D2 Workshop

D2 Workshop D2 Workshop 以製作入屋、人性化、適合大眾生活使用訂製作品為主調的木工製?

工藝佬用工藝腦戴工藝帽Thx
24/03/2026

工藝佬用工藝腦戴工藝帽
Thx

大約幾個月前，有一間初創公司搵我合作，其實我通常都唔願意去同製作以外嘅單位合作，經驗話我知，有好多係想喺我身上搵著數，往往係得不償失。經過一番時間嘅了解同見面溝通，我發現原來係一班年輕人去搞有關回收膠嘅板材製作公司，我覺得係好值得支持佢哋，...
10/03/2026

大約幾個月前，有一間初創公司搵我合作，其實我通常都唔願意去同製作以外嘅單位合作，經驗話我知，有好多係想喺我身上搵著數，往往係得不償失。經過一番時間嘅了解同見面溝通，我發現原來係一班年輕人去搞有關回收膠嘅板材製作公司，我覺得係好值得支持佢哋，所以成就咗我哋今次第一次嘅合作。
確實有好多木工嘅製作要融入膠品上，要做到工藝同物料質感平衡確實係一個幾高難度嘅挑戰，有幸我嘅旋轉木盒設計經過適當嘅調整，都可以做到滿意嘅配搭。我覺得係支持環保及工藝應用上嚟講，呢個製作都係一個幾好嘅表現方式。
有好多人可能會認為環保塑膠配木材係一件牛頭不搭馬嘴嘅配搭，而我喺製作上所花嘅心思，正正係想突破呢個缺口。過程亦令我發現，應用上比起大理石更有優勢，最起碼喺碰撞上唔會驚佢整爛或者刮花冇得修復。我覺得係好融入家中應用嘅好產物。希望透過今次嘅經驗，可以在嘗試更多嘅使用方式，畀多啲人有更多嘅物料選擇去配搭出心儀嘅設計。
-
合作夥伴：
地點：香港
年份：2026
產品：農曆新年旋轉「攢盒」

#升級再造 #永續設計 再生塑膠 文化創新

畀大家葡萄嘅post！我朋友木廠清貨嘅活動已經完咗，上次已經拍片交代曬，但而家調返轉就有人會問我有冇買到木俾畀自己，可以攞出嚟私讓🤷🏻‍♂️。我只係喺佢廠入面，獨獨買咗一塊板畀自己，所以我係唔會賣畀你哋嘅！呢塊板我係年初三幫佢手執廠嘅時候，...
06/03/2026

畀大家葡萄嘅post！
我朋友木廠清貨嘅活動已經完咗，上次已經拍片交代曬，但而家調返轉就有人會問我有冇買到木俾畀自己，可以攞出嚟私讓🤷🏻‍♂️。我只係喺佢廠入面，獨獨買咗一塊板畀自己，所以我係唔會賣畀你哋嘅！
呢塊板我係年初三幫佢手執廠嘅時候，一眼睇中一定要買，係真正嘅一見鍾情呀🤩！啲紋靚到爆炸！同大家介紹返：龍眼木！究竟我會用佢嚟做啲咩產品？遲啲你就知😏……

03/03/2026

澄清啟事！😂
有關香港木嘅問題，請於facebook聯絡：
「重光造作」。唔關我事！😎

多謝各位支持，現在特別加開由3月5號星期四下午三點到六點時段基礎班，特別適合好多返散工嘅朋友或學生，內容同其他基礎班一樣。有興趣嘅朋友，把握最後呢個星期報名呀👍🏻
25/02/2026

多謝各位支持，現在特別加開由3月5號星期四下午三點到六點時段基礎班，特別適合好多返散工嘅朋友或學生，內容同其他基礎班一樣。有興趣嘅朋友，把握最後呢個星期報名呀👍🏻

人賣嘢你賣嘢，邊有人賣唔晒啲貨好似你咁開心，你跟本由頭到尾都係想自肥，靚嘢keep返俾自己唔益人就係你最想得到嘅結果！開彩我自己同啲學生都揀緊啲好嘢，如果唔係睇到你最後開心樣就真係蝕晒，我嚴重懷疑呢條友唔整個IG俾人睇係因為呢個原因！所以真...
21/02/2026

人賣嘢你賣嘢，邊有人賣唔晒啲貨好似你咁開心，你跟本由頭到尾都係想自肥，靚嘢keep返俾自己唔益人就係你最想得到嘅結果！開彩我自己同啲學生都揀緊啲好嘢，如果唔係睇到你最後開心樣就真係蝕晒，我嚴重懷疑呢條友唔整個IG俾人睇係因為呢個原因！
所以真係要恭喜各位有買到木嘅朋友，無俾佢呃到！攞到走啲心頭好係明智嘅選擇！遲啲真係要等我哋班木工人再集氣逼佢再賣嘢先得！唔抵得佢咁開心！

＜初四初五閪口閪面木廠收皮大平賣＞終於完成初四第一日，得返最後初五星期六咋，唔嚟就走一世寶啦！我會下晝3點到現場幫手，有嘢唔明嘅朋友可以問老闆同我哋幾個木工朋友，甚至乎想問製作上嘅意見都可以。而我嘅私心係，想再買啲人哋走漏眼嘅靚木🤭無仇報！...
20/02/2026

＜初四初五閪口閪面木廠收皮大平賣＞終於完成初四第一日，得返最後初五星期六咋，唔嚟就走一世寶啦！我會下晝3點到現場幫手，有嘢唔明嘅朋友可以問老闆同我哋幾個木工朋友，甚至乎想問製作上嘅意見都可以。而我嘅私心係，想再買啲人哋走漏眼嘅靚木🤭無仇報！

日期：20／2，21／2農曆初四初五
地點：粉嶺軍地北邨20號
時間：下午1點到6點
如何去：粉嶺火車站52k綠色小巴／九巴78k,79k

定位：https://maps.app.goo.gl/zy6q2omzzCj6beBQ7

呢度個負責人話喎，啲樁頭段mm計喎，即係300mm就300蚊！嘩！會唔會過份平呀！聽日同後日唔嚟就1走寶啦！
19/02/2026

呢度個負責人話喎，啲樁頭段mm計喎，即係300mm就300蚊！嘩！會唔會過份平呀！聽日同後日唔嚟就1走寶啦！

新年快樂！身體健康！事事順意！🧧🏮🍎為各位介紹一下新年節目：（Repost From FB 重光造作）------------------------------------------------＜初四初五閪口閪面木廠收皮大平賣＞日期：2...
17/02/2026

新年快樂！身體健康！事事順意！🧧🏮🍎
為各位介紹一下新年節目：
（Repost From FB 重光造作）
------------------------------------------------
＜初四初五閪口閪面木廠收皮大平賣＞

日期：20／2，21／2農曆初四初五
地點：粉嶺軍地北邨20號
（準確定位可以pm或留言，我見到嘅話就會覆）
時間：下午1點到6點（如果朝早想早啲開年嘅都可以pm我）
如何去：粉嶺火車站52k綠色小巴／九巴78k,79k
-----------------------------------------------
如果你問我，要喺香港搵香港木我可以搵邊個製作單位或木材供應商，我只會介紹「重光造作」。無論處理木材嘅方法，木材嘅質量，我夠膽講係我用過嘅所有供應商入面，絕對係頂流，業界質量天花板！重點係價錢公道！而負責人阿Roy亦都講過，呢間廠係project base，有project接到做就用佢繼續維持件事，相對冇project嚟講呢個廠就冇呢個存在嘅需要。終於嚟緊合約期滿，負責人都需要一啲時間歇息，所以決定初四初五教清貨大平賣。希望有興趣嘅朋友都去幫幫手去現場減磅，等佢可以清得舒服啲。
🔥另外為咗支持呢位朋友嘅呢件盛事，佢話要買嘅人係響我哋朵嘅話，買板有八折，同時如果係選擇搵我加工、訂造產品，我都會願意畀返八折優惠去做。
初四初五見👍🏻🔥

14/02/2026

旋轉木盒+木工班Update！

11/02/2026

木工基礎班update

啱啱教完班，同同學仔傾過一啲往事，勾起咗一啲我以往做嘢打拼嘅回憶，有少少感觸…… 人老了，總事回顧過去。以前從事嘅行業，總是覺得多姿多彩，回報同成功感都好強，收益亦大。十幾年前嘅一個毅然勇敢嘅決定，喺某啲人眼中，總會覺得得不償失。但喺我自身...
09/02/2026

啱啱教完班，同同學仔傾過一啲往事，勾起咗一啲我以往做嘢打拼嘅回憶，有少少感觸…… 人老了，總事回顧過去。
以前從事嘅行業，總是覺得多姿多彩，回報同成功感都好強，收益亦大。十幾年前嘅一個毅然勇敢嘅決定，喺某啲人眼中，總會覺得得不償失。但喺我自身嘅角度去睇，我只有充滿感恩。用返最老土嗰句去回應一啲擔心我嘅人：有幾多人真係有機會將自己喜歡嘅事變成事業？我自問我做到了。冇錯，好多嘢都親力親為，好多嘢都冇辦法假獸於人，好多壓力都只能自己面對同埋承擔，難道呢個唔係每一個香港人嘅寫照嗎？所以我都只不過係過緊一個普通人嘅生活。你冇需要羨慕我，我冇需要妒忌你，平安感渡過每一日，已經係幸福嘅表現。
希望每一個香港人：平安！

Address

Room 307, 3/F. , Leader Industrial Centre, 57-59 Au Pui Wan Street, Shatin, N. T
Hong Kong
-

Telephone

+85296729472

Website

Alerts

Be the first to know and let us send you an email when D2 Workshop posts news and promotions. Your email address will not be used for any other purpose, and you can unsubscribe at any time.

Contact The Business

Send a message to D2 Workshop:

Shortcuts

Share

Category