20/09/2026
شوفت لقاء جديد للممثل المصري العالمي في بودكاست أمريكي مع اتنين أفرو أمريكان من أصل نيجيري.
َو كالعادة الواد الزنجور اللي لابس اسود حب يجر مينا للكلام عن الافروسنتريك ويقولو السود اللي بنو مصر القديمة قبل ما يسكنها العرب اللي شبهك وبتاع!
قام مينا ادالو واحدة" مش هخش معاك في جدل من النوع ده" جاب وشه ألوان 🤡 ..
وقالوا انا شوفت ال عملتو مع باسم يوسف🙂 .. وغير الموضوع خالص لفيلمه الجديد.. فالواد ادالو بوز كده اللي في الصورة 👇😂
مينا بعدها قعد يتكلم عن فيلمه الجديد عن قصة السبي البابلي والنبي دانيال، المهم مينا وهو بيشرح الفيلم اتكلم عن دخول المسيحية مصر سنة 44 م مثلا وهو بيتكلم في النص وضحلوا ان سلالة المصريين القدماء هي من تسكن مصر وقتها وبعدها.😁
وبعد شوية قالوا ان مصر بلد في أفريقيا واحنا افارقة عادي زي مافي مغرب وليبيا وبلاد أفريقية كتير شمال وجنوب وغرب.. لان أفريقيا قارة كبيرة متعددة الثقافات والجينات.. ومصر فيها" سود زيك" وفيها زيي، وفيها بيض بشكل متنوع، ولا تجد مصري عنده مشكلة مع كونه أفريقي زي مابيحصل معاكم هنا في أمريكا.. فالواد اتبسط واتكيف ان مصر في أفريقيا الحمدلله 😆
تصدقوا اللي عملو مينا من عدم الجدل التاريخي مع المزيفيين دول أفضل بكتير من الانجرار للهري الكوميدي الزائف اللي معروف انه عبيط كده فعلا.. هم بجد عايزين يلزقوا نفسهم في مصر فالرد يكون بحزم (بطل هري) .. مش هجادل في الهبل ده.. والتأكيد ع انه مصر في أفريقيا لكنها ليست غرب او جنوب وهي حضارة مصرية خالصة ده الأهم.
المهم مينا مسعود ده من الحاجات الحلوة وهدايا المحروسة اللي بتتحدف علينا ع غير إرادة او فعل مننا اصلا.. فنان حقيقي، موهوب جدا واكاديمي فنيا، عكس اغلب نجوم التمثيل ف العالم ال اغلبهم مادرسش فن، كمان مثقف وذكي جدا ونشيط في تنوع شغله واصراره ع الاستمرار رغم الصعوبات في هوليوود دلوقت..
والأهم مينا مصري أصيل منتمي جدا لمصر ومحب لها بصدق ووعي، وده راجع لاسرة محترمة ربته على حب بلده والاعتزاز بأصله واتقان كل تفاصيل ثقافة مصر ولغتها.. لدرجة انه بيقولهم مكنوش بيكلموه في البيت غير مصري عشان لغته العربية تبقي مظبوطه..
ف تلاقيه دلوقت بيتكلم بطلاقة عادي.. مش معووج زي العيال ال بتتربي في كمبوندز ومدارس انترناشونال جوه مصر ويكلمونا انجليزي ويقلبو حروف العربي بلكنة خواجات!
كمان في البرنامج مينا اتكلم عن عظمة الاكل المصري لانه مهتم بالأكل وعنده شغل في المجال ده وعمل كتاب خاص بوصفات الطبخ قبل كده، وقالهم طريقة الكشري، وليه الفلافل المصري الأصلية هي الطعمية مش ال زيها في بلاد تاني من مكونات مختلفة.. وكلمهم عن ان مصر فيها 30 نوع مانجا تصنف بأحلى مانجو ف العالم خاصة لو طلبت عصير في شوارعها هدوق عصير عظيم جدا، وكذلك عصير القصب اللي مش موجود غير في مصر..
وكمان قلهم قد ايه مصر غنية بالاكلات الجميلة.. وكلمهم عن اكلات مصرية تاني زي الفتة والممبار😅❤️
واحلى حاجة ان اكدلهم على التطور العمراني المبهر في مصر اخر 10 سنين وقالهم مش زي ال في بالكم خالص، ولا زي ال ماكنت بزورها وانا طفل.. مصر دلوقت فيها مناطق سكنية راقية لا تقل عن مستوى كمبوندز الولايات المتحدة ومراتي كانت منبهرة لما راحت وقالت دي مناطق انضف من اغلب البلاد ال زورناها.. والأهم إنها أمان جدا وشعبها يحبك ويرحب بك حتى لو لم يعرف لغتك أو عرقك🇪🇬
#الافروسنتريك #مصر
