الحمادي للكهرباء و الإنارة الحديثة

08/08/2026

إزاي ندفن كابلات الجهد المنخفض والمتوسط بشكل آمن وصحيح ؟
الموضوع دا منظومة حماية كاملة للكابل
◾ أول خطوة بنحفر خندق بعمق لا يقل عن 80 سم وبعرض مناسب وبعد كده بنفرش 10 سم رمل ناعم (دي أهم طبقة حماية للكابل)
◾تركيب الكابل
بيتم فرد الكابل بشكل منظم فوق طبقة الرمل
◾الحماية
بنغطيه بطبقة رمل تانية + طوب أو بلاطات كطبقة حماية
◾التحذير مهم جدا
قبل ما نقفل الردم... بنحط شريط أصفر تحذيري علشان أي حد يحفر بعد كده ياخد باله !
◾الردم النهائي
بيتم على مراحل لحد ما نوصل المنسوب الأرض الطبيعي طيب إيه أهم الملاحظات؟
◾لو عندك أكثر من كابل - لازم فواصل ومسافات بينهم
الكابل غير المسلح - لازم يدخل مواسير PVC
عند عبور الطرق - مواسير حماية إجبارية
المسافة مع كابلات تانية - لا تقل عن 30 سم

منقول

09/07/2026

عندنا ظاهره منتشره في مصر… مهما كان السلك أصلي، بعد فتره وانت بتفك أو تعمل صيانه تلاقي فيه سواد واسمرار وحرق داخلي، رغم إنك عارف إنه أصلي.
طب المشكله فين؟
عاوزني أصدمك؟

معندناش قواطع فرعيه في مصر بتركب مظبوطه على قد الأحمال.

تعالي معي بالمثال:
سلك 1.5 مم بيركبوله قاطع 10 أمبير
وسلك 2 مم بيركبوله 16 أمبير
وسلك 3 مم بيركبوله 20 أمبير… وهكذا.

هتلاقي فجوه بين القاطع المناسب وبين الأمبير الحقيقي اللي المفروض السلك يستحمله.

يعني سلك 2 مم المفروض آخره آخره 10 أمبير، والصح يشتغل على 8 أمبير عشان يعيش وميسخنش.
لكن عندنا في مصر مفيش الكلام ده.

المفروض القواطع تبدأ من 6 أمبير و8 أمبير وهكذا، بحيث يكون القاطع أقل من الحد الفعلي اللي السلك يقدر يشيله، فيفصل قبل ما السلك يسخن.
لكن اللي بيحصل عندنا العكس… السلك يفضل يسخن والقاطع مش حاسس أصلًا.

نيجي بقي للكارثه…
حضرتك عارف إن القاطع 20 أمبير مبيفصلش أصلًا على 20 أمبير؟
لا، ده ممكن يفصل على 25 أمبير حسب منحنى الفصل.

راجع كتاب الفريد في علوم الكهرباء ،شرحت لك ده وضربت لك مثال في حل مشكله عداد ٣ فاز لحد ما ترفع القدره ، وأنا نزلتلك قبل كده فيديو وشرح لمنحنيات فصل القواطع، وهتلاقي مكتوب على القاطع:
B - C - D

وده معناها:

B = بيفصل بسرعه
للإنارة والأحمال العادية

C = متوسط
للتكييفات والمواتير الخفيفة وهو الأشهر

D = بيتأخر في الفصل
للمواتير والماكينات اللي سحب البداية فيها عالي

وهنا بقي المشكله…
كله بيركب C وخلاص حتى في الشقق، مع إن القاطع أصلًا ممكن يستحمل زياده قبل ما يفصل، يعني السلك يتحمص وهو مش فارق معاه.

وده العكس في دول الخليج…
عاملين أسلاك شعر وإقطار مختلفه، وأحيانًا قواطع وستنجهاوس وستنج مختلف حسب نوع الحمل، وكل حاجه متحسبه بدقه عشان السلك يعيش ومايسخنش.

عاوز شرح أكتر عن منحنيات الفصل وتحميل الأسلاك؟
صلي على النبي وهنزل شرح أقوى

29/04/2026

12/02/2026

04/02/2026

عرض خاص 49 جنيه فقط
حتى نفاذ الكمية

20/01/2026