22/10/2026
სანამ ამ ყველაფერს დავიწყებდით, უზომოდ გვეშინოდა. ვინც იცის და შეხება ჰქონია, კარგად ესმის, რა რთული პროცესია ძვლის ტვინის გადანერგვა ორგანიზმისთვის და რამდენი მძიმე უკუჩვენება თუ გართულება შეიძლება მოჰყვეს მას.
ამ პროცესში მხოლოდ ერთი სათხოვარი მქონდა ღმერთთან — ჩემი პატარა გმირი ბიჭისთვის მიეცა ძალა, რომ ეს ყველაფერი რაც შეიძლება მარტივად გადაეტანა. არ მახსოვს, ჩემს ცხოვრებაში რაიმე ასე მალე და ასე ზუსტად ამსრულებოდეს... ❤️
დიახ, იყო ტკივილიც, დაღლაც, ტირილიც... მაგრამ ეს ყველაფერი ამ პროცესის ყველაზე მსუბუქი თანმდევი ნაწილი აღმოჩნდა. დემნამ სერიოზული გართულებების გარეშე გადაიტანა ყველაფერი, ისე, რომ გადანერგვის თვალსაზრისით ყველაფერი ძალიან, ძალიან კარგად არისო ასე გვითხრა ექიმმა ✨
მართლაც სასწაული პროფესიონალები არიან, ყოველთვის 1 ნაბიჯით წინ არიან შესაძლო გართულებებზე და ყველაფერს აკეთებენ იმისთვის, რომ პრობლემა სანამ წარმოიქმნება, მანამდე აღმოფხვრან.
კვირაზე მეტია რაც დემნამ პალატის გარეთ გასვლის უფლებაც მოიპოვა და ყველა ერთად ვიკრიბებით ხოლმე 🌿☀️
ამდენი ხნის უძრაობის მერე ბოლო დღეებია რაც მიზნობრივად დაიწყო თავისა და ხელების მოძრაობა... ვერასოდეს წარმოვიდგენდით, თუ ოდესმე მისი მოძრაობის ასეთი პატარა დეტალი ასე უზომოდ გაგვახარებდა.
ყოველდღიურობაში გვგონია, რომ ეს ყველაფერი თავისთავადია და ასეც უნდა იყოს... მაგრამ ამ პროცესმა გვასწავლა, რამდენად მადლიერები უნდა ვიყოთ იმისათვის, რომ ვხედავთ, დავდივართ, ვსაუბრობთ, გვესმის და ა.შ 🙏✨
მოკლეთ, ვემზადებით გამოსაწერად და რეაბილიტაციის გრძელ და რთულ გზაზე სიარულის გასაგრძელებლად. მან თუ შეძლო და ეს უმძიმესი პროცესი ასე მარტივად დაძლია, მჯერა, ყველა სხვა დაბრკოლებასაც ასე გადალახავს ❤️
ზუსტად ვიცოდი, რომ ამდენი ადამიანის ლოცვა, სიყვარული და ექიმების ასეთი პროფესიონალიზმი უპასუხოდ არ დარჩებოდა. თქვენმა ერთობლივმა მხარდაჭერამ უდიდესი სასწაული მოახდინა.
არც კი ვიცი, მადლობა როგორ გადაგიხადოთ... ამ გვერდში დგომისთვის, ამხელა სითბოსთვის და სიყვარულისთვის.
უზომოდ გვიყვარხართ თითოეული თქვენგანი! ❤️🙏
პ.ს. კეთილი სურვილები ისევ გვჭირდება, ხვალ მნიშვნელოვანი ტომოგრაფია აქვს ჩვენს ბიჭს 😊❤️
