Bólstrun Þórhöllu

17/06/2026

Model 42 er einn þekktasti stóll danska húsgagnahönnuðarins Kai Kristiansen. Hann var hannaður á fimmta áratug síðustu aldar og er talinn eitt af táknmyndum danskrar húsgagnahönnunar. Einstaklega vel hannaður til að draga að borði og gefur auk þess létt og fágað yfirbragð. Bakið er ögn hreyfanlegt og fylgir vel líkamsstöðu notandans.
Viðurinn var hreinsaður upp og olíuborinn.
Leðrið er frá NEVOTEX og heitir “Vintage” og liturinn chocolate. Þetta leður er frekar “hrátt” og verður bara flottara með tímanum.
Það var glöð kona sem setti þessar gersemar í skottið og keyrði norður til Akureyrar

10/06/2026

Það bætist í “Egg körfuna” ……… hlakka til að segja ykkur söguna á bak við þetta eintak 🤗

22/04/2026

Barnum áklæðið frá kemur svo vel út á minna nýtískulegum stólum og þeim sem nýrri eru - margir litir og einnig til röndótt

08/04/2026

Annar Krysset sem kemur úr sömu stórfjölskyldunni, setti myndir af hinum fyrr á árinu. Fyrir margt löngu þótti “góð hugmynd” að pensla bæði leður og tréverk með Kjörvara - mæli ekki með 🥴 Nýtt skinn og sæti

02/04/2026

Tveir illa farnir Sindrastólar fengu ný skinn frá Svo falleg gæða lambaskinn frá þessu flotta fyrirtæki.

30/03/2026

Þetta er Höfðingi Gunnars H. Guðmundssonar (1922-2004) sem hann hannaði 1961. Hönnun og efnisval er stílhreint og jafnt hugsað inn á heimili sem og almannarými og stofnanir. Víða eru Höfðingjar sem þætti ekki verra að fá ný skinn. Í samvinnu við Epal höfum við skipt um skinn á allmörgum Höfðingjum upp á síðkastið.

24/02/2026

Alltaf jafn gaman að gera RR stól. Þessi fékk glæsilegt Camira ullaráklæði sem hæfir svo vel tíðaranda stólsins.

18/02/2026

Þessi gersemi fór heim í Borgarnes í dag.
Áklæðið Camira Revolution Reform REV06 er sterkt og gott ullaráklæði sem hæfir svo vel tíðaranda stólsins

14/02/2026

28/01/2026

Fyrsti stóllinn sem Hans J. Wegner hannaði fyrir Carl Hansen & Søn var CH22.
Þetta var fyrsta hönnun Wegners sem Carl Hansen framleiddi, og markaði upphafið að mjög löngu samstarfi þeirra. CH22 var aðeins framleiddur í stuttan tíma upphaflega. Það vakti mikla athygli þegar Carl Hansen setti hann aftur í framleiðslu árið 2016. Grindin er fögur smíð úr eik sem fær að njóta sín ómeðhöndluð í þessu eintaki. Við sápuþvoðum viðinn og var setan ofin að nýju úr pappírsgarni.