بيت الخالة نوسة

بيت الخالة نوسة قاتل واصبر وكافح لاتثبت وجودك
واصبر ان وعد الله حق الله يرحمك ياابى
ضهرى انكسر من بعدك كنت جبل

23/08/2026

والله قلبه سكر بالصلاه على جمال حضره النبى

كنت فى فرح اليله وعايزه اكتب كلمتين فى قلبى أجمل حاجة في الدنيا إنك تلاقي أهلك أهلك بجد ❤️الفرحة الحقيقية مش في الفستان ...
21/08/2026

كنت فى فرح اليله وعايزه اكتب كلمتين فى قلبى
أجمل حاجة في الدنيا إنك تلاقي أهلك أهلك بجد ❤️
الفرحة الحقيقية مش في الفستان ولا في القاعة ولا في الزينة الفرحة الحقيقية في اللمة في إنك تبص حواليك تلاقي أهلك وحبايبك تلاقي الناس اللي بينك وبينهم عشرة ودم وذكريات وسنين طويلة.
النهارده وأنا وسط أهلي، كنت ببص حواليا ومبسوطة من قلبي وبقول لنفسي: يا بختي بيكم… ويا حظي إن ربنا رزقني بالعيلة دي. ❤️
العريس والعروسة كانوا سكرات بجد والله قمرات زي العسل ماشاء الله ربنا يحميهم ويبارك لهم ويتمم لهم على خير. ❤️
والأجمل من كده إن الفرح نفسه كان لمة أهل وحبايب مفيش غريب… كل اللي حواليا مننا وفينا.
العريس أمه بنت عمتي والعروسة أبوها ابن عمتي… يعني إيه؟ يعني إحنا مش مجرد أهل حضروا فرح إحنا عيلة واحدة فرحة واحدة وبيت واحد كبير اسمه العيلة.
وأنا بصراحة وأنا ببص على البنات وولاد ولاد عماتي الصغيرين حسيت قد إيه السنين جريت بينا من غير ما نحس.
البنات اللي كانوا صغيرين كبروا وبقوا بنات جميلات أمارات وشيك لبسهم محتشم وحلو وفيهم أدب ووقار وجمال يفرح القلب.
وولاد عماتي اللي كانوا عيال صغيرين لقيتهم كبروا وبقوا شباب وكل واحد فيهم بقى له شخصيته ومكانته وبيشرف أهله.
وبصيت على أهلي وقلت: ما شاء الله… إيه الجمال ده؟
ناس تشرف ناس محترمة ناس ليها مناصب ومكانة وناس حلاوتها مش بس في شكلهاحلاوتها في أصلها وتربيتها وأدبها ووقفتها جنب بعض.
أهلي سند… أهلي ظهر… أهلي ضهر لبعض.
وقت الفرح تلاقيهم كلهم إيد واحدة ووقت الشدة تلاقيهم قبل بعض.
ودي نعمة كبيرة أوي من ربنا ومش كل الناس عندها النعمة دي.
أنا محظوظة بيكم والله… محظوظة إن ليا عيلة لما بتتجمع بتحس إن الدنيا لسه بخير.
محظوظة إن ليا ناس لما أشوفهم أحس إني رجعت طفلة تاني وأفتكر أيام زمان وأفتكر الناس اللي كنا بنقعد معاهم والبيوت اللي كانت مليانة ضحك وحكايات.
والفرحة دي كانت جميلة أوي… بس برضه كان ناقصها ناس غاليين علينا ناس كان نفسنا يكونوا موجودين.
كان نفسي أبويا الله يرحمه يكون وسطنا…
كان نفسي أشوفه في الفرح وأشوف فرحته وأبص في عينيه وأنا شايفة العيلة كلها متجمعة.
كان نفسي أشوف الناس الكبيرة اللي وحشتني اللي أخدهم الزمن وساب لنا ذكرياتهم في قلوبنا.
وأنا طول الفرح كنت ببص في وشوش الناس وببص في عيونهم وملامحهم وأفتكر ناس تانية…
أفتكر ضحكة أو كلمة أو موقف أو ملامح حد كان موجود زمان ودلوقتي بقى مجرد ذكرى حلوة عايشة جوانا.
يمكن عشان كده أنا بفرح أوي بأي مناسبة تجمعنا…
لأن السنين بتجري والناس بتكبر والحياة بتاخدنا كل واحد في سكة وممكن تعدي سنين وإحنا ما نشوفش بعض.
فأنا لما ألاقي مناسبة تجمعنا بفرح من قلبي… مش بس عشان المناسبة نفسها لكن عشان إحنا اتجمعنا تاني. ❤️
وأجمل حاجة كمان إن ولادي كانوا معايا وأنا بعرفهم على أهلي وأقول لهم:
"دي بنت خالتك… وده خالك… ودي خالتك… وده ابن خالتك…"
وأنا من جوايا فرحانة إنهم بيتعرفوا على أصلهم على أهلهم على الناس اللي أنا اتربيت وسطهم وعلى العيلة اللي أنا جزء منها.
يمكن إحنا كبرنا…
ويمكن السنين جريت…
ويمكن حاجات كتير اتغيرت…
لكن أجمل حاجة إن لسه في بينا حاجة ما اتغيرتش: المحبة واللمة والأصل.
ربنا يديم علينا نعمة الأهل ونعمة اللمة ونعمة إننا نفضل دايمًا سند لبعض وما يفرّقناش الزمن ولا الدنيا.
وربنا يرحم كل غالي كان نفسه يكون وسطنا ومقدرش وعلى رأسهم أبويا وكل حبايبنا اللي سبقونا عند ربنا… ويجعل ذكراهم دايمًا عايشة في قلوبنا. 🤍
وألف مبروك للعريس والعروسة…
العريس الأمور والعروسة الأمورة اللي كانوا منورين الدنيا بحلاوتهم وفرحتهم. ❤️
ربنا يحميهم من كل عين، ويبارك لهم في حياتهم ويجمع بينهم على خير ومحبة وسعادة ويتمم فرحتهم على خير ويرزقهم أيام حلوة كتير.
يا رب تفضل بيوتنا عامرة بالضحكة وقلوبنا عامرة بالمحبة ولمّتنا ما تنقطعش أبدًا.
وأنا بقولها من قلبي:
أنا محظوظة بيكم… وفخورة إني واحدة منكم. ❤️
ربنا يخليكم لبعض ويحفظ أهلي وحبايبي كلهم ويديم علينا اللمة والفرحة وما يحرمناش أبدا من بعض.
العيلة نعمة… واللمة رزق… والأهل الحقيقيين كنز ما يتعوضش. ❤️ كل كلمه كتبتها من جوه قلبى انا بنت الطراوى انا طراويه 🥰🥰

20/08/2026

كل حاجه فى وقتها حلوه بجد

19/08/2026

ربنا يجبر خاطرك زى ماجبرتى خاطر غيرك "L"

🔥🔥 الحق قبل شهر 10.. الزيادة الجديدة جاية 🔥🔥 دى رحله للناس اللى وقتهم ضيق رحله سريعه ٧ايام فقط🕋 رحلات الخالة نوسة للعمر...
17/08/2026

🔥🔥 الحق قبل شهر 10.. الزيادة الجديدة جاية 🔥🔥
دى رحله للناس اللى وقتهم ضيق رحله سريعه ٧ايام فقط
🕋 رحلات الخالة نوسة للعمرة 🕋
✨ رحلة 7 أيام / 6 ليالي فقط لا غير ✨

📍 4 ليالي مكة + ٢ ليله فى المدينة

✈️ خط السير:
القاهرة ➡️ المدينة
جدة ➡️ القاهرة

📅 مواعيد الرحلات:
• أغسطس: 20
• سبتمبر: 1 / 10 / 24
• أكتوبر: 7 / 14 / 28
• نوفمبر: 2 / 9 / 16 / 23
• ديسمبر: 7 / 14 / 21

🏨 الفنادق والأسعار:

1️⃣ فندق فيرمونت مكة
🏨 دار الإيمان إنتركونتننتال المدينة – 5 نجوم / شامل الإفطار
👥 ثنائي: 83,000 جنيه
👥 ثلاثي: 72,200 جنيه

2️⃣ فندق فيرمونت مكة
🏨 ذا فينيو الحارثية المدينة – 5 نجوم / شامل الإفطار
👥 رباعي: 65,500 جنيه
👥 ثلاثي: 69,700 جنيه
👥 ثنائي: 77,300 جنيه

3️⃣ أبراج الصفوة مكة – البرج الثالث / 5 نجوم
🏨 ذا فينيو الحارثية المدينة – 5 نجوم / شامل الإفطار
👥 رباعي: 61,500 جنيه
👥 ثلاثي: 64,700 جنيه
👥 ثنائي: 71,200 جنيه

4️⃣ أبراج الصفوة مكة – البرج الثالث / 5 نجوم
🏨 جراند بدر المقام المدينة – 70 متر من الحرم / صف ثاني
👥 رباعي: 59,100 جنيه
👥 ثلاثي: 62,300 جنيه
👥 ثنائي: 68,700 جنيه

5️⃣ الماسة دار الفائزين مكة – 4 نجوم / 7 دقائق سيرًا من الحرم
🏨 جراند بدر المقام المدينة – 70 متر من الحرم / صف ثاني
👥 رباعي: 49,500 جنيه
👥 ثلاثي: 52,000 جنيه
👥 ثنائي: 57,500 جنيه

✨ البرنامج يشمل:
✈️ تذكرة الطيران
🛂 التأشيرة
🚌 النقل
🕌 المزارات
🧳 خدمة نقل الحقائب للسادة المعتمرين
🚆 قطار الحرمين من مكة إلى المدينة
🧑‍💼 الإشراف
🕌 حجز الروضة

✈️ خط الطيران:
الطيران السعودي + مصر للطيران
القاهرة ➡️ المدينة ➡️ جدة ➡️ القاهرة

📌 الأوراق المطلوبة:
• 70% من سعر البرنامج
• تصريح سفر لموقف التجنيد
• صورة جواز السفر
• الجواز ساري لمدة لا تقل عن 7 أشهر
• صورة شخصية خلفية بيضاء

🎁 خصم للسادة:
• حاملي تأشيرة شخصية: خصم 7,500 جنيه
• عائلية – تجارية: خصم 9,500 جنيه

👶 سياسة الأطفال:
• الرضيع: 19,000 جنيه
• الطفل: 35,900 جنيه

⚠️ مهم جدًا:
سعر البرنامج يُسجل عند دفع المبلغ بالكامل.

🚨 والحق قبل شهر 10!
ابتداءً من رحلات شهر أكتوبر سيتم إضافة:
➕ 3,500 جنيه للرباعي
➕ 4,500 جنيه للثلاثي
➕ 6,000 جنيه للثنائي

يعني اللي ناوي يعتمر يحجز قبل أكتوبر ويوفر الزيادة الجديدة ❤️

🕋 رحلات الخالة نوسة
رحلتك معانا.. راحة واهتمام من أول خطوة لحد الرجوع ❤️
للحجز معانا على رقم 010 010 03786376

هكلمكم النهارده على نظام الاعاشه فى لايف باذن الله
17/08/2026

هكلمكم النهارده على نظام الاعاشه فى لايف باذن الله

16/08/2026

لما اصبر جوزى على الشغل معايا واقوله هجوزك😂😂😂

16/08/2026

صباحكم رزق وهنا #مطعم الخاله نوسه احلى اكلات بيتى فى الدنيا

15/08/2026

عايزه اقولكم ده مش فيديو عادى ده فيديو تعليمى واسرار الفراخ المشويه وتقطيعها بأحترافيه على اكمل وجه بس ماتنسوش بقى تعملى للفيديو قلب حلو زى قلبك ❤️

لما ربنا يحطك في سكة حدعمرك فكرت قبل كده إن يمكن وجودك في حياة حد مش صدفة؟يعني ساعات تلاقي نفسك بتقابل شخص معين أو حد يك...
14/08/2026

لما ربنا يحطك في سكة حد
عمرك فكرت قبل كده إن يمكن وجودك في حياة حد مش صدفة؟
يعني ساعات تلاقي نفسك بتقابل شخص معين أو حد يكلمك في وقت معين أو تلاقي ربنا بيحط قدامك إنسان محتاج حاجة أنت تقدر تعملها له وإنت أصلا مش عارف إنك سبب في حاجة كبيرة عنده.
وساعات تلاقي كل الأبواب اتقفلت في وشكوتقول: خلاص أعمل إيه؟ أروح لمين؟
وفجأة ربنا يوصلك بحد حد أنت يمكن ما تعرفوش كويس بس يكون هو المفتاح اللي ربنا حطه في طريقك عشان يفتح لك باب.
وعلى الناحية التانية ممكن حد ييجي لك وإنت تكون شايف إن الموضوع عادي جدا لكن الحقيقة إن ربنا هو اللي بعتهولك عشان تكون سبب في ف*ج أو مساعدة أو حل مشكلة أو حتى كلمة تغيّر حياته.
عشان كده متستهونش أبدا بأي حد ربنا يحطه في طريقك.
يمكن أنت مش فاهم ليه قابلت الشخص ده وليه كلمك وليه الموضوع جه لك في التوقيت ده بالذات.
بس صدقني مفيش حاجة عند ربنا بتيجى بالصدفة.
يمكن ربنا بعت لك شخص عشان يساعدك ويمكن بعتك إنت لشخص عشان تساعده.
وفي الحالتين أنت سبب.
فلو ربنا خلاك سبب في ف*ج حد متمنّنش عليه احمد ربنا إنه اختارك تكون سبب.
ولو لقيت باب اتفتح لك بعد ما كل الأبواب اتقفلت اعرف إن ربنا كان بيرتب لك الباب ده من زمان.
إحنا ساعات بنفتكر إن الناس هي اللي بتوصلنا لبعض… لكن الحقيقة إن ربنا هو اللي بيوصل كل واحد باللي مكتوب له.
اللهم اجعلنى ممن يقضوا حوائج الناس يارب
اللهم اقضى لنا حوائجنا يارب ووسع على كل من
سهل على الناس يارب 🤲🤲🤲
" الخاله نوسه "

Address

كرنيش النيل
Desouk
٠١٣

Opening Hours

Monday 9am - 11pm
Tuesday 9am - 11pm
Wednesday 9am - 11pm
Thursday 9am - 11pm
Friday 9am - 11pm
Saturday 9am - 11pm
Sunday 9am - 11pm

Telephone

+201015751664

Website

Alerts

Be the first to know and let us send you an email when بيت الخالة نوسة posts news and promotions. Your email address will not be used for any other purpose, and you can unsubscribe at any time.

Contact The Business

Send a message to بيت الخالة نوسة:

Shortcuts

Share