وصفتي على صفحتي

07/05/2026

حبايب قلبي ال عاوزين وجبات افطاربالخبز كامل الحبة ونظام تخسيس في نفس الوقت

اولا انا في النظام مش بفطر بس هعرفك بعض الوجبات
اولا المسموح بيها
انا ممكن اخد تلت حبات تمر واكتفي بيهم فطار اذا خرجت من البيت لكن لو انا مش هبذل مجهود بفضل فترات الصيام المتقطع بشرب ميه وسوايل سخنة مع معلقة عسل او بدون

الفطار 2رغيف من الخبز الاسمر
مع قطعتين جبنة نستو
او نستبدلهم
بلانشون مسموح في النظام
او جبنة رومي
او جبنة مطبوخة
او شرحتين شيدر
ممكن تاكلي معاهم معلقة مربي تين او فروالة
او معلقتين عسل اسود بدون طحينة
او حلاوة طحنية سايبة غامقة
كمان مسموح بالزيتون الاسود بس باعتدال مسموح بالقشطه
والزبدة البضه لو هنعمل مثلا سندوتش مربي بالقشطه
ملحوظة ممكن يوم واحد في الشهر مسموح بطعميه اتنين مثلا

طبعا ممنوع في النظام البيض نهائى واكيد كتير من الدكاترة غير العوضي كمان شرحوا ليه البيض لا لانه نتاج فراخ مهرمنه وواخدة مضاد حيوي وفيها السمولينا حتي لو سلقنا الفراخ

ممنوع الخضار في النظام لانه فيه الياف كتير بتعطل الحرق
وصعبة الامتصاص علي المعدة

07/05/2026

خبز الحبة الكاملة

المقادير
جربي الاول في نص كيلو دقيق
الدقيق الكيلو ب35جنية في السوبر ماركت

الطريقة
في اناء حطي كوب ماء ومعلقة ونص خميرة فوريه ونص معلقة صغيرة بيكنج بودر وذرة ملح وقلبيهم كويس
انزلي بنص كيلو الدقيق واعجني لو احتاج ميه حطي نص كوب بس حبه واعجني وحبة واعجني لحد ماتوصلي لعجينة لينة اتركها تخمر 20دقيقة
رشي علي صنية شويه دقيق من نفس النوع وقطعي العجين حسب ماتحبي انا طلع معايا 8ارغفة بالحجم ده
افردي الارغفة وغطيها لمدة 40دقيقة
علي طاسه ساخنة ونار عالية حطي العيش وقلبيه علي طول هينفخ معاكي ويستوي
يطلع غطيه بفوطه ولما يبرد
احتفظي بيه في الفريزر

07/05/2026

السلام عليكم ورحمه الله وبركاته
النهاردة حبيت اتكلم معاكوا في موضوع
قريت عنه كتير قبل كده

الموضوع هو الاستشفاء الذاتي للجسم اي علاج الجسم نفسه بنفسه

وطبعا كلكوا عارفين اني مريضة سرطان وكمان قولون عصبي

تجربتي النهاردة هو اتباع نظام الطيبات للدكتور ضياء العوضي

طبعا ده مش ترند والله اكتر من انه تجربة جربتها قبل ما اسمع عن الدكتور ده بالذات

وهي الصيام لفترات طويله ومنع بعد انواع من الاكل زي العيش والسكر
انا من الناس ال بتقدر متكلش عيش لفترات طويله
وباخد سكر استيفانو الدايت الطبيعي

الخلاصة

الحمد لله بعد مااتبعت نظام الطيبات وقدرت امنع اكلات كتير وبصوم فترات طويله
نظام الصيام المتقطع قدرت اوصل لراحة رهيبة للقولون
وبدء الاتهاب في جسمي يخف شويه شويه وانا مكمله ان شاء الله

الفكرة من كلامي ليكوا ان في ناس كتير عاوزة تخس ومش عارفة وتعبانة جسديا ونفسيا

والله النظام ده ياجماعة رهيب وراحة مابعدها راحة

انا منعت
العيش الابيض بجميع انواعة والمكرونة والبقوليات كلها والفراخ والبيض ومنتجات الالبان والجبن البيضة والقريش

والسكريات باخد منها بقدر بسيط جدا بعض انواع من الفاكهة والتمر وباكل خبز اسمر الحبة الكاملة بخبزة في البيت او بشترية من السوبر ماركت

انا باكل وجبة واحدة في اليوم هي وجبة الغدا فقط واحيانا اخد الصبح تلت تمرات لو خارجه عشان يكون عندي طاقة
ال عاوز وجبات للنظام

نعملها علي الصفحة للفطار والغدا يكتب تم في التعليقات

وجربوا النظام لمدة شهر ونشوف النتيجة سوا

بجد راحة رهيبة للمعدة

وطبعا احنا عارفين ان المعدة بيت الداء

وانا همشي مع قول رسولنا الكريم صوموا تصحوا صل الله عليه وسلم

والسلام عليكم ورحمه الله وبركاته

28/04/2026

بالله عليكم تسمعوا عشان تعرفوا ان الدكتور ضياء العوضي عنده حق في انواع من الاكل لو اتمنعنا منها نخف من الالتهابات ال في جسمنا زي الم العظام

ومنها الفراخ شوفوا الدكتور ده بيقول ايه واحكموا انتم

رحمه الله علي الدكتور ضياء العوضي

27/04/2026

عشان البطاطس تطلع معاكي مقرمشه من بره وطرية من جوه ولونها حلو كده
تعالي نشوف ازاي نعملها كده
هاتي اي كمية بطاطس قشريها واغسليها وهي سليمه
وقطعيها صوابع حطي معلقتين نشا وكمون وقلبي البطاطس فيها
سخني الزيت وانزلي بالبطاطس اقليها نص قليه وطلعيها علي مناديل مطبخ تبرد
وارجعي سخني الزيت تاني وكملي قليه
وطلعيها وحطي عليها توابل بطاطس بالطعم
ال تحبيه
هتطلع تحفة

26/04/2026

ده مش ورق عنب ده ورق بنجر ودي اكلة التوفير وحرق الاسعار

اقسم بالله
عملت بيه المحشي وطلع تحفة
واطعم واجمل من ورق العنب وارخص طبعا
انا روحت لبتاع الخضار او الفلاحين ال بيبقوا قاعدين في السوق ومعاهم كل انواع الخضروات واشتريت منها كيلو بنجر
واخدت كل ورق البنجر الموحود عندها

اخدت منه الورق بس وقطعت العروق وغسلته حلو قوي
حطيته في صنية ونزلت عليه بميه مغليه اربع دقايق وشطفته وصفيته
وحضرت خلطه المحشي وحشيته بكل سهولة
واستوي والله انه روعة

جربيه وادعيلي وقسما بالله فوق الروعه بشويه

25/04/2026

25/04/2026

#كبسة
الشيف موكا

25/04/2026

الكيك القمر دي بدون بيض وبدون لبن وميه مغليه وزيت وسكر وكاكاو
وانا حطيت عليها صوص شكولاتة ب35جنية بس خدت منها حته ابشرها علي الوش والباقي سيحته و صبتها علي الكيك
المقادير والطريقة
اتنين كوب دقيق
نص كوب كاكاو
كوب زيت
وكوب سكر
وكيس بيكنج بودر
فانليا
معلقة خل كبيرة
ذرة ملح
كوب ونص ماء مغلي لو احتاجت ميه ممكن ننزل بنص كوب ماء مغلي تاني

الطريقة
بنخل الدقيق وبنزل عليه بالملح والسكر والخل والزيت والفانيليا والبيكنج بودر
ونقلبهم مع بعض
وننزل بالماء المغلي مع التقليب شويه شويه
اخد منمن المقدار كوب واحط عليه الكاكاو
وادهن صنيه زيت وانزل بالخليط مره ابيض ومرة كاكاو عشان تتطلع بالشكل ده
تستوي
وتخرج اصب عليها الشكولاتة وبعدين انزل عليها بالمبشور من الشكولاتة
والله رهيبة ودي اصلا كيك المحلات
جربي وادعيلي

19/03/2026

كل سنة وكل متابعيني واهلي واصحابي واولادي بخير
عيدكم مبارك