08/09/2026
Mt Kailsh- Kailasa 為梵文水晶嘅意思, 在印度教這座山被形容為如同水晶般純淨、剔透且散發光芒的神聖之地。喺西藏呢座神山叫岡仁波齊 Gang Rinpoche 。Gang在藏語中意為雪山，Rinpoche 為珍寶，即 雪山之寶。她也常被視為是世界的中心。
幾年前在印度北部喜馬拉雅山脈及尼泊爾早已聽見過一些在海外藏民, 喇嘛和虔誠的印度、尼泊爾佛教徒
說起他們一生的願望就是到布達拉宮以及岡仁波齊峰一睹她的風彩。 那是我第一次認識到Mt Kailsh。
還記得在印度藏傳佛教地區曾看到有朝聖團到印度 Uttarakhand和西藏的邊境遙遠去看這山峰， 聽說
這朝聖團非常popular。 因為這些人由於種種原因冇辦法踏入西藏疆土,所以只能遙遙相望, 望梅止渴。 如果天氣唔好, 稍有少少雲霧 (which is非常common)上到5900海拔嘅view point 乜都睇唔到,你就前功盡廢。
當時聽完佢哋講過， 幾年後我就忘記咗呢座神山。直至到今年年頭朋友再次提起，今次仲話要去轉山， 我就梗係lur飯應啦。
想來這裏, 除咗好想睇下呢座傳說中咁出名嘅山有咩特別, 另外也帶住想試試自己耐力嘅心態睇下可唔可以行到超過5600 海拔嘅路況... 好好彩多謝神山庇佑
兩樣都做得到, 能夠近距離望住她， 近到可以睇到佢嘅紋路， 亦有幸到過她腳下的寺廟止熱寺參拜。
但係轉這座神山嘅過程中發現佢有更吸引嘅地方, 而佢嘅吸引力唔係可以用三言兩語去形容，亦都冇一個實質嘅原因。 話條路況好靚？絕對唔係。 只有三分一嘅路可以望到神山， 其餘嘅都係普通嘅碎石路， 風景其實一般般， 人又多。某啲路段仲鋪滿咗轉山人士留下來嘅垃圾，絕對令人心痛。但冥冥中佢有種吸引力會吸引你再返去... 可能唔係座山令到我想返去, 而係見到整條轉山路佈滿虔誠嘅藏民, 佢哋帶著如鑽石般堅硬嘅意志去完成一個又一個嘅轉， 有些甚至不眠不休轉足三次， 加埋有足足150多公里... 有啲用好多天嘅時間磕著長頭完成一圈， 額頭上都佈滿了灰塵...
呢一個神聖嘅氛圍, 令我想再次踏足這個令人念念不忘嘅神聖景地。
