Sivasamy Karthikeyan

14/09/2024

ஐந்து ஆண்டுகளுக்கு முன்னர் பதிவு செய்த தமிழகத்தின் அரிய தொன்மைக்காட்சிகள்.. Rare Collections of Tamil Nadu.. பல்வேறு கால கட்டங்களில், தமிழகத்தின் முக்கிய ஊர்களின் தொன்மைக்காட்சிகள்.. 14 படங்களின் தொகுப்பு..

பல்வேறு கால கட்டங்களில், தமிழகத்தின் முக்கிய ஊர்களின் தொன்மைக்காட்சிகள்.. 14 படங்களின் தொகுப்பு..

13/09/2024

நாளை, 14-09-2024 அன்று, தனது பத்தாவது பிறந்தநாளை கொண்டாடவிருக்கும், எங்கள் செல்லப்பேரன், வைபவை நண்பர்கள் வாழ்த்தியருள வேண்டுகின்றோம்.. நன்றி.. வணக்கம்..

12/09/2024

மதுரை மக்களுக்கு, இனிய புட்டுத் திருவிழா நல்வாழ்த்துக்கள்..

பெருகி வரும் வையை வெள்ளத்தை கரையடைக்க, பிட்டுக்கு மண் சுமந்து, திருவிளையாடல் புரிந்த, சிவநகர சுந்தரேசரின்.. லீலைகள்.. இணையத்தில் கிடைத்த படங்களின் மூலமாக, ஒரு சித்திரக் காட்சி..
பதிவின் பெருமைகள் அனைத்தும், படங்களை படைத்தோருக்கும்.. பகிர்ந்து கொண்டோருக்கும்..

12/09/2024

மதுரை மக்களுக்கு, இனிய புட்டுத் திருவிழா நல்வாழ்த்துக்கள்..

12/09/2024

பத்து ஆண்டுகளுக்கு முன்னர் பதிவு செய்த தொன்மதுரைக்காட்சிகள்..

மதுரை யானைக்கல்லின் மற்றுமொரு தொன்மைக் காட்சி..

யானைக்கல்,
அன்றைய தொன்மதுரையின், வடக்கு நுழைவு வாயில்.. வடக்கிலிருந்து மதுரைக்குள் நுழைவோரை வரவேற்கும் விதமாக அமைக்கப்பட்டுள்ளது..
தொன் மதுரையின், கோட்டையும், அகழிகளும், 1850களில், அகற்றப்பட்டு, சமப்படுத்தப்பட்டு, மாரட் வீதிகளும், வெளிவீதிகளும் உருவாக்கப்பட்ட பின்னர்.. மதுரையின் வடக்குக் கோட்டை நுழைவு வாயில் அமைந்திருந்த பகுதியில், கோட்டை அகற்றப்பட்டதன் நினைவாக, அப்போதைய மதுரையின் கலெக்டர், திரு. பிளாக்பர்ன், அவர்களால் நிறுவப்பட்டது..
சிதிலமடைந்து கிடந்த மஹால் ரங்க விலாசம் பகுதியில், இருந்த யானை சிலை இங்கு கொண்டு வந்து நிறுவப்பட்டது..
1870-களில், மதுரை நகராட்சியாக அறிவிக்கப்பட்ட பின், மதுரை மக்களின், குடிநீர் தேவைக்காக, யானைக்கல்லின் பின்புறத்தில், மிகப்பெரிய மேல்நிலை நீர்த்தேக்கம், அமைக்கப் பட்டிருக்கின்றது..
மின்சார வசதிகள் இல்லாத அந்தக் கால கட்டத்தில், நீராவி இயந்திரங்களைக் கொண்டு, வைகையாற்றிலிருந்து, தண்ணீர், ஏற்றப்பட்டிருக்கலாம்.
இந்த புகைப்படம், 1920களில் எடுக்கப்பட்டதாக இருக்கலாம்.. "தென்னிந்தியாவில் ஒரு நகரக்காட்சியும்-நந்தி சிலையும்" என்ற தலைப்பில், காணக்கிடைத்தது.. புகைப்படக்கரரின் பெயரோ, வேறு குறிப்புகளோ இல்லை.. தொன் மதுரையின் புகழ் வாழ்க..! இணையத்தில் இதை பதிவு செய்தவர்களுக்கும், இந்த அற்புத புகைப்படத்தை எடுத்த அந்த புகைப்பட கலைஞனுக்கும், நமது மனமார்ந்த நன்றிகளும், வந்தனங்களும்..

10/09/2024

மூன்று ஆண்டுகளுக்கு முன்னர் பதிவு செய்த அலங்காநல்லூர், ஸ்ரீ முனியாண்டி கோவிலின் புகைப்படங்கள்..

மதுரையின் சுற்றுப்புறக் கிராமங்களில், அலங்காநல்லூர் குறிப்பிட்டு கூறக்கூடிய முக்கியமான, பழமையான ஊராகும்.. மதுரையை தலைநகராகக்கொண்டு ஆண்டு வந்த நாயக்க மன்னர் காலங்களுக்கு முன்னர், மதுரை வைகையாற்றில் இறங்க, அழகர்கோவிலில் இருந்து தேனூருக்கு செல்லும், கள்ளழகப்பெருமாள் அலங்காநல்லூரில்தான் சிறப்பு அலங்காரங்கள் செய்விக்கப்படுவாராம்.. அந்த அலங்காநல்லூரின் காவல் தெய்வமாக விளங்குபவர், ஸ்ரீ முனியாண்டி சுவாமி.. நீண்ட நெடுங்காலமாக, அலங்காநல்லூர் மற்றும் சுற்றுப்புற கிராமங்களின் மக்கள் அனைவரும் போற்றி வணங்கும் சக்தி வாய்ந்த தெய்வம்..

ஸ்ரீ முனியாண்டி சுவாமியின் ஐம்பதாண்டுகளுக்கு முந்தைய படக்காட்சியும், கோவிலின் பல்வேறு சமயத்திய புகைப்படக்காட்சிகளும்..இணையத்தில் சேகரித்த படங்கள்.. ஸ்ரீ முனியாண்டி சுவாமியை வணங்குவோம்.. அருள் பெறுவோம்..