08/09/2021
دي النصايح اللي كنت أتمنى حد يقولهالي وأنا لسه داخل الجامعة وعرفت أهميتها بعد كده:
شيرها لغيرك.
1- اعمل أكبر قدر ممكن من العلاقات العامة في خلال سنين دراستك في الجامعة.. مبتكلمش عن الأصدقاء ولكن عن المعارف وأصحاب الخبرات. هتنفعك بعدين.
2- بص يا ابني في 3 أنواع من الطلبة بيروحوا الجامعة على رأي دكتور أحمد: النوع الأول بيهتم بالمذاكرة وبيحضر كل المحاضرات وبيجيب تقدير وده ناجح، النوع التاني مبيذاكرش أوي بس بيدخل في أنشطة تطوعية وبيطور من مهاراته الشخصية وده ناجح برضه، النوع التالت ده اللي بيروح يقضيها في الكافية ولا بيذاكر ولا بيتطوع وده الفشل بعينه، خليك من النوعين الأولانيين، ولو جمعت بينهم فأنت برنس الحقيقة.
3- لو أنت في كلية عملية فاهتم بالبحث العلمي أيًا يكن مجال كليتك ، وهو أسرع وأهم وسيلة للحصول على منح أو سفر للخارج.
4- ولو أنت في كلية نظرية فنصيحتي ليك إنك تاخد طريق من الاتنين: الأول إنك تتخصص في مجال واحد وتتفوق فيه وتطور نفسك جدا بعيدا عن الكلية، أو إنك تاخد مجال تاني احتياطي مع كليتك.
مثلًا أنت في كلية حقوق، يبقى تشتغل على تخصص زي حقوق الإنسان أو القانون الدولي وتاخد كورسات أونلاين فيه كتير أو تتعلم الترجمة القانونية وتخليها مجال احتياطي ممكن تدخله لو ملقتش فرصة في مجال كليتك، وهكذا.
5- في مرة قريت بوست بيقول إن أكتر حاجة هتفرق معاك في الكلية هيا المشاوير اللي بتعملها وحدك، الكورس اللي بتروحه وحدك وأصحابك نايمين في البيت، المحاضرة اللي بتصحى ليها بدري وتروحها وحدك، اللغة اللي بتتعلمها بعيدًا عن الجامعة وحدك. الكلام ده حقيقي جدا وهيفرق معاك.
6-استغل أجازة الصيف في إنك تتعلم مهارة تشتغل بها كفريلانس وتدخلك فلوس.
7- اتعلم لغة أو اتنين وأنت في الجامعة، لو معاك فلوس خد كورس لغة والأفضل لو يكون مع الممثل الرسمي للدولة بتاعة اللغة نفسها، لو إنجليزي _مثلا_ المعهد البريطاني، لو معاكش فلوس فجوجل مش هيبخل عليك، اتعلم أونلاين وهتلاقي كورسات تكفي وزيادة.
8- اعمل حسابك في آخر سنة في الجامعة إنك تاخد الأيلتس أو التويفل، ليه لازم تاخده لأنه هيفتحلك أبواب كتير جدا للسفر والمنح
