24/04/2025
الفيديو ده استوقفني في يوتيوب، خصوصا إننا داخلين على موسم...
https://youtube.com/shorts/5kKXDpSrdUI?si=BfZOFFkOqlI-0f_N
ليه؟
✳️ شخص رايح كتب كتاب في مسجد فأغلب الظن مفهوش مخالفات، وطلع منه مرتاح نفسيًا وحابب الأفكار تتقلد؛ فتخيلوا صاحب كتب الكتاب ياخد أجر إزاي لو شخص واحد بس حضر اتعدلت عنده قناعة إن الفرحة = ذنوب من اختلاط وأغاني وغيره، وكمان شجع الناس على خير؟ زي فكرة الأذكار أو خاتم التسبيح... إلخ
✳️ صاحب كتب الكتاب مهتمش بفرق السعر بين المنتج المحلي والمنتج المقاطع، ومقالش أصل داخل على جواز ومصاريف أصل المقاطعة فيها كلام... إلخ؛ ليه بقا؟ - بغض النظر عن أنه ممكن يطلع من الكلام ده كله ويوزع حاجة تانية أو ميوزعش أصلا-؛ لأن العاقل فاهم إن الجواز درجة في سلم السعي لرضا ربنا وعمارة الأرض بما يرضيه؛ فالمفروض ميكونش فيه حاجة تخالف الهدف وبالتالي هو بيسستم الدنيا كلها على ده >> هيوفر مصاريف الهيصة والبذخ والإسراف اللي ملهوش داعي وساعات يدخلها كذا حرام ويحطها في حاجة بسيطة وشيك تفرحه وتفرح الناس بما يرضي الله.
✳️ صاحب المقطع اتبسط بفطرته من حاجة كويسة ونشرها، معملش زي البعض اللي عندهم كبر أو جهل أو بيخادعوا نفسهم أو وارثين بالكربون تفكير هو ده كدا كتب كتاب؟ هو ده كدا فرح؟ فين الأغاني؟ فين البنات اللي بترقص قدام الشباب؟ فين رقصة السلو قدامنا؟ فين العروسة اللي خالعة حجابها مخصوص النهاردة.... -الله يهديهم ويعافينا- لحد ما بينكد على اللي بيحاول يعمل الصح! ولو إن اللي بيعمل الصح المفروض يطنش أي كومنت سلبي حتى لو الكل اجمعوا عليه؛ عشان الكترة مهياش معيار للصح.
