https://www.facebook.com/profile.php?id=61550961240654&mibextid=ZbWKwL

Nourhan Yousry نورهان يسري, مصر, Zagazig (2026)

19/06/2026

🔴 صدور دجاج مشوية كريمية بالعسل والمسطردة غنية ومغذية 🍗😍

👈 المقادير ✅✨
• 2 صدر دجاج بدون عظم، بدون جلد
• 1 ملعقة صغيرة بابريكا
•1 ⁄2 ملعقة صغيرة من البصل البودر والملح والفلفل
• 2 ملعقة كبيرة زيت زيتون
• 2 ملعقة كبيرة زبدة
• 2 فص ثوم، مفروم
• 1 ⁄4 كوب مسطردة
• 2 ملعقة كبيرة عسل
• 1 ⁄2 كوب كريم ثقيل (أو نصف ونصف)
• بقدونس طازج، مفروم (للتزيين)

👈 الطريقة ✅✨
▪️ نجفف الدجاج جيدا نتبله بسخاء بالبابريكا والثوم البودرة والملح والفلفل.
▪️ سخن زيت الزيتون في المقلاة على حرارة متوسطة عالية نحمر الدجاج لمدة 5-6 دقائق لكل جانب حتى تتشكل قشرة ذهبية عميقة نرفعها ونضعها جانباً.
▪️ في نفس المقلاة، قلل الحرارة إلى متوسطة وذوب الزبدة ونضيف الثوم لمدة 30 ثانية حتى يكون عطراً.
▪️ نخفق المسطرة والعسل والكريمة الثقيلة بالشوكة معا ونضيفهم نتركها لمدة 2-3 دقائق حتى تكثف الصلصة وتتحول إلى اللون الذهبي الجميل.
▪️ نضيف قطع الدجاج مع الصوص الكريمي تزين بالبقدونس الطازج وتقدم على الفور جنبًا إلى جنب مع الأرز الأبيض أو المكرونة.

19/06/2026

🔴 ملف شامل ومتنوع لمجموعة حلويات كنز لكل عروسة هينفعك جداً احفظيها 🍮🥥🥧🧁🍰 🍪

1⃣ كيك البسيسة 🌽🍰
👈 المقادير ✅✨
1 كوب دقيق ذرة أصفر
1 كوب دقيق أبيض
1 كوب سكر
1 كوب لبن
½ كوب زيت
3 بيضات
1 ملعقة كبيرة بيكنج بودر
1 ملعقة صغيرة فانيليا
رشة ملح
2 ملعقة كبيرة جوز هند اختياري
بشر برتقال اختياري
👈 الطريقة ✅✨
في البداية نسخن الفرن على 180 درجة، ونجهز قالب كيك أو صينية وندهنها زيت ونرشها دقيق.
في بولة نحط البيض والسكر والفانيليا ونضربهم كويس لحد ما اللون يفتح والخليط يبقى كريمي. نضيف الزيت ونكمل ضرب، وبعدها نضيف اللبن ونقلب.
في بولة تانية نحط دقيق الذرة والدقيق الأبيض والبيكنج بودر ورشة الملح وجوز الهند لو هنستخدمه. نقلب المكونات الجافة، وبعد كده نضيفها بالتدريج على الخليط السائل مع التقليب الهادي.
لو عايزين ريحة وطعم أحلى، نضيف بشر برتقال بسيط، ده بيدي للبسيسة نكهة حلوة جدًا ومميزة 🍊
نصب الخليط في القالب وندخله الفرن لمدة 35 لـ 45 دقيقة. أول ما الوش ياخد لون دهبي جميل ونختبرها بخلة وتطلع نضيفة، نطلعها من الفرن.
نسيبها تبرد، وبعدها نزينها بصوص شيكولاتة خفيف أو رشة سكر بودرة أو مكسرات مطحونة. تتقطع شريحة كبيرة وتتحط جنب الكيك علشان القوام الداخلي يبان واضح وهش 🌽✨

2⃣ مافن 🧁✨
👈 المقادير ✅✨
2 كوب دقيق
¾ كوب سكر
1 ملعقة كبيرة بيكنج بودر
رشة ملح
2 بيضة
½ كوب زيت أو زبدة سايحة
1 كوب لبن
1 ملعقة صغيرة فانيليا
½ كوب شوكليت شيبس أو مكسرات
ممكن نضيف 2 ملعقة كاكاو لو عايزين مافن شوكولاتة
👈 الطريقة ✅✨
نبدأ بتسخين الفرن على 180 درجة، ونجهز صينية المافن ونحط فيها ورق الكب كيك.
في بولة نحط الدقيق والسكر والبيكنج بودر ورشة الملح ونقلبهم. في بولة تانية نحط البيض والفانيليا والزيت واللبن ونضربهم كويس لحد ما الخليط يبقى ناعم.
ننزل الخليط السائل على المكونات الجافة ونقلب بهدوء جدًا. أهم حاجة في المافن إننا منقلبش كتير علشان يطلع هش وطري، يعني مجرد ما الدقيق يختفي نوقف تقليب.
نضيف الشوكليت شيبس أو المكسرات ونقلب تقليبة بسيطة. نملى قوالب المافن لحد تلتين القالب بس علشان هتعلى في الفرن.
ندخلها الفرن من 20 لـ 25 دقيقة لحد ما الوش يبقى دهبي وجميل. نطلعها ونسيبها تهدى شوية، وبعدها نفتح واحدة من النص ونحشيها نوتيلا أو صوص شيكولاتة أو مربى حسب الرغبة 😋
تتقدم في صينية شيك، ومعاها مافن متاخد منه حتة علشان الحشو يبان، وشكلها يبقى مغري جدًا 🧁

3⃣ كيك البرتقال 🍊
👈 المقادير ✅✨
3 بيضات
1 كوب سكر
1 كوب عصير برتقال فريش
نصف كوب زيت
2 كوب دقيق
1 ملعقة كبيرة بشر برتقال
1 ملعقة كبيرة بيكنج بودر
رشة فانيليا
رشة ملح
👈 الطريقة ✅✨
في بولة كبيرة حطي البيض مع السكر والفانيليا، واضربيهم كويس جدًا لحد ما اللون يفتح والقوام يبقى كريمي فاتح.
بعد كده ضيفي الزيت تدريجيًا وانتي بتضربي، وبعدين ضيفي عصير البرتقال وبشر البرتقال، وقلبي كويس علشان ريحة البرتقال تطلع وتدي الكيك طعم قوي وجميل 🍊✨
في بولة تانية انخلي الدقيق مع البيكنج بودر ورشة الملح.
ابدئي ضيفي خليط الدقيق على الخليط السائل واحدة واحدة، وقلبي بمضرب يدوي أو سباتولا بهدوء من تحت لفوق، علشان الهوا يفضل جوه الخليط والكيك يطلع هش.
ادهني قالب الكيك بالزيت ورشة دقيق، وصبي الخليط.
دخليه فرن سخن مسبقًا على 180 درجة لمدة 35 لـ 45 دقيقة، وماتفتحيش الفرن قبل أول نص ساعة.
لما تستوي طلعيها وسيبيها تهدى، وبعد كده قدميها في طبق شيك، وممكن ترشي سكر بودرة أو تحطي صوص برتقال خفيف فوقها 😍

4⃣ كيك الشيكولاتة بدون بيض 🍫🍰
👈 المقادير ✅✨
2 كوب دقيق
1 كوب سكر
½ كوب كاكاو خام
1 ملعقة كبيرة بيكنج بودر
½ ملعقة صغيرة بيكنج صودا
رشة ملح
1 كوب لبن أو ماء دافئ
½ كوب زيت
1 ملعقة صغيرة فانيليا
1 ملعقة كبيرة خل
½ كوب ماء سخن
مكونات صوص الشيكولاتة:
1 كوب لبن
2 ملعقة كبيرة كاكاو
3 ملاعق كبيرة سكر
1 ملعقة كبيرة نشا
1 ملعقة كبيرة زبدة أو زيت
👈 الطريقة ✅✨
في بولة كبيرة نحط الدقيق والكاكاو والسكر والبيكنج بودر والبيكنج صودا ورشة الملح ونقلبهم كويس جدًا علشان المكونات الجافة تتوزع مظبوط.
بعد كده نضيف الزيت والفانيليا واللبن أو الماء الدافئ ونبدأ نقلب بالمضرب اليدوي لحد ما الخليط يبقى ناعم ومفيهوش تكتلات. بعدين نحط الخل ونقلب تقليبة خفيفة، وفي الآخر نضيف نص كوب الميه السخنة ونقلب تاني. الميه السخنة بتخلي الكيك طري وغامق وطعمه غني جدًا 😍
نجيب صينية مدهونة زيت ومرشوشة دقيق أو مبطنة بورق زبدة، ونصب الخليط فيها. ندخلها فرن سخن مسبقًا على حرارة 180 درجة لمدة 35 لـ 45 دقيقة حسب الفرن. نختبرها بخلة؛ لو طلعت نضيفة يبقى الكيك استوى.
نطلع الكيك ونسيبه يبرد تمامًا. في الوقت ده نعمل الصوص: نحط اللبن والكاكاو والسكر والنشا في حلة ونقلبهم على البارد، بعدين نرفعهم على النار مع التقليب المستمر لحد ما الصوص يتقل. نطفي النار ونضيف الزبدة ونقلب.
نصب الصوص على الكيك ونسيبه ينزل على الجوانب بشكل شيك، ونزينه بشوكليت شيبس أو مبشور شيكولاتة. يتقطع ويتقدم، ولو عايزين الحشو يبان ممكن نفتح من النص ونحط طبقة صوص بين الطبقتين 🍫

5⃣ بسبوسة التمر 🌴🍯
👈 المقادير ✅✨
2 كوب سميد ناعم أو متوسط
½ كوب سكر
½ كوب سمنة سايحة
½ كوب زبادي
½ كوب جوز هند
1 ملعقة صغيرة بيكنج بودر
رشة ملح
لوز للتزيين
الحشو:
1 كوب تمر منزوع النوى
1 ملعقة كبيرة سمنة
رشة قرفة
2 ملعقة كبيرة ماء دافئ أو لبن
الشربات:
1 كوب سكر
1 كوب ماء
عصرة ليمون
فانيليا
👈 الطريقة ✅✨
نبدأ بالحشو. نحط التمر مع السمنة ورشة القرفة على نار هادية، ونضيف شوية مية دافية أو لبن ونقلب لحد ما التمر يطرى ويبقى معجون ناعم وسهل الفرد. نسيبه يبرد شوية.
في بولة كبيرة نحط السميد والسكر وجوز الهند والبيكنج بودر ورشة الملح ونقلب. نضيف السمنة السايحة ونفرك السميد بإيدينا كويس جدًا، دي أهم خطوة علشان البسبوسة تطلع مرملة وناعمة.
نضيف الزبادي ونقلب تقليب خفيف من غير عجن كتير. نجيب صينية مدهونة سمنة، ونفرد نص كمية البسبوسة ونساويها. بعد كده نفرد طبقة التمر فوقها بهدوء، وبعدين نحط باقي خليط البسبوسة ونساوي الوش.
نقطعها مربعات أو مثلثات ونحط على كل قطعة لوزة. ندخلها فرن سخن على 180 درجة لحد ما تاخد لون دهبي جميل من تحت وفوق.
في الوقت ده نعمل الشربات: نحط السكر والماء على النار، ولما يغلي نضيف الليمون ونسيبه 7 دقايق، وبعدها نطفي ونضيف الفانيليا.
أول ما البسبوسة تطلع سخنة نسقيها بالشربات الدافي ونسيبها تشرب وتهدى. تتقدم في طبق شيك، وناخد منها قطعة علشان طبقة التمر تبان من النص بشكل مغري جدًا 🌴❤️

6⃣ العزيزية 🍮
🛒 المقادير ✅✨
لتر لبن
كوب سكر
5 ملاعق كبيرة نشا
علبة قشطة
فانيليا
👩‍🍳 الطريقة ✅✨
اخلطي اللبن مع السكر والنشا.
ضعيه على النار مع التقليب المستمر.
عند التماسك أضيفي القشطة والفانيليا.
صبيه في صينية.
حمري الوجه في الفرن أو بالشواية.
برديه ثم قدميه.
✨ حلوى ناعمة وكريمية جدًا.

7⃣ بسبوسة العشر دقائق 🥥
🛒 المقادير ✅✨
2 كوب سميد
كوب زبادي
نصف كوب سكر
نصف كوب سمنة مذابة
ملعقة صغيرة بيكنج بودر
👩‍🍳 الطريقة ✅✨
اخلطي السميد والسكر والبيكنج بودر.
أضيفي الزبادي والسمنة.
اتركي الخليط 10 دقائق.
صبيه في صينية مدهونة.
اخبزيه على 180 درجة حتى يحمر الوجه.
اسقيها بالشربات البارد.
✨ بسبوسة طرية وتدوب في الفم.

8⃣ فطيرة طاقية السلطان 🥐
🛒 المكونات ✅✨
العجينة:
4 أكواب دقيق
كوب لبن دافئ
ملعقة كبيرة خميرة
ربع كوب سكر
نصف كوب زبدة
الحشو:
شوكولاتة أو قرفة وسكر
👩‍🍳 الطريقة ✅✨
اعجني جميع المكونات حتى تحصلي على عجينة طرية.
اتركيها تختمر ساعة.
افرديها واحشيها بالشوكولاتة.
شكليها على هيئة طاقية السلطان.
اتركيها تختمر مرة ثانية.
ادهنيها بالبيض.
اخبزيها حتى تصبح ذهبية.
✨ شكلها فخم وطعمها خطير.

9⃣ كيكة "ريد فيلفيت" المحشوة بالكريمة
👈 المكونات ✅✨
*للكيك:
2 كوب دقيق
1 كوب سكر
1/2 كوب زبدة طرية
1 بيضة، 1 كوب حليب
2 ملعقة كبيرة كاكاو بودرة
1 ملعقة صغيرة فانيليا
1 ملعقة صغيرة خل
1 ملعقة صغيرة بيكربونات الصوديوم
ملون طعام أحمر.
*للحشوة والتغطية:
200 جرام جبن كريمي
1/2 كوب سكر بودرة،
1 كوب كريمة خفق سائلة.
👈 الطريقة ✅✨
1. تحضير الكيك:
اخفقي الزبدة مع السكر جيداً، ثم أضيفي البيضة والفانيليا.
2. اخلطي الحليب مع ملون الطعام والخل، ثم أضيفيهم للخليط بالتناوب مع الدقيق والكاكاو وبيكربونات الصوديوم.
3. صبي الخليط في قالب مدهون وأدخليه فرنًا محمى مسبقًا على درجة حرارة 180 مئوية لمدة 30-35 دقيقة.
4. بعد أن تبرد الكيكة، قطعيها إلى طبقتين.
5. تحضير الكريمة:
اخفقي الجبن الكريمي مع السكر البودرة، ثم أضيفي كريمة الخفق واستمري بالخفق حتى تحصلي على قوام متماسك.
6. وزعي جزءاً من الكريمة في منتصف الكيكة، وضعي الطبقة الثانية فوقها، ثم غطي سطح الكيكة ببقية الكريمة وزينيها بفتات الكيك.
Nourhan Yousry نورهان يسري

1⃣0⃣ بسكوت الساندوتش المقرمش
👈 المقادير ✅✨
2 كوب ونصف دقيق فاخر منخول
نصف كوب زبدة طرية بدرجة حرارة المطبخ
نصف كوب سكر بودرة ناعم
2 معلقة كبيرة عسل أسود (وده السر في اللون الدهبي الدافي والطعم الغني)
1 بيضة كبيرة بدرجة حرارة المطبخ
معلقة صغيرة فانيليا سائلة
معلقة صغيرة بيكنج بودرد
رشة ملح صغيرة جداً
للحشو الخطيييير:
شوكولاتة قابلة للدهن (نوتيلا أو بديلها) أو جناش شوكولاتة تقيل
👈 الطريقة ✅✨
أولاً: تجهيز العجينة السحرية
في بولة غويطة اضربي الزبدة الطرية مع السكر البودرة كويس جداً بالمضرب الكهربائي أو السلك لحد ما القوام يبقى كريمي وفاتح وهش
انزلي بالبيضة والفانيليا واضربي لحد ما يختفوا تماماً
ضيفي العسل الأسود واخلطي لفتين وبس كده هتلاقي الخليط أخد لون كراميل رائع
في بولة تانية اخلطي الدقيق مع البيكنج بودر ورشة الملح
انزلي بالمكونات الجافة على الخليط الكريمي ولمي العجينة بأطراف صوابعك (بسكوت يعني مش بنعجن خالص يا دوب المكونات تتداخل) لحد ما تتكون معاكي عجينة ناعمة ومش بتلزق
لفي العجينة في كيس بلاستيك ودخليها التلاجة ترتاح لمدة 20 دقيقة
ثانياً: التشكيل والتسوية المظبوطة للون دهبي موحد
افردي العجينة بين ورقتين زبدة بسمك متوسط (مش رقيقة أوي ومش تخينة)
قطعي العجينة بقطاعة دائرية سادة
رصي الدوائر في صاج عليه ورق زبدة وسيبي مسافات صغيرة بين كل بسكوتة والثانية
سر التسوية للون الجميل ده: سخني الفرن بتاعك كويس جداً على درجة حرارة 170 مئوية (هادية لمتوسطة) ودخلي الصاج في الرف الأوسط لمدة 12 لـ 15 دقيقة لحد ما تلاقي الحواف أخدت لون دهبي جميل ولما تحركي البسكوتة تلاقيها أخدت لون موحد من تحت
طلعي الصاج وسيبيه يبرد تماماً تماماً (أوعي تحركيه وهو سخن علشان ميتفرفتش)
ثالثاً: مرحلة الدلع والحشو
بعد ما البسكوت يبرد خالص هاتي كل قطعتين قد بعض
حطي كمية محترمة من الشوكولاتة في النص واضغطي بالبسكوتة التانية بالراحة لحد ما الحشو يظهر من الجوانب

1⃣1⃣ كيك التريليتشا 🍮
👈 المكونات ✅✨
مكونات الكيك:
5 بيضات
1 كوب سكر
1 كوب دقيق
1 ملعقة صغيرة فانيليا
1 ملعقة كبيرة بيكنج بودر
رشة ملح
خليط الحليب:
1 كوب لبن
1 كوب حليب مكثف محلى
1 كوب كريمة خفق أو كريمة طبخ حلوة
للوش:
كريمة خفق
صوص كراميل
خطوط كريمة أو شيكولاتة بيضا للتزيين
👈 الطريقة ✅✨
نبدأ بتسخين الفرن على 180 درجة، ونجهز صينية مستطيلة وندهنها خفيف جدًا.
نفصل البياض عن الصفار. نضرب بياض البيض مع رشة الملح لحد ما يعمل فوم أبيض ويبدأ يمسك نفسه. بعد كده نضيف نصف كمية السكر بالتدريج ونكمل ضرب لحد ما يبقى مارينج ناعم.
في بولة تانية نضرب الصفار مع باقي السكر والفانيليا لحد ما اللون يفتح. نضيف الدقيق المنخول مع البيكنج بودر ونقلب براحة.
بعد كده نبدأ نضيف بياض البيض على خليط الصفار والدقيق على مراحل، ونقلب من تحت لفوق بهدوء علشان نحافظ على الهوا اللي جوه الخليط. دي أهم خطوة في التريليتشا علشان الكيك يطلع إسفنجي وخفيف.
نصب الخليط في الصينية وندخلها الفرن لمدة 25 لـ 30 دقيقة لحد ما الكيك ياخد لون ذهبي فاتح.
بعد ما الكيك يطلع، نسيبه يهدى شوية، وبعدين نخرمه بخلة كتير. نخلط اللبن مع الحليب المكثف والكريمة، ونصب الخليط على الكيك بالتدريج. هنلاحظ إن الكيك بيشرب اللبن وده سر طعمه الرهيب 😋
ندخل الكيك التلاجة ساعتين على الأقل، وبعدها نفرد طبقة كريمة على الوش، ونحط صوص الكراميل ونزين بخطوط بيضا أو شوكولاتة.
يتقدم بارد، وكل قطعة بتبقى طرية ومشبعة بالحليب والكراميل بطريقة فخمة جدًا ❤️

1⃣2⃣ الكنافة بالكريمة 🥐
👈 المقادير ✅✨
نص كيلو كنافة (تكون متفرزة عشان تنفرك بسهولة
كوب سمنة بلدي سايحة 🧈
معلقتين كبار سكر بودرة 🍧
للكريمة: 3 كوب حليب🥛 + 3 معالق كبار نشا 🥄 + علبة قشطة بلدي 🥛 + رشة فانيليا 🌸
للقطر التقيل: 2 كوب سكر + كوب مية + عصير نص ليمونة
👈 الطريقة ✅✨
الكريمة الأول: فيوعاء ع البارد، دوب النشا في الحليب، وارفعهم على النار مع التقليب لحد ما يتقل، واطفي النار وحط القشطة والفانيليا ونتركها تبرد 🥣.
فرّك الكنافة جيد جداً لحد ما تبقى فتافيت صغيرة، وقلّب معاها السكر البودرة، وبعدين غرقها بالسمنة السايحة وبسّها جيدا بايدك 🙌.
هات صينية ادهنها سمنة كتير، وحط نص كمية الكنافة واكبسها جيدا (بصينية أصغر منها مثلاً) 🧱.
حط الكريمة في النص ووزعها بعيد عن الحروف عشان ماتنحرق
حط باقي الكنافة على الوش واضغط بهدوء، ودخلها الفرن لحد ما تتحمر من تحت وفوق
اسقيها وهي سخنة بالقطر التقيل البارد وبألف هنا.
#حلويات #كنافة #كيك #كيكة #بسبوسة #بسكويت #جلاش #العزيزية #هريسة #حلو

19/06/2026

🔴 ملف شامل لطرق الايس كريم في البيت بنكهات مختلفة ومتميزة احلى وأطعم من الجاهز 🍓🥭🥝🍒🍨

1⃣ آيس كريم بالفراولة ❤️🍓🍓
👈 المكونات ✅✨
2 كوب فراولة طازة
2 كوب كريمة خفق ساقعة
1 علبة حليب مكثف محلى
1 ملعقة صغيرة فانيليا
1 ملعقة صغيرة عصير ليمون
2 ملعقة كبيرة سكر
نصف كوب فراولة مقطعة قطع صغيرة
👈 الطريقة ✅✨
الخطوة 1: تجهيز الفراولة
اغسلى الفراولة كويس جدًا، شيلى الورق الأخضر، وبعدها قسمى الفراولة جزئين:
جزء هيتضرب بوريه، وجزء هيتقطع صغير علشان يدخل حشو جوه الآيس كريم.
ــــــــــــــــــــــــــــــــــــــــــــ
الخطوة 2: عمل بوريه الفراولة
اضربى الجزء الأكبر من الفراولة فى الخلاط مع السكر وعصير الليمون لحد ما يبقى ناعم جدًا.
عصير الليمون بيفتح الطعم جدًا وبيخلى نكهة الفراولة أقوى وأوضح.
ــــــــــــــــــــــــــــــــــــــــــــ
الخطوة 3: تصفية البوريه
لو عايزة قوام ناعم أوى، صفي البوريه.
ولو مش مضايقاكى البذر الصغير، سيبيه عادى لأنه بيدى إحساس طبيعي أكتر.
ــــــــــــــــــــــــــــــــــــــــــــ
الخطوة 4: تجهيز قطع الفراولة
قطعى باقى الفراولة مكعبات صغيرة، وحطيها على منديل مطبخ شوية علشان تمتص أى سوائل زيادة.
دى خطوة مهمة جدًا علشان الآيس كريم مايبقاش فيه تلج أو مية زيادة.
ــــــــــــــــــــــــــــــــــــــــــــ
الخطوة 5: خفق الكريمة
اضربى الكريمة الساقعة لحد ما تبقى متماسكة وناعمة.
خليكى متابعة القوام، أول ما تمسك خلاص وقفى.
ــــــــــــــــــــــــــــــــــــــــــــ
الخطوة 6: تجهيز الخليط الأساسى
فى بولة كبيرة، اخلطى الحليب المكثف مع الفانيليا، وبعدها ضيفى بوريه الفراولة وقلبيهم كويس.
اللون هنا هيبقى وردى جميل جدًا ويفتح النفس ❤️
ــــــــــــــــــــــــــــــــــــــــــــ
الخطوة 7: دمج الكريمة
ضيفى الكريمة المخفوقة بالتدريج مع التقليب الهادئ جدًا.
الهدوء هنا مهم علشان الخليط يفضل هوائى وكريمى.
ــــــــــــــــــــــــــــــــــــــــــــ
الخطوة 8: إضافة الحشو
ضيفى قطع الفراولة الصغيرة وقلبيها مرة أو اتنين بس.
ما نكترش تقليب علشان القطع تفضل واضحة وما تتهريش.
ــــــــــــــــــــــــــــــــــــــــــــ
الخطوة 9: التعبئة
صبى الخليط فى علبة أو طبق مناسب، وساوى الوش.
ممكن تحطى فوق كام قطعة فراولة صغيرة كديكور خفيف.
ــــــــــــــــــــــــــــــــــــــــــــ
الخطوة 10: التجميد
غطى العلبة كويس جدًا، وحطيها فى الفريزر من 6 لـ 8 ساعات أو ليلة كاملة.
الصبر هنا مهم جدًا 😄 لأن القوام بعد التجميد الكامل بيبقى أجمل بكتير.
ــــــــــــــــــــــــــــــــــــــــــــ
الخطوة 11: التقديم
طلعيه قبل التقديم بـ 5 دقايق، وقدميه مع نص حبة فراولة أو صوص فراولة خفيف.
هيطلع معاك طعم كريمى ومنعش وجميل ❤️🍓
Nourhan Yousry نورهان يسري
ــــــــــــــــــــــــــــــــــــــــــــ

2⃣ آيس كريم مانجو 🧡🥭🥭
👈 المكونات ✅✨
3 حبات مانجو كبيرة مستوية جدًا
2 كوب كريمة خفق ساقعة
1 علبة حليب مكثف محلى
1 ملعقة صغيرة فانيليا
رشة ملح بسيطة جدًا
نصف كوب مكعبات مانجو صغيرة
1 ملعقة كبيرة عسل أو سكر بودرة لو المانجو مش مسكرة كفاية
👈 الطريقة ✅✨
الخطوة 1: تجهيز المانجو
قشرى المانجو وقطعيها مكعبات، وبعد كده خدى الجزء الأكبر واضربيه فى الخلاط لحد ما يبقى بوريه ناعم جدًا، من غير ألياف أو تكتلات.
لو المانجو فيها خيوط كتير، صفيها بمصفاة علشان القوام يطلع ناعم وفخم 👌
ــــــــــــــــــــــــــــــــــــــــــــ
الخطوة 2: تظبيط طعم بوريه المانجو
دوقى البوريه، ولو حسيتيه محتاج حلاوة زودى ملعقة عسل أو سكر بودرة.
الفكرة هنا إن طعم المانجو لازم يبقى واضح وقوى قبل ما يدخل مع باقى المكونات، لأن التجميد بيقلل الإحساس بالحلاوة شوية 🥭
ــــــــــــــــــــــــــــــــــــــــــــ
الخطوة 3: خفق الكريمة
طلعى الكريمة من التلاجة واضربيها بالمضرب الكهربا لحد ما توصل لقوام كثيف، بس من غير ما تبقى جامدة زيادة عن اللزوم.
إحنا مش عايزينها زبدة، إحنا عايزينها كريمة متماسكة وناعمة علشان لما نخلطها مع المانجو تفضل خفيفة وكريمية 😋
ــــــــــــــــــــــــــــــــــــــــــــ
الخطوة 4: خلط الحليب المكثف والفانيليا
فى بولة كبيرة، حطى الحليب المكثف المحلى مع الفانيليا ورشة الملح، وقلبيهم كويس جدًا.
رشة الملح الصغيرة دى مهمة جدًا، لأنها بتظبط الطعم وبتبرز حلاوة المانجو من غير ما تبان فى الطعم.
ــــــــــــــــــــــــــــــــــــــــــــ
الخطوة 5: إضافة بوريه المانجو
ضيفى بوريه المانجو على خليط الحليب المكثف وقلبيهم براحة لحد ما اللون يبقى متجانس وجميل جدًا.
هتلاقى الخليط بقى لونه أصفر برتقالى خطير ومفتح النفس جدًا 😍
ــــــــــــــــــــــــــــــــــــــــــــ
الخطوة 6: إضافة الكريمة المخفوقة
ابدأى ضيفى الكريمة المخفوقة بالتدريج، وقلبيها باستخدام سباتولا من تحت لفوق براحة جدًا.
ما نضربش بعنف هنا علشان الهوا اللى فى الكريمة ما يطلعش، لأن ده اللى بيدى الآيس كريم نعومة وقوام حلو.
ــــــــــــــــــــــــــــــــــــــــــــ
الخطوة 7: إضافة قطع المانجو
ضيفى مكعبات المانجو الصغيرة وقلبيها تقليبة خفيفة جدًا علشان تتوزع جوه الخليط.
الجزء ده مهم لأنه بيدى مفاجآت حلوة فى كل لقمة، وبيخلى الآيس كريم شكله وطعمه أحلى جدًا 🧡
ــــــــــــــــــــــــــــــــــــــــــــ
الخطوة 8: التعبئة
صبى الخليط فى علبة أو طبق مناسب للفريزر، ويفضل يكون معدن أو بلاستيك مخصص للتجميد.
ساوى الوش بالراحة، وممكن تحطى فوق شوية مكعبات مانجو صغيرة للتزيين.
ــــــــــــــــــــــــــــــــــــــــــــ
الخطوة 9: التغطية الصحيحة
غطى الوش بنايلون غذائى ملاصق مباشرة لسطح الآيس كريم، وبعد كده اقفلى العلبة.
دى خطوة مهمة جدًا علشان تمنعى تكوين طبقة تلج على الوش وتحافظى على القوام الكريمى.
ــــــــــــــــــــــــــــــــــــــــــــ
الخطوة 10: التجميد
ادخليه الفريزر من 6 لـ 8 ساعات على الأقل، والأفضل ليلة كاملة.
ولما تيجى تقدميه، طلعيه قبل التقديم بـ 5 دقايق علشان يلين سنة بسيطة ويبقى أسهل فى التقديم.
ــــــــــــــــــــــــــــــــــــــــــــ
الخطوة 11: التقديم
قدميه فى كاسات أو بولات شيك، وزينيه بمكعبات مانجو أو شرايح مانجو أو ورقة نعناع.
هيطلع معاك آيس كريم مانجو بيتى طعمه فخم جدًا، أنعم وأطعم من حاجات كتير جاهزة 😍🥭
ــــــــــــــــــــــــــــــــــــــــــــ

3⃣ آيس كريم كيوى 💚🥝🥝
👈 المكونات ✅✨
5 حبات كيوى مستوية
2 كوب كريمة خفق ساقعة
1 علبة حليب مكثف محلى
1 ملعقة صغيرة فانيليا
1 ملعقة صغيرة عصير ليمون
1 أو 2 ملعقة سكر بودرة حسب طعم الكيوى
1 حبة كيوى إضافية مقطعة مكعبات صغيرة جدًا
👈 الطريقة ✅✨
الخطوة 1: تجهيز الكيوى
قشرى الكيوى وقطعيه، وبعد كده اضربي 4 حبات فى الخلاط مع عصير الليمون والسكر لحد ما يبقى بوريه ناعم.
عصير الليمون هنا بيثبت اللون وبيدى انتعاش حلو 💚
ــــــــــــــــــــــــــــــــــــــــــــ
الخطوة 2: تصفية البوريه
لو حبيتى القوام يبقى أنعم، صفي بوريه الكيوى بمصفاة خفيفة.
لكن لو بتحبى شكل البذر الأسود الصغير، سيبيه زى ما هو علشان بيدى شكل مميز جدًا.
ــــــــــــــــــــــــــــــــــــــــــــ
الخطوة 3: اختبار الطعم
دوقى البوريه قبل ما تكملى.
الكيوى لازم يبقى طعمه متوازن، يعنى فيه حلاوة واضحة وحموضة خفيفة من غير ما يقرص جامد.
ــــــــــــــــــــــــــــــــــــــــــــ
الخطوة 4: خفق الكريمة
اضربى الكريمة الساقعة لحد ما تبقى قوامها متماسك وناعم.
خليكى هادية فى الضرب، لأن الكريمة لو اتضربت زيادة بتفصل ومش هتديكى النتيجة المطلوبة.
ــــــــــــــــــــــــــــــــــــــــــــ
الخطوة 5: تجهيز القاعدة
اخلطى الحليب المكثف مع الفانيليا فى بولة كبيرة.
بعدها ضيفى بوريه الكيوى وقلبيهم كويس لحد ما اللون يبقى أخضر فاتح جميل ومنتعش.
ــــــــــــــــــــــــــــــــــــــــــــ
الخطوة 6: إضافة الكريمة
ضيفى الكريمة المخفوقة على الخليط بالتدريج، وقلبيها بسباتولا من تحت لفوق بهدوء.
هتلاحظى إن الخليط بدأ يبقى خفيف وكريمى وفخم جدًا 😍
ــــــــــــــــــــــــــــــــــــــــــــ
الخطوة 7: إضافة قطع الكيوى
قطعى الحبة الإضافية مكعبات صغيرة جدًا، ونشفيها بمنديل مطبخ لو فيها مية زيادة، وبعدها ضيفيها للخليط.
الحتة دى مهمة علشان قطع الكيوى ما تنزلش مية جوه الآيس كريم.
ــــــــــــــــــــــــــــــــــــــــــــ
الخطوة 8: التعبئة
صبى الخليط فى علبة التجميد، وساوى الوش كويس.
ممكن تحطى فوق شوية قطع كيوى صغيرة جدًا للزينة، بس ما تكترش علشان ما تنزلش مية.
ــــــــــــــــــــــــــــــــــــــــــــ
الخطوة 9: التغطية والتجميد
غطى السطح بنايلون غذائى ملاصق، وقفلى العلبة كويس، وبعد كده دخليه الفريزر من 6 لـ 8 ساعات.
ــــــــــــــــــــــــــــــــــــــــــــ
الخطوة 10: التقديم
طلعيه قبل التقديم بدقائق بسيطة، وقدميه فى أطباق شيك مع شريحة كيوى أو ورقة نعناع.
طعمه هيبقى منعش جدًا وخفيف ومختلف عن أى نوع تقليدى 💚🥝
ــــــــــــــــــــــــــــــــــــــــــــ

4⃣ آيس كريم فانيليا بالكرز ❤️🍒🍒
👈 المكونات ✅✨
2 كوب كريمة خفق ساقعة
1 علبة حليب مكثف محلى
1 ملعقة كبيرة فانيليا سائلة أو 2 ملعقة صغيرة فانيليا أصلية
1 كوب كرز منزوع النوى
3 ملاعق كبيرة سكر
1 ملعقة صغيرة عصير ليمون
1 ملعقة صغيرة نشا مذابة فى ملعقة ماء صغيرة (اختيارى)
رشة ملح بسيطة
👈 الطريقة ✅✨
الخطوة 1: تجهيز الكرز
اغسلى الكرز كويس وشيلی النوى، وبعدها قطعيه أنصاف أو أرباع حسب الحجم.
يفضل نسيب شوية قطع واضحة علشان تبان جوه الآيس كريم وتدينا شكل وطعم مميز.
ــــــــــــــــــــــــــــــــــــــــــــ
الخطوة 2: عمل حشو الكرز
فى حلة صغيرة، حطى الكرز مع السكر وعصير الليمون على نار هادية.
سيبيه ينزل عصير ويبتدى يطرى شوية، وقلبيه كل دقيقة علشان ما يلزقش.
ــــــــــــــــــــــــــــــــــــــــــــ
الخطوة 3: تكثيف الحشو
لو حبيتى الحشو يبقى ألطف ومتماسك، ضيفى النشا المذابة وقلبي بسرعة.
سيبيه دقيقة أو اتنين بس لحد ما يبقى عندك خليط كرز لامع وفيه قطع واضحة، وبعدها ارفعيه يبرد تمامًا.
مهم جدًا الحشو يبرد قبل ما يدخل فى الكريمة علشان ما يبوظش القوام.
ــــــــــــــــــــــــــــــــــــــــــــ
الخطوة 4: خفق الكريمة
اضربى الكريمة الساقعة لحد ما تبقى متماسكة وناعمة.
إوعى تكملى ضرب زيادة علشان ما تفصلش منك، أول ما تمسك نفسها وتقف خلاص كفاية 👌
ــــــــــــــــــــــــــــــــــــــــــــ
الخطوة 5: تجهيز قاعدة الفانيليا
فى بولة كبيرة، اخلطى الحليب المكثف مع الفانيليا ورشة الملح.
الفانيليا هنا هى البطلة الأساسية فى النكهة، فلو عندك نوع كويس هيبان جدًا فى الطعم 💛
ــــــــــــــــــــــــــــــــــــــــــــ
الخطوة 6: دمج الكريمة
ضيفى الكريمة المخفوقة على خليط الحليب المكثف بالتدريج، وقلبيها من تحت لفوق بهدوء.
هتلاقى الخليط بقى فاتح وكريمى وشكله جميل جدًا.
ــــــــــــــــــــــــــــــــــــــــــــ
الخطوة 7: إضافة الكرز
ضيفى جزء من حشو الكرز وقلبي تقليبة أو اتنين فقط، علشان يبقى فى تموجات حمراء حلوة وما يختلطش كله بالكامل.
ممكن كمان تضيفى شوية قطع كرز لوحدها علشان تبقى أوضح فى التقديم 😍
ــــــــــــــــــــــــــــــــــــــــــــ
الخطوة 8: التعبئة على طبقات
حطى شوية من خليط الآيس كريم فى العلبة، وبعده نقط من حشو الكرز، وبعدها طبقة تانية من الآيس كريم، وهكذا.
الطريقة دى بتخلى شكل القطع من جوه شيك جدًا وكل مرة بتاخدى سكوب تلاقى تموجات الكرز طالعة بشكل حلو.
ــــــــــــــــــــــــــــــــــــــــــــ
الخطوة 9: عمل تموجات خفيفة
بسكينة رفيعة أو خلة خشب، اعملى لفات بسيطة جدًا فى السطح علشان تدّى شكل ماربل.
من غير تقليب كتير، لأننا مش عايزين اللون الأحمر يسيطر على كله.
ــــــــــــــــــــــــــــــــــــــــــــ
الخطوة 10: التجميد
غطى العلبة كويس جدًا، وحطيها فى الفريزر من 6 لـ 8 ساعات أو ليلة كاملة.
كل ما ياخد وقته فى التجميد، القوام يبقى أظبط وأرتب وقت التقديم.
ــــــــــــــــــــــــــــــــــــــــــــ
الخطوة 11: التقديم
طلعيه قبل التقديم بخمس دقايق، وقدميه مع كرز طازة فوق الوش أو صوص كرز بسيط.
هتحسى إنه طعم راقى جدًا وفخم كأنك جايباه من محل حلويات غالى ❤️🍒

ــــــــــــــــــــــــــــــــــــــــــــ
5⃣ طريقة ايس كريم الخوخ 🧡🍑🍨
👈 المقادير ✅✨
▪️٤ كوب خوخ قطع
▪️نصف ملعقة صغيرة عصير ليمون
▪️نصف كوب سكر
▪️٢ كوب كريمة خفق بارده
▪️علبة حليب مكثف محلى
▪️كوب خوخ قطع للتقديم
👈 الطريقة ✅✨
▪️يفرك الخوخ بالسكر وعصير الليمون ويترك ساعه على الأقل حتى يشد السكر كل سوائل الخوخ ويذوب تماماً.
▪️يرفع خليط الخوخ على النار ليتكثف سريعا ومن ثم يضرب في الكبة أو بإستخدام الهاند بليندر لقطع متوسطة النعومة.
▪️يترك خليط الخوخ ليبرد من الحرارة تماماً، ثم تضرب كريمة الخفق مع السكر حتى تتماسك تماماً.
▪️يضاف الحليب المكثف المحلى ونستمر في الضرب، ثم يضاف خليط الخوخ ويضرب مع بقية المكونات حتى يتجانس.
▪️ينقل خليط الآيس كريم لعلبة حفظ بلاستيكية، ويحفظ الآيس كريم في الفريزر حتى يتجمد ويتماسك تماماً وبألف هنا

ــــــــــــــــــــــــــــــــــــــــــــ
6⃣ ايس كريم شيكولاتة 🤎🍫🍫
👈 المكونات ✅✨
1 كوب من الكريم شانتيه البودرة( أو كريمة الخفق كوب)
1 كوب من الحليب
2ملعقة كاكاو
كوب من السكر البودرة
فانليا
حبيبات الشيكولاتة
👈 الطريقة ✅✨
▪️احضري إناء مناسب وضعي فيه الحليب، والسكر، والفانيليا وقومي بتقليبهم مع بعض
▪️ثم ضعي فيه الكريم شانتيه او الكريمة الخفق والكاكاو
▪️ قومي بخلط جميع المكونات مع بعض بمضرب كهربائي حتى يثقل الخليط ويكون كريمي وضعيه على الآيس كريم
▪️قومي بوضع خليط على الايس كريم وقومي بتقليب جميع المكونات مع بعض.
▪️احضري علبة بلاستيك وضعي فيها خليط الآيس كريم وقومي بإدخال الآيس كريم إلي الفريزر حتى يجمد
بالهنا والشفا.
#مثلجات #ثلج #حلويات #مقبلات #فراولة #خوخ #مانجو #كرز #كيوي

19/06/2026

🔴 كيكة الرواني بمقادير مظبوطة 😋😍
👈 المقادير ✅✨
للكيكة:
▪️3 بيضات
▪️كوب سكر (200 جم)
▪️ كوب زبادي (250 جم)
▪️كوب زيت نباتي (200 مل)
▪️2 كوب دقيق (250 جم)
▪️ ملعقة كبيرة بيكنج باودر
▪️ ملعقة صغيرة فانيليا
▪️ رشة ملح

للشربات (القطر):
▪️ 2 كوب سكر
▪️ كوب ونصف ماء
▪️ ملعقة صغيرة عصير ليمون
▪️ ملعقة صغيرة ماء ورد (اختياري)
Nourhan Yousry نورهان يسري

👈 الطريقة ✅✨
1⃣ تحضير الكيكة:
▪️ سخني الفرن على حرارة 180 درجة مئوية
▪️ ادهني صينية مقاس 30×20 سم بالزبدة ورشيها بالدقيق
▪️ اخفقي البيض مع السكر جيداً حتى يصبح الخليط كريمياً وفاتح اللون
▪️ أضيفي الزبادي والزيت والفانيليا واخلطي جيداً
▪️ انخلي الدقيق مع البيكنج باودر والملح
▪️ أضيفي الدقيق تدريجياً للخليط السائل مع التقليب برفق
▪️ اسكبي الخليط في الصينية المجهزة
▪️ اخبزي لمدة 30-35 دقيقة حتى تنضج (اختبري بعود خشبي)

2⃣ تحضير الشربات:
▪️ ضعي السكر والماء على النار
▪️ اتركيه يغلي لمدة 10 دقائق حتى يصبح القوام متوسط الكثافة
▪️ أضيفي عصير الليمون وماء الورد
▪️ اتركي القطر يبرد قليلاً

3⃣ التقديم:
▪️بمجرد خروج الكيكة من الفرن وهي ساخنة، اسكبي القطر الدافئ عليها
▪️اتركيها تتشرب القطر لمدة ساعة على الأقل
قطعيها وقدميها باردة أو دافئة

نصائح مهمة ✅✅
▪️الشربات يجب أن يكون دافئاً والكيكة ساخنة لتتشرب القطر جيداً
▪️يمكن تزيين الوجه بالمكسرات المحمصة أو جوز الهند
▪️تحفظ في الثلاجة لمدة 3-4 أيام وبالهناء والشفاء 🍰
#كيك

19/06/2026

🔴 بيتزا رول سهلة ولذيذة وسريعة وطعمها حكاية جربيها بالطريقة دي وهتعجبك 🍕🥰😍

🛒 المقادير ✅✨
2 كوب دقيق
1 ملعقة كبيرة سكر
1 ملعقة صغيرة ملح
1 ملعقة كبيرة خميرة فورية
2 ملعقة كبيرة زيت
ماء دافئ للعجن
للحشو:
صلصة بيتزا
جبنة موزاريلا
سجق أو ببروني أو لحمة مفرومة
فلفل رومي أو زيتون (اختياري)
Nourhan Yousry نورهان يسري

👩‍🍳 الطريقة ✅✨
في بولة، اخلطي الدقيق مع السكر والملح والخميرة.
أضيفي الزيت والماء الدافئ تدريجيًا واعجني لحد ما تحصلي على عجينة ناعمة.
اتركي العجينة تختمر لمدة 45 دقيقة.
افردي العجينة على شكل مستطيل.
ادهني صلصة البيتزا، ثم ضعي الجبنة والحشو.
لفي العجينة رول وقطعيها حلقات.
رصيها في صينية مدهونة زيت.
ادخليها فرن ساخن على 180 درجة لمدة 20–25 دقيقة لحد ما تتحمر.
#بيتزا #عجينة #البيتزا #لحم

19/06/2026

🔴 الحواوشي الأصلي زي المحلات .. مقرمش من بره وجوسي من جوه 🔥🥙😍

لو نفسك في حواوشي بطعم المحلات، وريحة تخلي البيت كله يجري على المطبخ، جربي الوصفة دي وهتنبسطي من النتيجة جدًا 😋😍

📝 المكونات ✅✨
🔸 ½ كيلو لحمة مفرومة بنسبة دهون متوسطة
🔸 2 بصلة كبيرة مفرومة ناعم جدًا
🔸 1 فلفل أخضر مفروم
🔸 1 فلفل حار (اختياري)
🔸 1 ملعقة صغيرة ملح
🔸 ½ ملعقة صغيرة فلفل أسود
🔸 ½ ملعقة صغيرة بهارات لحمة
🔸 رشة شطة (اختياري)
🔸 عيش بلدي
🔸 سمنة أو زبدة للدهن او اي ماده دهنيه.
Nourhan Yousry نورهان يسري

👩‍🍳 الطريقة ✅✨
1️⃣ اخلطي اللحمة مع البصل والفلفل والتوابل جيدًا.

2️⃣ اتركي الخليط في الثلاجة 30 دقيقة حتى تتداخل النكهات.

3️⃣ افتحي أرغفة العيش البلدي بحرص دون فصلها بالكامل.

4️⃣ احشي كل رغيف بطبقة متساوية من خليط اللحمة.

5️⃣ ادهني الوجهين بقليل من السمنة أو الزبدةاو الزيت.

🔥 التسوية:

ضعي الأرغفة في صينية وأدخليها فرنًا ساخنًا على 220 درجة لمدة 20 إلى 25 دقيقة مع تقليبها في منتصف الوقت حتى تتحمر من الجهتين.

✨ أسرار نجاح الحواوشي: ✅ البصل المفروم ناعم جدًا هو سر الطراوة والعصارة.
✅ دهن العيش بالسمنة او اي ماده دهنيه يعطي قرمشة ولونًا ذهبيًا رائعًا.
✅ اتركي الحواوشي 5 دقائق بعد خروجه من الفرن قبل التقطيع.

😋 قدميه ساخنًا مع الطحينة والمخلل والبطاطس المحمرة، واستمتعي بأحلى حواوشي إسكندراني بطعم المحلات.
#حواوشي #لحمة #الحواوشي

19/06/2026

🔴 ملف شامل للجمبري بطرق مختلفة ومتنوعة بتركات المطاعم 🍤😋😍
هتخلي طعم الجمبري في حتة تانية.. احفظيها 🍤👌😋

1⃣ طاجن مكرونة بالجمبري والوايت صوص في الفرن
👈 المقادير ✅✨
▪️300 جرام مكرونة قلم.
▪️ربع كيلو جمبري مقشر.
▪️4 كوب من الحليب.
▪️4 ملاعق كبيرة دقيق.
▪️4 ملاعق كبيرة زبدة.
▪️البهارات (نصف معلقة صغيرة من الملح والبابريكا والكمون ومعلقة صغيرة من الثوم البودر والبصل البودر).
▪️4 فصوص ثوم مهروس.
👈 الطريقة ✅✨
١- نحضر الجمبري بعد تقشيره وتنظيفة جيداً ثم نتبله بالملح والبهارات وعصير نصف ليمونة وعدد ٤ فصوص من الثوم المهروس ونتركهم في التتبيلة لمدة نصف ساعة.
٢- نقوم بسلق حوالي 300 جرام من المكرونة القلم في ماء مغلي لمدة 7 دقائق ثم نصفيها.
٣- في طاسة نضع الزيت ثم نضيف الجمبري ونتركه يتشوح من الجانبين حتى يتغير لونه ثم نخرجه في طبق جانباً.
٤- نضيف في نفس الطاسة عدد ٤ ملاعق كبيرة من الزبدة و٤ ملاعق كبيرة من الدقيق ونقلبهم جيدا لمدة دقيقتين.
٥- نضيف عدد ٤ اكواب من الحليب تدريجياً مع التقليب المستمر حتى يصبح القوام ثقيل.
٦- نضيف مكعب من مرقة الخضار والملح والفلفل الأسود ثم نقلب حتى يختفي تماماً.
٧- نضيف المكرونة المسلوقة في طاجن ثم نضيف كل كمية الوايت صوص ونقلبهم جيداً.
٨- نرص الجمبري وشرائح من الفلفل الألوان والجبنة الموتزاريلا علي وجه الصينية.
٩- توضع في فرن ساخن علي درجة حرارة 200 لمدة 10 دقائق ثم نرفعها تحت الشواية تأخذ لون.

2⃣ جمبري مقلي كرسبي مقرمش 🍤🍤
👈 المقادير ✅✨
▪️500 جرام جمبري متوسط الحجم (منظف ومقشر)
▪️1 كوب دقيق متعدد الاستخدامات
▪️1/2 كوب نشا ذرة
▪️1 ملعقة صغيرة بيكنج بودر
▪️1 بيضة
▪️3/4 كوب ماء بارد أو صودا
▪️ملح وفلفل أسود حسب الرغبة
▪️1 ملعقة صغيرة ثوم بودر
▪️1 ملعقة صغيرة بابريكا
▪️زيت للقلي
👈 الطريقة ✅✨
▪️تتبيل الجمبري:
نظف الجمبري جيداً وجففه بمناديل ورقية
تبّل الجمبري بالملح والفلفل الأسود وعصير ليمون لمدة 15 دقيقة
▪️تحضير خليط التغطية:
في وعاء، اخلط الدقيق + نشا الذرة + البيكنج بودر + الملح + الفلفل + الثوم البودر + البابريكا
▪️ في وعاء آخر، اخفق البيضة مع الماء البارد
▪️سخّن الزيت على نار متوسطة-عالية (حوالي 180 درجة مئوية)
▪️اغمس كل حبة جمبري في خليط البيض، ثم غطها بخليط الدقيق جيداً
▪️للحصول على قرمشة إضافية: اغمسها مرة أخرى في البيض ثم الدقيق
▪️اقلِ الجمبري في الزيت الساخن لمدة 2-3 دقائق حتى يصبح ذهبي اللون
▪️أخرج الجمبري وضعه على ورق مطبخ لامتصاص الزيت الزائد
▪️للتقديم:
قدّم الجمبري ساخناً مع صوص الثوم أو صوص الكوكتيل أو المايونيز بالليمون
Nourhan Yousry نورهان يسري

3⃣ جمبري بالكارى و جوز الهند 🥥🍤
👈 المقادير ✅✨
بالنسبة للروبيان🍤
• 500 جرام من الجمبري المقشر والمنظف
• ملعقة كبيرة زيت زيتون
• الملح والفلفل حسب الذوق
• ملعقة كزبرة طازجة مفرومة

لصوص الكارى بجوز الهند 🥥
• ملعقة كبيرة من زيت جوز الهند (أو زيت نباتي)
• بصلة متوسطة الحجم، مفرومة ناعماً
• ٢ فص ثوم مفروم
• ملعقة كبيرة من الزنجبيل الطازج المبشور
• ٢ ملعقة كبيرة من مسحوق الكاري
• ملعقة صغيرة من الكركم المطحون
• ½ ملعقة صغيرة من الكمون المطحون
• علبة (٤٠٠ مل) من حليب جوز الهند
• ملعقة كبيرة صويا صوص
• ملعقة كبيرة عصير ليمون
• الملح والفلفل حسب الذوق
• ارز مستوى للتقديم
👈 الطريقة ✅✨
• في مقلاة كبيرة ، سخني زيت جوز الهند على نار متوسطة. أضيفي البصل المفروم واطهيه لمدة ٣ ـ ٤ دقائق حتى ينضج

• أضيفى الثوم المفروم والزنجبيل المبشور، ثم قلبى لمدة دقيقة أخرى حتى تفوح الرائحة العطرة.

• أضيفى مسحوق الكاري والكركم المطحون والكمون المطحون. قلّبى لمدة دقيقة تقريبًا لتحميص التوابل.

• اسكبي حليب جوز الهند مع التحريك حتى يمتزج مع التوابل. اتركى الخليط يغلي على نار هادئة

• اضيفى الصويا الصوص وعصير الليمون، والملح، والفلفل و اخلطى على نار هادئة لمدة ٥ ـ ٧ دقائق، حتى تتكثف قليلا. يُضبط التوابل حسب الرغبة.

• أثناء غليان الصلصة، سخني زيت الزيتون في مقلاة منفصلة على نار متوسطة إلى عالية. تبلي الجمبري بالملح والفلفل.

• اضيفى الجمبري إلى المقلاة واطهيه لمدة ٢ ـ ٣ دقائق لكل جانب، أو حتى يصبح لونه ورديًا، احرصى على عدم الإفراط في طهيه.

• بمجرد نضج الجمبري، أضيفيه إلى صلصة الكاري بجوز الهند وقلبي حتى يغطى الجمبري بالصلصة واتركيه على النار لمدة دقيقتين.

• يُقدم الطبق فوق الارز مع شرائح الليمون والكزبرة الطازجه.

4⃣ مكرونة وايت صوص بالجمبري 🍤🍝
👈 المقادير ✅✨
▪️500 جرام مكرونة فيتوتشيني
▪️400 جرام جمبري مقشر ومنضف
▪️2 فص توم مفروم
▪️2 معالق كبار زبدة
▪️2 معالق كبار زيت
▪️1 كوب كريمة طبخ
▪️½ كوب حليب
▪️ملح وفلفل أسود
▪️معلقة صغيرة بابريكا
▪️معلقة صغيرة توم بودرة
▪️2 معالق كبار جبنة مبشورة
▪️رشة زعتر
👈 الطريقة ✅✨
▪️المكرونة تتسلق في مياه مغلية متملحة وتتصفى.
▪️في طاسة واسعة يتحط الزيت والزبدة على نار متوسطة.
▪️التوم يتشوح تشويحة خفيفة.
▪️الجمبري يتضاف ويتقلب لحد ما يغير لونه ويتشوح بسرعة.
▪️نضيف الملح والفلفل الأسود والبابريكا وتوم بودرة يتضافوا ويتقلبوا.
▪️ نضيف الكريمة والحليب يتضافوا ويتقلبوا وتسيبهم يغلو غلوة خفيفة.
▪️الجبنة تتضاف ورشة الأوريجانو ويتقلب الصوص لحد ما يتقل.
▪️المكرونة تتضاف وتتقلب كويس لحد ما تتغلف بالصوص وبالهنـا والشفا ❤️

5⃣ جمبري بالفلفل الحار والثوم 🍤🌶️🫑
👈 المقادير ✅✨
▪️450 جم جمبري متوسط، مقشر.
▪️2 ملعقة كبيرة زيت نباتي.
▪️4 فصوص ثوم، مفروم.
▪️1/4 كوب صلصة الفلفل الحار الحلو.
▪️1 ملعقة كبيرة صلصة الصويا.
▪️1 ملعقة صغيرة عصير ليمون.
▪️1/4 ملعقة صغيرة رقائق الفلفل الأحمر المطحون (اختيارى)
▪️2 بصل أخضر، مقطع، للتزيين.
▪️بذور السمسم، للتزيين (اختياري).
👈 الطريقة ✅✨
▪️نقوم بتجفيف الجمبري بالمناشف الورقية ثم نسخن الزيت النباتي في مقلاة كبيرة على حرارة متوسطة ثم نضيف الجمبري في طبقة واحدة ونطبخه لمدة 2-3 دقائق لكل جانب، حتى يصبح اللون الوردي ثم نرفع الجمبري من المقلاة ونضعه جانباً.

▪️نحضر الصلصة في نفس المقلاة، نضيف الثوم المفروم والسوتي لمدة 30 ثانية حتى تتعطر ثم نضيف صلصة الفلفل الحار الحلو وصلصة الصويا وعصير الليمون ورقائق الفلفل الأحمر المطحون ونقلّبهم ونطهي لمدة 1-2 دقيقة حتى تتكاثف الصلصة قليلاً.

▪️نعيد الجمبري المطبوخ إلى المقلاة ونطبخه مع الصلصة لمدة دقيقة أخرى للتسخين.

▪️التقديم ننقل إلى طبق تقديم وتزيين مع شرائح البصل الأخضر والسمسم إذا الرغبة. قدم على الأرز أو المعكرونة أو استمتع كمقبلات.

6⃣ جمبري بترفلاي بتتبيلة روووعه 🦐🍤
👈 المقادير ✅✨
▪️نصف كيلو جمبري كبير.
▪️ معلقة كبيرة ثوم مفروم.
▪️معلقة كبيرة مسطرة.
▪️عصير ليمونة + بشر ليمون.
▪️ معلقة صغيرة ملح.
▪️ معلقة صغيرة كمون.
👈 الطريقة ✅✨
▪️نخلط مكونات التتبيلة مع بعض و بمعلقة صغيرة او فرشة نتبل الجمبري واحدة واحدة حتى انتهاء الكمية كلها.

▪️نحضر طاسة سخنة ع النار نضع فيها مكعب زبدة و زيت و ننزل بالجمبري واحدة واحدة ع الناحية الي من جوة الاول ياخد لون اورانج و نقلبه ع الناحية التانية.

▪️نتركه على النار حتي يصبح لونه اورنج من الجنبين ثم نخرجه على جنب ، و في نفس الطاسة نجهز الصوص.

▪️نضع ٢ معلقة كبيرة زبدة وزيت هندوبها في نفس طاسة الجمبري بعد ما شلناه ثم نضع معلقة كبيرة توم مفروم حتى ياخذ لون ذهبي ثم نضيف معلقة كبيرة دقيق ونقلبه لمدة دقيقتين ثم نضيف كوب كريمة طهي ونص كوب عصير برتقال مع ربع كوب عصير ليمون ومعلقة كبيرة مسطردةو كمون و ملح وشبت.

▪️نقلب باستمرار حتى يصبح الصوص متجانس وقوامه ثقيل نحضر الجمبري و بمعلقة صغيرة نوزع الصوص على كل واحدة جمبري .. و باقي الصوص يوضع في طبق يتقدم جمبه و يتزين بالشبت.
#جمبري #أسماك

Nourhan Yousry نورهان يسري

19/06/2026

19/06/2026

19/06/2026

19/06/2026

19/06/2026

19/06/2026

19/06/2026

Address

Website

Alerts

Shortcuts

Share