01/01/2026
بما إن النهاردة ١ يناير.. اليوم العالمي للأسرة.. وكمان النهاردة الخميس 🌙✨
حابة أشارك معاكم ذكرياتي مع أسرتي في ليالي الخميس زمان.. وقت ما كانش فيه موبايلات ولا دش، كان يادوب القناة الأولى والتانية، والرابعة أحياناً كانت بتظبط بالعافية. 😂
كانت سهرتنا يوم الخميس في ليالي الشتا دي قدام القناة التانية وبرنامج "أوسكار".. كان بيعرض فيلم أجنبي بالنسبة لنا جديد وأول مرة نشوفه. نفرد الكنبة السرير، ونجيب البطانية ونتجمع كلنا جنب بعض.. كانت دي الـ "Movie Night" بتاعتنا في الثمانينات والتسعينات. 🎬🍿
لمتنا سوا كانت هي الأساس.. والسهرة آخرها الساعة واحدة بعد منتصف الليل مع برنامج "٢٤ ساعة" الإخباري والنشيد الوطني والختام. كانت أيام جميلة عملنا فيها ذكريات حقيقية. ❤️
دلوقتي الأسرة بتتجمع وكل واحد غرقان في موبايله وتيك توك ويوتيوب.. ماعدش فيه ذكريات بتتكون، ولا عاد فيه لمة أسرة حقيقية.. قاعدين سوا بالاسم بس، لكن الحقيقة كل واحد في عالم لوحده. 📱💔
حبيت اشارككم اسرتي الصغيرة النهاردة...قرة عيني مش طالع في الصورة بس جنبي 😁...و سكر طبعا كلكم عارفينها...و الكروشيه 🧶
في يوم الأسرة العالمي، أتمنى كل الأسر تتجمع سوا ولو يوم واحد في الأسبوع.. يسهروا سوا ويعملوا ذكريات حقيقية يحكوها لعيالهم بعدين.
كل سنة وأسركم بخير ودفء. ✨
#ميلا
#كروشيه
