22/09/2026
🔴 साहित्य :--
1) - २ कप बेसन
2) - १ कप तांदळाचे पीठ
3) - १ चमचा लाल तिखट
4) - ¼ चमचा हळद
5) - ½ चमचा ओवा
6) - १ टेबलस्पून तीळ
7) - २ टेबलस्पून तूप किंवा तेल
8) - चवीनुसार मीठ
9) - आवश्यकतेनुसार पाणी
1o) - चकली तळण्यासाठी तेल
🔥 बेसनाची चकली बनवायची कृती :--
1) सर्वप्रथम एका मोठ्या भांड्यात बेसन, तांदळाचे
पीठ, तीळ, ओवा, हळद, लाल तिखट आणि मीठ
एकत्र करून व्यवस्थित मिसळून घ्या.
2) आता त्यामध्ये मोहनासाठी तूप किंवा तेल घाला.
हाताने पीठ चांगले चोळून घ्या, जेणेकरून मोहन
संपूर्ण पिठात व्यवस्थित मिसळेल. मोहन योग्य झाले
आहे की नाही हे पाहण्यासाठी थोडे पीठ हातात
घेऊन दाबून पाहा; ते सहज एकत्र आले तर
मोहन योग्य आहे.
3) यानंतर थोडे-थोडे पाणी घालत मऊसर पीठ
मळून घ्या. पीठ खूप सैल किंवा खूप घट्ट ठेवू नका पीठ तयार झाल्यावर ते झाकून काही मिनिटे
बाजूला ठेवून द्या.
4) आता चकलीच्या साच्यामध्ये स्टार आकाराची
प्लेट लावा. त्यात तयार केलेले पीठ भरून घ्या. एका प्लास्टिक शीटवर किंवा बटर पेपरवर थोडे तेल लावून घ्या.
5) चकलीच्या साच्याच्या मदतीने गोलाकार चकल्या
पाडून घ्या. चकली बनवताना तिच्या गोल फेऱ्या
व्यवस्थित जोडलेल्या राहतील याची काळजी घ्या,
म्हणजे तळताना चकली फुटणार नाही.
6) यानंतर कढईत चकली तळण्यासाठी तेल
गरम करा. तेल मध्यम आचेवर गरम असणे
महत्त्वाचे आहे. तेल खूप गरम असेल तर चकली
वरून पटकन लाल होईल आणि आतून नीट
तळली जाणार नाही.
6) तेल योग्य तापमानाला आल्यावर चकल्या
सावधपणे तेलात सोडा. मध्यम आचेवर चकल्या
दोन्ही बाजूंनी छान सोनेरी आणि कुरकुरीत
होईपर्यंत तळून घ्या.
7) तळलेल्या चकल्या टिश्यू पेपरवर काढा,
जेणेकरून त्यातील अतिरिक्त तेल निघून जाईल.
चकल्या पूर्णपणे थंड झाल्यानंतर त्या
एअरटाइट डब्यात भरून ठेवा.
8) अशा प्रकारे घरच्या घरी तयार केलेली बेसनाची
चकली चहासोबत किंवा पाहुण्यांसाठीही मस्त स्नॅक
म्हणून सर्व्ह करू शकता. कुरकुरीत आणि चटपटीत
चकली एकदा करून पाहिली की बाजारातून
आणण्याची गरजच भासणार नाही!
👌🔥 तर अशा प्रकारे आपली कुरकुरीत,
खमंग आणि चटपटीत बेसनाची चकली
तयार झाली आहे. 😋 ही रेसिपी तुम्हाला
आवडली असेल तर व्हिडिओला लाईक करा,
तुमच्या मित्रमैत्रिणींना आणि कुटुंबीयांना
नक्की शेअर करा.अशाच सोप्या आणि चविष्ट
रेसिपींसाठी आपल्या पेजला फॉलो करा"
पुन्हा भेटूया एका नवीन आणि स्वादिष्ट रेसिपीसोबत.
तोपर्यंत छान खा, आनंदी रहा आणि माझ्या रेसिपी
नक्की करून पाहा. धन्यवाद! ❤️ 🙏
#मराठीरेसिपी
