأشجار المتساقطة الأوراق والزيتون
(لسه بدري… لكن ماشيين في الاتجاه الصح).

🔹 تقلص واضح في فرص تساقط الأمطار
وأجواء تميل للجفاف
⚠️ ودي أجواء غير محببة للقمح والشعير
👉 عشان كده:
محدش يأخر رية التشتية
ويفضل إضافة هيومك + فولفيك لتحسين امتصاص العناصر وتنشيط الجذور.

🔹 في المجمل:
🌱 طقس مناسب جدًا لمعظم الزراعات الشتوية، خاصة:
البنجر - البطاطس (الشتوى في نهاية عمرها) - البصل - الثوم - الفول
وغيرها… بشرط ضبط الري وعدم الإفراط.

🌴 ملاحظات مهمة على الأشجار

🔸 المانجو – النخيل – الموالح
استمرار البرودة
➡️ يؤخر بزوغ البراعم والأغاريص
وده طبيعي ومطلوب حاليًا

📌 التوصية:
تكثيف الفسفور بالتبادل مع الكالسيوم
لدعم الجذور وبناء شجرة قوية قبل أي اندفاع خضري.

🦠 جانب مرضي مهم

🌡️ انخفاض الحرارة دون 10°م
يُعد غير مناسب مؤقتًا للدورات الثانوية لكثير من الأمراض، مثل:

الندوات - التبقعات - اللفحات
على البطاطس، الفول، البنجر وغيرها

👉 يعني:

الضغط المرضي أقل - لكن الوقاية تفضل شغالة بدون تسرع أو مبالغة.

🌾 وفي النهاية أحب أقول لكم:

رزقكم حلال
وسعيكم مشكور
وجهدكم موفور إن شاء الله

🔁 اعمل شير
وخلي الكلام يوصل لأهلك وجيرانك في الأرض

أخوكم… الراجي محبتكم
✍️ أستاذ دكتور / محمد علي فهيم
📅 14 يناير 2026
🗓️ 7 طوبة 1742

09/01/2026

🚨❄️ آخر مستجدات المنخفض القطبي ❄️🚨

الجمعة 9 يناير – الساعة 8:00 صباحًا

📢📢 تنويه هااااام جداً

📌 الوضع الجوي فجر اليوم (8:00 صباحًا):
⚠️ نشاط رياح قوي إلى شديد على شمال البلاد
يمتد لحد القاهرة الكبرى وشمال الصعيد
⚠️ اضطراب واضح في الملاحة البحرية

🌧️ استمرار الغطاء السحابي الممطر
على مناطق متفرقة من:
➡️ السواحل الشمالية
➡️ الوجه البحري
➡️ القاهرة الكبرى
➡️ شمال الصعيد

🌧️ ومع تقدم ساعات النهار…
🔹 تقدُّم السحب الركامية الممطرة
🔹 أمطار من متوسطة لغزيرة أحيانًا
على السواحل الشمالية الغربية وشمال الوجه البحري

⚠️ تحذيرات عاجلة للمواطنين:

❌ بلاش الوقوف تحت لوحات الإعلانات أو الأشجار
❌ بلاش السفر غير الضروري على الطرق السريعة وقت الأمطار
❌ القيادة بهدوء تام بسبب الرياح والشبورة المتقطعة
✔️ تأمين الأسطح والبلكونات وكل حاجة ممكن تطير مع الرياح

🌾 ومهمة جداً:

🚜 أولاً – الري والتسميد:
▪️ إيقاف أي ري أو تسميد نهائيًا أثناء سقوط الأمطار
▪️ تأجيل أي معاملات أرضية لحد استقرار الجو

🌱 ثانيًا – المحاصيل الحقلية:
▪️ فحص القمح بدقة خاصة الأصناف الحساسة
▪️ الاستعداد التام لظهور الصدأ الأصفر في المناطق الرطبة
▪️ عدم استخدام أي مبيدات حشائش نهائيًا دلوقتي

🥔 ثالثًا – البطاطس والبنجر:
▪️ متابعةرع الرش الوقائي ضد اللفحة والتبقعات فور هدوء المطر
▪️ عدم دخول الأرض نهائيًا وهي مشبعة مية

🍓 رابعًا – الفراولة والخضر:
▪️ تكثيف الوقاية من العفن الرمادي
▪️ تقليل الرطوبة داخل الأنفاق وفتح التهوية بعد هدوء الرياح
▪️عدم جمع او تقطيع طماطم التجفيف اليوم فى الاقصر واسوان

🌳 خامسًا – الأشجار المثمرة:
▪️ إيقاف أي رش أو معاملات على المانجو والعنب
▪️ عدم إزالة أفرع أو تقصيف في الجو ده

🔔 الخلاصة:

المنخفض القطبي لسه مؤثر وبقوة
والساعات الجاية محتاجة حذر – متابعة – والتزام بالتوصيات

خلّوا بالكم من نفسكم ومن أرضكم
وربنا يحفظ البلاد والعباد والأرزاق 🌾🤍

📌 اعمل مشاركة… الكلام ده لازم يوصل لكل الناس

دكتور محمد علي فهيم
رئيس مركز معلومات تغير المناخ
الجمعة 9 يناير – 8 صباحًا

06/01/2026

..

⭐⭐ (المنشور الأهم الفترة دي) ⭐⭐

كما تم نشره سابقاً بخصوص بعض موجات الصقيع لشتاء السنة دي ( شوف منشور 7 ديسمبر اللى فات على الصفحة)
حصل موجة صقيع الليالي اللى فاتت اقواها كانت ليلة وفجر التلات 6 / 1 / 2026 ( انهارده ) وأثرت على محاصيل منها الطماطم والفلفل والمانجو وبعض خضر الانفاق ( اللى انزرعت بدري ولمست البلاستيك ...

عشان كده المنشور ده مهم جداً جداً ولازم نقراه بتركيز ونفهمه ونستوعبه جيداً ...

🔷 #البداية:
تعرف يعني إيه صقيع؟؟
سؤال بسيط… بس الإجابة مش بسيطة خالص.
خلّينا نركز…
🔷 #الصقيع Frost هو:
ظاهرة مناخية معقّدة جداً…
مش “درجة حرارة بس”!
ولا جهاز إنذار!
ومش لازم يحصل عند 3 أو 2 درجة…
ده ممكن يحصل عند 4 درجات وميحصلشي عند 2… الموضوع تفاعل ومش رقم ثابت.
الصقيع = تفاعل وتشابك بين:
1️⃣ الحرارة الدنيا
2️⃣ نقطة الندى
3️⃣ الرطوبة النسبية
4️⃣ سرعة الرياح
5️⃣ صافي الإشعاع الشمسي
عشان كده جهاز الإنذار ده… مجرد مؤشر لانخفاض الحرارة مش للصقيع نفسه.
🔷 ؟
لما الحرارة بالليل تفضّل تنزل… لحد ما تبقى أقل من نقطة الندى اللي فوق الصفر ومع سكون شبه تام للرياح… وقتها بخار الميّة يتجمّد على السطوح الباردة ويتحوّل لبلورات ثلج = صقيع.
⚠️ لازم جداً يحصل:
✔ حرارة دنيا أقل من نقطة الندى
✔ رطوبة نسبية قليلة
✔ رياح هادية جدًا
✔ رياح اتجاهها “من اليابسة للمياه” (جنوبية/جنوبية غربية)
✔ صافي إشعاع = صفر تقريبًا قبلها بوقت كافي
لو الخمس عناصر دول اجتمعوا = صقيع أكيد
والمدة بتفرق… أقل من ساعة → الضرر بسيط
أكتر من ساعة → الخسارة بتزيد.
🔷 :
التأثر بيتحدد حسب: نوع المحصول – عمره – حالته – نوع التربة – الرطوبة الأرضية – المادة العضوية – الغطاء الخضري… إلخ.
🌳 أولًا: الأشجار الأكثر حساسية:
❄ المانجو – الموز – القشطة – الباباظ
❄ الجوافة (خصوصًا المناطق شبه الجافة)
❄ الأشجار الصغيرة
❄ الأشجار اللي اتعمل لها تقليم بدري وطلعت نموات غضّة
❄ الأراضي الرملية والجافة والمناطق المنخفضة… أكثر عرضة.
🌱 ثانيًا: المحاصيل (بالترتيب):
1️⃣ طماطم أقل من 80 يوم
2️⃣ بطاطس صيفية فوق 30 يوم
3️⃣ بطاطس شتوية أقل من 70 يوم
4️⃣ باذنجان مكشوف
5️⃣ فراولة ضعيفة النمو وخصوصًا في المنخفضات
6️⃣ بصل وثوم قبل الري (متصوم)
7️⃣ الخضر تحت الأنفاق الملامسة للبلاستيك
8️⃣ ف

31/12/2025

30/12/2025

🌾 جديد و …

واحنا في الأيام الأخيرة من العشرة الكوالح (أشد فترات البرودة)، وكمان دخلنا على التلت الأخير من كهيك…
النهاردة الاثنين 29 / 12 / 2025… نبدأ حكاية جديدة بطلها الجو… ومخرجها المزارع والمهندس والفلاح 💪🌿

صباح جديد…
ومعاه حكاية جديدة وسط غيطانكم وزروعكم… يوم فيه تركيز وحذر شوية، عشان الأيام دي ليها طبع خاص ومحتاجين نعدّيها على خير 👇

∆∆∆ توصيات مهمة من واقع الخبرة والسوابق المناخية:

🔹 لسه بنقول بحذر — وخصوصًا مع فرص الأمطار اليوم الاثنين:
وقف الري تمامًا لحد ما الصورة تتضح…
ومهم تأجيل زراعة البصل والبطاطس الصيفي وأي محاصيل حساسة لحد انتهاء التقلبات.

🔹 المانجو والجوافة “المتصوّمة” والأرض تحتها ناشفة:
لو متوقع أمطار… ندي رية خفيفة جدًا قبلها

إضافة 2 ك سليكات بوتاسيوم + 1 ك فولفيك مع الري
عشان نتجنب “الصدمة المائية”.

🔹 الزراعات تحت الأنفاق والبلاستيك:
المهم مافيش تذبذب حرارة تحت الغطا
– التهوية قبل الساعة 10 صباحًا
– ونرجع نغطي بعد العصر مباشرة
والاهتمام بمركبات الطاقة عالية الفسفور مع الري.

🔹 الفراولة – الخرشوف – البصل – الثوم:
مهم قوي بعد توقف الأمطار بيوم:
رش بوتاسيوم فوسفيت أو ماغنسيوم فوسفيت
بالتبادل مع كالسيوم بورون — بمعدل لتر للفدان.

🔹 مناشر الطماطم المجففة في جنوب الصعيد:
توقّف مؤقت عن الجمع والتقطيع خلال الاثنين والاربعاء ( توقع متوسط لهبات رياح غربية).

🔹 رش وقائي بعد توقف الأمطار وهدوء الرياح:
ضد التبقعات واللفحات واللطعات
بمواد فعالة: أزوكسي ستروبين + ميتالكسيل - دييفنوكونازول - فلوديكسانيل ... الخ.

🔹 متابعة ظهور المن المبكّر في القمح والفول والشمر:
خصوصًا وقت الغروب وفي مناطق قبلي…
ويُفضّل التنفيذ بدقّة وبلاش لخبطة المبيدات مع المغذيات مع كل حاجة دي.

⚠️ خلّينا نركز الأيام دي… والموجة تعدّي بأقل خسائر إن شاء الله.

شاركوا التحذيرات عشان الكل يستفيد 🙂

أستاذ دكتور / محمد علي فهيم
رئيس مركز معلومات تغير المناخ
مركز البحوث الزراعية
الاثنين 29 / 12 / 2025

30/12/2025

🌾✨ منشور هام جداً جداً
| ✨🌾

يا مزارعين مصر الطيبين …
كل موسم ليه طبيعته … والموسم ده بالذات فيه فرق كبير بين حرارة النهار والليل
نهار ✨دافي✨ … وليل ❄️ شديد البرودة ❄️
وفوق ده كله… شبورة مستمرة لحد الضباب
وده مش بس بيزوّد فرص الأمراض … ده كمان بيأثر جامد على الامتصاص
والنتيجة باينة على محاصيل كتير اليومين دول…

ولإننا في فترة تذبذب تدريجي في برودة الليل ولسه مكملة لحد نهاية كهيك … ومتوقع ان تستمر فى شهر طوبة كمان

👇 يبقى لازم نستجيب للتحذيرات ونمشي على التوصيات دي بالحرف: 👇

1️⃣ #القمح
❌ مواعيد الزراعة المتأخرة اوشكت على النهاية… والزراعة دلوقتي بشروط
✔ افحصوا الغيط كويس عشان المنّ نزل بدري
❌ تجنب تعطيش النبات خاصةً وقت التفريع
❌ ممنوع مبيدات حشائش بعد عمر 40 - 45 يوم

🤲 رحم الله د. عبد السلام المنشاوي

2️⃣
❌ محدش بدري السنة دي لان متوقع البرد هينزل متأخر
❌ ممنوع زراعة الفاصوليا مكان الشتوي الا بشروط

3️⃣ #البنجر (كل العروات)
❌ ممنوع تاخير اضافة الازوت بعد عمر 90 يوم
❌ بلاش إفراط في البوتاسيوم بعد عمر 140 يوم عشان موضوع السكر الكاذب
✔ رش بورون 14% مرتين
⚠️ علشان موضوع "السكر الكاذب"

4️⃣
❌ ممنوع منظمات نمو بعد 90 يوم
✔ فقط بوتاسيوم + كالسيوم

5️⃣
❌ بلاش ري متواصل مرتين ورا بعض من غير عزيق
❌ ممنوع يوريا في البداية
✔ أول دفعة تسميد:
3 سلفات نشادر أو 2 نترات نشادر (خط وخط) ده افضل طريقة للتسميد
⚠️ الزيادة في اليوريا = تشقق درنات + زيادة من + بداية اللفحة

6️⃣ #الفراولة
❌ بلاش تكثير أحماض أمينية
⚠️ دي فترة العفن الرمادي + العفن الطري + تجدد التبقعات
خصوصًا بعد الشبورة والندى

7️⃣ #المانجو المتأثرة بالبرودة
❌ ممنوع تقصيف الشماريخ لو حصل تزهير مبكر
✔ استنى لحد المواعيد المعروفة
✔ علشان الشجرة متوقع السنة دي انها هتعمل أكتر من جيل

8️⃣
❌ ممنوع رش نحاسيات أثناء التزهير والعقد

9️⃣ #البصل الفتيل
✔ رشّة وقائية ضد الفطريات مهمة جدًا
❌ متستعجلوش على المغذيات
✔ استنوا لما تعملوا الرية الأولى

🔟 #الثوم
❌ متستعجلوش كالسيوم بورون
✔ اهتموا شوية على البوتاسيوم فوسفيت + الماغنسيوم فوسفيت

1️⃣1️⃣ #الخرشوف
لو الورق أبيض ومفيش جمع…
❌ بلاش أحماض أمينية أو منشطات
✔ استخدم: كالسيوم فوسفيت + ستر

26/12/2025

من ليالي الاربعينية البيض..
((موجة برودة هادئة لكنها مؤثرة على الزراعة))

🌦️✨ #أولاً: حالة الطقس المتوقعة خلال الفترة

📅 من السبت 27 ديسمبر 2025 إلى الأربعاء 31 ديسمبر 2025

#الحرارة:
❄️ يسود طقس شديد البرودة فجرًا - 🌤️ مائل للدفء نهارًا - 🌙 شديد البرودة ليلًا.

#الشبورة:

🌫️ شبورة مائية من ⏰ (3 إلى 10 صباحًا) على الطرق المؤدية من وإلى:
شمال البلاد — القاهرة الكبرى — وسط سيناء — شمال الصعيد،
وقد تكون كثيفة أحيانًا على بعض الطرق ⚠️

#الامطار:

🌧️ فرص أمطار خفيفة إلى متوسطة من السبت 27 ديسمبر حتى الاثنين 29 ديسمبر
على مناطق من السواحل الشمالية وشمال الوجه البحري على فترات متقطعة.

#الرياح:

💨 نشاط رياح من السبت 27 ديسمبر حتى الأربعاء 31 ديسمبر
على مناطق من السواحل الشمالية — الوجه البحري — جنوب سيناء على فترات متقطعة.

#البحر:

💨 اضطراب الملاحة البحرية على مسطح البحر المتوسط وأمواج تتراوح ارتفاعتها من 2.5 الي 3.5 متر من السبت وحتى الاثنين ...

#التفاصيل .....

🌡️ درجات الحرارة العظمى والصغرى المتوقعة
📍 القاهرة الكبرى والوجه البحري (منوفية - غربية - شرقية - بحيرة - دقهلية)

🔥 20° — ❄️ 11° (السبت)
🔥 20° — ❄️ 11° (الأحد)
🔥 20° — ❄️ 11° (الاثنين)
🔥 19° — ❄️ 10° (الثلاثاء)
🔥 19° — ❄️ 10° (الأربعاء)

📍 السواحل الشمالية ( الاسكندرية - مطروح - شمال البحيرة - كفر الشيخ - دمياط - بور سعيد - العريش)

🔥 19° — ❄️ 10° (السبت)
🔥 19° — ❄️ 10° (الأحد)
🔥 18° — ❄️ 10° (الاثنين)
🔥 18° — ❄️ 10° (الثلاثاء)
🔥 18° — ❄️ 9° (الأربعاء)

📍 شمال الصعيد ( بني سويف - الفيوم - المنيا- اسيوط)

🔥 20° — ❄️ 6° (السبت)
🔥 22° — ❄️ 7° (الأحد)
🔥 20° — ❄️ 6° (الاثنين)
🔥 19° — ❄️ 6° (الثلاثاء)
🔥 19° — ❄️ 6° (الأربعاء)

📍 جنوب الصعيد ( سوهاج - قنا -اقصر - اسوان - الوادي الجديد)

🔥 24° — ❄️ 12° (السبت)
🔥 24° — ❄️ 11° (الأحد)
🔥 23° — ❄️ 10° (الاثنين)
🔥 22° — ❄️ 10° (الثلاثاء)
🔥 22° — ❄️ 10° (الأربعاء)

⚠️

🧥 ارتداء ملابس شتوية ليلًا وفجرًا
🚗 الحذر أثناء القيادة بسبب الشبورة
🌾 متابعة الإرشادات الزراعية المرتبطة بالبرودة والرياح..

🌾💚 …

من أرض الواقع ومن متابعتنا اليومية على صفحة "دكتور محمد علي فهيم"

26/12/2025

أمراض البرتقال تشمل أمراضًا فطرية مثل البقع الدهنية، الجرب، تعفن الجذور، والعفن السري، وأمراض فيروسية مثل التدهور السريع والتريستيزا، بالإضافة إلى مشاكل نقص العناصر الغذائية (مثل الحديد) والآفات الحشرية كالحشرات القشرية والسوس، وكلها تؤثر على الأوراق والثمار وتؤدي لتساقطها أو تشوهها، وتتطلب وقاية وعلاجًا بمبيدات أو تحسين الظروف البيئية.
أمراض فطرية
البقع الدهنية: بقع داكنة دهنية المظهر على الأوراق، تساقط أوراق، بقع سوداء على الثمار.
جرب الحمضيات: قشور تشبه الثآليل على الثمار والأوراق والأغصان.
تعفن الجذور: يسبب تعفن الجذور باللون الأسود، ويصيب الجذور وأحيانًا الساق.
عفن السرة: ظهور سواد في منطقة السرة بالثمار، خاصة البرتقال أبو سرة، مما يزيد تساقط الثمار.
أنثراكنوز الحمضيات: بقع داكنة صغيرة على الأوراق والسيقان، وتساقط مبكر للأوراق.
أمراض فيروسية
التدهور السريع: يؤثر على قوة الشجرة وصحة الثمار.
تريستيزا: أوراق خفيفة، تقزم، ضعف الأغصان، وتساقط الأوراق.
اصفرار الشتلات: اصفرار الأوراق وتأثير على نمو الشتلات.
آفات حشرية ونقص غذائي
الحشرة القشرية / البق الدقيقي: تمتص العصارة وتسبب الندوة العسلية والفطر الهبابي، وتشوه الثمار.
سوس الحمضيات: يهاجم اللحاء والأوراق والثمار.
نقص الحديد أو الزنك: يسبب اصفرار الأوراق، خاصة في الربيع، مع بقاء العروق خضراء (الكلوروز).
العلاج والوقاية
النظافة: إزالة الثمار المتعفنة وتقليم الفروع المصابة.
الري المنتظم: تجنب التعطيش ثم الري بغزارة.
التسميد المتوازن: خاصة الحديد والزنك.
المبيدات الفطرية: رش المبيدات الموصى بها للوقاية من الأمراض الفطرية.
الزيوت الصيفية: لمكافحة الحشرات القشرية في الصيف.
عزل الأشجار المصابة: لمنع انتشار الفيروسات.

26/12/2025

عن تأثير مرض العفن الهبابي علي التزهير في أشجار المانجو، قال الدكتور علاء جمعة استاذ البساتين بكلية الزراعة.
الورقة هي مصنع تكوين الهياكل الكربونية والتمثيل الضوئي للنبات، لإتمام عملية التزهير في النبات .

وجود مرض العفن الهبابي يؤدي الي قفل ذلك المصنع ،(الورقة ) وعدم تصنيع الهياكل الكربونية وبالتالي عدم التزهير

الأخطر من ذلك هو عند وجود العفن الهبابي علي الأوراق واجراء التسميد بالعناصر السمادية المختلفة تصل هذة العناصر الي الورقة للاستفادة من تلك العناصر، يجدها مقفولة من أثر الإصابة بمرض العفن الهبابي وتتراكم تلك العناصر في الساق والافرع ،الي ان تصل لحد السمية مما يؤدي ال موت الأطراف ويؤدي الي الموت الرجعي للاشجار

وبالتالي يجب أن تكون الورقة نظيفة ولامعة ولا يوجد بها أي آثار لمرض العفن الهبابي .
ويأتي ذلك بمقاومة الحشرات القشرية والبق الدقيق والحشرات الثاقبة الماصة المسببة لمرض العفن الهبابي ويوصي بالتقليم واستخدام مركب كلينر

25/12/2025

اهم منشور خلال الفترة دي ...

🔥*سر عبقرية أجدادنا مع الشتاء:
حكاية “أربعينية البرد” اللي لسه عايشة معانا لحد النهارده! ❄️
أجدادنا المصريين ماكانوش بيتعاملوا مع الجو بالعشوائية…
كان عندهم نظام مناخي عبقري يراقبوا بيه الطقس ويقسموا فصوله ويحددوا تأثيراته على الناس والزراعة والحياة 👌

ومن هنا ظهر مصطلح

🌙
وهي ٤٠ ليلة من 25 ديسمبر حتى 2 فبراير…
مقسّمة إلى 20 ليلة بيضا و20 ليلة سودا ⬜⬛

_________________________

⬜ الـ 20 ليلة البيضا… برد قارس وصقيع وشبورة ورياح باردة 🥶🌫️
وهي نفسها تنقسم إلى:
✨ 10 ليالي الكوالح (25 ديسمبر – 3 يناير)
ليالي البرودة القاسية واللسعة الحادة 🥶❄️

✨ 10 ليالي الطوالح (4 يناير – 13 يناير)
ليالي الجهد والهزل بعد صدمة الكوالح…
البرد فيها بيغلب النهار والليل معًا 🥶🌬️

_______________________________________

⬛ الـ 20 ليلة السودا… أشد برد الشتاء لكن فيها الخير 🔥🌾
وتنقسم إلى:
🔥 10 ليالي الموالح (14 يناير – 23 يناير)
اسمها من "الملح اللي بيظبط الطعم"…
يعني الجو يبدأ يظبّط الزرع 💚🌱

🌤️ 10 ليالي الصوالح (24 يناير – 2 فبراير)
بداية إصلاح الحال وبشائر التحسن…
والناس كانت تتفائل بيها رغم اسمها 🌼

_____________________________

ورغم تغير المناخ في السنوات الأخيرة…
إلا إن الوصف ده لسه معبّر جدًا
وخاصة في سنوات زي 2019 و2021…
وأخيرًا شتاء 2024 / 2025 ❄️🌍

__________________________

🚨 جداً 🌾⚠️

⭐ عدم ترك الأرض جافة خصوصًا زراعات البطاطس والخضر في الدلتا ومصر الوسطى والصعيد…
وخاصة قبل ليلة الأربعاء والخميس.

⭐ ريات سريعة للمانجو في الظهير الصحراوي مع فولفيك + عالي الفسفور مع الري.

⭐ زيادة التهوية للبلاستيك نهارًا + تغطية محكمة ليلًا…
مع إضافة عالي الفسفور + فولفيك مع الري

⭐ وقاية ضد أمراض البرودة الرطبة مثل العفن الرمادي على الفراولة والتبقعات على الفول البلدي.

⭐ الوقاية من اللطعة الأرجوانية على البصل والثوم بالصعيد…
ورش وقائي للبياض الزغبي على البصل ببحري والصحراوي.

⭐ ظروف مناسبة لظهور الصدأ الأصفر في القمح على أصناف
جميزة 11 – سدس 12 – مصر 1
في بحري والفيوم وبني سويف…
وكذلك بني سويف 5 في المنيا والفيوم.
🔎 مطلوب فحص الحقول خاصة الأراضي اللي بتمسك مياه.
____________________