16/04/2026
اللى شايفينه ده اسمه تامر وده اللي ينطبق عليه المثل الشعبي اتقى شر من أحسنت اليه
تامر النهارده تم تأييد حكم الإعدام عليه وخلاص اصبح نهائى بعد رفض الطعن
تخيل بيطعن على حكم الإعدام
عاوز ايه يا تامر تطلع براءة
تامر سافر قطر 🇶🇦 عام 2023 عشان يحضر كاس العالم وهو لا ليه فى الكورة ولا حاجة هو عاوز يهرب ويدور على شغل سمع ان قطر عايشين في رفاهية قال اطلع بقا على وش الفتة..بعد كاس العالم المفروض يرجع بس هو هرب وابتدا يدور على شغل..لف كتير ومفيش شغل مفكر الدنيا هناك سهله هيروح يسأل على شغل هيرحبوا بيه..
وصل بيه الحال انه يبات فى الشارع
لا معاه فلوس ولا قادر يجيب اكل ووصل لحالة التشرد والتسول..على وجمعة اخين من مصر وبيشتغلوا فى قطر..شافوا تامر بالصدفة وعرفوا انه مصرى..خدوه بيتهم واول شي اشتروا له ملابس ودخل خد دش وجابوا له اكل ولاول مرة منذ اسابيع ينام على سرير وياكل ويشرب..قالوا له بإذن الله ندور لك على شغل انت مصرى والمصري للمصرى فى الغربة..
عبد السلام قاعد معاهم فى الشقة..يعنى ثلاث مصريين عايشين مع بعض اتنين اخوات وصديق ليهم عايشين مع بعض هما التلاتة وحالتهم المادية كويسه عندهم سيارات ومرتاحين ماديا..فضلوا يبحثوا لتامر على شغل..طبعا هو مبلط سيراميك ولازم هيشتغل بمهنته
يجيبوا له شغل مع مقاول يشتغل يومين ويجي يشتكي ده راجل وحش طول اليوم مطفحنى الد.م
= يا ابنى اصبر هو الشغل كده
- لا شوفوا لى حاجة تانية
يفضل قاعد فى البيت على السرير فى التكيف ياكل ويشرب وياخد منهم فلوس
جابوا له شغله تانية وتالته وبرضوا مفيش فايدة
فى الاخر تامر فكر هو هيعمل ايه
قالهم انا عاوز اسافر
راحوا حجزوا له الطيارة وجابوا له هدايا لاهله عشان ميروحش مكسور الخاطر وحضروا ظرف فلوس له
شوفت عمرك حد يعمل كده؟
عرف ميعاد السفر وابتدا يحضر الخطة
اشترى منوم وحطه في العصير ل على وجمعة
الاخين..وعبد السلام كان بره..شربوا العصير وابتداو يشعروا بالنعاس دخلوا يناموا ابتدا تامر ياخد فلوسهم والموبيلات وكل شي يخصم
اخص عليك يا ندل يا ناكر الجميل
الاخين شعروا بيه والمنوم كان لسه مشتغلش قاموا يشوفوا ايه اللى بيحصل
تامر كان محضر السكين..وللاسف نحرهم بكل قسوة وابتدا يحضر الشنطة..فى الوقت ده رجع عبد السلام من بره وقبل ما يشوف صحابه كان تامر طعنه من الخلف عشان يحصل اصدقائه
عاشوا مع بعض..ورحلوا مع بعض..الجميع كان بيشهد باخلاقهم..بيساعدوا اهليهم وبيطلعوا مبالغ شهرية للفقراء والايتام كل شهر..رحلوا بدون ان يشوفوا اهليهم ماتوا فى الغربة بعيد عن احبائهم
تامر فتش جيوب عبد السلام وخد الموبايل بتاعه ولم كل شيء حتى ساعته خدها وفاضل ثلاث ساعات على الطيارة ياله على طول..
قفل الباب وجرى يلحق الطيارة..السلطات القطرية اكتشفت الجريمة وراجعوا الكاميرات وعرفوا الجانى وبلغوا السلطات في مصر وتم القبض عليه..ثلاث سنوات من المحاكمات والمحامي بتاعه ادعى انه مختل عقليا عشان يهرب من حبل الإعدام..للأسف بستغرب عن محامى يدافع عن إنسان مذنب وعاوز يخفف عنه...
القاضي قال اللى يحط خطة بالشكل ده مش مختل ده شيطان..بكده قريب سيتم اعدامه عشان اهل الشباب دول يرتاح صدرهم من الألم النفسي اللى سببه لهم هذا الشيطان الادمى
