Rania Al-Harbiرانيا الحربي

11/04/2026

خليك عارف ومتأكد ان محدش بيحسدك انت الوحيد ايلي بتحسد نفسك ،،،عارف بتحسد نفسك أزاي ب لسانك بكلامك عن نفسك بتحكي عن حياتك وبتشكر في أولادك وبتكلم عن حبك لمراتك وكمان بتفضفض كتير ناوي تعمل أيه وتروح فين كل ده وانت مش واخد بالك مفكر ان الناس هتفرح لفرحك وتحب نجاحك لاء بالعكس محدش لاهيفرح لفرحك ولا يتمني تبقي احسن منه
فخليك عارف لو السمكه مفتحتش بؤأها مكنش حد عرف يصطادها 🤦أقفل بؤك ومتتكلمش لو عايز الحلو ايلي عندك يدوم🤦وربنا يعوض علينا وعليكم 🤝🤝

05/04/2026

الفديوا قديم جدا 🙏ولم أصور فديوهات جديده🙏

13/02/2026

فما ظنكم بالله..
بحب الجملة دي اوي بحس انها بتدخل علي قلبي تفرحه وطمنه
فما ظنكم بالله .....
لو عندك مشاكل الدنيا كلها وظنك بربك انه هيخرجك منها هتخرج وكل مشكله هتتحل لانك ظنت في ربنا الخير.....
طب فضلت تندب علي حظك وانا عارف الدنيا عمرها ماصفيت ليا وانا حظي كده وانا نصيبي كده وتشتكي للي رايح وايلي جاي
ابشر انت ايلي اختارت بإيدك انها متتحلش وتفضل كده ليه لان ده ظنك في الله ظنت الضيق هيلزمك الضيق كل ماتبص في وش حد تشتكي كتبت علي نفسك الشكوي
انت ايلي اخترت 🤦دايما افتكر الجمله دي قبل ما تشكي اعمل استب مع نفسك وقول لها ( فما ظنكم بالله)
وظن في الله ماتشاء من خير يأتيك الخير والرزق والفرج بأمر الله.....
فما ظنكم بالله ....
فما ظنكم بالله.......
فما ظنكم بالله...


Rania Al-Harbiرانيا الحربي

11/02/2026

ياموسي كلما كتبتها عقيم ..قالت يارحيم.فغلبت رحمتي قدري
كان في سيده نفسها تخلف ولد فذهبت لسيدنا موسي لكي يدعوا الله لها بالخلفة
وكانت تقول له يانبي الله أدعوا الله لي بلولد
فكان نبي الله يدعوا الله لها فيأتيه الجواب
إني كتبتها عقيم
فكان يقول لها نبي الله ان الله كتبكي عقيم
فكانت تمشي ومتزعلش
وبعد فتره ترجع لنبي الله
وتقول يانبي الله ادعوا الله لي بلولد
وكان نبي الله يدعوا الله فيأتيه نفس الجواب
اني كتبتها عقيم
ويرد نبي الله عليها
إن الله كتبكي عقيم
فكانت تمشي ومتزعلش
وتكرر الموقف أكتر من مره
ولكن بعد فتره طويله رأها نبي الله ومعها طفل فاستغرب
وقال يارب ألم تقل إنها عقيم؟
فأوحي الله إليه ياموسي
كلما كتبتها عقيم قالت يارحيم
فغلبت رحمتي قدري
ياه عالجمال ياه علي رحمه ربناخليك عارف ومتأكد ان ربنا قادر يقلب موازين الكون لدعوه دعيتها وانت علي يقين في رحمته وقدرته

Rania Al-Harbiرانيا الحربي

11/02/2026

أنا نسيت وهي نست وانت يارب منستش🥲
كان في ست مبتخلفش والغيره والحقد ملو قلبها من سلفتها وموتت ابن سلفتها وولعت فيه ومرت السنين وربنا رزقها بخمس أولادكانت بتخاف عليهم جدا قفلت عليهم البيت وخرجت رجعت لقيت البيت مولع والاطفال عباره عن فحم بدأت تصرخ بأعلي صوت وتقول انا نسيت وهي نست وانت يارب منستش
أيوه ربنا مش بينسي حقك هيرجع الدعوه ايلي دعتها وقلبك مكسور الدمعه ايلي نزلت ومحدش شافها غيره مش هتتنسي حقك عند ربنا مكتوب ومتشال للوقت ايلي ربنا شايفه خير ليك
خليك عارف الدعوه ايلي دعتها ونستها ربنا مش بينسها ولو ليك حق هيرجع هيرجع ولو بعد حين

Rania Al-Harbiرانيا الحربي

08/02/2026

احنا ليه دايما بنحس ان إحنا مش راضين ومش مبسوطين 😒
عارفين ليه علشان دايما بنبص لنص الكوبايه الفاضي نبقي عايشين في نعم لا تحصي ولا تعد واول ابتلاء يقابلنا ننسي كل النعم ونركز اوي علي الابتلاء والدنيا تسود في وشنا وكأن كل النعم اتخدت مننا وننسي ان كل انسان عنده ابتلاء مختلف عن غيره ولو كل واحد بص علي غيره هيحمد ربنا علي ابتلاؤه لان ربنا بيعطي كل واحد علي اد مايقدر يتحمل مش هيحملك فوق طاقتك ربنا رحمن رحيم بعباده بس لازم يختبرنا ببتلاء في حياتنا علشان يختبر قوة ايمان كل انسان فينا هتحمده وتشكر فضله وتقول اكيد انا احسن من غيري ولا هتسود الدنيا في عنيك وتنسي كل النعم وتبدأ تخرج عن صبرك وتبعد عن ايمانك انا بقول لنفسي اولا يانفسي احمدي ربنا واشكري فضله واوعي تضعفي اودام اي ابتلاء اذكري نعم ربنا عليك وتخطي اي حزن واي ابتلاء وافرحي بالنعم ايلي في حياتك عايزه اقول الحمد لله حمدا يليق بعطاء ربي وكرمه وفضله عليا شكرا يارب

08/02/2026

﴿ إِذْ قَالَ يُوسُفُ لِأَبِيهِ يَا أَبَتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ ﴾
[سورة يوسف: 4]
الآيه الجميلة دي من سوره يوسف ،،
لما سيدنا يوسف عليه السلام شاف الرؤيه دي وحكي لابيه كان اول رد ونصيحه من أبيه أنه ميحكيش لاخواته خاف عليه من حسد وحقد أخواته عليه وهم أقرب الناس إليه فأنت مش مطلوب منك تحكي عن حياتك وأسرارك مش مطلوب منك تتكلم عن اولادك ولا عن شغلك مطلوب منك تسكت علشان تسلم من اذي وشر الناس مطلوب منك تعرف ان الحسد والحقد هيصيبك من اقرب الناس ليك
كل ايلي مطلوب منك انك لما تتسأل عن اي حاجه تخص حياتك تقول الحمد لله وكفي
مش مطلوب منك تتدعي الفقر ولا مطلوب منك تتحدث عن النعم ايلي في حياتك هي مش معادله صعبة لا بالعكس حلها الوحيد انك تقول الحمد لله ،،،،،

19/01/2026

01/08/2025

https://youtu.be/re55oIcxUrA