男煮人的浮誇食堂

22/09/2026

【 零難度屋企做！雙重爽脆「手打馬蹄蓮藕煎肉餅」✨ 】

放工想食家常菜，但又嫌蒸肉餅太沉悶？今晚等男煮人教大家整呢個香口極致外脆Juicy嘅「手打馬蹄蓮藕煎肉餅」！

呢個肉餅嘅靈魂，就在於「雙重爽脆」——同時加入馬蹄嘅清甜同蓮藕嘅口感！手打豬肉餡鎖緊肉汁，煎到兩面金黃焦香。一口咬落去，外層脆口入面肉汁澎湃，仲咬到爽口嘅馬蹄同蓮藕粒，口感豐富到極致，配飯加個靚豉油真係可以食多兩碗！

🛒 材料包括
免治豬肉 500g、馬蹄 4-5粒（切粒）、蓮藕1小節（切粒）、蒜蓉少許、黑胡椒碎少許、生蔥花少許。

醃料： 甜豉油 1湯匙、蠔油 1湯匙、生粉 2湯匙、麻油兩圈、胡椒粉少許、水3湯匙（分次打入肉餡）。

👨🏻‍🍳3步爆汁秘訣
* 1️⃣ 手打起膠： 免治豬肉加入醃料，分次加入清水，順時針方向用力攪拌至起膠；加入生粉攪拌最後兩圈麻油封面(包你滑到飛起)
* 2️⃣ 混合成形： 倒入切粒嘅馬蹄同蓮藕拌勻，捏成大小相若嘅圓形肉餅。
* 3️⃣ 煎至金黃： 熱鑊下油，中小火將肉餅煎至兩面金黃冚蓋焗熟、邊緣微焦即可起鑊！

呢個餸可以淨係落馬蹄，或者淨係落蓮藕都冇問題📌 【收藏】落嚟聽晚試吓整！【Share】Send 俾身邊鍾意食「肉餅」嘅朋友！

#男煮人的浮誇食堂 #手打馬蹄蓮藕煎肉餅 #煎肉餅 #簡易食譜

19/09/2026

【 🥵夏日消暑正氣首選！清甜鮮美「節瓜瑤柱煲唐排」🍲 】

節瓜正氣、清熱消暑，加埋滋陰補腎提鮮一流嘅江瑤柱同唐排，煲出嚟嘅湯底清甜無比，好清又無油，飲完即刻舒暢！

重點係煲一個半小時就飲得，快靚正，最適合放工極速煲嘅靚湯

🛒 材料簡單
節瓜 3隻、江瑤柱8-10粒（預先浸軟）、唐排 400g、生薑 2片、水約2.5公升。

👨🏻‍🍳3 步搞掂
1️⃣ 預備材料： 唐排冷水落鑊汆水去血水，沖水洗乾淨用火槍燒一燒啲骨更香；節瓜去皮切大塊；瑤柱浸軟備用。
2️⃣ 車晒入煲： 煲滾 2.5 公升水，將唐排、節瓜、瑤柱連浸水同薑片一次過放入煲內。
3️⃣ 煲 1.5 小時： 大火滾 15 分鐘後轉中細火煲 1.5 小時，熄火前加少少鹽調味，搞掂飲得！

📌 【收藏】呢個靚湯！【Share】 Send 俾身邊朋友得閒過嚟飲吓，好好味㗎！

#男煮人的浮誇食堂 #節瓜瑤柱煲唐排 #夏日湯水 #廣東靚湯 #家常靚湯

19/09/2026

22/08/2026

☀️Yeah朝早整一個零澱粉Salad Bowl🥗
新鮮沙律菜+慢煮即食雞胸+泡菜+希臘乳酪奇亞籽+焦糖洋蔥+生洋蔥

飽足感滿滿🈵🈵～再加一杯Espresso Tonic又爽又冇負擔💯

呢個組合大家可以試吓😋😋😋

#減肥餐單 #健康餐 #低糖質レシピ #男煮人的浮誇食堂🥢🙇🏻‍♂

31/07/2026

🍶日式居酒屋佐酒小食【🧄脆蒜蔥香炸蝦春卷🫔】
🥳又準備到週末喇，又係時候煮吓嘢食飲番杯放鬆吓！🤩今日同大家分享一個居酒屋佐酒小食【脆蒜蔥香炸蝦春卷】；材料簡單，用上春卷皮包住彈牙蝦膠，原粒鮮甜粟米，色彩鮮艷爽口嘅甘筍絲紫椰菜絲；配埋萬字新出嘅【爽爽脆醬油】同【萬字甘甜燒肉汁】做調味，新鮮即包即炸即食一啖咬落去真係好正，即刻無保留教大家點做！

🛒材料包括
春卷皮（6吋大小）
蝦膠 300g
粟米粒，甘筍絲，紫椰菜絲(按個人喜好自行添加調整份量)
萬字爽爽脆醬油 (隨心，我保證您食唔停口)
萬字甘甜燒肉汁(2茶匙匙)

👨🏻‍🍳詳細做法
1️⃣先將蝦膠手打至起膠，然後混入已經準備好的粟米粒，甘筍絲，紫椰菜絲
2️⃣加入萬字爽爽脆醬油，2茶匙匙萬字甘甜燒肉汁調味；然後攪拌均勻放雪櫃醃15分鐘
3️⃣開始包春卷，將蝦膠餡料放上春卷皮，然後包緊；油溫180度左右慢慢炸至金黃色，期間不停攪拌確保春卷每面金黃即可撈起
4️⃣造型擺盤：將炸好的春卷45度打斜切開露出色彩鮮艷餡料，最後加上少少【萬字爽爽脆醬油】做Topping裝飾，Um....一啖咬落去真係好正

🎌呢個【萬字爽爽脆醬油】真係好有驚喜，醬油鮮味+炸蒜惹味+芝麻香氣；不論當調味就咁點，撈，炒嘅菜式，甚至即開即食都好百搭，真係點食都得；🇯🇵日式【萬字甘甜燒肉汁】本身已經調好曬味，好香芝麻味帶甘香微甜一開就用得非常方便，我好鍾意用嚟做汁燒牛仔骨，甚至用嚟配燒烤都好惹味！未試過嘅朋友仔真係要買試下。

萬字醬油 Kikkoman HK (Official)
🛒可以喺邊度買得到⁉️
萬字爽爽脆醬油 - 百佳超級市場 【百佳特價$26 (原價$47) 優惠期 31/7-13/8/2026】
萬字燒肉汁系列 - 百佳/惠康超級市場/HKTVmall

#萬字醬油 #萬字爽爽脆醬油 #萬字燒肉汁系列 #男煮人的浮誇食堂

29/07/2026

🥩你平時煎牛扒，係咪好似開盲盒咁憑感覺？伸隻手出嚟！今次教你點樣一秒睇清牛扒熟成度！

煎牛扒唔使再憑感覺喇！只要伸出你的手掌，摸摸大拇指下方的「大魚際肌」，就能精準對比牛排熟度：
🖐🏻放鬆手掌 ＝ Raw（生肉）
👆🏻大拇指 ＋ 食指 ＝ Rare（三成熟）
🖕🏻大拇指 ＋ 中指 ＝ Medium（五成熟） 🌟 最推薦熟度！
💍 大拇指 ＋ 無名指 ＝ Medium Well（七成熟）
🤙🏻大拇指 ＋ 小指 ＝ Well Done（全熟）

💡 Keith 的浮誇食堂小貼士（Tips）：除了摸手掌，牛扒起鑊後一定要 Resting（靜置）至少 5 分鐘(煎幾耐就Rest幾耐)！咁樣先會鎖住肉汁，切開先不會「流血水」🔪

呢個方法超簡單，分享俾你啲成日控制唔到牛扒熟成嘅朋友啦

#煎牛扒技巧 #牛扒晚餐 #如何煎出完美牛扒 #男煮人的浮誇食堂🙇🏻‍♂️🙏🏻

24/07/2026

⛱️夏日低卡健美涼透心🥰【翠玉瓜涼麵🥒🍜】
🥵咁熱煮飯真係好辛苦，今日同大家分享一個唔駛開火嘅涼麵食譜；簡單一條翠玉瓜就做到，高纖低卡零碳水真係清爽涼透心！配埋萬字新出嘅【爽爽脆醬油】同生姜燒肉汁，翠玉瓜清爽啖啖炸蒜炸洋蔥真係好食到停唔到口！即刻教大家點做！

🛒材料包括
韓國翠玉瓜1條(🇰🇷韓國口感更脆)
帝王蟹棒1條
車里茄 (3粒)
萬字爽爽脆醬油 (隨心，我保證您食唔停口)
萬字生姜燒肉汁(1－2湯匙)

👨🏻‍🍳詳細做法
1️⃣洗乾淨翠玉瓜，然後小心刨成條狀，唔使心急盡量保持完整長麵形狀
2️⃣將翠玉瓜放上日式器皿，上面鋪上蟹柳絲，沿邊車里茄裝飾
3️⃣預留一束翠玉瓜放上最頂然後淋上萬字生姜燒肉汁， 最後加上萬字爽爽脆醬油做Topping，放入雪櫃雪15分鐘，夏天食真係邊爽涼透心！

🇯🇵呢個【萬字爽爽脆醬油】真係好有驚喜😱醬油鮮味+炸蒜惹味+芝麻香氣；不論當調味就咁點，撈，炒嘅菜式，甚至即開即食都好百搭，真係點食都得；🎌日式【萬字生姜燒肉汁】本身已經調好曬味，一開就用得非常方便，我好鍾意用嚟炒吓日式雜菜，甚至用嚟做日式炒飯炒烏冬都好惹味！未試過嘅朋友仔真係要買試下。

萬字醬油 Kikkoman HK (Official)
🛒可以喺邊度買得到⁉️
萬字爽爽脆醬油 - 百佳超級市場
萬字燒肉汁系列 - 百佳/惠康超級市場/HKTVmall

#萬字醬油 #萬字爽爽脆醬油 #萬字燒肉汁系列 #男煮人的浮誇食堂

22/07/2026

【 🧇唔使窩夫機🙅🏻‍♂️！極邪惡外脆內軟「氣炸豆腐窩夫」全日早餐 🍳✨ 】
📣全線 Gym L 同減脂星人請注意🚨 每日放工去完 Gym 仲要朝朝食白烚雞胸同烚蛋，係咪食到個人懷疑人生呢？

今日教大家整呢個 【高蛋白豆腐窩夫全日早餐】，直頭係減肥界嘅世一偽裝早餐！將爆漿豆腐直接放入氣炸鍋，完全唔使窩夫機，就可以炸出金黃香脆、極有儀式感嘅 Waffle 造型！外層翠翠入面鬆軟爆漿，高蛋白超低脂～一絕。

再配埋一件煎香嘅即食雞胸肉、同埋一隻邊燶邊流心太陽蛋 🍳……刀子一劃，黃金蛋汁一湧而出。呢個ADB 蛋白質直接打爆，食完即刻想去 Pump 多兩組！配方流程已經幫你執好，極速睇片啦！

🛒 增肌減脂材料清單
靈魂主角： 爆漿豆腐 1盒
蛋白質孖寶： 即食雞胸肉 1件、雞蛋 1隻
配菜與調味： 紅黃椒 酌量、沙律菜、奇異果、橄欖油、黑胡椒、鹽 少許

👨🏻‍🍳男煮人擺盤四部曲
1️⃣ 豆腐吸水： 豆腐倒出嚟瀝乾水，用廚房紙徹底印乾表面水分（呢步好重要，夠乾先會脆）。
2️⃣ 氣炸豆腐： 喺豆腐表面刷上一層薄薄嘅橄欖油，直接放入氣炸鍋。195°C 氣炸大約 12-15 分鐘，炸到表面金黃脹卜卜，窩夫造型即刻出晒嚟！
3️⃣ 煎香配料： 趁氣炸緊，同步落鑊煎熟隻流心太陽蛋。煎香埋舊雞胸肉同三色椒，撒少少黑胡椒同鹽調味。
4️⃣ 精緻疊疊樂： 豆腐窩夫做底，淋少少蜂蜜（或黑醋），疊上雞胸肉、太陽蛋，側邊擺埋沙律菜同奇異果。搞掂，有品味嘅 Gym 飲食就係咁簡單！

📌 【收藏】定留返個 Weekend 嚟 Chill 住整，順手【些牙（Share）】俾你身邊個日日淨係識食烚雞胸、食到面青青嘅 Gym 友啦！

#男煮人的浮誇食堂 #增肌減脂 #減肥食譜 #氣炸鍋食譜 #健身教練

20/07/2026

【🤮咳到甩肺救星！清甜潤肺廣東靚湯：霸王花螺片瘦肉湯 🥣✨ 】
🥵最近天氣熱到爆炸，加上世界盃個個熬夜睇波啲虛火升到呢……喉嚨乾到好似吞咗兩包蘇打餅咁。呢排身邊總有幾個人咳到甩肺，聽見都辛苦曬。

今日煲返個經典廣東靚湯，潤一潤佢。
🍲呢煲【霸王花螺片瘦肉湯】清熱潤肺又止咳化痰。加埋響螺片去煲，成個湯底非常清甜。滋陰得嚟又解渴。

影片最尾有齊詳細材料比例。快啲【些牙（Share）】俾你身邊咳到甩肺、或者呢期晚晚捱夜睇波嘅FD或者同事，叫佢煲嚟飲。

🛒 材料包括（三至四人份）： 霸王花 70g、響螺片 4片、玉竹 10g、雪耳 2個、蜜棗 4粒、南北杏 10g、瘦肉 300g、清水 3公升。

👨🏻‍🍳詳細做法：
1️⃣瘦肉一定要凍水落鑊汆水，見到啲白色浮沫就撈起，用清水沖乾淨。
2️⃣注入 3 公升水，將所有材料一次過車晒入煲。大火滾起之後，記住用筷子攪一攪，費事黐底。
3️⃣轉中細火煲 2 個鐘。因為螺片本身帶點鹹味，熄火前先試味，再決定落幾多鹽。

夜晚煲定，聽日用保溫杯裝返公司飲，正曬🙌🏻

⁠ #男煮人的浮誇食堂 #霸王花螺片瘦肉湯 #廣東靚湯 #清熱潤肺 #自煮