06/03/2025
早前有留意開我們既都應該記得我地與本地木工製作緊實木屏風。女主人向來喜歡實木傢俬，所以今次正好比左一個機會我地同一木Ken 合作，一共製作了3隻趟得活動屏風同1隻大梗屏風。
這是女主人的書房，平時唔用既時候可以趟開屏風令客廳的空間感覺更大，同時中間梗的屏風成為了sofa的backdrop。而想專心工作又或者有家人朋友過來留宿時都可以成為獨立的房間使用。
我地希望保留書房私隱度的情況下也令房間不會有太侷促的感覺，就加入了來自日本帶有和紙pattern 的膠片夾在實木屏風中間，令光線可以穿透客廳與書房，但又望唔到兩邊。而呢個想法就增加了呀ken 製作屏風的難度，要對齊膠片兩邊木條的位置。
今次既合作與呀Ken 討論了很多，係一啲細節位上都唔放過，例如能否加入弧形嘅元素以及屏風腰間位置直邊與橫邊三角形入榫的駁口做法，因高低級而想做成斜口，希望成品可以展現到實木入榫的做法同時保留到設計的獨特性，得到既回覆係：「點都同你死掂佢！」
樓宇的客貨𨋢很細，喺設計的時候已經考慮到sofa 背想有一大幅屏風的呎吋是無法進入客𨋢，但大家都覺得一大幅會比較好看，幸好客人居住的樓層較矮，所以我地一起決定搬樓梯上去。
有空也可以去觀塘上一木的興趣班，支持一下本地木工產業。
Design .artisans
Made
接下來等我陸續介紹這個項目的其他位置給大家！
#香港住宅設計 #住宅設計 #香港室內設計 #室內設計
