27/08/2026
🍅 | 𝙳𝚘 𝚝𝚘𝚖𝚊𝚝𝚎 á 𝚍𝚎𝚜𝚙𝚎𝚗𝚜𝚊: 𝚌𝚘𝚗𝚜𝚎𝚛𝚟𝚊 𝚘 𝚜𝚊𝚋𝚘𝚛 𝚍𝚊 𝚝ú𝚊 𝚑𝚘𝚛𝚝𝚊
Hai sabores que merecen durar moito máis ca unha estación.
🌿 Cando a horta nos regala unha boa colleita de tomates, non hai mellor maneira de aproveitala que preparando unha salsa caseira e conservándoa para desfrutala durante todo o ano.
🌿 𝑰𝒏𝒈𝒓𝒆𝒅𝒊𝒆𝒏𝒕𝒆𝒔
🔸Tomates maduros da horta.
🔸Cebolas grandes.
🔸Dentes de allo.
🔸Cenorias.
🔸Cabaciño.
🔸Aceite de oliva virxe extra.
Nesta receita non engadimos sal nin especias. Así a salsa queda neutra e poderás condimentala ó gusto cando a utilices.
🍳 𝑬𝒍𝒂𝒃𝒐𝒓𝒂𝒄𝒊ó𝒏
▪️ Lava ben todas as verduras.
▪️ Pela a cebola, os allos e as cenorias. Trocea os tomates, o cabaciño, a cebola e a cenoria.
▪️ Nunha pota grande, quenta o aceite e refoga os allos e logo engade a cebola e despois a cenoria durante uns 10-15 minutos a lume medio.
▪️ Engade o cabaciño e cociña 5 minutos máis.
▪️ Incorpora os tomates troceados e deixa cocer a lume medio-baixo entre 60 e 90 minutos, removendo de vez en cando, ata que a salsa reduza e espese.
▪️ Tritura a salsa ata conseguir unha textura fina. Se a prefires máis espesa, déixaa uns minutos máis ó lume.
👩 𝑬𝒏𝒗𝒂𝒔𝒂𝒅𝒐 ó 𝒃𝒂ñ𝒐 𝑴𝒂𝒓í𝒂
▪️ Ferve os tarros e as tapas durante 15 minutos e déixaos secar.
▪️ Enche os tarros coa salsa ben quente, deixando aproximadamente 1 cm de marxe ata o bordo superior.
▪️ Limpa moi ben a boca do tarro e péchao.
▪️ Coloca os tarros de pé nunha pota alta e cúbreos con auga, polo menos 2 cm por riba das tapas.
▪️ Cando a auga ferva a borbotóns, conta 30 minutos.
▪️ Retira os tarros e déixaos arrefriar sen movelos durante varias horas. Ó arrefriar, escoitarás un pequeno “clic”: é o sinal de que o baleiro se fixo correctamente.
💚 Unha forma sinxela de 𝒂𝒑𝒓𝒐𝒗𝒆𝒊𝒕𝒂𝒓 𝒂 𝒂𝒃𝒖𝒏𝒅𝒂𝒏𝒄𝒊𝒂 𝒅𝒂 𝒉𝒐𝒓𝒕𝒂 e ter sempre á man unha salsa caseira, natural e lista para acompañar as túas receitas favoritas.
