Evento

23/05/2017

08/03/2017

وراء كل امرأة عظيمة نفسها ...

12/01/2017

28/10/2016

08/10/2016

08/10/2016

22/08/2016

17/08/2016

30 نصيحه لكل بنت ناويه تخرج م البيت ..

1 _ متمشيش ف شوارع فاضيه
2 _ متمشيش ف شوارع ضلمه
3 _ متروحيش اماكن متعرفيهاش لوحدك
4 _ عرفي اهلك رايحه فين بالظبط
5_ خلي موبايلك مشحون علشان اهلك يعرفوا يطمنوا عليكي
6 _ لو هتخرجي تعملي shopping اخرجي مع واحده صاحبتك أو اكتر .. متنزليش لوحدك
7_ المحلات اللي هتروحيها لازم تكوني عرفاها ووواثقه فيها
6 _ طول ما انتي ماشيه هتلاقي الناس بتبصلك .. متستغربيش .. العيب فيهم مش فيكي
8 _ انتي حره تلبسي اللي انتي عايزاه .. بس خليكي حكيمه .. مش اي حاجه تتلبس ف اي مكان .. فهماني طبعآ
9 _ البسي بناطيل جينز .. لو هتمشي كتير
10 _ متتكلميش ف الموبايل وانتي ماشيه ف الشارع .. ممكن حد يشده من ايدك ويجري
11_ لو المكان اللي هتروحيه هتتمشي كتير ف الشارع قبل ما توصليله .. متنزليش ب شنطه .. ممكن تلاقي عيال راكبين فيسبا عدوا من جنبك وشدوا شنطتك من علي كتفك
12 _ متركبيش توكتوك
13 _ متركبيش ميكروباص فاضي
14 _ المترو زحمه وممكن يغم عليكي من اللي هتشوفيه جواه ف الصيف .. بس من اكتر وسائل المواصلات امان
15 _ لو هتركبي تاكسي او ( اوبر او كريم ) .. متحاوليش تدخلي مع السواق في مناقشه مهما حاول يفتح معاكي مواضيع
16 _ اي حد يحاول يقرب منك او يلمس حته من جسمك ارزعيه قلم علي وشه ومتخافيش .. المتحرش بني ادم جبان
17 _ لو حد قالك كلمه سافله ارزعيه بالقلم برضه .. انتي مش قليله ف البلد
18 _ مهما كنتي كيوت ورقيقه وبسكوته .. ف الشارع لازم تبقي ب 100 راجل
19 _ عارفه ام كلثوم لما قالت : واثق الخطوه يمشي ملكآ .. نفذي الجمله دي بالحرف
20 _ لو نازله فرح روحي ف العربيه بتاعتك .. لو معندكيش يبقي ف عربية حد من قرايبك .. لو معندكيش يبقي ف عربية حد من صحابك .. لو معندكيش يبقي اقعدي ف بيتكم اريح .. بس متبهدليش نفسك ب سواريه ف الشارع
21 _ لو رايحه شغل او جامعه بلاش تنزلي بكعب عالي .. الكعب العالي بيخلي طريقة مشيتك ملفته .. واحنا شعب بنعشق التركيز ف التفاصيل
22 _ لو قاعده ف coffee مع صحابك اتعاملي بطبيعتك .. بس بلاش الضحكه اللي تجيب بوليس الاداب دي .. اضحكي بشويش ابوس ايدك
23 _ اتكلمي بصوت واطي
24 _ متاكليش شاورمه بره البيت .. هتتبهدلي وشكلك هبقي مسخره
25 _ متنزليش من بيتك نهائي ف موسم الاعياد .. هترجعي كارهه نفسك
26 _ متروحيش الجامعه اول يوم .. ده يوم الشقط العالمي
27 _ مترجعيش بالليل متأخر
28 _ امشي ف الشارع بمليون عين
29 _ خلي بالك من نفسك ومتخافيش .. خليكي شجاعه وقادره تتعاملي مع اي موقف تقابليه
30 _ انا عارف انك نفسك تمشي ف الشارع ب جيبه .. تلبسي فساتين وتتمشي ع النيل بالليل .. تركبي عجل .. تسهري للفجر لوحدك بره .. تمشي براحتك من غير ما حد يبصلك او يضايقك .. تهزري براحتك .. تضحكي براحتك .. بس هنعمل ايه .. قدرك ونصيبك انك اتولدتي ف مصر
اخرجي و اتبسطي و قابلي صحابك وعيشي حياتك .. بس خلي بالك من نفسك
ربنا يحميكي

05/08/2016

👸 "لو إنتي عروسة أو هتبقي عروسة دي شوية حاجات متتنسهاش" 😍 ⬇

1- حددي كل الحاجات إللي عايزة تعمليها في الفرح و رتبيها على الأقل قبل الفرح ب 3 شهور (مكان الفرح – الفستان – الطرحة – الميك أب – ال honey moon )

2- حاولي إن كل حاجة في بيتك وخاصة بفرحك تكون جاهزة قبل الفرح باسبوع عشان تبقي في الفرح شكلك مش تعبان

3- جهزي شنطة ال honey moon قبل الفرح بيومين و قبل ما تحضريها إعملي check list بكل حاجة عايزة تاخديها معاكي

4- لو هتعملي حنة اعمليها على الأقل قبل الفرح بيومين عشان تبقى مرتاحة وبشرتك مش مجهدة

5- اتبعي نظام غذائي قبل الفرح على الأقل بشهرين، ولازم وجباتك تكون بتحتوي على كل ما هو صحي ومفيد وبلاش الوجبات السريعة لأنها ممكن يكون لها تأثير كبير على بشرتك، كمان ممكن زيادة الملح أو السكر تظهر حبوب كتير في أماكن كتيرة في وشك وجسمك وخصوصاً لو كنت من الناس اللي عندهم حبوب أو استعداد للحساسية ويا ريت لو لقيتي أي حبوب ظهرت في بشرتك تروحي لدكتور جلدية عشان يشوف بشرتك ويقدم لك العلاج المناسب.
🌷🌷
6- لازم تهتمي ببشرتك قبل الفرح بشهر ونص وتستخدمي ماسكات وزيوت طبيعية عشان يبقى جلدك ناعم وجميل والافضل تتابعي مع دكتور، والمفروض إنك تسيبي شعر الجسم قبل الفرح بشهر ونصف تقريباً وشعر الوش قبل الفرح بأسبوعين عشان يبقى سهل عليكِ إزالته بسهولة قبل الفرح.

7- حاولي تنامي كويس على الأقل قبل الفرح باسبوع عشان عينك ماتكونش مجهدة و تحتها اسود

8- لو عايزة تغيري لون شعرك للون جديد أو تقصيه حاولي تغيري قبلها بست شهور عشان تشوفي اللون عليكي و لو طلع مش عاجبك يكون عندك وقت تغيريه

9- قبل الفرح ب 6 شهور ابدأي استخدمي scrub مرتين في الإسبوع و حطي ماسك مرطب مرة في الاسبوع

10- قبل الفرح بشهر حاولي تستخدمي كريم لتقوية الأظافر و اشربي مياة كتيييييييييير
🌷🌷
11- حاولي تقللي أو تمنعي الميك أب و إنتي خارجة قبل الفرح عشان تحافظي على بشرتك

12- لازم تعملي بروفة للميك أب قبل الفرح على الأقل باسبوع و خلي الميك أب بتاعك هادي كل ما الميك أب بيبقى هادي العروسة بيبقى شكلها أحلى

13- الفرح مش هيتم زي ما انتي نفسك فيه، الفرح هيبوظ في حاجات.. ومواعيد هتتأخر وأكل هينزل مش كامل أهدي وانبسطي وأضحكي لان انتي أهم من الفرح

14- افردي ضهرك طول ما انتي قاعدة في الكوشة

15- و إنتي بتختاري الفستان لازم تشوفي نوع شكل جسمك إيه و إيه القصات إللي بتليق عليه وحاولي تخلصي الفستان قبل الفرح على الأقل ب 3 أسابيع و قيسيه كذا مرة عشان لو فيه حاجة تتعدل بسيطة تلحقي تغيريها و عشان ماتتوتريش
🌷🌷
16- تأكدي إن جزمة فرحك مريحة جدا و قيسيها كتير قبل الفرح و اتمشي بيها و حاولي تجربي الكوتشي بتاع الأفراح بيبقى مريح أوي

17- لازم تهتمي بالتصوير أوي و تتأكدي إن إللي بيصور الجودة بتاعت تصويره كويسة أوي عشان لو الصور طلعت وحشة بتفضلي طول عمرك مضايقة

18- خلي صحابك يجهزولك شنطة صغيرة تحطي فيها أدوات تجميل بسيطة زى مثلاً بارفان وشراب وإبرة وخيط أبيض ومقص صغير ومانيكير وأسيتون وقطن ومزيل مكياج وكريم مرطب، احتياطي عشان ممكن تحتاجي لهم أثناء الفرح، وكمان ممكن تستفيدي بيهم بعد الفرح إن شاء الله.

19- التليفون سيبيه مع واحدة صاحبتك و ماتشغليش نفسك بيه

20- ما تنسيش تاكلي كويس قبل الفرح و ما تنسيش تدخلي ال toilet قبل ما تعملي الميك أب
🌷🌷
21- اعملي list بالحاجات إللي عايزة تتممي عليها فبل الفرح و اديها أقرب صاحبتك تتمم هي و تطمنك

22- ماتخافيش من أي حاجة بتتقالك أي كلام يخوف بيتقالك كله كلام مش صح فما توتريش نفسك على الفاضي

23- اضحكي طول الفرح و اتبسطي لإن اليوم ده هيكون من أحلى أيام حياتك
🌷🌷🌷🌷