Thrikkarthika

01/09/2026

ഞാൻ ഉണരുന്നത് ആരും എന്നെ വിളിച്ചിട്ടില്ല , വെളിച്ചം എന്റെ കണ്ണിൽ തൊടുമ്പോഴാണ്.

ഇന്നലെ എവിടെയായിരുന്നു, നാളെ എവിടെ പോകണം എന്നൊന്നും ഞാൻ ഓർക്കാറില്ല. എനിക്ക് ഇന്ന് മാത്രമേയുള്ളൂ. ഈ ആകാശം, ഈ ഭൂമി ഈ ഒരു നിമിഷം അത്രമാത്രം.

ഞാൻ പറക്കുമ്പോൾ ഞാൻ ചിന്തിക്കുന്നില്ല, ഞാൻ കാറ്റാകുകയാണ്. താഴെ മനുഷ്യർ വലിയ വലിയ വീടുകൾ കെട്ടി, വലിയ വലിയ മതിലുകൾ കെട്ടി, അതിനുള്ളിൽ സുരക്ഷിതരാണെന്ന് വിശ്വസിക്കുന്നു. എന്നെ നോക്കൂ, എനിക്ക് മതിലില്ല, സ്വത്തില്ല, പൂട്ടിയിട്ട മുറിയില്ല. എന്നിട്ടും ഈ ആകാശം മുഴുവൻ എന്റേതാണ്.

എനിക്ക് ദുഃഖമുണ്ടോ? എന്ന് ചോദിച്ചാൽ ഉണ്ട്. കൊച്ചു ചുള്ളിക്കമ്പുകൾ കൊണ്ട് ഞാൻ ഉണ്ടാക്കിയ കൂട് കാറ്റത്ത് വീഴുമ്പോൾ, എന്റെ കുഞ്ഞുങ്ങൾ പറക്കാൻ വൈകുമ്പോൾ. പക്ഷെ ഞാൻ കരയില്ല. ഞാൻ വീണ്ടും പറക്കും, വീണ്ടും ചുള്ളിക്കമ്പുകൾ കൊണ്ടുവരും, വീണ്ടും കൂട് ഉണ്ടാക്കും

മനുഷ്യരുടെ ലോകം താഴെ തിരക്കിലാണ്. അവർ ഓടുന്നു. എന്തിനെന്ന് അവർക്കു പോലും അറിയില്ല . ഞാൻ അവരെ നോക്കി ചിലപ്പോൾ സങ്കടപ്പെടും. എന്തിനുവേണ്ടിയാണ് ഇവർ തിരക്ക് കൂട്ടുന്നതെന്ന് .

എന്റെ പ്രാർത്ഥന അത്ര വലുതൊന്നുമല്ല. ഇന്ന് പ്രകൃതി അനുകൂലമാകണം. ഒരു തുള്ളി വെള്ളം കിട്ടണം, അല്പം ഭക്ഷണം കിട്ടണം . എന്റെ കൂട്ടുകാരിയുടെ കണ്ണിൽ നോക്കി ഒരു പാട്ട് പാടണം. വൈകുന്നേരം തിരിച്ചു വരുമ്പോൾ വിശ്രമിക്കാൻ ഒരു മരച്ചില്ല ബാക്കിയുണ്ടാകണം.

ഞാൻ സ്വതന്ത്രയാണ്, കാരണം ഞാൻ ഒന്നിനെയും പിടിച്ചു വെക്കുന്നില്ല❤
ശുഭദിനം 🥰

31/08/2026

വീട്ടുമുറ്റത്തു കൃഷി ചെയ്യൂ വിഷരഹിത പച്ചക്കറികൾ കഴിക്കൂ ❤

31/08/2026

എന്നിലെ ഞാൻ.........
ഞാൻ ആരൊക്കെയാണ്
ചിലപ്പോൾ അമ്മയായി -
ആരും കാണാതെ കരയുന്നവരെ
മാറോട് ചേർക്കുന്നവൾ.

ചിലപ്പോൾ പോരാളിയായി -
വീണിടത്ത് നിന്ന് തന്നെ
പൊടി തട്ടി എഴുന്നേൽക്കുന്നവൾ,
ആരുടെയും സഹതാപം കാത്തു നിൽക്കാത്തവൾ.

ചിലപ്പോൾ കുട്ടിയായി -
ചെറിയൊരു മഴയിൽ നനയാൻ കൊതിക്കുന്നവൾ,
കാരണമില്ലാതെ പൊട്ടിച്ചിരിക്കുന്നവൾ.
അച്ഛനും, അമ്മയ്ക്കും രാജകുമാരി
ആയിരുന്നവൾ
കൂട്ടുകാർക്കിടയിൽ ചിരിക്കൂടുക്ക
ആയിരുന്നവൾ

ചിലപ്പോൾ മൗനമായി -
എല്ലാം കേട്ടിട്ടും ഒന്നും മിണ്ടാത്തവൾ,
പറയേണ്ടത് എപ്പോൾ പറയണമെന്ന്
കാലം പഠിപ്പിച്ചവൾ.

സ്നേഹിക്കാനും, ശാസിക്കാനും,
ക്ഷമിക്കാനും, മറക്കാനും അറിയുന്നവൾ.

അവൾ ഒരാളല്ല,
അവൾ പലരാണ് -
എന്നിൽ തന്നെ ജീവിക്കുന്ന
എന്റെ പല ജന്മങ്ങൾ.❤❤❤

30/08/2026

രണ്ട് ദിവസമായി പോസ്റ്റ്‌ ഒന്നും ഇടാൻ പറ്റിയില്ല തിരക്കായിരുന്നു.ഇടുക്കിയിലേക്കൊരു യാത്ര, പിന്നെ ഓണം സിനിമ. കുടുംബത്തിലെ മറ്റു തിരക്കുകൾ എല്ലാം 🥰. ഇന്നലെ ബെത്‌ലഹേം കുടുംബ യൂണിറ്റ് എന്ന നിവിൻപോളി ചിത്രം കണ്ടു

ഓണം റിലീസ് ആയി ഓഗസ്റ്റ് 21ന് തിയേറ്ററിൽ എത്തിയ സിനിമ. പ്രതീക്ഷിച്ചത് പോലെ തന്നെ ഒരു ക്ലീൻ ഫീൽഗുഡ് പടം.
വലിയ ട്വിസ്റ്റോ ആക്ഷനോ ഒന്നുമില്ല. കറുകുറ്റിയിൽ കാറ്ററിംഗ് സർവീസ് നടത്തുന്ന ജസ്റ്റിൻ ഡേവിസ് ആണ് നായകൻ. അയൽവാസിയായി എത്തുന്ന ആഷ്‌ലിയുമായി തുടങ്ങുന്ന അടുപ്പമാണ് കഥയുടെ കാതൽ.
ഗ്രാമീണ ക്രിസ്ത്യൻ പശ്ചാത്തലത്തിൽ പ്രണയവും കുടുംബബന്ധങ്ങളും നർമ്മവും ചേർത്തൊരുക്കിയ മനോഹരമായ ഫീൽഗുഡ് ചിത്രം എന്ന് റിവ്യൂകൾ പറഞ്ഞത് വളരെ ശരിയാണ്. പ്രായവ്യത്യാസമുള്ള പ്രണയത്തെ അതിരുകടന്ന നാടകീയതയില്ലാതെ വളരെ പക്വമായി കാണിച്ചിരിക്കുന്നു.
അഭിനയം ഇതിൽ എടുത്തു പറയേണ്ടത് നിവിൻ പോളി തന്നെ.

നിവിൻ പോളി - ജസ്റ്റിൻ ആയി എത്തുന്നു സ്വാഭാവിക പ്രകടനം. പ്രണയിതാവായും സഹോദരനായും സുഹൃത്തായും എല്ലാ ഭാവങ്ങളും നന്നായി ചെയ്തു. പഴയ നിവിനെ തിരിച്ചു കിട്ടിയ ഫീൽ.

മമിത ബൈജു - ആഷ്‌ലി പ്രേമലുവിലെ പോലെ തന്നെ പ്രണയിനിയാണെങ്കിലും അതിൽ നിന്ന് തികച്ചും വ്യത്യസ്തമായാണ് ഇവിടെ പെരുമാറുന്നത്. വളരെ മെച്യൂർഡ്.

സപ്പോർട്ടിംഗ് താരങ്ങളാണ് പടത്തിന്റെ ജീവൻ. സംഗീത് പ്രതാപ്, വിനയ് ഫോർട്ടിന്റെ അമ്മാവൻ കഥാപാത്രം, സുരേഷ് കൃഷ്ണ, ശ്യാം മോഹൻ, ശ്രീന്ദ, മീനാക്ഷി, ബിന്ദു പണിക്കർ - എല്ലാവരും ചിരിപ്പിക്കുന്നുണ്ട്.
സംവിധാനവും ടെക്നിക്കൽ സൈഡും
സംവിധാനം ഗിരീഷ് എ.ഡി, കിരൺ ജോസിയും ചേർന്നാണ് കഥ. തണ്ണീർ മത്തൻ ദിനങ്ങൾ, സൂപ്പർ ശരണ്യ, പ്രേമലു എന്നീ സിനിമകളുടെ അതേ ടച്ച് ഇവിടെയുമുണ്ട്. ഭാവന സ്റ്റുഡിയോസിന്റെ ബാനറിൽ ഫഹദ് ഫാസിൽ, ദിലീഷ് പോത്തൻ, ശ്യാം പുഷ്കരൻ എന്നിവർ ചേർന്നാണ് നിർമ്മാണം.

സംഗീതം വിഷ്ണു വിജയ്, ക്യാമറ അജ്മൽ സാബു - ഗ്രാമീണ അന്തരീക്ഷവും ഗോവയിലെ കടൽത്തീര വൈബും ഒക്കെ മനോഹരമായി പകർത്തിയിട്ടുണ്ട്.
എനിക്ക് ഏറ്റവും ഇഷ്ടപ്പെട്ടത് കുടുംബത്തോടൊപ്പം കാണാൻ പറ്റുന്ന ക്ലീൻ എന്റർടെയ്നർ. ഒരു മോശം തമാശ പോലുമില്ല. നിവിൻ - മമിത കെമിസ്ട്രി. നിർബന്ധിച്ചു തോന്നിക്കുന്ന റൊമാൻസ് അല്ല. രസകരമായ സംഭാഷണങ്ങൾ. ആദ്യ പകുതി നല്ല വേഗത്തിൽ പോകും.
ഒരു ചെറിയ കുറവ് പറയണമെങ്കിൽ, രണ്ടര മണിക്കൂർ ദൈർഘ്യം അവസാന ഭാഗത്ത് കുറച്ചൊന്നു നീണ്ടു എന്ന് തോന്നി. പക്ഷെ ക്ലൈമാക്സ് വൈകാരികമായി കുറച്ചൊക്കെ ചേർത്തുപിടിക്കുന്നുണ്ട്.

ഓണത്തിന് കുടുംബത്തോടൊപ്പം ചിരിച്ചും ആസ്വദിച്ചും കാണാൻ പറ്റിയ ഒരു നല്ല സിനിമ എന്ന് പറയാം ❤ഫോട്ടോസ് ai ആണേ

എല്ലാവർക്കും ശുഭദിനം 🥰

29/08/2026

27/08/2026

ഇന്ന് ബിഗ് ടിവിയിൽ ലക്ഷ്മി പത്മ ആഭ്യന്തര മന്ത്രി രമേശ് ചെന്നിത്തലയുമായി നടത്തിയ അഭിമുഖം കണ്ടു. മനസ്സിനെ ശരിക്കും പിടിച്ചുലച്ചു.

ഓപ്പറേഷൻ തൂഫാൻ എന്ന് കേൾക്കുമ്പോൾ ഒരു പോലീസ് റെയ്ഡ് മാത്രമാണ് എന്ന് തോന്നും. പക്ഷെ അദ്ദേഹം പറഞ്ഞ കാര്യങ്ങൾ കേട്ടപ്പോൾ മനസ്സിലായി, ഇത് നമ്മുടെ കുട്ടികളെ രക്ഷിക്കാനുള്ള അവസാനത്തെ പോരാട്ടമാണ് എന്ന്.

ഈ കുറിപ്പ് എന്റെ കാഴ്ചപ്പാടിൽ എഴുതുന്നതാണ്. ഒരു അമ്മ എന്ന നിലയിൽ. വായിക്കുന്ന ഒരാൾ എങ്കിലും ഒന്ന് ചിന്തിച്ചാൽ, ഒരാൾ എങ്കിലും നന്നായാൽ അത്രയും നന്ന്. എന്തുകൊണ്ടാണ് അമ്മമാർ കൂടുതൽ വിഷമിക്കുന്നത്?
ഇന്റർവ്യൂവിൽ ചെന്നിത്തല സാർ തന്നെ പറഞ്ഞു - പരാതിയുമായി വരുന്നതിൽ കൂടുതലും അമ്മമാരാണ്.

അത് സത്യമാണ്. കാരണം മാറ്റം ആദ്യം കാണുന്നത് അമ്മയാണ്.
• ഉറക്കമില്ലായ്മ, ഭക്ഷണം വേണ്ടായ്മ • ദേഷ്യം, മുറിയിൽ തനിച്ചിരിക്കൽ, പഴയ കൂട്ടുകാരെ ഒഴിവാക്കൽ • കണ്ണിലെ ചുവപ്പ്, പുതിയ വാക്കുകൾ, പുതിയ ചെലവുകൾ
മകന്റെ/മകളുടെ ഉള്ളിലെ കൊടുങ്കാറ്റ് ആദ്യം അറിയുന്നത് അച്ഛനെക്കാളും അറിയുന്നത് അമ്മയാണ്. ആ വിഷമം ആർക്കും മനസ്സിലാവില്ല.
ഓപ്പറേഷൻ തൂഫാൻ ശരിക്കും എന്താണ്?
ഇത് വെറും കഞ്ചാവ് പിടുത്തമല്ല. മൂന്ന് തലങ്ങളുള്ള ഒരു വലിയ യുദ്ധമാണ് എന്ന് മനസ്സിലായി.

തൂഫാൻ സ്ട്രൈക്സ്: നേരിട്ടുള്ള നടപടി - റെയ്ഡ്, പരിശോധന, അറസ്റ്റ്, പിടിച്ചെടുക്കൽ. കേരള പോലീസിന്റെ നേതൃത്വത്തിൽ.

തൂഫാൻ വാരിയേഴ്സ്: ബോധവൽക്കരണം. വിദ്യാർത്ഥികളെ, SPC കേഡറ്റുകളെ, യുവാക്കളെ ലഹരിക്കെതിരെ അംബാസഡർമാരാക്കുക. ഇതിൽ മോഹൻലാൽ സാർ പോലുള്ളവർ വാരിയറായി ചേർന്നു എന്ന് കേട്ടപ്പോൾ പ്രതീക്ഷ തോന്നി.

തൂഫാൻ കെയർ: ചികിത്സയും കൗൺസിലിംഗും. പിടിക്കുക മാത്രമല്ല, നന്നാക്കി തിരിച്ചു കൊണ്ടുവരിക.

സിനിമാക്കാരായാലും, DJ പാർട്ടി, ലക്ഷ്വറി ഹോട്ടലുകളിൽ ആയാലും, VIP ആയാലും നിയമം ഒരുപോലെ ബാധകമാകും എന്ന് അദ്ദേഹം നിയമസഭയിൽ പറഞ്ഞതും ഇതേ ഓപ്പറേഷന്റെ ഭാഗമായാണ്.

കേന്ദ്ര ഏജൻസികളായ IB, NCB, DRI, കസ്റ്റംസ്, കോസ്റ്റ് ഗാർഡ് വരെ ഇപ്പോൾ കേരള പോലീസിനൊപ്പം ചേർന്നിട്ടുണ്ട് എന്നത് കാര്യത്തിന്റെ ഗൗരവം കാണിക്കുന്നു. ലഹരി കേരളത്തിൽ ഉണ്ടാകുന്നതല്ല, പുറത്തുനിന്ന് വരുന്നതാണ് എന്ന് തിരിച്ചറിഞ്ഞുള്ള അന്വേഷണമാണ് നടക്കുന്നത്.

മക്കൾ എപ്പോഴാണ് മാതാപിതാക്കളുടെ കഷ്ടപ്പാട് മനസ്സിലാക്കുക?
ഇതാണ് എന്നെ ഏറ്റവും വേദനിപ്പിച്ച ചോദ്യം.

നമ്മൾ മക്കൾക്ക് നല്ല ഫോൺ, നല്ല വസ്ത്രം, ട്യൂഷൻ എല്ലാം കൊടുക്കാൻ ഓടുകയാണ്. പക്ഷെ അവർക്ക് കൂട്ടുകാരുടെ മുന്നിൽ 'കൂൾ' ആകാനാണ് തിടുക്കം. ഒരു തമാശയ്ക്ക് തുടങ്ങുന്നതാണ്, പിന്നെ അത് ശീലമാകും, പിന്നെ അടിമത്തമാകും.

അവർ മനസ്സിലാക്കുന്നത് പലപ്പോഴും വളരെ വൈകിയാണ് - അമ്മയുടെ കണ്ണീര് കാണുമ്പോൾ, അച്ഛന്റെ കടം കേൾക്കുമ്പോൾ, ജീവിതം കൈവിട്ട് പോകുമ്പോൾ മാത്രം.
ഈ മക്കളുടെ ഭാവി എന്താവും?
ലഹരി ഉപയോഗിക്കുന്ന കുട്ടിക്ക് ഭാവിയില്ല. പഠനം നിലയ്ക്കും, ജോലി കിട്ടില്ല, ഓർമ്മക്കുറവ്, മാനസിക രോഗങ്ങൾ, കുടുംബം തകരും. നാളെ കേരളത്തെ നയിക്കേണ്ട തലമുറയാണ് ഇന്ന് ലഹരിയുടെ പിടിയിൽ.

ഈ നീരാളിപ്പിടുത്തം ഇങ്ങനെ തുടർന്നാൽ കേരളം എന്ന് പറയാൻ ഒരു തലമുറ തന്നെ ഇല്ലാതാകും.
കേരളത്തെ എങ്ങനെ രക്ഷിക്കാം? എന്റെ കാഴ്ചപ്പാടിൽ
പോലീസിനെ മാത്രം കുറ്റം പറഞ്ഞിട്ട് കാര്യമില്ല. നമ്മൾ ഓരോരുത്തരും തുടങ്ങണം.
വീട്ടിൽ നിന്ന് തന്നെ നമുക്കിത്‌ ആരംഭിക്കാം
പോലീസാകരുത്, സുഹൃത്താകുക. ദിവസവും 15 മിനിറ്റ് മക്കളോട് മനസ്സ് തുറന്ന് സംസാരിക്കുക. എന്ത് കഴിച്ചു, ആരെ കണ്ടു എന്ന് ചോദിക്കുക. പോക്കറ്റ് മണി എങ്ങോട്ട് പോകുന്നു എന്ന് ശ്രദ്ധിക്കുക, പക്ഷെ സംശയത്തിന്റെ കണ്ണോടെ അല്ല, കരുതലിന്റെ കണ്ണോടെ. "വേണ്ട എന്ന് പറയാൻ" പഠിപ്പിക്കുക. കൂട്ടുകാർ നിർബന്ധിച്ചാലും NO പറയാനുള്ള ധൈര്യം കൊടുക്കുക.

ഓപ്പറേഷൻ തൂഫാന്റെ രണ്ടാം ഘട്ടം തദ്ദേശ സ്ഥാപനങ്ങളുമായി ചേർന്നാണ് എന്ന് കേട്ടു. അത് വളരെ ശരിയാണ്. ഓരോ വാർഡിലും, സ്കൂളിലും, ഇതിന്റെ പ്രവർത്തനങ്ങൾ വ്യാപിപ്പിക്കണം.

സമൂഹം എന്ന നിലയിൽ നമുക്ക് ചെയ്യാൻ പറ്റുന്ന കാര്യങ്ങൾ
DJ പാർട്ടി, ടൂറിസം എന്ന പേരിൽ നടക്കുന്ന ലഹരി വിൽപ്പന കണ്ടാൽ മിണ്ടാതിരിക്കരുത്. 112 ൽ വിളിച്ച് അറിയിക്കുക. നമ്മുടെ മിണ്ടാതിരിക്കലാണ് അവരുടെ ധൈര്യം. ചികിത്സയാണ് ശിക്ഷയല്ല:
ലഹരി ഉപയോഗിക്കുന്ന കുട്ടി ക്രിമിനൽ അല്ല, രോഗിയാണ്. തൂഫാൻ കെയർ പോലെ ഡി-അഡിക്ഷൻ സെന്ററുകൾ, കൗൺസിലിംഗ്, തിരിച്ചു ജീവിതത്തിലേക്ക് കൊണ്ടുവരൽ - അതാണ് വേണ്ടത്. അവരെ ഒറ്റപ്പെടുത്തരുത്.
എല്ലാവർക്കും നല്ലൊരു ദിനം ആശംസിക്കുന്നു 🥰

ഫോട്ടോ ai ആണ്

26/08/2026

🎉 Facebook recognised me for starting engaging conversations and producing inspiring content among my audience and peers!

26/08/2026

നിങ്ങളുടെ നാട്ടിലൊക്കെ ഞാലിപ്പൂവൻ പഴത്തിന് ഇപ്പോൾ എന്താ വില തിരുവനന്തപുരം കിലോ ₹120😇