Kamsou Délices

Itinéraire

Kamsou Délices تختص هذه الصفحة بتقديم اشهي وأطيب الأطباق العربية سهلة التحضير وبمواد بسيطة والمقادير المضبوطة والمجربة والناجحة 100/100

طبق راقي و اقتصادي سهل وسريع _______تحضير الشيفلور. _______راس شيفلور نقطعو و نحطو يفور في كسكاسبعد ما يفور نعبزو بالف...
19/10/2026

طبق راقي و اقتصادي سهل وسريع
_______تحضير الشيفلور. _______
راس شيفلور نقطعو و نحطو يفور في كسكاس
بعد ما يفور نعبزو بالفرشيطة ونزيدلو 2 بيضات و معدنوس و فلفل اسود كمون وملح و م ك جبن طري ونخلطهم
نفرغ الخليط في مول سليكون وندخلهم الفرن يطيبو.
نحيهم من المول ونقلبهم ونزيد نحمرهم من فوق في الفرن او مقلاة كهربائية ونحمر فخذ الدجاج
_______تحضير لاصوص______
في طنجرة او طاجين نحط شويا زيت فخذ دجاج حبة بصل مرحية حبة طماطم مرحية ثوم معدنوس و شويا حمص كمون وفلفل اسود وزنجبيل طماطم مصبرة نقليهم نمرقهم بالماء ونزيد 2 ورقة رند ونخليهم يطيبو حتى تخثار لاصوص
نقدم المرق مع الدجاج و شيفلور نزينهم بالجبن طري
وصفة منقولة

تدبيرة : فلفل مرقد اكسبرس في 10 د في لاكوكوت نحط حبات فلفل حار وفلفل حلو نزيدلهم شويا ملح وفنجان زيت و فنجان خل و ...
18/10/2026

تدبيرة : فلفل مرقد اكسبرس في 10 د
في لاكوكوت نحط حبات فلفل حار وفلفل حلو نزيدلهم شويا ملح وفنجان زيت و فنجان خل و فنجان ماء و شويا ثوم مقطع ورقة رند وشويا ليمون
نغلق لاكوكوت نحطها على نار متوسطة مدة 10 د ونفتح عليه نحيه من لاكوكوت ونخليه يبرد ولاصوص تاعو نخليها تعقد شويا نرجعلو لاصوص تاعو وتقدموه في صحن او نحتفضو بيه في علب وتكنجليوهم يعني دخلوه لثلاجة
وتستعملو وقت ما تحبو
وصفة منقولة

وصفة رولي البطاطا _________ تحضير طبقة البطاطا______________التقطيع: قطعي حبات البطاطا دواير رقاق (ما تخليهمش خشان).التت...
17/10/2026

وصفة رولي البطاطا
_________ تحضير طبقة البطاطا______________
التقطيع: قطعي حبات البطاطا دواير رقاق (ما تخليهمش خشان).
التتبيلة: زيدي عليهم الملح، ثوم بودرة، فلفل كحل، توابل الدجاج، الزعيترة، وشوية زيت باش ما تجيش ناشفة.
الطهي: فرشي البطاطا في بلاطو (سنيوة) مفرش بـ بابي كويسون (دهنيه بالزيت ولا الزبدة باش ما تلصقش).
الخليط: اخلطي 3 حبات بيض مع شوية دبشة وفرماج رابي، وفرغيهم فوق البطاطا ووزعيهم كامل.
الفرن: غطيها بـ بابي كويسون ودخليها للفرن (180 درجة) لمدة نص ساعة حتى تطيب، ومن بعد نحي الغطاء وخليها تتحمر شوية.
___________ تحضير الحشو __________
الدجاج: في مقلة، حطي نص صدر دجاج مرابي (في الخشين) مع نص حبة بصل مرابية.
التوابل: زيدي الملح، فلفل كحل، توابل الدجاج، وشوية ثوم.
الصلصة: بعد ما يطيب الدجاج، زيدي عليه كريم فريش وشوية حليب، وخليهم يعقدوا.
اللمسة الأخيرة: زيدي شوية فرماج رابي (موتزاريلا) باش يجي معسل، وطفّي عليه.
_____________ التجميع والتقديم __________
الرولي: جبدي البطاطا من الفرن، حطي الحشو فوقها وزعيها ، وروليها
التحمير: زيدي فرماج رابي ولا سلايس من الفوق، وعاودي رجعيها للفور يذوب الفرماج.
التقديم: قطعيها بموس تاع المنشار باش تجيك متحوفة، وقدميها مع الصلصة اللي بقاتلك.
وصفة منقولة

دولمة او كفتة بذنجان مع لاصوص 2 حبات بيذنجان نشويهم ونقشرهم نقطعهم مليح بالموسنحطهم في إناء نضيفلهم شويا لحم مرحي. او د...
17/10/2026

دولمة او كفتة بذنجان مع لاصوص
2 حبات بيذنجان نشويهم ونقشرهم نقطعهم مليح بالموس
نحطهم في إناء نضيفلهم شويا لحم مرحي. او دجاج مرحي شابور معدنوس مقطع ملح وفلفل اسود وفلفل أحمر و بيضة وشابلور نخلطهم ونشكلهم الى كريات
_______تحضير لاصوص______
في مقلاة نحط شويا زيت 2 حبات طماطم مرحيين و سنات ثوم مسكرفجين و شويا معدنوس وريقات طماطم مصبرة و فلفل اسود ملح وكمون شويا طماطم مصبرة نقليهم مليح ونمرق بشويا ماء
نضيف كريات البيذنجان ونخليهم يتحمرو مع لاصوص
وصفة منقولة

بسبوسة مشربة بشيكولاطة. _______تحضير خليط البسبوسة _______في إناء نضع 3 بيضات رشة ملح وكاس ناقص أصبع سكر عادي نخاطهم با...
16/10/2026

بسبوسة مشربة بشيكولاطة.
_______تحضير خليط البسبوسة _______
في إناء نضع 3 بيضات رشة ملح وكاس ناقص أصبع سكر عادي نخاطهم بالباتور حتى يبياض الخليط ونزيدلهم كاس ناقص صبع زيت ونخلطهم و نزيد كاس ناقص صبع حليب ونكمل نخلط نضيف 20 غ خميرة الحلويات و ملعقتين كبيرتين كاكاو ولا فاني نخلطهم بالباتور ونضيف كاس سميد رطب ونكمل نخلط مليح حتى يتجانس الخليط
نفرغ الخليط في بلاطو مدهون بالزبدة والسميد (30 × 25 سم )
__________صوص شيكولاطة __________
في كاسرونة نحط 2 كيسان حليب و 1 م ك كاكاو و 2 م ك سكر و 1 م ك نشأ نخلطهم بارد في بارد نحطهم على النار حتى تعقد نزيدلها و 100غ شيكولاطة بذوق البندق ( قطع )حتى تذوب شيكولاطة نفرغ لاصوص فوق البسبوسة وهي سخون نقطعها ونزينها نخليها تبرد ملييييح ونقدمها
وصفة منقولة

طبق كروكات مع المرق إقتصادي سهل ________ تحضير المرق_____________في قدرة، حطي شوية زيت وسمن، زيدي حبة بصل مقطعة رقيق ونص...
16/10/2026

طبق كروكات مع المرق إقتصادي سهل

________ تحضير المرق_____________
في قدرة، حطي شوية زيت وسمن، زيدي حبة بصل مقطعة رقيق ونصف صدر دجاج (تقدروا تزيدوا أطراف إذا كان متوفر) زيدي حبة زرودية مقطعة رقيق وفصين ثوم مقطعين.تبلي بالملح، فلفل كحل، زنجبيل، راس الحانوت، وشوية حار (اختياري) وورقة رند
خليهم يتقلاو مليح على نار قليلة، ومن بعد مرقي بالماء سخون وخلي الدجاج يطيب
__________تحضير كريات الأرز والدجاج_______
من جهة، غلي الرز و زيدي علي الزيتون في ماء (باش تنقص الملوحة)
كي يطيب الدجاج، نحيه من المرق وفتتيه (أرحيه أو قطعيه رقيق)، وخلطيه مع الرز المسلوق والمبرد
زيدي معدنوس، حبة بيض مخفوقة، ملعقة صغيرة سمن، وشوية كركم، زنجبيل، فلفل كحل، وتوابل الدجاج.
اعجني الخليط مليح بيدك وشكلي كريات صغيرة، واحشي كل وحدة بقطعة جبن
__________ القلي والتقديم_________
رمدي الكريات في البيض ثم في الخبز المرحي (لا شابلير) المتبل، واقليهم في زيت غزير وسخون
قدميهم مع مرق الزيتون والزرودية اللي طيبتيه، تقدري تزيدي قطع جبن فوق المرق باش يجي بنين
وصفة منقولة

وصفة شوصون الدجاج بالكريمة 1. تحضير البطاطا المهروسة (للحشو):اغلي حبات من البطاطا في ماء مملح، ثم اهرسيها بالفرشيطة مع ...
15/10/2026

وصفة شوصون الدجاج بالكريمة

1. تحضير البطاطا المهروسة (للحشو):
اغلي حبات من البطاطا في ماء مملح، ثم اهرسيها بالفرشيطة مع قطعة زبدة، ملح، وفلفل أسود

2. البطاطا السوتي (للمرافقة):
اغسلي البطاطا الصغيرة جيداً لأنها تُؤكل بالقشرة، قطعيها واغليها في الماء نصف طياب
في مقلاة، حمريها في ملعقة كبيرة زبدة مع قليل من الزيت على نار قوية
أضيفي الملح، الفلفل الأسود، التوابل (مكسيكية أو حسب الرغبة)، وفلفل أحمر. دريس او شويا هريسة ، أضيفي الثوم مرحي ، في الاخير و عصره ليمون ( اختياري ) ، ورشة معدنوس

3. تحضير الصلصة (الكريمة):
في مقلاة، ذبلي بصلة مقطعة شرائح مع زيت وملح وفلفل أسود، ثم أضيفي الشومبينيون واتركيهما يتكرملان جيداً لازم البصل يتحمر ( نحي شويا من البصل وشومبيمو للحشوة)
أضيفي علبة كاملة من الكريمة الطازجة، فنجان كريمة سائلة (بذوق الجبن إن توفر)، ملعقة كبيرة جبن طري، نصف ملعقة صغيرة خردل (موطارد)، وملعقة كبيرة صويا صوص اذا متوفرة ( اختيارية) نخليها على. نار متوسطة كي تغلي نطفليها

4. تحضير لي شوصون بالدجاج:
الخلطة: ارحي صدر دجاج، أضيفي له ملعقتين كبيرتين شحم ( ما فيهاش ريحة ) ، ملعقة صغيرة نشا، شويا كمون، كركم، بودرة ثوم وبصل، نصف مكعب مرق دجاج، معدنوس، جبن مبشور (بارميزان او اي نوع يكون بنين )، ملعقة كبيرة بطاطا مهروسة، نصف م ك موطارد، و م ك صويا صوص خلطيهم
التشكيل: شكلي الدجاج الى كريات متساوية و ضعي كرات الدجاج على ورق بلاستيكي مدهون بالزبدة، افتحيها، بسمك متوسط ثم احشيها بالبصل والشومبينيون، القليل من البطاطا المهروسة ( ممروسة ) ، ونوعين من الجبن (موتزاريلا وكيرير)
نصيحة هامة: أغلقي الحبات بإحكام شديد لضمان عدم خروج الجبن أثناء الطهي
الطهي: اشوي لي شوصون في مقلاة مدهونة بالزبدة حتى يتحمروا من كل الجوانب حتى حواف.
اللمسة الأخيرة: ضعي لي شوصون في مقلاة الصلصة، رشي جبن مبشور من الأعلى، وغطي المقلاة على نار هادئة حتى يتشرب الدجاج طعم الصلصة وتثقل
وصفة منقولة

طبق دجاج محمر مع الارز ولابري بطريقة المطاعم ____تحضير. تتبيلة. الدجاج_______في إناء نحط 4 سنات ثوم مسكرفجين و ورقة رند ...
14/10/2026

طبق دجاج محمر مع الارز ولابري بطريقة المطاعم
____تحضير. تتبيلة. الدجاج_______
في إناء نحط 4 سنات ثوم مسكرفجين و ورقة رند توابل ملح وفلفل اسود وفلفل أحمر كمون وتوابل الدجاج كركم حبة جومبو دجاج ملعقة متوسطة طماطم مصبرة وهريسة موتارد و مارغارين شويا زيت وشويا معدنوس وشويا ماء مقطع و شويا ماء نخلطهم ونتبل قطع الدجاج نغطيهم ونخليهم يتبلو في ثلاجة على الأقل ساعة
_______تحضير دجاج المحمر ولاصوص _____
نحط دجاج في مقلاة مع شويا زيت ونقليهم 20 د من بعد نضيف لهم حبة بصل. وطماطم مقطعين شرائح و تتبيلة لي بقات نزيدلها شويا ماء ونفرغها عليهم نغطيهم ونخليهم على نار قليلة ونقعد نقلبهم حتى يطيبو
كي يطيب الدجاج ندهنو من فوق بالمارغارين ندخلو الفرن نشعلو من فوق يتحمر
________ تحضير الارز________
في طنحرة نحط م ك مارغرين طرية وكاس ونصف ارز بسمتي وحبة جومبو مرق دجاج ملح وفلفل اسود وكركم نقليهم 5 د و نمرق ب 3 كيسان ماء بارد بعد ما يطيب وينشف نزيلدلو م ك مارغارين نخلطهم ونطفي عليه
__________تحضير لابيري _____
كمية من البطاطا مغليها نزيدلها شويا مارغارين طرية و جبن طري كاس حليب وملح وفلفل اسود ونرحيهم في آشوار
في طبق تقديم نحط شويا ارز و ولابيري الدجاج محمر ولاصوص
وصفة منقولة

وصفة حلوة البنيون الاقتصادية (بدون طهي) بنينة تقطع (حوالي 70 حبة).المقادير:( سعة الكاس 220 ملل )3 كيسان بسكويت مرحي.3 ...
13/10/2026

وصفة حلوة البنيون الاقتصادية (بدون طهي) بنينة تقطع (حوالي 70 حبة).

المقادير:( سعة الكاس 220 ملل )
3 كيسان بسكويت مرحي.
3 كيسان قوفريط بذوق الشوكولاته مرحي.
1 كأس ونصف مكسرات مرحيين في الخشين (حسب الرغبة).
1 كأس حليب بودرة (محمص على نار متوسطة يعطي بنة هايلة).
كأس فايتين مفتتين (Feyantine).
كأس قطايف محمصة ومرحية شويا
ملعقة كبيرة ونصف كاكاو بني مر.
نصف كأس حلوة الترك.
شوكولاته للطلاء لجمع المكونات (حوالي 4 إلى 5 ملاعق كبيرة، يفضل تسخينها شوية ).

طريقة التحضير:
1. خلط النواشف: في وعاء، خلطي البسكويت، القوفريط، المكسرات، حليب البودرة المحمص، الفايتين، القطايف، اوحلوة الترك حتى يتجانسوا مليح زيدي كاكاو خلطيهم
جيدا
2. الجمع: أضفي شوكولاطة الطلاء تدريجياً وادمجها مع المكونات الجافة لميهم حتى تتحصلي على عجينة طرية تقدري تشكلها كريات بسهولة
3. التشكيل والتزيين:
نشكل عجينة البنيون إلى كريات (حوالي 30 غرام للوحدة)، نقلاصيهم بالشوكولاته سوداء او بالحليب ذائبة مخلطة مع م ك زيت ،
او نديرلهم قلاصاج ڨوغمو شيكولاطة بالحليب ذائبة متبقية مخلطة مع م ك زيت و مخلطة مع مكسرات مرحيين في خشيين ولازم نصفيهم من الغبرة ( كيما حبة الفريرو روشي)
4. اللمسة الأخيرة: نزينهم بخطوط شيكولاط سوداء ( لحبات شيكولاطة بالحليب) ونزينهم بخطوط شيكولاطة بالحليب ( حبات تاع شيكولاطة سوداء ) و تاع المكسرات. ( فريرو روشي ) نزينهم بطرونسفار تاع Ferro Rouchi i او نخليهم بلا تزيين
وصفة منقولة

طبق رولي البيذنجان المحشي 🍆🍆🍆المقادير:الباذنجان: قطعيه شرائح طولية (ماشي خشان بزاف).للحشو: فيونداشي (لحم مرحي)، بصل، مل...
13/10/2026

طبق رولي البيذنجان المحشي 🍆🍆🍆

المقادير:
الباذنجان: قطعيه شرائح طولية (ماشي خشان بزاف).
للحشو: فيونداشي (لحم مرحي)، بصل، ملح، فلفل كحل، وبيض باش يتماسك.
للقاعدة: بيض باش ندهنو الباذنجان، وجبن مبشور (اختياري).
الصلصة: طماطم مرحية، ثوم، زيت، ملح، فلفل كحل، وشوية سكر إذا كانت الطماطم حامضة.

طريقة التحضير:

1. تحضير الباذنجان : بعد ما تقطعي الباذنجان وتدهنيه بالزيت (مشوي أو مقلي)، فرشتيه في بلاطو مغطي بورق الطهي. ادهنيه بحبات بيض مخفوقين، واحرصي أنو البيض يهبط تحت الشرائح باش يشدوا روحهم كي تروليهم. زيدي الجبن المبشور (اختياري) ودخليه للفرن حتى يطيب البيض.
2. تحضير الحشو :في مقلاة، قلي الفيونداشي مع البصل والملح والفلفل الكحل. بعد ما يبرد الخليط، زيدي له حبات بيض باش يجي شاد روحو وما يجيش مزرب.
3. التشكيل : بعد ما تخرجي الباذنجان من الفرن، حطي الحشو في الوسط (كيما البوراك) وزيدي الزيتون اخضر المنزوع الملح في الجوانب. رولي الباذنجان باستعمال ورق الطهي باش يجي شكل اسطواني متناسق.
4. اللمسة الأخيرة: رجعيه للفرن يزيد يطيب الحشو. من الفوق تقدري تدهنيه بصلصة الطماطم مع شوية جبن وبيض باش يتحمر. قدميه مع الصلصة في الجوانب ورشة معدنوس.
وصفة منقولة

Adresse

Grenoble

Site Web

Notifications

Soyez le premier à savoir et laissez-nous vous envoyer un courriel lorsque Kamsou Délices publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Catégorie