Kamsou Délices

Kamsou Délices تختص هذه الصفحة بتقديم اشهي وأطيب الأطباق العربية سهلة التحضير وبمواد بسيطة والمقادير المضبوطة والمجربة والناجحة 100/100

طبق التقليدي ~المعدنوسية ~________تحضير المرق ________في طنحرة نحط شويا زيت وافخاذ دجاج و قطعة من صدر دجاج نقليهم مليح ...
03/09/2026

طبق التقليدي ~المعدنوسية ~
________تحضير المرق ________
في طنحرة نحط شويا زيت وافخاذ دجاج و قطعة من صدر دجاج نقليهم مليح نضيف حبة بصل متوسطة مقطعة مربعات صغيرة و 2 سنات ثوم مسكرفجين نقليهم مليح حتى تذبال البصلة نزيد كمية كبيرة من المعدنوس مقطع وملح وفلفل اسود وزنجبيل نخلطهم و نقيلهم 20 د بماء سخون ونضيفلهم الحمص في الاخير
نخلي الدجاج يطيب والحمص والمرق يخثار
________تحضير خليط المعدنوسية ______
في إناء نحط كمية كبيرة من المعدنوس مقطع و 4 بيضات والجبن طري والدجاج مفتت ( لي طاب في المرق ) نخلطهم مليح نفرغهم في بلاطو مدهون بالزبدة نشعل عليه من تحت ثم من فوق
بعد ما طيب ندير عليها قطع جبن شرائح ( اختياري ) ونقطعها الى مربعات
اذا درتو طبقة الخليط خشينة حطو غير حبة و نقدمهم مع المرق واذا درتو طبقة رقيقة حطو حبيتين فوق بعض وبصحتكم
#الوصفة جزائرية تقليدية من زمان القديم

وصفة potatoes pizza المقادير :3حبات بطاطا حبة بصل3 حبات بيض معدنوس(بقدونس )صلصة الطماطم الجاهزة التوابل:ملح-فلفل اسود-با...
03/09/2026

وصفة potatoes pizza
المقادير :
3حبات بطاطا
حبة بصل
3 حبات بيض
معدنوس(بقدونس )
صلصة الطماطم الجاهزة
التوابل:
ملح-فلفل اسود-بابريكا
جبن مبشور
زيت
زيتون
التزيين اختياري باللحم المفروم او دجاج او التونة
طريقة التحضير:
نقشرو البطاطا ونغسلوها جيدا في إناء نبرش البطاطا بأداة البرش(السكرفاج) ونغسلها بالماء جيدًا ونقطروها في كسكاس وبعدها في مقلاة نحط شوية زيت ونقطع البصلة رقيقة جيدًا ونحط معاها البطاطا المبروشة الملح وفلفل أسود ونحطوهم فوق نار متوسطة ونحركها جيدا حتى يدبل الخليط وبعدها نخلط البيض ونحطلو الملح وفلفل أسود بابريكا ونخلطو مليح ونحطو فوق البطاطا ونخلط كلشي جيدا نجيب الصينية اللي تدخل للفرن نفرش فوقها ورق الطهي ونحط عليها الخليط وندخلو للفرن حتى يطيب نخرجوه ونحطو عليه صلصة الطماطم الجاهزة واللحم المفروم اللي نكونو طيبناه من قبل و نحطو عليه الجبن ونعاودو ندخلو الصينية للفرن حتى يدوب الجبن
شهية طيبة دعواتكم 🤲🤲🙏🫶😘🫶😘

سندويتش مطلوع 😋❤🥀سندويتش مطلوع 😁المطلوع : كاس حليب حبة بيض مغرف خميرة ومغرف سكر والملح 4 مغارف زيت ولميتو بالفرينة وعجنت...
02/09/2026

سندويتش مطلوع 😋❤🥀
سندويتش مطلوع 😁
المطلوع : كاس حليب حبة بيض مغرف خميرة ومغرف سكر والملح 4 مغارف زيت ولميتو بالفرينة وعجنتو 10 دقائق العجينة خليتها ترتاح شوية طرية وخليتها تخمر حتى تضاعف الحجم تاعها أمبعد ڤرصتهم خليتهم خمرو غير 10د وطيبتهم

الحشو : الجاج قطعتو شرائح طوال حطيتو في مقلة سخونة مع شوية زيت ثوم فلفل كحل كركم زنجبيل ملح شويييييية قرفة وشوية فلفل عكري وكي تقلا الجاج زدت حبة بصل مقطعة شرائح وحبة فلفل ونص حبة حار وشوية زيتون وخليتهم يطيبو منقصتش النار باش ميطلقش الما وزدت الفريت وخلطت هريسة مع المايونيز وطليت بيهم المطلوع 😊
#وصفات

وصفة التليتلي بالدجاج في الفرن المقادير:تليتلي حسب أفراد العائلة أطراف الدجاج 🐔 حسب أفراد العائلة 2حبات بصل حمص التوابل:...
02/09/2026

وصفة التليتلي بالدجاج في الفرن
المقادير:
تليتلي حسب أفراد العائلة
أطراف الدجاج 🐔 حسب أفراد العائلة
2حبات بصل
حمص
التوابل:
ملح +فلفل أسود
2ملاعق كبيرة زيت +ملعقة كبيرة زبدة أو سمن
للتزيين: حبات بيض
طريقة التحضير:
ناخد طنيجرة نحط فيها الزيت والزبدة ندوبهم ونحط فيها أطراف دجاج 🐔 ونقليهم مليح امبعد نضيف البصل والتوابل ونقليهم مليح مع بعض ونمرق بالماء الساخن 🔥 كي يبدا يطيب الدجاج 🐔 نضيف الحمص أنا نزيدو في الأخير لأني نطيبو ونحطو في الثلاجة ونرجع للتليتلي نحطو في جفنة و نحط عليه 2ملاعق زيت ونفورو مدة نصف ساعة ⌚️ امبعد في طنيجرة نحطو و نضيف عليه ماء ساخن 🔥 نغطيه شوية 1سم ونخليه على النار 🔥 حتى يشرب كامل الماء بصح يبقى نص طياب بعد ما طابت المرقة ناخد صينية الفرن نحط فيها التليتلي ونفرغ المرقة عليه امبعد ناخد أطراف دجاج 🐔 نحطهم فوقو وندهنهم بالزبدة دايبة ملح فلفل اسود و موطارد وندخل الصينية للفرن ونطيبها مدة 15د امبعد نشعل الفرن مالفوق يتحمر الدجاج 🐔 وهكدا التليتلي راهو واجد
شهية 😋 طيبة

وصفة كريات الدجاج 🐔 بصلصة الطماطم 🍅 المقادير:صدر دجاج 🐔 مطحون بقدونس 2 ملاعق كبيرة خبز 🍞 مرحي 4سنينات توم 🧄التوابل:ملح +...
02/09/2026

وصفة كريات الدجاج 🐔 بصلصة الطماطم 🍅
المقادير:
صدر دجاج 🐔 مطحون
بقدونس
2 ملاعق كبيرة خبز 🍞 مرحي
4سنينات توم 🧄
التوابل:
ملح +فلفل أسود +توابل الدجاج 🐔 +بابريكا +حبة بيض 🥚
صلصة الطماطم 🍅:
3حبات كبار طماطم 🍅
4 سنينات توم 🧄
ملح +فلفل أسود +بابريكا +ملعقة متوسطة طماطم 🍅 مصبرة
طريقة التحضير:
ناخد صدر الدجاج 🐔 المطحون نضيف عليه الخبز 🍞 اليابس المطحون التوابل البقدونس والتوابل ونشكلهم كريات نقليهم ونرجعهم في صلصة الطماطم 🍅 نخليهم يشربو الصلصة ونطفي عليها ونزينها بالمعدنوس والزيتون الأخضر
شهية 😋 طيبة

🍕 وصفة بيتزا المحلات 🍕1. المكونات (تخرجلك 5 خبزات): 🥣💧 الماء: نص لتر تاع الماء (ماشي دافي، بدرجة حرارة الغرفة ).🥚 البيض...
02/09/2026

🍕 وصفة بيتزا المحلات 🍕
1. المكونات (تخرجلك 5 خبزات): 🥣
💧 الماء: نص لتر تاع الماء (ماشي دافي، بدرجة حرارة الغرفة ).
🥚 البيض: حبة تاع البيض.
🥃 الزيت: فنجال أتاي تاع الزيت.
🍬 السكر: زوج مغارف كبار تاع السكر.
🥛 اللحظة: زوج مغارف كبار تاع اللحظة (وإذا ما عندكش دير نص ليترة حليب في بلاصة الماء).
🍞 خميرة الخبز: ملعقة تكون متوسطة (ما ديروش ملعقة كبيرة خاش تخمر في الفريجيدير).
🧁 خميرة الحلوة: ملعقة صغيرة.
🧂 الملح: ملعقة صغيرة.
🌾 الفرينة: كيلو تاع فرينة (حتى نتحصل على عجينة طرية وتلصق شوية في اليد).
2. طريقة التحضير: 👨‍🍳
🥣 الخلط: تخلط كلش بهذ الطريقة، الخميرة والسكر واللحظة والماء والبيض والزيت.
👐 الطم: تقعد تلم بالفرينة (تدي لك كيلو سوا سوا) حتى تولي العجينة طرية وماشي يابسة.
💪 العجن: تعجنها مليح حتى تتحصل على عجينة تكون رطبة وشادة روحها.
⏳ الراحة: تدهنها بشوية زيت وتخليها تريح "نص ساعة برا" قبل ما تقطعها.
⚪ التقسيم: تكورهم مليح (5 خبزات) وتحطهم في سنيوة وتغطيهم مليح بـ "بابي فيلم".
❄️ التخمير في الفريجيدير: تدخلهم للفريجيدير "مينيموم ست سوايع". قد ما تخليها راح تجيك هايلة وبزاف خفيفة (من الأحسن ليلة كاملة).
3. التشكيل والطهي: 🔥
📏 الفتح: تفتح لابات تاعك بـ "الدقيق يكون رطب" (السميد)، تفتحها بالحلال وتكمل بيدك حتى تتحصل على عجينة رقيقة في الوسط وشوية خشينة في لي كوتي.
🍅 الحشو: دير لاصوص طومات، زيتون أخضر مشلل، وشومبينيون معلب.
🌡️ الفرن: لازم يكون مسخن من قبل على "أعلى درجة حرارة" (250 أو 280).
🔥 الطياب: طيبها من التحت مليح حتى تتحمر، ومن بعد شعل من الفوق ودير الفرامج.
4. سر البنة (الفرامج واللمسة الأخيرة):
🧀 الفرماج: نستخدم "كودا وشيدار" (شيدار غوج) وموتزاريلا
🌿 اللمسة الأخيرة: تدهن لي كوتي بشوية زيت زيتون، ودير الطون تاع الزيت من الفوق ورشة أعشاب عطرية.
بصحتكم! 😋👌

وصفة كروكات الكامومبير(les croquettes de camembert ):المقادير:علبتين من الكامومبير(حسب أفراد العائلة )فرينة 2 حبات بيض خ...
01/09/2026

وصفة كروكات الكامومبير(les croquettes de camembert ):
المقادير:
علبتين من الكامومبير(حسب أفراد العائلة )
فرينة
2 حبات بيض
خبز 🍞 مرحي(la chapelure )
التوابل: كركم+بابريكا
زيت للقلي
طريقة التحضير:
نختار الكامومبير ما يكونش دايب يكون شاد روحو مليح نقطعو الى قطع ونحطو شوية فالمجمد ونخرجو نرمدو في الفرينة ونرجعو في البيض ونزيد نرجعو في الفرينة ونزيد نرجعو في البيض في الأخير نجوزو في الخبز 🍞 اليابس المرحي و نزيد نرجعو للمجمد نخرجو 5 دقائق قبل ما نقليه في زيت ساخن 🔥 يتحمر وهكدا يكون واجد
شهية 😋 طيبة

🥘 طاجين الزيتون بالفريت وكريات دجاج 🥘طريقة التحضيرفي طنجرة 🥣، نضع فخذ الدجاج 🍗 مع نصف حبة بصل مقطعة رقيق 🧅، 2 م ك الزبدة...
01/09/2026

🥘 طاجين الزيتون بالفريت وكريات دجاج 🥘
طريقة التحضير
في طنجرة 🥣، نضع فخذ الدجاج 🍗 مع نصف حبة بصل مقطعة رقيق 🧅، 2 م ك الزبدة 🧈، 2م ك زيت، او سمن 🫗 ورقة الرند، الزعتر إختياري 🌿، و فص ثوم كبير مسكرفج 🧄. نضيف التوابل ( شويا الكركم، راس الحانوت، الفلفل الأسود، والملح) 🧂 نخلطهم و نخليهم تتقلاو جيداً على نار هادئة 🔥.
كي يتقلى الدجاج، نضيف كمية من الزيتون منزوع النوى 🫒 (يُغلى مرتين في الماء لنزع الملوحة الزائدة 💧) نمرق بالماء ساخن 💨.
نزيد حبة الزرودية ( جزر) مقطعة إلى دوائر 🥕 نخليهم يطيبو مدة 30د حتى 35د ⏱️.
تشكيل كريات الدجاج
في اناء 🥣 نحط كمية صدر دجاج مرحي 🥩 نتبلو بالمعدنوس، مقطع 🌿 الثوم 🧄، ملح فلفل أكحل راس حانوت 🧂 و م ك زيت 🫗 و م ك شبلور 🍞 نعجنهم مليح نشكلهم كريات 🔴 نقليهم في شويا زيت حتى يتحمرو 🍳 نقلي حبات بطاطا 🍟.
بعد ما طيب المرق نحي فخذ الدجاج 🍗 ندهنو بشويا زبدة 🧈 ونحمرو في الفرن 🎛️ ونضيف كريات الدجاج مع مرق نخليهم يتشربو حوالي 10د ⏱️.
نحط بطاطا المقلية (لي فريت ) 🍟 في طبق ونقدمو مع مرق الزيتون وكريات دجاج .

💎💎 وبصحتكم 💎💎

وصفة السويس رول المقادير:3حبات بيض كأس الا ربع سكر قرصة ملح نصف كأس زيت ملعقة صغيرة مملؤة خميرة الحلويات كأس فرينة 2ملاع...
31/08/2026

وصفة السويس رول
المقادير:
3حبات بيض
كأس الا ربع سكر
قرصة ملح
نصف كأس زيت
ملعقة صغيرة مملؤة خميرة الحلويات
كأس فرينة
2ملاعق كبار كاكاو
الكريمة اللي نحطوها داخل السويس رول
المقادير:
كأس شونتيي
علبة ياغورت طبيعي
نصف كأس حليب
مربى 🍒 الكرز +شكولاطة للتزيين
طريقة التحضير:
في إناء نحط البيض و قرصة ملح السكروالفانيليا السائلة ونخلطهم جيدا بالخلاط الكهربائي حتى يصير الخليط كثيف و كريمي نبداو نضيفو الزيت غير بلعقل امبعد نضيف الفرينة والكاكاو و خميرة الحلويات نخلط غير بشوية باش ما يطيحش الخليط امبعد نحطو في صينية الفرن ونحطوه يطيب في فرن مسخن مسبقا على درجة حرارة 170 و نروح نحضر الكريمة نحط الشونتيي والياغورت الطبيعي والحليب بعد ما يطيب البسكوي نخلوه يبرد شوية و نطلوه بمربى الكرز 🍒 وفي جيب حلواني نحط الكريمة ونحطها على البسكوي وندور دورة واحدة فقط ونقطع و نزيد نعاود نفس الشيء مع البسكوي المتبقي نتحصل على 3 les boudins نحطهم في بلاستيك غذائي ونغلق جيدا ونحطهم في المجمد مدة نصف ساعة ⌚️ وامبعد نخرجهم و ندوب الشكولاطة و نطليهم وكي ينشفو نسخن السكين مليح ونقطع السويس رول وهكدا راهو واجد
شهية 😋 طيبة

خبيزات بانيني محشين بعجينة 10 د خفيفة 🥖____ لحشوة لكم الإختيار _______نتبل صدر دجاج يكون مفروم بملعقة صغيرة متارد ...
30/08/2026

خبيزات بانيني محشين بعجينة 10 د خفيفة 🥖
____ لحشوة لكم الإختيار _______
نتبل صدر دجاج يكون مفروم بملعقة صغيرة متارد شويا زيت توابل الدجاج و ملح و فلفل اسود و فلفل أحمر كركم (توابل اختياري ) نخلطهم مليح
_ في مقلة نحط حبة بصل مفرومة و نضيف عليها دجاج ونخلطهم على نار قاوية ( باش دجاج ما يطلقش الماء ) كي طيب دجاج نضيف الجبن الطري ونخلط و نضيف زيتون مقطع ( اختياري ) و رشة معدنوس
______العجينة _________
في إناء نحط كاس حليب دافى ( 220ملل ) ونصف كاس ماء دافى و م ك خميرة خبز و م ك سكر نخلطهم جيدا ثم نضيف 5 ملاعق كبار مملوؤين فرينة ونخلطهم جيدا
نغطي الخليط ونخليه يتخمر 10 د ثم نضيف كاس سميد ارطب ( سميد اذا بملعقة دات 10 ملاعق كبار ) و ملعقة كبيرة ملح نخلط ثم نضيف 4 م ك زيت ونخلط ثم نضيف الفرينة تدريجيا حتى نتحصل على عجينة طرية( دات 14 ملعقة كبيرة فرينة يعني 3 كؤوس فرينة ) نتحصل على عجينة طرية ومتماسكة ندلك العجينة مدة 2 د نقسم العجينة إلى 10 كريات متساوية نغطيهم مليح ندير شويا زيت على سطح العمل ونفتح الكريات بشكل بيضوي ( نحل العجينة بالزيت ماشي بالفرينة ) نحط الحشوة في منتصف والجبن مبشور ( ما تخلوش الحشوة في جوانب ) نقفل العجينة ( نلمها من جيهتين ونضغط عليها ) ندهن المقلاة بالزيت او البانينوز ونطيبهم مليح على نار قليلة اذا طيبتوهم في فرن ادهنوهم بالبيض ونطيبهم من جهتين

Adresse

Grenoble

Site Web

Notifications

Soyez le premier à savoir et laissez-nous vous envoyer un courriel lorsque Kamsou Délices publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type