15/11/2024
زجاج كابينة الشاور السيكوريت وقع على بنوته والأم بتقول الحمد لله محصلش حاجه غير غرزة بسيطة ..
نصيحة زجاج السيكوريت لايفضل يكون 6 مم ولا 8 مم لازم 10 مم ويكون معالج حراريا ولازم يركب فيلم حمايه للجانبين بحيث لو اتكسر يفضل ماسك فيه ..
لو ركبت النوع Annealed Glass اللى هو العادي لو اتكسر هيتكسر قطع كبيرة وده ممنوع فى الحمام ..
اما النوع Tempered Glass اللى هو معروف بسيكوريت ده لما يتكسر بتبقى قطع صغيرة زى الصورة وده امان فلازم تركبها فيلم حماية عشان مايقعش لحد مايجى حد يفكه ..
اما زجاج Laminated Glass الى هو معروف باسم تربلكس Triplex هو متعدد الطبقات ملتصقة ببعضها ومحمي بحيث لو اتكسر ميتفتتش ولا يقع زى زجاج السيارات بس سعره غالي لكن حماية اكبر
والأهم من الزجاج المفصلات تكون من الاستانلس استيل 304 ومقاوم للصدأ لانها لو صينية وبها نيكل يبدأ فى التقشر والصدأ لو شرخت الزجاج هيتكسر كله
لايفضل الزجاج الأكريليك فى الحمام لانه يتغير لونه الى الأصفرار ويفقد لمعانه وبريقة مع الوقت
وتركت فى الكومنت تفاصيل اكثر عن الزجاج