28/03/2024
ماشاءالله اللهم بارك ❤️ اعمالنا
#سؤال دايما بيطرح نفسه من العميل او من صديق فى المهنه او من مهندس الموقع
وهو 👇
بتشتغل باى نوع من الشركات فى التاسيس والتشطيب وسعر المتر كام
واجابته بتحتاج لتوضيح عده نقاط فى السؤال نفسه قبل الإجابة لان الاجابه مرتبطه بالنقاط دى وحضرتك كفنى لازم تكون مستعد للرد على هذا السؤال
تلقائى تعمل دراسه جدول فى دماغك للمكان وتجمع النقاط دى 👇
رقم ١ /👇
امكانيات العميل لان الموضوع بيرتبط بالامكانيات بنسبة كبيرة
رقم ٢ / 👇
جوده الشغل المطلوبه وهتسلم بيها شغلك
رقم ٣ / 👇
اجرك على الشغل المطلوب بالجوده المطلوبه
لان فى انواع كثير ممتازه لاكن سعرها عالى وفى نفس الوقت هتستهلك منك وقت اكتر فى تطبيقها عن منتج اخر وهتحتاج منك خبره فى تطبيقها
فبالتالى لازم تاخد اجرك عليها لانها هتاخد منك مجهود وخبره ووقت بخلاف غيرها
رقم ٤ / 👇
خطوات شغلك ايه لان مهنه الدهانات ممكن تختصر فيها طرق كتير توفر معاك وقت وجهد وخامه بس طبعا الجوده وترابط الشغل ببعضه مختلفه وده بيرجع للخبره وكيفيه التعامل مع المنتجات والشركات المصنعه المختلفه
اعمل دراسه جدول لعميلك مجرد ما تبدا تتكلم معاه فى الشغل واعرف ايه المنتجات المناسبه لامكانياته طبعا بعيدا عن الاقتصادى
ووضح لعميلك ان الدهانات مش كلها واحد ولا كلها اسمها دهانات ومش كل الشغل بنفس الجوده ولا نفس الترابط
❤️ كل عام وانت بخير ❤️