غَزْل • GHAZL

غَزْل • GHAZL متجر غَزْل للرسم والتطريز والفنون اليدوية ��
إطار ، كانفس او توال �

براند مصرية بتهتم بالفن والتطريز وبتضيف لمسة جمالية للأشياء.
خدماتنا؛ تابلوهات، مناديل كتب كتاب كابات تخرج، تطريز على أي حاجة تحبوا تضيفوا لمسة جمالية ليها.

🎓 كل تفصيلة بتحكي حكاية… وحكايتي بدأت من هنا...في يوم تخرّجي، اخترت أكون أنا...مش بس بالفرحة، لكن كمان بالتفصيلة… كاب ال...
09/07/2025

🎓 كل تفصيلة بتحكي حكاية… وحكايتي بدأت من هنا...
في يوم تخرّجي، اخترت أكون أنا...

مش بس بالفرحة، لكن كمان بالتفصيلة… كاب التخرج كان من صنع إيديا، ومن روح براندي Blue 💙

لأن الهاند ميد مش مجرد شغل،

ده إحساس، شغف، ولمسة شخصية بتعيش.

فخورة إن لحظة زي دي كانت مميزة بطريقتي الخاصة.

وفخورة أكتر إن Blue بقى جزء من قصص تانية كتير...

قصص بتبدأ بخيط، وتنتهي بابتسامة 💫
للتواصل 💌 لتنفيذ أى ديزاين من اختيارك

قصتك في قطعة فنية ساعات بتحسي إن مفيش حاجة في السوق بتعبر عنك فعلاً؟ منتج فني حقيقي يعكس شخصيتك ومشاعرك، حاجة مش متكررة...
26/10/2024

قصتك في قطعة فنية

ساعات بتحسي إن مفيش حاجة في السوق بتعبر عنك فعلاً؟
منتج فني حقيقي يعكس شخصيتك ومشاعرك،
حاجة مش متكررة في كل مكان؟ 😕

في غزل بنقدم قطع تطريز بتعكس شخصيتك واهتماماتك.
كل قطعة معمولة بحب وبتحكي قصة.. قصتك أنتِ!

سواء كانت طارة، أو شنطة، أو بورتريه، كل قطعة هي معنى لتفرُّدك.

اتواصلي معانا دلوقتي، واختاري اللي يعبر عنك. ♥️

"الشنطة بحكاية"ليه بنحب الحاجات الهاند ميد؟ عشان بتدينا فرصة نحس بالانتماء لحاجة جميلة وذات قيمة في وسط عالم مليء بالتشت...
23/10/2024

"الشنطة بحكاية"

ليه بنحب الحاجات الهاند ميد؟
عشان بتدينا فرصة نحس بالانتماء لحاجة جميلة وذات قيمة في وسط عالم مليء بالتشتت.

عشان كده غزل قررت تعلي ليفل الشعور بالانتماء وتجسده في حاجة بتستخدميها كل يوم.

التصميم ده أول تجربة لينا، مليان تفاصيل تطريز يدوي يحسسك بالأصالة.

اطلبي شنطتك وعيشي الأصالة 😌
عليها عرض لآخر الشهر 💥🔥

الست vs الست.من حلقة الدحيح شوفنا إزاي الست قدرت بموهبتها يكون ليها دور فعال بعد النكس/ة.ولكن دي مش الست الوحيدة، فيه ست...
06/10/2024

الست vs الست.

من حلقة الدحيح شوفنا إزاي الست قدرت بموهبتها يكون ليها دور فعال بعد النكس/ة.

ولكن دي مش الست الوحيدة، فيه ست تانية كانت معركتها بقى من وسط الكما/ين والتفت/يش، من قلب سيناء، الست فرحانة.

واستخدمت موهبتها هي كمان، كانت أميّة ف مكانش قدامها طريقة تنقل بيها المعلومات للجيش والمخابرات المصرية غير التطريز.
بترسم الخرايط والرموز على الرمل وتطرزها على قماشة، وتخيط القماشة في الهدوم اللي بتخرج بيها من سيناء وسط الكماين، بحجة إنها تبيعها.

ولما توصل القاهرة، بتبعت برقية للإذاعة المصرية عشان يعرف الجنود إنها وصلت القاهرة بسلام.

البرقية بتقول فيها: "أنا أم داوود، أهدي سلامي إلي إخواني وأخواتي في الأراضي المحت/لة."

التطريز له حكايات كتير مع الانتصار ♥️

نتيجة مسابقتنا 🥳كسبت معانا في المسابقة مريم مريم مكاوى مبرووووووك انتظري الطارة 💫😘و اللي مكسبش المرادي لسه فيه مسابقات ت...
30/09/2024

نتيجة مسابقتنا 🥳

كسبت معانا في المسابقة مريم مريم مكاوى
مبرووووووك
انتظري الطارة 💫😘

و اللي مكسبش المرادي لسه فيه مسابقات تانية كتير، ومفاجآت أكتر 😌
اعملوا لايك وفولو للبيدج عشان تعرفوا كل جديدنا.

حان الآن وقت مسابقتنا 😘🥳بمناسبة بداية الدراسة واللي تعتبر مرحلة جديدة لكتير منكو عملنا مسابقة تساعدك تضيفي لمسة جديدة لم...
29/09/2024

حان الآن وقت مسابقتنا 😘🥳

بمناسبة بداية الدراسة واللي تعتبر مرحلة جديدة لكتير منكو
عملنا مسابقة تساعدك تضيفي لمسة جديدة لمرحلتك الجديدة

شروط المسابقة بسيطة:
١- هتعملي فولو ولايك للبيدج
٢- هتحطي صورة لديزاين حاباه للتطريز في الكومنتات

أكتر صورة هتجيب ريأكتات، صاحبتها هتاخد طارة بالديزاين فور فري 💫
المسابقة هتستمر من دلوقتي لحد ١٠ بالليل

تعالوا ندردش شوية الآراء اختلفت حوالين التطريز؛ هل هو شكل جمالي ولا معنى؟أنت إيه رأيك؟
27/09/2024

تعالوا ندردش شوية

الآراء اختلفت حوالين التطريز؛ هل هو شكل جمالي ولا معنى؟
أنت إيه رأيك؟

لو ما طورتش نفسك على احتياجات السوق أول بأول، هتلاقي نفسك بره اللعبة! وده بالظبط اللي فهمه أصحاب التطريز السيناوي خاصةً ...
24/09/2024

لو ما طورتش نفسك على احتياجات السوق أول بأول، هتلاقي نفسك بره اللعبة!

وده بالظبط اللي فهمه أصحاب التطريز السيناوي خاصةً وقت النكسة ومع التطور السريع في الحياة.

التطريز السيناوي واجه تحديات كتير، لكن اللي بيحب تراثه بيحافظ عليه، عشان كده أصحاب الحرفة علموا الأجيال الجديدة تفاصيل التطريز.

بالتطوير، النقوش اللي كانت بسيطة في الأول بقت فن إبداعي ومتداخل ومناسب عصره، وخرج بره إطار الملابس التقليدية وبقى على التيشرتات، البنطلونات، والشنط، ده حتى الكمامات مسابوهاش 😂

والسياحة كانت المفتاح، فتحتلهم أسواق عالمية، وبقى مصدر دخل بيوت كتير في سيناء.

زي ما التطريز السيناوي عمل قصة نجاحه بتطوره، أنت كمان تقدر تعمل قصة نجاحك وتفضل في المنافسة.
ً

الرداء الأحمر.. القصة الحقيقية كل غرزة بتحكي حكاية. ً
21/09/2024

الرداء الأحمر.. القصة الحقيقية
كل غرزة بتحكي حكاية.

ً

إيه اللي بيميز التطريز الفلس طيني عن غيره من أنواع التطريز عشان منظمة اليونسكو تعترف بيه كتراث ثقافي؟عراقة التطريز الفلس...
19/09/2024

إيه اللي بيميز التطريز الفلس طيني عن غيره من أنواع التطريز عشان منظمة اليونسكو تعترف بيه كتراث ثقافي؟

عراقة التطريز الفلس طيني وتميزه له أمثلة كتير جداً، لكن أهم الأمثلة؛ "ثوب النكبة"
إيه قصته وليه اتسمى كده؟

وقت الن كبة سنة 1948 لما اتهجر كتير من أسر القرى الفلس طينية من بيوتهم، سيدة من سكان مدينة "رام الله" أهدت فستان لسيدة من الأسر اللي اتهجرت، لكن كان قصير عليها، وملقيتش طريقة تزود طوله بيها غير أكياس الدقيق اللي كانت بتوفرها منظمة الأونروا وقتها، فزودت طوله بيها، والفستان لسه عليه حرف النون من اسم المنظمة على أكياس الدقيق اللي متداخلة مع التطريز الفلس-طيني المميز، اللي مفيش فستان كان بيخلو منه.

الفستان ده لوحده دليل كافي على إنهم أصحاب الأرض والتراث، رغم إنهم مش محتاجين دليل.
قولولنا تعرفوا إيه تاني من قصص التراث الفلس طيني؟
ً

18/09/2024

ازاي الفن ممكن يكون وسيلة للتحرر من العادات، من الظلم، وحتى من نفسك؟

من زمان بنسمع عن استخدام الفن بأنواعه المختلفة للتحرر من العبودية، من التعنصر، ومن العادات المجتمعية المجحفة.
وده اللي عملوه نساء أفريقيا وقت تعرضهم للعنصرية بسبب إنهم نساء.

فيه دراسة اتعملت في جامعة جنوب أفريقيا من فريق علم النفس عشان تكشف التأثير النفسي للتطريز على الإنسان، اتذكر فيها إن نساء أفريقيا كانوا عايشين ظروف صعبة ومفيش فرص عمل ليهم ولو فيه ف كان في تقييد شديد عليهم، ومكنش قدامهم مهرب ومتنفس غير الأعمال اليدوية واللي على رأسها التطريز.

استغل سيدات أفريقيا التطريز عشان يعبروا عن مشاعرهم اللي مينفعش يتكلموا عنها من ظلم وعنصرية وصدمات نفسية، القماش بالنسبالهم كان الطريقة الوحيدة عشان يحكوا عليه قصصهم بدون خوف، وده خلاهم يشوفوا الأمل ويعرفوا قيمة الحياة فكمان حكوا قصص تديهم أمل وحب للحياة برسومات ونقوش بتشع بهجة.

الحياة فيها أساليب كتير للتعبير عن اللي جوانا من غير م نتكلم.
أنت إيه الطريقة اللي بتحب تستخدمها عشان تعبّر من غير كلام؟
ً

Address

Minya

Website

Alerts

Be the first to know and let us send you an email when غَزْل • GHAZL posts news and promotions. Your email address will not be used for any other purpose, and you can unsubscribe at any time.

Shortcuts

Share

Category