24/09/2026
Ostafyllt pull-apart brauð 🧀🔥
Dásamlega mjúkar og loftkenndar bollur, fylltar með bráðnum osti og bakaðar saman í 28 cm carbonstálpönnu.
Deig
* 300 ml volg mjólk
* 8–9 g þurrger
* 1½ msk. sykur
* 1 egg
* 60 g brætt smjör
* 1½ tsk. salt
* 520–570 g hveiti
* 8 g Optimax V2 bakstursensím, má sleppa
Fylling
* 350–400 g rifinn ostur, ég notaði mozzarella & Maribo blöndu
Hvítlaukssmjör
* 50 g smjör
* 2 hvítlauksrif, pressuð
* örlítið salt
* parmesan eftir smekk
Aðferð
Blandið volgri mjólk, geri og sykri saman og látið standa í um 5 mínútur. Bætið eggi, bræddu smjöri og salti saman við.
Blandið Optimax saman við hveitið ef það er notað. Bætið hveitinu smám saman út í og hnoðið í 8–10 mínútur. Deigið á að vera mjúkt og aðeins örlítið klístrað – passið að setja ekki of mikið hveiti.
Breiðið yfir og látið hefast þar til deigið hefur um það bil tvöfaldast, ca. 45–60 mínútur.
Skiptið deiginu í 14 jafna bita. Fletjið hvern bita aðeins út, setjið vel af osti í miðjuna og lokið deiginu vandlega utan um ostinn. Mótið í bollu.
Smyrjið 28 cm carbonstálpönnu létt og raðið bollunum í pönnuna með smá bili á milli. Breiðið yfir og látið hefast aftur í 20–30 mínútur.
Bakið við 190°C yfir- og undirhita í ca. 22–27 mínútur, þar til bollurnar eru fallega gullinbrúnar. Ef kjarnhiti er mældur er gott að miða við um 93–95°C í brauðinu.
Bræðið smjörið og blandið hvítlauk, steinselju og örlitlu salti saman við. Penslið heitar bollurnar með hvítlaukssmjörinu um leið og þær koma úr ofninum og stráið parmesan yfir.
Berið fram heitar og rífið í sundur – osturinn sér um restina. 🧀🤤
💡 Ég bakaði þær í 28 cm Kockums carbonstálpönnu. Carbonstálpannan hentar ekki bara til steikingar heldur er hún líka frábær í bakstur.
