30/11/2023
Artiin Durattii Tiyaatara.
Artiin Bashannana bira dabree Sirna Jiruu fi jireenya ummata tokkoo ibsuu keessatti qoodni qabu Ol'aanaadha. Keessattuu Safuu duudhaa fi Qoor-qalbee hawaasa kaleessaa dabree dhaloonni arraa hubachuuf hojiilee artii gaafas hojjataman ilaaluun gayaadha.
Walaloowwan Wallee Afaan Oromoo durattii ergaa Cimaa fi dhama gaarii kan qaban yoo tahu sagaluma irraa yaadaan Viidiyoo ykn nam fakkii wallee sanii laaluu dandeeysa.
Fakkeenyaaf Wallee Aadam Haarun fi Halloon wallisan tana haa fudhannu. Walleen tuni akkaataa itti dhiirti intala jaalattu takka itti adamsituu fi tooftaa Shamarran dhiira jaalalaa dhugaatiif deemtu itti ofirraa qoratan agarsiifti. Mee walaloo isii laalaa.
๐๐๐๐๐๐
Aadam.....
Bareeda uumaan arjoomee keeysa
Filamte seente oonneetoo raasaa
An sumaan faarsaa.
Halloo.....
Nan rarragin mee sobaan na hooysaa
Mee dhaabi narraa Qishnaa fi qoosaa
Waa qabdaa baasa!
Aadam..
Durii eegalee hamma aduu arraa
Faarfamaan namaa hedduudhaa jira.
Hunda sirritti hubadhee laale,
Madaale maraa
An sumaan faarsaa, hin qabdu hanquu
Caaltuu hundarraa.
Halloo. ....
Kun mala dhiiraa itti himan dubraa
Meeqaa na caala hin fudhu sirraa.
Gootaa fi gamna,bareeda qabii
Tuulaa addunyaarraa,
Ragaan dhugoomsii natti as laadhu
Deebisaa biraa.
Aadam.....
Bareeda uumaan arjoomee keeysa
Filamte seente oonneetoo raasaa
An sumaan faarsaa.
Halloo.....
Nan rarragin mee sobaan na hooysa
Mee dhaabi narraa qishnaa fi qoosaa
Waa qabdaa baasa!
Aadam....
Ija tee ifaa ji'aa urjiirraa,
tolli kee yoomuun banne na duraa.
Jaaladhe sumaa takkalleen dubraa
Si nattin geeysu.
Hin sehin qoosaa fi Qishnaa je'ee
Kaniin si faarsu.
Halloo.....
Bifaaf haala koo kam jaalatte narraa.
Mee addaan naaf baasi na faarsuun dura?
As laadhu natti qabxii amansiiftuu,
mirkanii qabdu.
Garuu jaalalaaf dhugaa na bita
Fudhachuun didu.
Aadam.....
Bareeda uumaan arjoomee keeysa
Filamte seente oonneetoo raasaa
An sumaan faarsaa.
Halloo.....
Nan rarragin mee sobaan na hooysa
Mee dhaabi narraa qishnaa fi qoosaa
Waa qabdaa baasa!
Aadam.....
Fiinxee miidhagaa azeebban dubraa
Niin beeka anis hadduutu jiraa.
Hunda dubraa keeysaa wantiin si filadheef.
Ayaa qabaachuu
Bultii jaarrannee sadoof gammachuun
wajjiin jiraachuu.
Halloo .....
Guyyaa wal barree kaasee hamma arraa
Laalcha naaf qabduun hordofaa jira.
Wallaalen sehiin kaniin siin mormu
Afaan Jabaadhee.
Ayaaf deemuu kee beekeetiin jiraa.
Humaa sii fudhe.
-----------///------------
