Eng.Mariam Nashaat

31/08/2026

📢 فرصة عمل | Join Our Team

يعلن مكتب اسكتش للاستشارات الهندسية في العمارة والديكور عن فتح باب التقدم للوظايف الآتيه؛

🔹 Office Admin
🔹 Accountant | محاسب/ة

للعمل بدوام كامل من مقر المكتب

🕘 مواعيد العمل
من السبت إلى الخميس: 9:00 صباحًا – 4:00 مساءً
يوم الجمعة: 11:00 صباحًا – 6:00 مساءً
يوم الأحد: إجازة أسبوعية

📍 مقر العمل: شارع النصر – الغردقة

نبحث عن أشخاص يتمتعون بـ:
• الالتزام والانضباط وتحمل المسؤولية
• مهارات جيدة في التنظيم وإدارة الوقت
• إجادة استخدام الكمبيوتر وMicrosoft Office
• مهارات جيدة في التواصل والتعامل مع العملاء وفريق العمل
• خبرة سابقة في نفس المجال تُعد ميزة

للمهتمين بالانضمام إلى فريق Sketch،
يرجى إرسال الـ CV مع تحديد الوظيفة المتقدم إليها.
[email protected]
📩 Office Admin / Accountant

تعديل : لا يوجد تفاصيل قبل ارسال السي فى واجتياز الانترفيو الاول
ثانيا : يرجى عدم ارسال اى رسائل على الخاص بخصوص الموضوع ده نظرا للضغط على الصفحه الرسايل يفضل ارسال ال CV
تعديل كمان : يشترط الاقامه الدائمه مع الاسره فى الغردقه ولن ينظر للطلبات ال work from home ااو المسائي وال part time

30/08/2026

نبذه مختصره عن هدايا دير الانبا توماس العامر بجبل شنشيف المنير مركز ساقلته سوهاج 💙 الاثرى
أحلى دير بكوكب ❤️🌹الكره الارضيه كله
شكرا قدس ابونا يوسف التوماسي على كرمك وعطاياك اللى غمرتنا 🙏 وغمرت بيتى وبناتى

30/08/2026

معادلة النجاح 🎯 فى زمن الذكاء الاصطتناعى

اللى الناس محتاجه تفهمه أن معادله النجاح مش شهاده ولا صنعه ولا مهنه معينه
معادله النجاح (علم واتقان + التزام وتميز + تطوير مستمر)
وكل ده متغطى بحب اللى بتعمله وحاجه اسمها الشغف ودول اللى بيدوا الطاقه الايجابيه 💪
علم وإتقان + التزام وتميّز + تطوير مستمر = نجاح حقيقي.

فيه ناس عندها كلام معين بيبقى زي مخدر لضميرهم؛ عشان يبرروا كسلهم الشديد، وعدم محاولاتهم وسعيهم.

زي:
"الشهادات ملهاش لازمة."
"الفلوس أهم."
"الشهادات بتتشرى."
"الهندسة ملهاش مستقبل."
"الطب راح عليه."

ويفضل يقلل من نجاح اى حد أعلى منه عشان يبقى هو اللى فالصوره
وبيقللوا ومن أهمية التعليم العالى ، لمجرد إنه مش عايز يعترف إن النجاح محتاج سعي والتزام وتعب ايوه لكن كمان مفيش نجاح منغير معلومه صحيحه وتطور مستمر والاخيره دى صعبه اوى على ناس كتييييير 🤔 معرفش ليه
سهل عليه يتكلم على شطاره غيره لكن يتشطر هو لاء !!!!

الخطوره اننا فزمن النوع ده من الناس اللى معاهم فلوس بس مش معاهم نجاح كتروا اوى والمصيبه ان الناجحين طاقتهم مهزوزه بسبب كثره الضغط فالشغل وعدم التركيز على قيمتهم الحقيقيه
والأسف ساعات بيقعوا فالمصيده ..... وبيصدقوهم !!!

الفكره المهمه هنا
" ان تقييم النجاح ده مش بتاع بشر والرزق مش بتاع الناس "
وان النجاح حاجه والفلوس حاجه والقيمه حاجه ثالثه
والبحث عن القيمه أهم حاجه

والمهم والاساسي واللى لازم الاجيال الجديده تفهموا ان استحاله معادله النجاح تتغير أبدا وان النجاح عشان يستمر وتوصل للقيمه لازم تضحى بجزء من الفلوس عشان التعليم و التطوير المستمر والنجاح وبالتالى الشعور بالقيمه والرساله

ولو افترضنا ..... أن اللى متعلمش نجح فى اول طريقه وقدر يجمع فلوس منغير علم او شهاده وده بسبب اجتهاده والتزامه اللى بيحصل غالبا انه فى نص الطريق بيخور والحاجه الوحيده اللى بتصلب الطول هو السعى وراء المعلومه الصح وانت صغير
والعلم والتطوير هيخلي النوع ده من الناس يتشنكل فالطريق ...!
أو يفضل يجري محله سر، زي التريدميل بالضبط! 😄

لأن النجاح مش إنك توصل مرة...

النجاح الحقيقي إنك تفضل قادر تكمل، وتتطور، وتحافظ على مستواك وتزيده.

فمتسمحش لحد يقلل من قيمة علمك، ولا من تعبك، ولا من نجاحك.

اتعلم، أتقن، التزم، طوّر نفسك... وسيب تقييمك ورزقك لربنا. ❤️

يومكم سعيد ❤️
وحشتوني... كان ليا كتير مكتبتش مقالات الفترة اللي فاتت 😃
المقاله القادمه بعنوان : البحث عن القيمه ! .... تابعونى

مستنية رأيكم، لأن بنات أفكاري رجعت تاني! 😃🫡


مهندسه استشارى معمارى
الصوره من مدينه سوهاج _ فندق أزورا

28/08/2026

25/08/2026

أنا لمهندسه مريم : النجاح طعمه حلو ؟
م.مريم وهى حرانه : أوى 🥵

تعديل معمارى لفيلا بمجاويش واستخراج رخصه جديده للبناء

التصميم ومتابعه أستخراج الرخصه
لمكتب أسكتش للاستشارات الهندسيه فى العماره والديكور بالغردقه
مهندسه أستشاريه
مريم نشأت عدلى

25/08/2026

لايف من مجاويش
تعديل معمارى لرخصه فيلا قبل البناء
مكتب اسكتش للعماره والديكور بالغردقه
مهندسه استشاريه مريم نشأت عدلى

24/08/2026

شرفنى بالزياره ومباركه المكتب قدس أبونا ثيؤدور فارس
Theodore Fares Sedarous
والمهندس جورج نادر
George Nader
شكرا جزيلا على محبتكم النادره 💙💜🙏

20/08/2026

«الثقة في الحكومة»

إذا فقدت الحكومة ثقة الجماهير، تكون الدولة كلها معرضة للخطر، وفي كافة البلدان، سواء المتقدمة أو المتخلفة، إذا فقدت الحكومة ثقة الشعب فلا بد من رحيلها الفوري.

واليوم، وقد تعودنا ـ كمصريين ـ على الزيادات المتلاحقة في كافة الأسعار وفي كافة القطاعات، وتحت مبررات شتى سئمها الشعب لسخافتها، من كوفيد إلى حرب روسيا وأوكرانيا، إلى حرب غزة الأليمة، إلى حرب إيران، فقدت حكومتنا الخالدة كل رصيدها من ثقة الشعب... والمفاجأة اليوم كانت في زيادات الأسعار بأثر رجعي، وبدأت في زيادة الكهرباء الأخيرة، وهو إجراء استفزازي للغاية، ولا يخضع لأي مشروعية إلا شريعة القهر.

ثم تتحدث الحكومة ـ عقب كل اجتماع ـ عن جهود مستميتة للسيطرة على الأسعار وحماية محدودي الدخل، وهي تعلم أنها السبب الوحيد في هذا الخراب.

هذا الإجراء الاستفزازي ـ الزيادة بأثر رجعي ـ لا يُسأل عنه وزير الكهرباء بمفرده، بل المساءلة عنه لكافة الوزراء ورئيسها؛ فزيادة الأسعار، ومنها الكهرباء، هي قرار مجلس الوزراء وليس وزيرًا بعينه، ويعلم الجميع أنها تطال كافة المواطنين.

وهناك إجراءات استفزازية أخرى أطاحت بالثقة في وزارتنا الخالدة، فقد التقى منذ فترة رئيس الوزراء، مع نخبة من المفكرين والإعلاميين للاستماع إلى آرائهم لحل مشاكل البلد، مبشرًا بعهد جديد من الشفافية والحوار المباشر مع الشعب، وطُرحت العديد من الأفكار، كان من بينها أن تكلفة عمود واحد من مشروع المونوريل تكفي لبناء مدرسة، وطُلب مراجعة الموقف وتأجيل هذا المشروع... لم نستمع إلى رد ولا تأجيل جزء من المشروع، ولم تُبنَ المدارس، بل واستمر العجز وزيادة الديون وارتفاع الأسعار.

ونماذج انهيار الثقة لدى الشعب تتمثل في وقائع عدة، أبرزها واقعتين، الأولى هي واقعة الشاب الذي قام بإشعال النار في كشك يمتلكه ويعيش منه منذ فترة، عندما أقدمت الإدارة المحلية على سحبه؛ والثانية في تعدّي أحد المواطنين على رئيس وحدة محلية عند هدم عقار يأويه، وهو تصرف أهوج وعنيف نرفضه، لكنه للأسف يمثل دلالة على انعدام الثقة في الحكومة وفشل أي تواصل أو حوار مع أيٍّ من المسؤولين.

إن الوزارة بأكملها مسؤولة عن أي زيادة في الأسعار، وستحاسب جميعها عن كل السياسات والقرارات الخاطئة التي انتهجتها أو وافقت عليها وأدت إلى هذا الوضع المرعب.

19/08/2026

خالص الشكر والأمتنان
لكل اللى تعبوا معايا فى تصميم وتنفيذ غرفتى الجديده فى مقر المكتب بتاعنا فى شارع النصر
Sketch Office Projects
بدايه من زميلتى وشريكتى فالنجاح "مهندسه مريم عبد الملاك" اللى قامت بالتنسيق والترتيب وال Follow up معايا لجميع الأعمال مع المقاولين والرسم ال3D لتصورى العام للغرفه وتفاصيلها
وباقى فريق مكتب اسكتش فى العمل معايا عشان بتزعل 😘😂😜 استاذه مارينا مديره الحسابات

وجزيل الشكر للمقاولين والصنايعية الجدعان بتوعنا في الغردقة، المعروفين عند الجميع بجدية الشغل والإتقان:

1. بند الكهرباء
الريس مجدي إيميل، المشرف الأول وكبير كهربائيي المكتب.

2. بند السباكة
بقيادة الريس هاني سعد.

3. بند الجبسم بورد
شركة القائد بقيادة الريس رزق عبد الملك.

4. بند النقاشة
بقيادة عم مجدي.

5. التكييفات والجريلات والصاج
شركة Air Cool بقيادة المهندس علاء ونجله محمد علاء.

6. النجارة والتجاليد والأبواب والباركيه
مصنع Only Wood في الغردقة، بقيادة الريس عطيتو فهيم.

7.والباب السيكوريت
القطعه الفنيه الرائعه من شركه Madness مهندس عماد رأفت

وأخيرًا…
التابلوه الجميل، بإبداع وإيد الفنان الراقي "مايكل برسوم " 🎨

شكرًا جزيلًا من قلبي لكل واحد فيكم…
أسعدتوني باهتمامكم المعتاد، وتعبكم، وإتقانكم اللي دايمًا بكون واثقة فيه. 🙏

ربنا يبارك في شغلكم جميعًا، ودائمًا من نجاح لنجاح

ولا أنسى أبدًا أن أشكر الله أولًا وأخيرًا 🙏❤️
فهو وحده الذي يمنح النجاح لعبيده، ويفتح لهم الأبواب، ويسخّر لهم أشخاصًا يشبهونهم في الأمانة والإخلاص وحب العمل والإتقان.
وكما أوصاني إلهي دائمًا:
«ليست عطية بلا زيادة إلا التي بلا شكر»
فـ اشكروا الله… واشكروا الناس.
وأؤمن أن كل إنسان يضع الله في طريقنا، وكل يد تمتد لتساعدنا، وكل شخص يخلص في عمله معنا… هو جزء من النعمة والنجاح. 🙏
مهندسه أستشاريه معماريه